الأمن الإلكتروني: نشر مقالات ع. عبد العاطي استغلال تراجي مصطفى وشوقي بدري ؟؟

02:29 PM November, 27 2016

سودانيز اون لاين
Elhadi-
مكتبتى
رابط مختصر

منقول :)

نشر التسجيلات الصوتية لخلافات تراجي مصطفى وصديق الموج :)

شوف مستوى التفكير..

بالله ده كلام ده

آمنت بالللللله..
ما هذا ؟
أعلام مخطط و مرسوم ومدبر..
تخريب فوق الوصف للواقع السودانى..
ثم تمرير سياستهم وأجندتهم..

نحمد الله ان يوم الانقاذ قد جاء..
وأنها تقف الان أمام لوحة المغادرة..
ثم الحساب الدقيق والشافى لعناصر الآمر..
حتى يرتاح السودانيون الذين ماتوا على يد وبسبب الانقاذ..
فى قبورهم على الآقل..

والله يا شباب م بحب احبط زول لكن م قاعد اثق في اي ورقة حايمة فيها ختم حتى شهادة ميلادي




تعديل كلمة احبط

أنا أصدق هذه الوثيقة يا أسامة..

ياهو مستوى تفكيرهم نفسو نفسو

وبعدين ما في زول فاضي عشان يكتب الكلام ده كلو

الهادي سلام ولضيوفك الكرام ..


حقيقة دا كلام غريييييييييييييب !!!
دا شنو دا ؟؟؟؟؟؟

الوثيقة دي مؤرخة في شهر فبراير الماضي ( شهر اتنين)...

وكل المكتوب فيها شفناهو حصل بي ضبانتو خلال الفترة الماضية من خلال المنتديات ووسائل التواصل الاجتماعي

حتى ( توزيع البوستات عن شجاعة وتواضع نميري :) دي برضو شفناها تكررت كثيراً

يكون مصادفة يعني ؟؟

الأخت منى عمسيب..

ده ياهو مستوى تفكيرهم يا أخت منى

والأسلوب الذي كتبت به هذه الوريقات أعلاه يجعلني على يقين تام أنها بالفعل صادرة عنهم ..

انتو قايلين الناس ديل شنو ؟ ما ياهم زي أخونا ود الباوقة ده واحد

(( دعم وتشجيع مناظرات الصوفية وأنصار السنة وتوجيه عناصرنا في اليوتيوب لنشر محاضرات محمد مصطفى عبد القادر ـ أبوبكر أداب ، مزمل فقيري

وأقوال أنصار السنة والسلفيين عن حرمة الخروج عن الحاكم، توزيع البوستات عن شيخ الأمين عمر الأمين، ضرب الصوفية بأنصار السنة وبدء النقاش مع وضد في توقيت واحد ))

ـــــــــــــــــــــ

حصل

كل الكلام المكتوب ده حصل .. يا هادي ..
في برمجة للشغل ده ..
الشغلة ما ماشيه بالعفوية التي يظنها البعض ..
ده شغل دولة ومؤسس لاحباط أي تحريك للشارع ..
وفيه سياسة ضرب الاحزاب والجماعات ببعضها البعض ..
حتى يخلو الجو لهم ليستأسدوا ويسودوا على الجميع ..

لكن سيحبط عملهم وسيجدون أنفسهم امام جهاد الكتروني مضاد ..
ممنهج ومدروس ومدرب وعارف هو بيعمل في شنو ..


ثورة .. ثورة حتى النصر ...

يعنى بوستات المسلمى والشعيل والزبير عن الجمهوريين
من نتائج هذا التوجيه. هذه البوستات كشفت للناس سؤهم ولم تؤدى لشئ
غير المزيد من المتعاطفين والمزيد من الاحترام للاستاذ محمود والجمهوريين.
يبدو انهم مشغولين بالاستاذ محمود والجمهوريين فاعطوهم الأولوية فى توجيهاتهم

صحيح يا دكتور أحمد الحسين..

ومعناتو برضو كل الذين ذكرتهم أعلاه وربما غيرهم هم من ( عناصرنا) المذكورين في البيان الذي يقول بـ : توجيه عناصرنا..

دي بالثابتة دي، وأصلاً ما اعتقد في زول نصيح كان عندو شك في الحكاية دي

Quote: كل الكلام المكتوب ده حصل .. يا هادي .. في برمجة للشغل ده .. الشغلة ما ماشيه بالعفوية التي يظنها البعض ..

أيوة يا أخ جمال.. كل الكلام المكتوب ده حصل وبالحرف

كان هنا في سودانيز أونلاين أو في الفيسبوك أو في اليوتيوب وفي كل المواقع والمنتديات.. المكتوب ده طبق حرفياً، عشان كده أنا لمن قريت الكلام ده أصلاً لم يساورني أدنى شك في هذه الوثيقة

وبعدين لمن بدأت تراجي مصطفى تنشر في تسجيلاتها العاملة كيف كيف ديك كان واضح تماماً انها جاية من جهاز الأمن أو بتعليمات منو

وما افتكر ابدأ انو كان في زول عندو شك في الموضوع ده

راجعوا بوستات الكيزان في المنبر ستجدوها كلها موجهة حسب تعليمات جهاز الامن

كيف حالك أخ حيدر ..

والله حتى بدون مراجعة أنا بتذكر كويس جداً ..
الكلام ده حاصل ..
لكن مشكلتنا اننا بنتعامل بعفوية مع هذا النظام ..
الذي حشر أنفه في ابجديات وتفاصيل حياة الناس ..
وأنا قبل كده قلت وروني أي حتة في حايتنا دي الكيزان خلوها ..
أي شي تدخلوا فيه ..
هذه إعادة صياغة الانسان السوداني القالوها ذاااتا ..
لكن هيهات لقد أفل نجم نظامهم ..
الذي أجاع الشعب السوداني وأذله .. وسرق مقدراته وثروته ..
وجعله يتكفف الناس ..
الناس ما لاقية تاكل يشهد الله ..
وكثير من الأسر بيساعدوهم جيرانهم بالأكل ..
وده عن تجارب ومعرفة تامة ..
الناس بقت تبحث عن ما يسد رمقها .. سيبك من كماليات المعيشة ..
الأكل الواحد ده .. فطور .. غداء .. عشاء .. الناس ما عندهم ..
ووالله في ناس بتاكل وجبة واحدة في اليوم ..
وماقادرين يشتروا سكر وشاي ولبن لصغارهم ..
عليك الله دي عيشة يعيشوها الناس ..
الله المستعان ..

سلام عليكم
كون المكتوب فيها طبق بحذافيره أدعى للشك في كون المذكرة مفبركة فعلى طريقة تسريبات ريفز لمحاضر الإجتماعات المزعومة كتبت بعد وقوع الأحداث لذا كان الحصر دقيق بهذا الشكل
و اضف اللخبطة في التاريخ الهجري و الميلادي فيوم 14 فبراير يوافق يوم 5 حسب التقويم لا يوم 6

سلامات ود البشرى
ملاحظة في محلها
محرر الوثيقة نفسه ممكن يرتكب الخطاء ده
لا اعتقد هناك فبركة..

هو احتمال من ضمن احتمالات عديدة يا حيدر
الناس تخته في بالها قبل التسليم الكامل بما يبدو أنه الحقيقة

سلام يا محمد البشرى..

لو كنا نستطيع فبركة الوثائق بمثل هذه الدقة والتفصيل في المحتوى ما كان الانقاذ قعدت قدر ده كلو

الأوراق ما في شك انها حقيقية وصادرة من جهاز الأمن

وكل الذي قالت به الوثيقة تم تنفيذه حرفياً ، والشواهد أكثر من أن تحصى

ما هو المشككني يا الهادي هو الدقة و التفصيل دا
تخيل معي اجتماع يضع عدد من النقاط لازالت في رحم الغيب و تقوم هذه النقاط تنفذ مائة بالمائة ودون حتى هامش خطأ طبيعي - سوداني - واحد في المية
قارن مع شخص قاعد يكتب عن احداث هي بالنسبة له تاريخ حدثت وانقضت من السهل رصدها كما جرت بالضبط و بكل الدقة الممكنة ثم صياغتها كخطة عمل, اي الإحتمالين أسهل؟
وطبعا شغل تزوير التراويس و الأختام صار اسهل من شربة ماء على مفبركاتية الأسافير

عموما زي ما قلت لحيدر هي احتمالات لا تستطيع ان تجزم بصحة احدها و الشواهد التي يطمئن لها قلب المتلقي تساعده على الإختيار و طبيعي تختلف القراءة من شخص لآخر

ألاخ الفاضل دكتور أحمد الحسين...


والمزيد من الاحترام للاستاذ محمود والجمهوريين.
...

و الله العظيم الاستاذ محمود محمد طه من أكثر الشخصيات الدينية السياسية أحتراما فى السودان..
و لا يهم أن نتفق معه..
يكفى فقط التزامة بأفكاره وشجاعته وصدقه فى تبليغ رسالته التى أعدم من أجلها..
و قد تقدم الى المقصلة وهو مرفوع الرأس..
كأنه رأى مقعده فى الجنة...
أما الآخوات والاخوة فى الحزب الجمهورى...
فهم ايضا مضرب مثل فى الالتزام بأفكارهم ومبادئهم وأحترام السودان والسودانيين..
( دا حزب محترم لعضوية شديدة الاحترام )...
...

ك..لا..ب الآمن ما عندها موضوع..

حكومة الديكتاتور السفاح البشير
عندها هدف أساسي ومهم هو البقاء علي السلطة
والوسيلة المثلي في هذا المنحي هي :
إبقاء المعارضة مفتته ومتناقضة ومتشاكسة
والوثيقة مزورة أم حقيقية
تخدم هذا الهدف تماما

فيا شعب السودان ومثقفيه
فلتناسي ولو مؤقتا خلافاتنا الفكرية والثقافية والسياسية
ونركز علي الأساسي والمهم والعاجل:
أسقاط سلطة السفاح البشير
والتي حرمتنا الكلام والتعليم والعلاج وحتي لقمة العيش

الأيام القادمة عصيبة
ومهمة وخطيرة
فيا شعب وشعوب السودان
من أنصار وختمية وجمهوريين وشيوعيين وبعث ومستقلين
أنصار سنة وأنصار شريعة وسلفيين وصوفيين
مسلمين ومسيحيين وأتباع ديانات أفريقية ولا دينين
افارقة وعرب وبجا ونوبة وزنوج
في المدن والقري
في المراكز والأطراف
فقراء وأغنياء
متعلمين وأميين

ركزوا في الأساسي:
أسقاط الديكتاتورية
وبعدها وبسقوطها
ينفتح أفق لا محدود من الحريات
وينشأ جو معافي للإختلاف او الإتفاق
ولتطوير الحوار في الشأن السوداني

أسقطوا الديكتاتورية لصحة أبدانكم وعقولكم وثقافتكم
ولأجل الأجيال القادمة
بل
لنفتح باب المستقبل مرة وللأبد

المجد لكم يا شعب السودان المبدع العبقري البطل
قاهر الطغاة وداحر الديكتاتوريات

تحياتي الأخت نور تاور، والأخ نصر

اتخيل لي الوثيقة تعطي ولأول مرة تعريفاً شاملاً كافياً ووافياً لمعنى ( الجدادة الإلكترونية )

لو لقيتو أي واحد في أسافير الله دي بتناقش في البنود من واحد لعشرة بالمفهوم الذي ورد في هذه الوثيقة الأمنية :

فهو وبلا أدنى شك :

جــــــــــدادة إلكترونيـــــــــــة وليها ضل كمان

سلام مربع

هذه الوثيقة .. إذا فرضنا صحتها وهذا هو الأرجح .. لماذا أرادوا لها أن تتسرب فقطعاً هي لم تتسرب غصبا عنهم

أرادوا لها النشر والتسريب حينما رأوا لا تثريب في الأمر أن تتسرب

هذا من أجل إيقاع الفتن بين أطراف المعارضة

فهل نعي ما يفعلون!

ثانياً قد يكونوا كتبوها بعد أن جرت كل تلك الأحداث بعفوية ليثبتوا أنهم مخططون جيدون


مع تحياتي

عاصم فقيري

سلام يا عاصم
سلام صاحب البوست

بغض النظر عن صحة الوثيقة من عدمها فهى تحاول ان تقدم مصوغات واضفاء مشروعية على نظرية الموامرة
فى قضايا فكرية وسياسية مهمة .. الخلافات بين الجمهوريين والسلفيين مشروع تنوير وكذلك خلافات المرحوم الخاتم مع حزبه السابق وكتابات عادل عبد العاطى ..
القضيه ليست فى الحوار حول قضايا التنوير الاساسية وضروره قفلها على اعتبار ان اثارتها يعتبر رجس من عمل الانقاذ ..
اللالتزام بادب الحوار بعيدا عن الجلافة incivility هو الذى يستحق منا وقفه ومراجعه وليس طرح القضايا
ذات الطابع الفكرى

مخطىء اذن قلم الامن ولو صدق

اتفق معك طلعت


مع وافر تحياتي واحترامي

عاصم فقيري

شلوم ياخلق،

رجاءا اعملو حسابكم!

كونو كلاب الامن استخدمو كلام منشور فهذا لايعني انو امثال شوقي بدري وعبدالعاطي، عناصر امن!

ده كلام غلط او عيب بالذات في اللحظة دي، او مابعيد يكون مدسوس لتفجير معارك فيما بينا في الاسافير ده ما وكتو!

ده وكت اعتصام، فصومو عن الكلام الزي ده!

في ظرف تاني مافي مشكلة، بس ما الان، رجاءا!!

.........أيا كان هدف هذا الخط الإعلامي الخبيث لجهاز فلايوجد عاقل يمكن أن يطعن أو يشك في إستقامة الأستاذ الخاتم عدلان ـ إجندة ومنطلقات الخاتم في نقده لحزبه السابقة ـ تختلف جوهريا ونوعيا عن المرامي الخبيثة لجهاز الأمن الذي سعي ويسعي لتوظيف كلام الخاتم لتحقيق أجندة الإنقاذ والتي تتعارض كليا مع رؤي الخاتم وحزبه السابق ونفس الشي يقال وبدقة عن عن خلاف الدكتور الشفيع وقيادة حزبه السابق ! ** ومن ناحية أخري تؤكد الوثائق وبجلاء أن الحملة المنظمة تجاه الأستاذ محمود والفكرة الجمهورية ـ كان يتصدرها جهاز الأمن والسلفية المكوزنة أو قل عناصر الأمن والإنقاذ التي تدعي إنها سلفية ! * وفوق هذا تكشف الوثائق أن جانبا من المعارك بين الصوفية والسلفية ـ لايقف خلفه العداء التقليدي وحسب وإنما أيضا نار يشعلها جهار الأمن بواسطة عناصره المندسة هنا أوهناك *الشاهد في هذا أن هناك معارك وصراعات ـ مفتعلة ومطبوخة بين كثيرا من الأطراف الغرض منه اشغل الناس عن معركتهم الأساسية ضد النظام ! * يجب تفويت الفرصة علي جهاز الأمن والسلطة الغاشمة وعدم التجاوب مع كوادرها ـ التي تقوم بمهام مرسومة كإعادة تدوير كتابة لكاتب وطني ويلقونها كطعم يتلقفه البعض منفذا وبلاوعي أجندة النظام! .........

كلام محمد البشرى الخضر اعلاه من نوع الكلام الواحد ما بحب يسمعو.. لانو كلام مر.. رغم انو مقعد ومنطقى وقد يكون صحيح.
الوثيقة المنشورة دى يا Elhadi ممكن تكون صحيحة وممكن جدا ما تكون.. تكون مثلا كتابة بعدية من جهة ما لغرض ما (سواء كان نبيل او غيرو)
.بس الاكيد جدا فى تقديرى..انو "سوم وايا " هناك وثيقة ما .. صحيحة ومختومة باختام اصلية وتتضمن نفس المضمون...
لانو ذى ما هو معروف وبتفهم من كلام ود القوز ..النظام دا بخطط لاى شى.
الوثيقة الاصلية الاحنا بنقول بوجودها -سواء كانت المنشورة دى او غيرها- اكيد فيها توجيهات من الرائد عكرمة او اى واحد تانى من ناس االامن الالكترونى بيامروا فيها ناسهم عشان يعملوا حاجات ذى الفى الوثيقة دى؟
مافى دهشة.. ومافى داعى- فى المرحلة دى تحديدا- للوقوف عند موضوع اصالة الوثيقة او تزويرها الانصرافى .

.....
المعارضة -حتى فى سنوات ضعفها الطويلة - ما اظنها كانت نايمة على اضانها...اكيد كانت وما زالت شايفة شغل االجداد الالكترونى وشغالة لتعطيل مفعولو

الهادي..حبابك
وحباب ضيوفك هنا..
الأمن الإلكتروني ، مفهوم ذي حدين: يعني مثلما الحكومة عندها أمن الكتروني ، الأخرين ايضا عندهم امنهم الإلكتروني الخاص الذي يحاول ان يروج البروباقندا التي تخصهم..!

02:29 PM November, 27 2016

هذا هو زمن وتاريخ هذا الخيط ، وليس في ذلك مشكلة..

المشكلة وين؟..

بعد اربعة وعشرين دقيقة كتب الهادي (صاحب البوست) خيطا اخر عنوانه:

Quote: الأخ ياسرعرمان رسالة في كلمتين فقط

اول مداخلة وزمنها وتاريخها:
02:53 PM November, 27 2016

Quote: الشعب ده عاوز قيادة في هذا الوقت يا ياسر

طبعا الكلام ده والعصيان في الخرطوم لم يكمل الساعة التاسعة من عمره..!

واذا كان الأمن الإلكتروني لبعض الجهات يتخوف من عادل عبد العاطي ، فعادل اقرب لنبض الجماهير والشارع من السيد ياسر عرمان..
وكمواطن سوداني افضل ان يستفيد من جهدي في المعارضة والعصيان المدني امثال عادل عبد العاطي وليس ياسر عرمان ،
فياسر عرمان والحركة الشعبية وغيرهم اكثر خطرا على مستقبل السودان الفضل من عادل عبد العاطي..!

تراجي اسمها محشور يا ود البشرى تمامة عدد ساكت وقرصة خفيفة ، ولو مكضبني شوف اشغال تراجي الأخيرة في حق ياسر عرمان وقطاع الشمال..!

اما المحيرني بالجد هو اقحام اسم استاذنا شوقي بدري؟..بالطبع الشباب الحايم في السودان يقرأ مقالات شوقي بدري بشغف ..لكن كما ما قدر ده..!
يعني نظام شوقي بدري في اعراف البعض (الغريبة غير الحيكومة) في القائمة السوداء..

ياترى كم واحد عبر بهذا الخيط واتخم بشغل بروباقندا الأمن الإلكتروني الآخر؟..

التحية لصديقي عادل عبد العاطي ..

كبر

الاخ الهادي وضيوفك الكرام

،هذه الوثيقة مضروبة فبركها قلم سيء الطوية يريد ان يكيد لتراجي مصطفى وشوقي بدري وعادل محمد عبد العاطي
الراجح ان يكون المفبرك ستاليني اضمر الحقد على الثلاثة بسبب
نقدهم للحزب الشيوعي.

إذا كانت هذه الوثيقة المزورة، فهذا أسوأ من كونها أصلية وصدرت فعلا. فعدم صدور هذه الوثيقة يعني أن العناصر المذكورة وصلت مرحلة من إتقان عملها لا تحتاج معها إلى تعليمات (كحال المرحوم محمدية مع الكمان عندما يتعلق الأمر بعزف الأغاني السودانية: لا يحتاج إلى نوتة. وطبعا لا قياس مع الفارق). أما إذا كانت الوثيقة أصلية فهذا يعني أن هذه العناصر تعمل وفقا للتعليمات وليس بالضرورة عن قناعة - أكل عيش - وقد يكون هناك بصيص أمل فيها مستقبلا. وإذا كان ما ورد في المذكرة قد وقع فعلا، فإننا أمام أمرين أحلاهما مر.

الاخوة الأكارم..

عاصم فقيري، بشاشا وعثمان محمد صالح.. واللذين أجدني على تفهم كامل لدواعي مداخلاتهم..

المدعوة تراجي مصطفى يستغلها جهاز الأمن، وهي تلعب لصالح الأمن وهي تعلم بذلك جيداً وتنفذ مخططاتهم بوعي وإدراك كامليين،..

وقد تكون مضت وتعمقت في هذا الطريق الشائك بما يتجاوز موضوع التسجيلات الصوتية والإساءة لهذا الطرف أو ذاك من نشطاء المعارضة السودانية !

أما بخصوص الأخ عادل عبد العاطي، فلا أحد يتهم عادل عبد العاطي بشيء..

وورود اسم الاخ عادل عبد العاطي قد لا يقدح في مصداقية الوثيقة بشيء بقدر ما يمثل نوع من اللعب على واستغلال التناقضات القائمة بين البعض من أطراف و نشطاء المعارضة السودانية

السؤال ما هو الهدف ؟
إن كان الهدف هو شق الصفوف وإثارة البلبلة وتدوير النقاش لمواضيع انصرافية فالوثيقة إن كانت صحيحة أو غير صحيحة سارت في خط الهدف.

السؤال ما هو الهدف ؟
إن كان الهدف هو شق الصفوف وإثارة البلبلة وتدوير النقاش لمواضيع انصرافية فالوثيقة إن كانت صحيحة أو غير صحيحة سارت في خط الهدف.

,,,,, صحة الوثيقة لاتعني إطلاقا أن هناك إي علاقة بين شوقي بدري أو ع عبد العاطي أو الشفيع إو الخاتم
بجهاز الأمن ! وإنما تعني أن جهاز الأمن وظف كتابات ونقد هولاء ـ لأطراف أخري ـ وظفه لضرب الأطراف الأخري
وإستخدامه سلاح لتصفية الحسابات معهم والشوشرة وشغل الناس بمعارك إنصرافية تشغلهم عن صراعهم مع الإنقاذ !
* ماقام به الهادي هنا وكل من كشفوا
عن هذه الوثيقة هام وحيوي بل وضرورة هامة ـ للتنبيهودق الأجراس وكشف مخططات السلطة وجهاز أمنها !،،،،،،
،،،
** وها نحن الآن نتعرف وبدقة علي صحة الوثيقة وعلي مخطط جهاز الأمن فهاهي الآن عناصر بدأت تلعب الدور المشبوهة ب
وعي وتناغم مع الجهاز ـ بدأت تفارق البيات الشتوي أو تفارق الحياد والتسربل بالوطنية وتقوم بالتشويش والمعارك الإنصرافية
والدفاع عن أجندة السلطة نيابة عن كوادر الإنقاذ المكشوفة والمحروقة ! ،،،،،،،،،,,

جهاز الأمن دة يا كافي البلاء ما عنده "كنبة" يعملوا ليه شغله و يعرفوا يكتبوا براهم؟ و لازول مفكر جيد يستآجروه؟
يعني شغالي "عتالة" يشيلو كلام دة يضروب بيه دة؟ :
) :) بلدة بشكل فاجع :(