|
Re: عرضحال البت النخيل ضد البلد وآخرين (Re: Abdalla Gaafar)
|
إحباط ضد الإحباط أو وجع التناقض من كتر تعب انتظار الجاي من آهة غضب
ضد الهزائم كان بكا زينب وكت رسمت علي كراسة الأطفال أرض بس ضد قوانين الطبيعة الأرض كانت مايلة مليون ميل مربع ضد احتمالات الفرح وضد الشمس كانت مسورة بالضلام ضد اتجاه الانحدار رسمت دموع زينب ضفاف النيل جرح ضد العشق ممدود علي ضهر الأرض والموج دموع خط النزيف من المنابع للمصب ضد الرجوع ضد المراسم كان دخول زينب شموع ضد الظلم كان انتظار باكر علي تعب الأرض كبة دموع ضد المرابين والحكم زيف الخوازيق الضلال عكس المقابر والبنابر برلمان ضد الحلم والناس علي كتف الزمن متكية ضد الانتباه نوم الهلاويس والرغيف ضد المنام ضد المظالم كان وقاف زينب علي قيف الجرح لحظة غبن ضد المحن رسمت عيون زينب خطوط اللوحة ضد الانتظار وضد الحزن كتبت علي اللوحة الملونة بالغبن كلمة وطن ضد الوطن
|
|
|
|
|
|
|
|
|