|
Re: الروبوت الخطير والزراعة بالتسطير (Re: حاتم إبراهيم)
|
Quote: يازول ما تهيج، الهندسة كمان فيها غلاط؟ بيانات البطارية لو سمحت، بدون كوراك. |
يا حاتم على العكس تماماً إنت الهايج وأنا بتكلم معاك بالمنطق الهندسي .. الهندسة دي (بيان بالعمل ولا كيف)؟؟ أنا قدمت ليك عرض جميل واظنو فرصة كويسة ليك تثبت إني زول كضاب ساي .. تعال يا ولدنا بي نفسك (ونكرمك والله ونشيلك في راسنا) بي عمايلك الشينة البتعمل فيها دي لكن بعد ما ترجع البورد بنديك بالحتة الفيها الحديدة .. تعال بي نفسك وشوف هل الجهاز ممكن يشتغل بالبطارية فقط ولا بالكهرباء العامة زي ما بتقول إنت .. وإنت برضو قلت الجهاز تقيل ووزنو ما محسوب والدرون ما بتقدر تقلع بيهو عشان كده نحنا فرغناهو من محتويات أساسية وخلينا الخراطيش والكبابي جدا يا مان تعال لينا ونركب ليك الجهاز بي كل مكوناتو بعد ما تقول اوكي نركبو ليك في الدرون ونطيرها ليك .. الغلاط تاني لزومو شنو ؟؟ بعدين أنا عفيتك وأديتك عرض مريح جداً .. ما عندك طريقة تجي رسل لينا زول (يمثلك) بس تعال أدينا موافقة مبدئية بالتحدي ده وأنا والله بكون أسعد زول بالموضوع ده لأنو حا يحسم النقة الكتيرة بتاعة البوست ده ثم إنو والله البطاريات دي أديك ليها عن بكرة أبيها وأمها زاتو تقرأ مواصفاتها بي راحتك إنت أو من ينوب عنك .. وأديك الأوتوبايلوت والإمبدد سيستم تشوفهم بي عينك وأخليك تطلع على كل التفاصيل وبالمناسبة ما حصل ورينا زول قبل كده التفاصيل الدقيقة دي .. شرطي واضح .. الحاجة دي تتوثق وتترفع هنا في سودانيز أونلاين والزول الكضاب فينا يفتح بوست ويعتذر عن الإساءة المتعمدة ويعترف بي جهلو وتاني ما يكرر الحاجة دي .. عليك الله رد لي سريع لأنو زمني ضيق وأنا على سفر .. أنا في إنتظارك يا باشمهندس عشان نكسب زمنا وما نقعد نتغالط كده .. الناس دي زهجت من الموضوع ده
| |
|
|
|
|
|
|
Re: الروبوت الخطير والزراعة بالتسطير (Re: حاتم إبراهيم)
|
ســـــؤال لمحمد هاشــم أبو زيد:
هل أنت متأكد أن التخزين فى المينفريم على نظام الهيكساديسمال؟ لاحظ أن الســؤال هنا ليس عن الداتا فورمات انما عن طريقة التخزين.
ما كان بالود أن نرى هذا الموضوع يمتد لكل هذا الطول دون أن يلوح فى الأفق حدا لنهايته.....
| |
|
|
|
|
|
|
Re: الروبوت الخطير والزراعة بالتسطير (Re: Osama Siddig)
|
Quote: ما كان بالود أن نرى هذا الموضوع يمتد لكل هذا الطول دون أن يلوح فى الأفق حدا لنهايته..... |
سلام يا هندسة وصباحاتك بيضاء .. بالفعل مافي داعي الموضوع يجر قدر ده والموضوع بسيط جداً .. عرضنا على حاتم يجينا أو يرسل زول بيمثلو وفي نقطتين جوهريات بيحسمو النقاش ده كلو والكضاب فينا حا يظهر يا فشلنا في النقطتين ديل بالتالي نحنا كذابين وانا والله بفتح بوست هنا بعتذر لي حاتم وليكم إنتو بإننا ناس كضابين وغشيناكم يا نفذنا وعدنا وحاتم يجي يفتح بوست يعتذر لينا ويعترف بي جهلو بخصوص مشروعنا ده ، عفيناهو من الجهل العام نحن ما بنلخبط الكيمان ويتعهد إنو ما يعمل كده تاني (التحليل بالنظر) .. عرضنا عليهو نسلمو (أو من ينوب عنو) كل القطع الإلكترونية والدوائر والبطاريات بأنواعها يقرأ مواصفاتها بي راحتو .. تاني نسوي ليهو شنو ؟؟ أها يا حاتم الناس دي وصلت مرحلة والغلاط بقا ممل خلينا نحسم البوست ده هدانا الله وإياك
| |
|
|
|
|
|
|
Re: الروبوت الخطير والزراعة بالتسطير (Re: حاتم إبراهيم)
|
Quote: عيب عليك انت زول كبير كده تقعد تلف وتدور ، أنا الليلة عايز أحسم الفوضى دي |
بس أنا ما طلبت ألعب معاكم درون درون | كبير عليك يعني ولا انت صغير على المواجهة؟
فمافي داعي مرة تكورك (وا إسلاماه) ومرة (الشبح سكاني) ومرة تغني لينا (المعاي من الروضة) _______ قليل من التعقل لا يضر، ناقش باحترافية. |
| |
|
|
|
|
|
|
Re: الروبوت الخطير والزراعة بالتسطير (Re: حاتم إبراهيم)
|
Quote: ســـــؤال لمحمد هاشــم أبو زيد:
هل أنت متأكد أن التخزين فى المينفريم على نظام الهيكساديسمال؟ لاحظ أن الســؤال هنا ليس عن الداتا فورمات انما عن طريقة التخزين.
ما كان بالود أن نرى هذا الموضوع يمتد لكل هذا الطول دون أن يلوح فى الأفق حدا لنهايته..... |
| |
|
|
|
|
|
|
Re: الروبوت الخطير والزراعة بالتسطير (Re: حاتم إبراهيم)
|
Quote: الموضوع دا أساساً مكرر، وما حينتهي طالماً أخونا محمد محتار مصر يقنعنا بأنو السيلوتيب ضروري للطائرات. |
مع إنو ده ما كلام يردو عليهو لكن حأصبر عليك يا حاتم عسى ولعل نحسم موضوع البوست ده بي أدلة قاطعة .. ماذا تقول بخصوص العرض القدمتو ليك ؟؟ أعتقد ده ممكن برضو يحسم ليك موضوع السولوتيب .. أنا في إنتظارك
| |
|
|
|
|
|
|
Re: الروبوت الخطير والزراعة بالتسطير (Re: محمد عبدالله مختار)
|
Quote: فمافي داعي مرة تكورك (وا إسلاماه) ومرة (الشبح سكاني) ومرة تغني لينا (المعاي من الروضة) |
مافي مشكلة يا حاتم .. أنا موافق بس إنت وافق لي على العرض البسيط القدمتو ليك وأكون شاكر ليك جداً .. مش بيقولو السيف أصدق أنباء من الكتب؟ عايزين ننتقل للبيان بالعمل ، النظري ده تعبنا منو .. أنا حأصبر على أي هرجلة بتعملها لأني مركز على الحاجة الممكن تحسم البوست (الشخصي) ده تقبل العرض القدمتو ليك ونفتح بوست خاص بالموضوع ده والناس يتابعو .. الحاجات موثقة من طرفنا ومن طرفك أو من من ينوب عنك والفيديوهات تترفع هنا في سودانيز أونلاين وتتطبق الشروط العرضتها عليك نحنا عندنا قسم بتاع ميديا برودكشن توثيقنا حيكون أقل حاجة بي 3 كاميرات عشان مافي زول يفرفر .. أنا في إنتظارك يا باشمهندس
| |
|
|
|
|
|
|
Re: الروبوت الخطير والزراعة بالتسطير (Re: حاتم إبراهيم)
|
Quote: بالفعل مافي داعي الموضوع يجر قدر ده والموضوع بسيط جداً .. +++ عرضنا عليهو نسلمو (أو من ينوب عنو) كل القطع الإلكترونية والدوائر والبطاريات بأنواعها يقرأ مواصفاتها بي راحتو .. تاني نسوي ليهو شنو ؟؟ +++ أها يا حاتم الناس دي وصلت مرحلة والغلاط بقا ممل خلينا نحسم البوست ده هدانا الله وإياك +++ النوع الأول جهاز يقوم بالزراعة الآلية من السماء Automated Cultivation ، في نفس الوقت يمكن استخدامه للإستشعار عن بعد حيث يقوم برصد الطيف القريب من الأشعة تحت الحمراء ومن ثم نقوم بتطبيق تقنيات Normalized Difference Vegetation Index NDVI للتحليل وإستخراج النتائج .. الحمولة الذكية الاخرى عبارة عن روبوت زراعي يقوم بأخذ عينات من التربة أو من النباتات لإرسالها الى المعامل لتحليلها وله القدرة على مكافحة الآفات في نطاق محدود |
كلها حنشوفا هنا | فعلاً الموضوع بسيط جداً، لدرجة إنو قطعة سيلوتيب كانت كافية. ومافي أرقام، أنا أجيك تفرجني على طيارة درون وبندقية قاذفة للبذور ولا تقدم أرقام وبيانات عشان نحللها هندسياً؟ +++ القطع الإلكترونية دي ما عندها أسماء وبيانات ولا إلا بالنظر وتسليم وتسلم؟ +++ هو دا ما غلاط إلا لما انت قررت إنو تعليق الدرون بالسيلوتيب دا (اختبار الشجرة)، دا عجز منك في تقديم رد مقنع، لو ما قادر تتكلم بأسلوب هندسي دي بنتفهما، بس كمان قراية الأرقام ما دايرة أسلوب. +++ حسب علمي جهاز اللواء عبد العاطي بدأ بنفس الطريقة. أريل بيصور الجسم من برة ويكتشف أربعة أنواع من الفيروسات ويكافحها. _______ أظن سموه جهاز الكفتة. |
| |
|
|
|
|
|
|
Re: الروبوت الخطير والزراعة بالتسطير (Re: حاتم إبراهيم)
|
Quote: Haitham M Muzzammil · English Instructor في International academy for Health Sciences عفارم عليك يا هندسه وريه الطفا النور منو أعجبني · رد · 1 · 25 يوليو، 2016 04:00 ص
|
Quote: Essam Absher شكرا استاذ حاتم ابراهيم لـ كشفك للحقائق ... واخراسك لكل طائر ومُغرد فاكينها فينا " نحن العوام " فـ شنو تجدهم يتخبطون ويتلولون عن نفسي وكدا ... اسمك حاتم اسمك جرجس ، ذكر كنت ام .... لايهمني في شي ولا اجد سبب وجيه للذين ـ العاجزين ـ يطالبونك ـ افصاح ـ بوح ـ الخ نحن " شخصي " تهمني المعلومة ان كان بها خطأ او من قوقل فـ يأتوا بها بضبانتها لكنني اجدهم ـ اراهم ـ حتى في هذه فاشلين وعاجزين ... فـ طقطقهم على قدر ما تقدر . ـــــــــــــــــــــــــــــــــــــــــــــــــــــــــــــــــــــــــــــــ استاذ محمد عبدالله مختار ـ نشكرك على الاجتهاد ـ كما "خجلنا" لك بالنيابة على موضوع السولوتيب (كبيرة والله) وتبريركم واهي ـ ربما كل المشروع كذبة ـ مين عارف؟! ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ اخي "محجوب علي" اشكرك . أعجبني · رد · 1 · 25 يوليو، 2016 02:41 مساءً
|
Quote: Haitham M Muzzammil · English Instructor في International academy for Health Sciences ياباشمهندس ياخطير ياالاسمك حاتم الكلام دا واضح الشفت دا حت ليك الاتو بطل نقه وامشي يوريك شغلو او اكسر الحنك ونعتبر النتيجه قوووون مغربيه
|
Quote: Haitham M Muzzammil · English Instructor في International academy for Health Sciences عليك الله ياباشمهندس صورو لينا وهو بيقول انا كائن جوجولي سمج خخخخخخخخخخخخ أعجبني · رد · 36 دقيقة
|
| |
|
|
|
|
|
|
Re: الروبوت الخطير والزراعة بالتسطير (Re: حاتم إبراهيم)
|
Quote: القطع الإلكترونية دي ما عندها أسماء وبيانات ولا إلا بالنظر وتسليم وتسلم؟ |
نحنا في العادة ما بنكشف التكنولوجيا المستخدمنها شنو ، دي أسرار عمل لكن معا كده أنا مقدم ليك إستثناء والله ما حصل عملناهو لي زول تجي بي نفسك (أو من ينوب عنك) وتشوف كل الدوائر الإلكترونية ، القيمبال ودوائر التحكم ، أنظمة الملاحة والطيار الآلي ، الإمبدد سيستم ، الموتورات والروترس والإسك ، الإير فريم والتيليمتري ، اجهزة التحكم الخاصة بالفلابس والرادرس بالنسبة للفكسد وينق ، منظومة الأف بي في وغيرها كتير .. نسوي ليك تاني شنو أكتر من كده يا حاتم .. أرجو الموافقة على العرض لحسم موضوع هذا البوست .. أنا في الإنتظار
| |
|
|
|
|
|
|
Re: الروبوت الخطير والزراعة بالتسطير (Re: حاتم إبراهيم)
|
Quote: نحنا في العادة ما بنكشف التكنولوجيا المستخدمنها شنو ، دي أسرار عمل لكن معا كده أنا مقدم ليك إستثناء والله ما حصل عملناهو لي زول تجي بي نفسك (أو من ينوب عنك) وتشوف كل الدوائر الإلكترونية ، القيمبال ودوائر التحكم ، أنظمة الملاحة والطيار الآلي ، الإمبدد سيستم ، الموتورات والروترس والإسك ، الإير فريم والتيليمتري ، اجهزة التحكم الخاصة بالفلابس والرادرس بالنسبة للفكسد وينق ، منظومة الأف بي في وغيرها كتير .. +++ أنا من اللحظة دي وقفت الهزار والكلام الهزلي عشان حاتم ما يتحجج بيها ، الوشوش الخدرا زاتا وقفتها من هنا ولي قدام الموضوع جادي وأنا حريص جداً على حسم الموضوع ده ويكون كلو شئ (موثق) |
أهااا، أسرار تكنولوجية، الجير الضيق الأوضة | ما زمان قلنا خلو الهندسة دي وأدونا إجابات بسيطة، أبقى جادي وأدينا إجابات جادة دي مافيها أي أسرار:
- جربتوه في الحقل، يعني زرع 100 ولا 200 بذرة؟
- حسبتوا جدواه الفنية، يعني أرخص من السلوكة والتركتر؟
- حسبتوا جدواه العملية للهدف المعلن، يعني بيزرع صاح؟
- هل المشكلة المطروحة بحجم الانفاق على البحث في آلة مماثلة؟
- هل هنالك حاجة لتوظيف هذه التقنية؟
- هل يحفر في الأرض بالعمق المطلوب لزراعة البذرة؟
- هل يمكنه غرز البذرة في الأرض باختلاف طبيعتها؟
- كيف يكافح هذا الجهاز الآفات فعلاً؟
- المؤشر بتاع الليزر وظيفته شنو؟
- والكمبيوتر "المتحكم في كامل المنظومة" دا هل يمكن برمجته لكل المهمة بدون تدخل انسان؟
- هل يظل جهازكم بنفس الدقة في الحالتين؟ للسرعة العادية الأولى ولسرعة تعادل ضعفها ونصف حسب إدعاءك الخاص بسرعة تنفيذ المهمة؟
- الدقة التصميمية لإصابة موقع البذرة عملتوها كم؟ يعني في كل 10 أمتار ممكن تزرع البذرة بدقة كم في المية؟ أو الخطأ كم سنتمتر؟
لو ما عندك إجابات على الاسئلة البسيطة دي تبقى مستهبل ساكت وبتفتش لمخارجة، أنا ما بحاجة للنظر، بل لإجابات مقنعة، لكن بفوض شلبي يجيكم ويشوف، أها قصرت معاك؟ _______ أما اسألتي فهي الفيصل بين الهندسة واللعب. |
Quote: وأنا والله ملتزم بفتح بوست والإعتذار للأمة دي كلها لو جهازنا ما إشتغل بالبطارية فقط ولو الدرون ما طارت بالجهاز كامل بي كل مكوناتو .. |
انت عبيط يا محمد مختار؟ | بتستهتر بعقولنا قايل نفسك؟
عرضك: طائرة درون ببطارية في الهواء وجهاز يقصف البذور في الهواء أو يرميها على الأرض دا عرض فارغ ومحاوله للتمويه، سميها دجل.
المطلوب: 1- روبوت محمول يأخذ العينات من الحقل وتوضيح أهميته من الناحية العملية 2- درون محمول يقصف البذور لغرزها في التربة بغرض الزراعة بمعدل (1000) بذرة في الساعة وبمسافات 10 متر بين البذرة والتانية 3- روبوت محمول على درون يزرع (شتول أو بذور ما مهم) مع توضيح أهميته من الناحية العملية للزراعة
الفوق دا ملخص لمواصفاتك والكلام الكتير الحاولت تسوقوا هنا بافتراض إنو مافي زول فاهم دا شنو، يبقى لما الواحد يتعب نفسو في إعادة اختراع العجلة لازم تكون عندو مبررات منطقية لاقناع الناس بالفكرة قبل عرضها، فلو المطلوبات الفوق دي ما عندك مبتكرات تطبقها فانت ببساطة تدعونا لمشاهدة ألعاب. _______ أنا سألتك فوق عشان نعرف دا لعب ولا جد والبوست دا كلو للغرض دا. |
| |
|
|
|
|
|
|
Re: الروبوت الخطير والزراعة بالتسطير (Re: حاتم إبراهيم)
|
Quote: لو ما عندك إجابات على الاسئلة البسيطة دي تبقى مستهبل ساكت وبتفتش لمخارجة، أنا ما بحاجة للنظر، بل لإجابات مقنعة، لكن بفوض شلبي يجيكم ويشوف، أها قصرت معاك؟ |
دي خطوة جميلة باقي الهرجلة بتاعة الشفع دي انا كبير عليها .. انا حافتح بوست خاص للموضوع ده ويلزمك تجي توافق على الشروط عشان نخلص من الغلاط الما عندو اخر ده ..
| |
|
|
|
|
|
|
Re: الروبوت الخطير والزراعة بالتسطير (Re: حاتم إبراهيم)
|
Quote: دي خطوة جميلة باقي الهرجلة بتاعة الشفع دي انا كبير عليها .. انا حافتح بوست خاص للموضوع ده ويلزمك تجي توافق على الشروط عشان نخلص من الغلاط الما عندو اخر ده .. |
مافي شروط مالم ترد على أسئلتي الفوق هنا | شروط شنو لشوفة طيارة مربوطة بسيلوتيب؟ انت يعني مصر تعيش دور المهندس؟
يجيك ولدنا شلبي يشوف، ويفهم، (hopefully)، لكن الأسئلة دي بدون ما ترد عليها يكون دا لعب الشفع، زاتو بزاتو. ما تنسى تشرح ليهو (اختبار الشجرة) كان الغرض منو شنو والنتيجة شنو، وتوريهو الكجامة عيناً، بس عشان الحاجات تثبت. ____ صعبة دي؟ ولا فيها أسرار؟ |
| |
|
|
|
|
|
|
Re: الروبوت الخطير والزراعة بالتسطير (Re: محمد عبدالله مختار)
|
Quote: مافي شروط مالم ترد على أسئلتي الفوق هنا |
لأ في شروط هي الدنيا دي فوضى؟ ناس إتهمتهم بالكذب والغش وأنا إتهمتك بإنك كذاب وحاقد .. نحسم القصة دي كيف؟ بيان بالعمل يا باشمهندس التنظير ده ما بنفع ، عليك الله تعال نحسم الموضوع ده ونشوف الكذاب والأفاك فينا منو أسئلتك دي نجاوب عليها لما تحترمنا وتسأل بأدب لكن إنت قلت نحنا كذابين . عايزين نعرف الكذاب فينا منو ..
| |
|
|
|
|
|
|
Re: الروبوت الخطير والزراعة بالتسطير (Re: محمد عبدالله مختار)
|
Quote: مافي شروط مالم ترد على أسئلتي الفوق |
الأخوان حاتم ومحمد بدون ألقاب .. النقاش البيظنطي الخاشين فيهو دا ما بشبهكم مطلقا .. الحقيقة المطلقة إنتو الاتنين مقدرين لدى القراء .. إذن واجبكم تحترموا الجزئية دي .. كيف ؟ اقول ليكم .. اي نقاش يدور بين متحاورين تكون فيه المرجعية العلمية المنطلقين منها متباينة لا ولم ولن يصلو لنقطة إلتقاء .. إذن من أولويات النقاش الناجح المستهدف به الوصول لنتيجة ايجابية .. وحدة المرجعية العلمية .. ارجعوا أسألو روحكم .. هل أنتو منطلقين من مرجعية علمية واحده ؟ إجابتي أنا لا .. حاتم بستند على مرجعية علمية نظرية عقلية ( رياضيات لوغريثمات ) .. محمد بستند على مرجعية تقنية تطبيقية .. أي نشاط تقني يحتمل نسبة مقدرة من الخطأ .. تفأدي الخطأ أو تقليل نسبته إلى 999 دي مهمة العلم النظري .. لذا تحرص الشركات الصناعية الكبرى على ضرورة وجود تنسيق بل تلاحم بين العلمين لانجاز هدف .. طبيعي أي هدف ببدأ نظريا في شكل فكرة قبل أن ينتقل لمرحلة تطبيقية .. مرحلة الفكرة هذه هي المرحلة التي ينشط خلالها العلم النظري .. ثم تليها المرحلة التطبيقية وهي المرحلة التي تعمل على تحويل الفكرة التي نظر لها علميا .. إلى مجسم عملي ينجز تطبيق الهدف على الأرض بكفاءة .. هنالك نقطة في غاية الاهمية طرحها الأخ محمد في البوست السابق عندما اشار للاسرار التقنية .. بطبيعة الحال الاسرار التقنية لاي منتج من حق المنتج بكسر الجيم الحفاظ عليها .. ولكي يصل الشخص لسر منتج ما لابد ان تتوفر لديه الداتا التقنية والنظرية للمنتج .. ما تفعلانه هنا أشبه عندي بصراع الديوك / مع الاعتذر على هذا التشبيه / .. لن تصلا لنقطة تجمع بينكما .. فحاتم يبحث عن الداتا النظرية لحساب الجدوى بغية الاطمئنان على تحقق الهدف .. ومحمد يعرض تطبيق عملي للتصميم التقني لإنجاز الهدف .. إذن لن ينتهي نقاشكما ولن يقنع أحدكما الأخر .. وسوف يتحول النقاش أوهكذا بدى لإساءات شخصية وشتائم وعبارات استفزازية .. عودا لبدء .. ختو أقلام هذا النقاش واطا .. لإن المرجعية العلمية البتناقشوا بيها بعض مختلفة .. والحال كذك لن ينتصر أو ينهزم فيكما أحد كما تتصوران .. حتى لو استمر البوست أو تناسل إلى ماشاء الله .. نصيحتي ان يشكر كل واحد منكم الآخر في البوست المفتوح باسمه .. ويطلب منه العفو على ما اصابه من حدة .. متمنيا له التوفيق والسداد في حياته .. وهذا هو حقنا كقراء عليكما .. فهل من استجابة؟ مع مودتي وتقديري الأكيد.
| |
|
|
|
|
|
|
Re: الروبوت الخطير والزراعة بالتسطير (Re: حاتم إبراهيم)
|
Quote: حاتم بستند على مرجعية علمية نظرية عقلية ( رياضيات لوغريثمات ) .. فحاتم يبحث عن الداتا النظرية لحساب الجدوى بغية الاطمئنان على تحقق الهدف محمد بستند على مرجعية تقنية تطبيقية .. +++ ومحمد يعرض تطبيق عملي للتصميم التقني لإنجاز الهدف .. إذن لن ينتهي نقاشكما ولن يقنع أحدكما الأخر .. |
تحياتي أستاذ الملك | أي علم تطبيقي بدون حسابات نظرية فهو مجرد عرف وتقليد، الهندسة بالذات لا تكتمل بدون الحسابات، فعلاً أنا استند على حسابات نظرية تعتبر مباديء لأي مغامر يرغب في خوض مشروع هندسي، وهذه المباديء تم اثبات أن أخينا محمد مختار لم يهتم بها أصلاً وغالباً لم يسمع بها.
أنا بالفعل وصلت لنتائج مبكرة من أول خمسة دقائق وقعت عيني على الموضوع، جملة مفارقات مضحكة بالنسبة لي وعلى أساسها قمت بعمل التحليل (المبسط جداً) لإيصال المعلومة العامة للقراء مع الصور والرسومات. +++ المرجعية التطبيقية أيضاً انتهى أمرها بالفشل، فما الغاية من شراء طقم طيارات درون واثبات أنها تطير ببطاريات؟ هذا ببساطة عملها الذي بيعت من أجله. وأيضاً ما الغرض من إضافة مكون إذا كنت لا تحتاج له ولا تعرف لماذا استخدمته (الليزر مثلاً)؟ بل لا تستطيع "تلفيق" وظيفة له، هذه مضحكة يتم الترويج لها بأهداف وهمية من الواضح أن أياً منها لا يمكن تطبيقه في الواقع، إذن الفكرة الأولة غير مدروسة وهذا يعيدنا إلى حقيقة تجاهله للمباديء الهندسية والحقائق الفطرية لكيف تعمل الأشياء.
إن كان الادعاء بإمكانية استخدامها في مجالي الزراعة أو التعدين فالمحك الحقيقي هو اختبارها في أي من المجالين اختبارات حقيقية وليست ظروف نموذجية لن تتكرر في الطبيعة، فالهدف الأصلي من الهندسة حل المشاكل الواقعية وليس افتراض حلول لطيفة وغير منطقية لها.
أخونا محمد مختار يرمي بثقله في اثبات أن لديه طائرة تطير بالبطاريات وهي تحمل جهاز يعمل بالبطاريات ويريدنا أن نعتبر هذا انجازاً ونمنحه درجة النجاح وهذا غير ممكن من الناحية النظرية ما لم يجب غن أسئلتنا المشروعة، أما الناحية العملية فقد أورط نفسه في اختبار الحقيقة (moment of truth) ورغم تيسيره إلا أنه يبدو متواضعاً في عرضه، وعليه أنا اعتبر المشروع لعب بمنتهى البساطة ولا أجامل في ذلك أي كان مطلقاً.
So what؟ _______ إذا لم يتم إثبات أن هذه الاشياء تقوم بما تم تصوره أو الإعلان عنه فهذا يسمى فشل، بكل بساطة. |
| |
|
|
|
|
|
|
Re: الروبوت الخطير والزراعة بالتسطير (Re: حاتم إبراهيم)
|
Quote: هل أنتو منطلقين من مرجعية علمية واحده ؟ إجابتي أنا لا .. حاتم بستند على مرجعية علمية نظرية عقلية ( رياضيات لوغريثمات ) .. محمد بستند على مرجعية تقنية تطبيقية .. أي نشاط تقني يحتمل نسبة مقدرة من الخطأ .. تفأدي الخطأ أو تقليل نسبته إلى 999 دي مهمة العلم النظري .. لذا تحرص الشركات الصناعية الكبرى على ضرورة وجود تنسيق بل تلاحم بين العلمين لانجاز هدف .. طبيعي أي هدف ببدأ نظريا في شكل فكرة قبل أن ينتقل لمرحلة تطبيقية .. مرحلة الفكرة هذه هي المرحلة التي ينشط خلالها العلم النظري .. ثم تليها المرحلة التطبيقية وهي المرحلة التي تعمل على تحويل الفكرة التي نظر لها علميا .. إلى مجسم عملي ينجز تطبيق الهدف على الأرض بكفاءة .. |
الأخ الفاضل محمد علي طه الملك تحية طيبة ولك جزيل الشكر على المداخلة والنصائح .. لكن هنالك سؤال مهم جداً .. أي مرجعية علمية تقصد ؟؟
زول بيقول ليك وكالة الفضاء الأمريكية (ناسا) مجرد كذابين وغشوا الناس بي فيديوهات .. الجامعة الأولى في العالم MIT فشلوا في صناعة كمبيوتر للملاحة والوصول الى القمر فقاموا عملوا (لعبة بي لمبات) ! فون براون مطور صاروخ V-2 في الحرب العالمية الثانية وصاروخ Saturn V الكان سبب في وصول الأمريكان القمر (أكبر دجال في تاريخ الهندسة) وزول بتاع (العاب نارية) ساي .. د. فاروق الباز زول ما متخصص في الجيولوجيا ومهترش وإنجليزيهو ضعيف .. اليابانيين كانوا ماشين القمر لكن الأمريكان (حموهم) !! نسأل الله يصبرنا على المرجعية العلمية التي يعتمدها حاتم إبراهيم
بخصوص مشروعنا وشرحك إنو القصة بتبدأ بي فكرة والفكرة بتتحول لي تطبيقات نظرية وأخيراً عملية أنا فهمت من كلامك إنو نحنا طوالي كده قمنا إشترينا كم درون كده وجينا ركبنا حاجاتنا دي وطارت في أمان الله !! يا راجل الكلام ده (إذا أنا ما أخطأت فهمك) ضرب من المستحيلات .. الأسباب بسيطة ..
في البحوث والتطوير ما بنفع تشتري طيارة بدون طيارة جاهزة وتجي طوالي تركب فيها حاجاتك والسلام .. الكلام ده أشبه بالمستحيل إلا حاجة مواصفاتها تكون مسبقاً (مطابقة) لي حساباتك عشان تكون عندك درون وعايزها تقلع بالحمولة بتاعتك لازم تحدد في الأول نوع الـAir Frame أو الـModel الحا تشتغل عليهو خليك من الـFixed Wing .. الـMultirotors اللي هي الناس بيشوفوها طايرة بي أربعة مراوح أو ثلاثة أو ثمانية أو ستة عامة الناس بيفتكروا القصة دي بسيطة أولا وعشان أوريك إنو أي شئ لازم يكون محسوب بدقة لازم تعرف إنو إتجاه حركة الموتورات والـPropellers يا إما يكون CW أو CCW والتحديد بيختلف يعني عندك في الكواد بيكونوا عكس بعض ، في التراي اتنين CCW وواحدة CW
عشان تعرف الـThrust Force الكافية للإقلاع بالدرون لازم تعرف الحمولة بتاعتك وزنها كم ، وأي قطعة في الدرون سواء كانت موتورات ، بطاريات ، إسك ، أوتوبايلوت ، بروبيلرس ، الفريم نفسو ..... الخ تجي بعد ده لي جهاز الـRC عشان تقدر تتحكم في الدرون دي بعد الإقلاع مفترض الموتورات والبروبيلرس تديك Thrust Force ضعفين الوزن الكلي (الإقلاع عند 50% Throttle) حا تواجهك مشكلة تانية في الغالب الـEfficiency بتاعة الموتورات 80% وده بيخليك تراجع حساباتك للموتورات تاني وتشوف ليك طريقة للـ20% الرايحة دي بعد يا حبيب تصل لي حساباتك القبل النهائية دي تجي تقسم على عدد الموتورات .. توجد معادلات لحساب الـThrust Force لي كلو موتور أو في أجهزة خاصة للقياس ده ومتوفرة في أي أستور بتاع درونز لغاية هنا تجي لي حساب باراميترات الموتور (الدورات في الدقيقة RPM) والبروبيلرس : حسابات القطر والبيتش (الدورة الكاملة للمروحة والإرتفاع البيحصل منها أو الدفع الأمامي وده بيتحدد حسب وضعية البروبيلر والموتور).
بعد ده تجي لي حساب الـKV بتاعة الموتورات عشان تقدر تحسب موضوع البطاريات بطريقة صحيحة بالنظر لزمن الطيران المطلوب .. النقة الكتيرة دي كلها (مع الإختصار) عشان الإقلاع يكون ناجح والدرون تكون مستقرة .. أنا هنا ما أتكلمت (مطلقاً) عن الجهاز المبتكر الخاص بالزراعة اللآلية ولا جبت سيرة الروبوت ولا أشرت لي موضوع الإستشعار عن بعد أو المحطة الأرضية والتحكم في الطائرة (تحكم الطائرة في نفسها بالبرمجة المسبقة أو التحكم اليدوي عن بعد) وما إتكلمت عن الـNDVI .... الخ يبقا يا حبيب في شغلنا ده أي شئ مبني على حسابات دقيقة جداً .. في الـTechnical Proposal الإتقدم للجنة المسابقة قرابة 18 صفحة هي حسابات بإذن الله حا أفتح بوست متخصص في تطوير وصناعة الطائرات بدون طيار أحسن من ضياع الزمن في الغلاط الفارغ ده ..
نجي لي حتة مهمة جداً .. النمذجة والمحاكاة والحسابات المصاحبة ليها .. بنستخدم Solidwork في التصميم ثلاثي الأبعاد وعمل محاكاة للواقع بحسابات زي الفوق دي بيتم إدخالها في البرنامج في الواقع نحنا قبل ما نشتري حاجة قاعدين نحول الفكرة لرسومات ثلاثية الأبعاد بالقياسات الحقيقية وببرامج هندسية متخصصة .. يعني في البرنامج لما تختار موتور بتحدد الباراميترات حقتو عندنا فريق عمل مكون من مهندس طيران ، مهندس ميكانيكي ، مختص Embedded System وبرمجة ، مهندس إتصالات ، مختص حساسات وأنظمة بصرية Sensors, Optics وزول بتاع فيزياء ورياضيات بيشتغل بالورقة والقلم فقط (أتمنى يلم في أخونا حاتم ده لأنو في اللحظة ديك قوقل غير متوفر) .. مافي صدف في الشغل الشايفو قدامك ده .. وعشان تعرف إنو الموضوع ما بالبساطة البتتكلم عنها خش اليوتيوب وفتش على روفرات شايلة روبوتك آرم حا تلقى آلاف الفيديوهات .. أعد البحث وفتش عن درون شايلة روبتك آرم وتعال عليك الله وريني لقيت كم فيديو ، ده إذا لقيت أصلاً .. حاجة أخيرة .. كوننا ما بننشر التفاصيل الدقيقة لي مشروعنا أو المواصفات أو نشرح بإسهاب في التفاصيل التقنية ما بيعني إننا ما بنعرف نشتغل والشغل ده جا صدفة إنما مقصود تماماً إنو نحتفظ بي نفسنا بالتفاصيل الدقيقة دي وأعتقد ده من حقنا ، نحنا لينا سنين بنبذل في مجهود كبير وبنصرف من جيوبنا على المشروع ده والمشاريع التانية ويوماً ما بإذن الله حا نوصل شاء أم أبى حاتم إبراهيم ..
دي بعض الصور للتصميمات ثلاثية الأبعاد ببرنامج Solidwork
| |
|
|
|
|
|
|
Re: الروبوت الخطير والزراعة بالتسطير (Re: محمد عبدالله مختار)
|
سلامات يا حاتم ..
كويس إنك قلت إذا لم يتم إثبات ؤ ما قلت تم إثبات .. يفهم من ذلك إنو انت ذاتك ما عندك ما يثبت الفشل .. الموضوع كلو إفتراضي مبني على معطيات قبالة للخطأ كما هي قابلة للصحة .. لذلك قلنا ليكم ختو الكورة واتركو البوسات دي تمضي .
| |
|
|
|
|
|
|
Re: الروبوت الخطير والزراعة بالتسطير (Re: محمد على طه الملك)
|
سلامات يا محمد ..
Quote: إذا أنا ما أخطأت فهمك |
بالتاكيد أخطأت فهمي أنا لا مهندس ولا بفهم كتير في هذا التخصص .. مداخلتي ابدا ما قصدت بها الفهم الوصلك .. ولا كنت في حاجة للشروحات التي تفضلت بها مشكورا .. وإن كانت فيما أظن المطلب الكان ساعي ليهو حاتم .. القصد من مداخلتي إنو منطلقاتكم مختلفة .. عشان كدا النقاش بينكم ح يمضي edgy style ومتناسل إلى ما لا نهاية..
Quote: يبقا يا حبيب في شغلنا ده أي شئ مبني على حسابات دقيقة جداً .. في الـTechnical Proposal الإتقدم للجنة المسابقة قرابة 18 صفحة هي حسابات بإذن الله حا أفتح بوست متخصص في تطوير وصناعة الطائرات بدون طيار أحسن من ضياع الزمن في الغلاط الفارغ |
دا الكلام الفيهو فايدة .. وكونك تعتبر النقاش الدائر هنا غلاط فارغ .. يبقى وصلت لنتيجتنا ذاتا الخلتنا نطلب منكم توقفوا النقاش دا .. وياريت تتركو البوستات دي تمضي لحال أرشيفها . . مع أكيد تقديري لكما.
| |
|
|
|
|
|
|
Re: الروبوت الخطير والزراعة بالتسطير (Re: حاتم إبراهيم)
|
Quote: بخصوص مشروعنا وشرحك إنو القصة بتبدأ بي فكرة والفكرة بتتحول لي تطبيقات نظرية وأخيراً عملية أنا فهمت من كلامك إنو نحنا طوالي كده قمنا إشترينا كم درون كده وجينا ركبنا حاجاتنا دي وطارت في أمان الله !! +++ يبقا يا حبيب في شغلنا ده أي شئ مبني على حسابات دقيقة جداً .. في الـTechnical Proposal الإتقدم للجنة المسابقة قرابة 18 صفحة هي حسابات بإذن الله حا أفتح بوست متخصص في تطوير وصناعة الطائرات بدون طيار أحسن من ضياع الزمن في الغلاط الفارغ ده +++ وزول بتاع فيزياء ورياضيات بيشتغل بالورقة والقلم فقط (أتمنى يلم في أخونا حاتم ده لأنو في اللحظة ديك قوقل غير متوفر) .. مافي صدف في الشغل الشايفو قدامك ده .. +++ أعد البحث وفتش عن درون شايلة روبتك آرم وتعال عليك الله وريني لقيت كم فيديو ، ده إذا لقيت أصلاً .. |
حمد لله على السلامة | ودا الحصل فعلاً، حماس زائد زي ما قلت في بداية تحليلي، على مستويين: 1- الأول على مستوى الفكرة نفسها، فأنت مش بتعمل في مناظرة بين الدرون والطائرات الحقيقية، لا، انت بتحاول تقنع نفسك بأنو الدرون نفسها ممكن استخدامها في زراعة أحزمة لمكافحة التصحر في السودان، طيب ياخي السودان دا جبلي زي اثيوبيا؟ أرض منبسطة زي التربيزة وممكن بالطرق الميكانيكية التقليدية زراعة المساحات دي بكفاءة وبالجن البنعرفوا.
2- الثاني على مستوى التطبيق، أي زراعة بتفترض إنها ممكنة بالهيكل الطائر التحت دا؟ لما اسألك (جربتوه في الحقل؟) وما تديني إجابة دا ما بيعني غير حاجة واحدة.
+++ الله يفتح عليك، يلا الحسابات دي مطلوب منك تعملا لينا مش لاخراج نتائج، لا، ورينا كيف حتحل معادلات نظام مفرط التحديد ويحتوي فائض من درجات الحرية (redundancy) تجعل عدد الحلول الممكنة لانهائية وعلى مستوى تفاضلي (differential level) المتغير الأساسي في معادلاته هو السرعة، هل اتمكنت تعمل المعادلات الأساسية للحل ومن ثم عمل نموذج رقمي وأخيراً برنامج الكمبيوتر الذي يدير كل هذا التكوين من الطائرة والجهاز ولا لا؟ يعني كيف حتوظف الجهاز التحت دا وهو محمول على درون؟
فلو فتحت بوست جديد وما بديت بحتة التحليل الخاصة بالحركة دي دا يكون لعب ساكت، لأنو إضافة للمعادلات دي لسة حتعمل السيناريوهات بتاعة التصرف في الجو، عشان تسميها (نظام ذكي) ولا انت عايز تعتبرو ذكي ساكت؟ +++ الزول (بتاع الرياضيات والفيزياء) دا قول ليهو حاتم بيسألك كيف اتوصلت لعمل مجموعة المعادلات لنظام بعشرة درجات حرية؟ وإذا الحسابات دي مافي بالك، ناوي تعملها بناء على أي نظرية؟ غوغول برة الموضوع كلو كلو، دي رياضيات صررررررر. صعبة دي؟ +++ طبيعي ما يلقى، انت للأسف ما مدرك للتعقيدات في الحسابات الديناميكية (real world) لهياكل بالأحجام الصغيرة دي، أرجع لنقطة الحماس الأولى، ولا مدرك للواقع في نشاطات تقليدية، يعني التصميم التحت دا حينفع في شنو عملياً؟
____ دائماً وجه ردودك بطريقة مناسبة، تفصيلك الفني مفروض يكون لي أنا هنا. |
| |
|
|
|
|
|
|
Re: الروبوت الخطير والزراعة بالتسطير (Re: حاتم إبراهيم)
|
Quote: دا برضو افتراض خاطيء منك بعدم وجود فكرة مماثلة سابقة، ممكن أعرض ليك العشرات هنا اعتقد دا بيخليك تفكر في فائدة استخدام غوغول بطريقة صحيحة ومنتجة بدل التعويل على الخيال. |
أنا لم أنفي مطلقاً .. قلت كم عددها هذا إن وجدت كناية عن الندرة .. جرب بنفسك أن تعرض (العشرات) كما تقول وسأعتذر لك عن هذه النقطة .. دون أن أضطر الى إستخدام قوقل هذه المسألة ليست بسهولة إستخدام روبوتك آرم مع روفر
| |
|
|
|
|
|
|
Re: الروبوت الخطير والزراعة بالتسطير (Re: محمد عبدالله مختار)
|
Quote: EXCLUSIVE: Clinton campaign also hacked in attacks on Democrats, sources tell ReutersX EDITION:UNITED STATES
Technology | Tue Oct 27, 2015 5:10am EDT Related: TECH Exclusive: Wal-Mart seeks to test drones for home delivery, pickup CHICAGO | BY NATHAN LAYNE left3 of 3right A 'Phantom 2' drone by DJI company flies during the 4th Intergalactic Meeting of Phantom's Pilots (MIPP) in an open secure area in the Bois de Boulogne, Paris, in this March 16, 2014 file photo. REUTERS/CHARLES PLATIAU/FILES left1 of 3right left2 of 3right left3 of 3right left1 of 3right Wal-Mart Stores Inc applied Monday to U.S. regulators for permission to test drones for home delivery, curbside pickup and checking warehouse inventories, a sign it plans to go head-to-head with Amazon in using drones to fill and deliver online orders.
The world's largest retailer by revenue has for several months been conducting indoor tests of small unmanned aircraft systems – the term regulators use for drones - and is now seeking for the first time to test the machines outdoors. It plans to use drones manufactured by China's SZ DJI Technology Co Ltd.
In addition to having drones take inventory of trailers outside its warehouses and perform other tasks aimed at making its distribution system more efficient, Wal-Mart is asking the Federal Aviation Administration for permission to research drone use in "deliveries to customers at Walmart facilities, as well as to consumer homes," according to a copy of the application reviewed by Reuters.
The move comes as Amazon.com Inc, Google and other companies test drones in the expectation that the FAA will soon establish rules for their widespread commercial use. FAA Deputy Administrator Michael Whitaker said in June that the agency expected to finalize regulations within the next 12 months, faster than previously planned. Commercial drone use is currently illegal, though companies can apply for exemptions.
The FAA will review Wal-Mart's petition to determine whether it is similar enough to earlier successful applications to be fast-tracked, or whether it would set a precedent for exemptions, requiring regulators to conduct a detailed risk analysis and seek public comment, agency spokesman Les Dorr said. The FAA normally aims to respond to such petitions in 120 days.Amazon has said it would be ready to begin delivering packages to customers via drones as soon as federal rules allow.
Wal-Mart spokesman Dan Toporek said the company would move quickly to deploy drones depending on its tests and regulations.
"Drones have a lot of potential to further connect our vast network of stores, distribution centers, fulfillment centers and transportation fleet," he said. "There is a Walmart within five miles of 70 percent of the U.S. population, which creates some unique and interesting possibilities for serving customers with drones."
Finding ways to more efficiently warehouse, transport and deliver goods to customers has taken on new importance for Wal-Mart, which this month projected a surprise decline in earnings next year as it copes with costs to increase wages, beat back price competition and boost online sales.
In the FAA application, Wal-Mart said it wanted to test drones for taking stock of trailers and other items in the parking lot of a warehouse using electronic tagging and other methods. A Wal-Mart distribution center could have hundreds of trailers waiting in its yard, and a drone could potentially be used to quickly account for what each one is holding.
The retailer also wants to test drones for its grocery pickup service, which it has recently expanded to 23 markets with plans to add another 20 markets next year. The test flights would confirm whether a drone could deliver a package to a pick-up point in the parking lot of a store, the application says.
Wal-Mart also said it wants to test home delivery in small residential neighborhoods after obtaining permission from those living in the flight path. The test would see if a drone could be deployed from a truck "to safely deliver a package at a home and then return safely to the same," the application says.
To date the FAA has approved more than 2,100 exemptions allowing for commercial drone testing and use.
(Reporting by Nathan Layne in Chicago and David Morgan in Washington, editing by Eric Effron and John Pickering)
More from Reuters |
الدرون دي غير سمعنا بيها تقصف في افغانستان وباكستان واليمن ، ماعرفنا ليها استخدامات مدنية
| |
|
|
|
|
|
|
Re: الروبوت الخطير والزراعة بالتسطير (Re: حاتم إبراهيم)
|
Quote: أنا لم أنفي مطلقاً .. قلت كم عددها هذا إن وجدت كناية عن الندرة .. جرب بنفسك أن تعرض (العشرات) كما تقول وسأعتذر لك عن هذه النقطة .. دون أن أضطر الى إستخدام قوقل هذه المسألة ليست بسهولة إستخدام روبوتك آرم مع روفر |
لا نادرة لا حاجة | ولا فيها صعوبة بل مجرد هواية عند البعض.
(1) https://www.youtube.com/watch؟v=sv_X7MQJCN0 (2) https://www.youtube.com/watch؟v=-5yd5hANWpg (3) https://www.youtube.com/watch؟v=PatNfeG5r-s (4) https://www.youtube.com/watch؟v=nolA5yb6Xdk (5) https://www.youtube.com/watch؟v=jvAsJ27kHWs (6) https://www.youtube.com/watch؟v=V5l2x2zZNiI (7) https://www.youtube.com/watch؟v=Py6F6e-gnFw (8) https://www.youtube.com/watch؟v=4l_2Pa_xOUM (9) https://www.youtube.com/watch؟v=Xrpi5mA6gDA (10) https://www.youtube.com/watch؟v=Vwj-fq-o004 (12) https://www.youtube.com/watch؟v=3ew4PM_OYMU (13) https://www.youtube.com/watch؟v=NIwNHaqbszc (14) https://www.youtube.com/watch؟v=t_2D8qAJT9k (15) https://www.youtube.com/watch؟v=pzuNlTD5nok (16) https://www.youtube.com/watch؟v=qNyv8Ytq9vs (17) https://www.youtube.com/watch؟v=X6XbAiisxyo (18) https://www.youtube.com/watch؟v=OUCczKT0u8E (19) https://www.youtube.com/watch؟v=9XM7TlxWpLg (20) https://www.youtube.com/watch؟v=wjLLNwdxbDw (21) https://www.youtube.com/watch؟v=MJJJudBACCs (22) https://www.youtube.com/watch؟v=euKRsRKlnk4 (23) https://www.youtube.com/watch؟v=6uKznhkjeLs
https://www.youtube.com/watch؟v=SNPJMk2fgJU _______ باستخدام غوغول باللغة الإنجليزية فقط، هنالك المئات عند البحث باللغتين الصينية واليابانية. |
| |
|
|
|
|
|
|
Re: الروبوت الخطير والزراعة بالتسطير (Re: حاتم إبراهيم)
|
Quote: كل الروابط لا تعمل .. |
كلها تعمل | بس علامة الاستفهام اتقلبت عربي، مشكلة المنبر. فيا إما تحولها علامة الاستفام للإنجليزي أو تاخد العنوان المشفر للفيديو، (مثال للفيديو الأخير البدون رقم تنسخ آخر جزء بعد علامة يساوي SNPJMk2fgJU بس) وتلصقو في شريط بحث اليوتيوب وحيجيك الفيديو أول واحد.
أو تنسخ كل العنوان وترميهو في شريط بحث غوغول حيقترح عليك العنوان الصحيح أول واحد. ___ انت من الأول كان تورينا إنك ما بتعرف تستخدم غوغول صاح عشان كدة بتتخيل من راصك |
| |
|
|
|
|
|
|
Re: الروبوت الخطير والزراعة بالتسطير (Re: حاتم إبراهيم)
|
Quote: انت من الأول كان تورينا إنك ما بتعرف تستخدم غوغول صاح عشان كدة بتتخيل من راصك |
على العكس تماماً .. المجهود الكبير البذلتو انت وفي النهاية جايب فيديوهات (غير صحيحة) بيثبت كلامي تماماً .. حتى الآن شاهدت منها 15 فيديو والنتيجة كالآتي (الترقيم خاص برقم الفيديو) : 5- الدرون معلقة بي (حبل). 7- ده قريبر وليس آرم .. 8- أيضاً درون مربوطة بي (حبل). 9- فيديو مكرر. 10- أيضاً قريبر وليس آرم. 11- لا يوجد فيديو بالرقم ده إنت كتبت 12 مباشرة 12- فيديو مكرر. 13- زول ماسك الدرون بي (يدو) 14- جزء من الفيديو الدرون قاعدة في الواطة والجزء التاني معلقة بي حبل ..
| |
|
|
|
|
|
|
Re: الروبوت الخطير والزراعة بالتسطير (Re: حاتم إبراهيم)
|
Quote: على العكس تماماً .. المجهود الكبير البذلتو انت وفي النهاية جايب فيديوهات (غير صحيحة) بيثبت كلامي تماماً .. |
بيثبت كلامك إنو الفكرة "نادرة" يعني؟ | الله يدينا الصبر. الفيديوهات عشان نثبت ليك إنو في غيرك فكر في ربط روبوت مع الدرون، دا الموضوع، نجح ولا ربطها بحبل دا شيء تاني. حقو تتعلم من الفيديوهات إنو حكاية تشغل ذراع في الجو ما بسهولة محاكاتها بطيارة مجنحة.
بعدين حتى مع الكوادروكوبتر في ناس علقوها في شجرة وما نفع، ربطوها بسيلوتيب. _______ وبعد دا "نادرة"؟ ارتاح، أنا ما طالب اعتذار، راجي فهم صحيح للأمور. |
| |
|
|
|
|
|
|
Re: الروبوت الخطير والزراعة بالتسطير (Re: حاتم إبراهيم)
|
انت بتقول :
Quote: الفيديوهات عشان نثبت ليك إنو في غيرك فكر في ربط روبوت مع الدرون، دا الموضوع |
ده كلامي :
Quote: عشان تعرف إنو الموضوع ما بالبساطة البتتكلم عنها خش اليوتيوب وفتش على روفرات شايلة روبوتك آرم حا تلقى آلاف الفيديوهات .. أعد البحث وفتش عن درون شايلة روبتك آرم وتعال عليك الله وريني لقيت كم فيديو ، ده إذا لقيت أصلاً .. |
وين في كلامي ده أنا قلت إنو مافي زول (فكر) غيرنا في الموضوع ده؟ الكلام واضح قدامك أنا قلت إنو تنفيذ الموضوع ده ما بي بساطة تركيب روبوتيك آرم في روفر ..
Quote: بعدين حتى مع الكوادروكوبتر في ناس علقوها في شجرة وما نفع، ربطوها بسيلوتيب. |
للمرة الأخيرة .. إذا مصر تواصل في المهاترات دي فأنا حدي معاك هنا ..
| |
|
|
|
|
|
|
|