|
Re: لابد من رد فعل قوي تجاه السلوك المشين وال (Re: محمد حيدر المشرف)
|
الملاحقة القانونية لكل ما يزدري ويحط من قيمة هذا الوطن العاجبنا ومالي عينا هي سلوك حضاري وواجب وطني ..
المقاطعة للمؤسسات والمحلات التجارية ذات الصلة بكل من يزدري او يحط من قيمة هذا الوطن هي حق مجتمعي أصيل ..
تقنين الاوضاع الشخصية والتجارية والوظيفية بما لا يتعارض مع مصالح اهل السودان هو مسؤولية مباشرة للدولة السودانية ..
| |
|
|
|
|
|
|
Re: لابد من رد فعل قوي تجاه السلوك المشين وال (Re: محمد حيدر المشرف)
|
الأخ حيدر المشرف مع احترامي لما لوجهة نظرك و لك الحق في ذلك.و لكن لو سمحت لي لدي بعض التعليق. أعتقد إنه من الحصافة أن لا نعمل كمن جاء يكحهلها عماها و بالتالي بدلا من أن نتعامل مع الموضوع في حجمه نكبّر الموضوع و يتم تناول ما يكتبه هؤلاء في الوسائط المختلفة و بالتالي نكون ساهمنا في الترويج لما يكتبون.و ما يكتبونه حقيقة و ليس وهماً فقط نحن لا نرضى أن ننظر لمعايبنا بانفسنا و لا إذا كشفها لنا غيرنا. بعدين تاني هؤلاء شباب صغار السن و أقلية لا يمثلون كل السوريين. فاعتقد انه يجب لا تشيلنا الغضبة المضرية لتكشف عن حماسنا في الفارغة و المقدودة و تجاوبنا مع أي دعوة كالغوغاء مثل ما حدث عند ردنا للكاتبة الكويتية و كأننا خلاص قد انتصرنا لذاتنا السودانية من الأعداء. مع احترامي لشخصك و للمتداخلين و اعتذر عن اي تعبير أو إشارات قد تكون جارحة فهذا ليس قصدي. مع خالص المودة و التقدير لشخصكم الكريم
ا
| |
|
|
|
|
|
|
Re: لابد من رد فعل قوي تجاه السلوك المشين وال (Re: محمد عبد الله الحسين)
|
سلام يا دكتور
ياخ الحقيقة ما بتزعل .. بالجد البلد عفنه وقد زرت أكثر من 10 دول ولم أرى مثل تلك المناظر
صحيح ما قالوه صفاقة لأن البلد استضافتهم ووفرت لهم الأمن والامان ولكن يقيني انهم كانوا يتحدثون مع بعضهم البعض ولم يحسبوا حساب تسرب ما قالوه
لكن البلد عفنة ومعفنة دي ما بتغالطوا فيها اثنين
كن بخير
| |
|
|
|
|
|
|
Re: لابد من رد فعل قوي تجاه السلوك المشين وال (Re: الامين موسى البشاري)
|
....الدكتور المشرف تحياتي .... تعرف يادكتور منذ مباراة مصر في الجزائر المشؤمة ديك ونحنا ماكسبنا عافية.....كلما نتكلم عن سؤء سلوك مثقفين ومستنيرين الصحافة المصرية نجد من يتصدي لنا .قائلا بان هولاء ليسو هم الشعب المصرى.بل متي تتحررون من عقدة المصرى. والان هولاء الشوام اتو بما لم ياتينا به الزمان . واقول ليك يادكتور مشرف ،رغم ضيق منزلي وانا اسكن في 200متر قدمت استضافة لمدة شهر رمضان الفات لاسرة سورية اب وام طفلين ،علي ان يقيموا معي مدة الشهر.في صالون ،ابلغتهم انهم اخوة لنا ، لكنهم اعتزوا لي بان منزلي ضيق وشكروني علي ذلك ، نتفاجا ان بعضهم ويقيمون معنا ، هربا من بطش بشار وارهاب داعش يسيئؤن الينا متانسين ، اننا شعب كريم ونبيل ومهم ضاقت بنا الحياه فلن يتغير سلوكنا .لكننا ايضا لم ولن نقبل الاهانة مهما كانت ظروفنا .......
| |
|
|
|
|
|
|
Re: لابد من رد فعل قوي تجاه السلوك المشين وال (Re: محمد عبد الله الحسين)
|
دوك المشرف يا صديق اقدر فيك غيرتك على سمعة وطنك ..ولكن ما كتبه الشاب السوري بخصوص العفن بصراحة دي حقيقة والله لا وراك العفن مع بداية الخريف ... فعلا الوطن اصبح كوم زبالة كبييير كل المدن .... وصناع القرار ما هاميهم لا صرف صحي ولا صحة بيئة همهم البيع البيع لا تخطيط ولا يحزنون يبيعوا الاراضي في مجرى السيل في نص الخور المهم يبيعوا الحتات زي ما قال الليمبي والي الخرطوم .. يا دوك والله الوطن بقى يئن من العفن على كافة الصعد ... باعوض .ضبان .ناموس .ابو الجندب .مرقوت ..مستشفيات عبارة عن وسخ مترادم ومياه طافحة .. اقول ليك حاجة والله العظيم قبل رمضان الفات دا بعرف تيم من الصحة عاملين طواف ميداني في مناطق الدالي والمزموم عشان يحاربوا مرض الجرب ..ما تندهش الجرب الواحد دا اظن بكون انقرض في العالم من القرن السادس الميلادي .. الناس جربانة عديييل... اتصل على اقرب زول بتعرفو انشاء الله الامير توفيق ود قلبا وقول ليه كلمني من برة قصرك لو ما سمعت اصوات الصفادع الان على الحلف اكون زول كضاب ساي.. البلد وسخانة دي حقيقة ..فما تزعل من السوريين ..دا الواقع .. مع احترامي
| |
|
|
|
|
|
|
Re: لابد من رد فعل قوي تجاه السلوك المشين وال (Re: محمد حيدر المشرف)
|
ده واحد من الفيسبوك قال رايو ..
Quote: رحم نفسك وإتقي الله في روحك !! يعني شان لاجئين سوريين عددهم ما بتجاوز أصبع اليد الواحدة "إن حدث أصلاً" داير تعمم على بقية اللاجئين السوريين ؟؟ شوف ليك شغلانة نافعة بدل بوست الفتنة دا !! قال رد قوي قال !! |
نعم .. مثل طريقة التفكير موجودة للاسف الشديد .. هناك من لا يفهمون العلاقات المتشابكة بين التربية والبيئة الثقافية والسلوك.
1- عندما تتسرب صورة أو تعليق لواحد منهم يفيد الازدراء والعنصرية تجاه أهل البلاد الذين يستضيفونهم, فذلك لا يعني سلوك شخصي للاجيء واحد أو لقلة منهم لا يتعدون عدد اصابع اليد, وانما يعني انفضاح تعليق عنصري واحد او عدد من التعليقات العنصرية وجدت طريقها للناس (والفرق واضح)
2- عندما نقوم بالتصدي لذلك .. فاننا نتصدى لطريقة تفكير ذات صلة وثيقة بالوجدان العام والعقل الجمعي والبيئة الثقافية ...
3- حضارية التصدي ودود الافعال مضمونة في الاطار الذي اوضحته المقاطعة للجهات المتورطة واللجوء للقضاء .. والمسؤولية هنا محصورة في ذات الذي يعنيهم الاخ (نسيت اسمو)
4- لا يوجد اي خطأ (لا أخلاقي ولا ديني ولا اي حاجه) في تقنين علاقة اللاجيء بارض اللجوء.
.... لا توجد عندي شغلانية أخرى .. لا اقبل في وطني كلمة واحدة ... انت تقبل ذلك او تربط ذلك بالكم او عندك threshold محددة للاساءة لبلدك وحتى تنفعل .. فأنت وشأنك, ليس كل السودانيين سودانيين بمعنى الكلمة في نهاية المطاف !!
| |
|
|
|
|
|
|
Re: لابد من رد فعل قوي تجاه السلوك المشين وال (Re: محمد حيدر المشرف)
|
ولتوضيح الصورة أكثر دونما تفاصيل ..
بدأت المسألة بذلك الذي ارسل لاهله ينبئهم بانو بتكلم معاهم من قلب العفن .. ثم توالت غيرها وعلى ذات المنوال تنسج ازدراءها لذلك الوطن الذي استقبلهم واهله..
هذه حاله يجب الانتباه اليها .. وذات درجة من الخطورة للامن الاجتماعي والتنموي والاقتصادي .. واقع اللجوء هو في الاساس حالة انسانية طارئة يجب التعامل معها في اطارها الانساني الرحيم .. ولكن وبذات القدر من الاهمية يجب التعامل معها بمحاذيرها الكثيرة التي ذكرت .. هنا يأتي دور الدولة من ناحية .. ودور اللاجيء من ناحية .. هذه هي الصورة الحقيقية .. بينما الصورة المقلوبة تكون بتحميل المجتمع السوداني اعباء فوق اعباءه ليتهم في الاخير بعدم التعاطف الانساني مع اللاجئين ؟!!!
| |
|
|
|
|
|
|
Re: لابد من رد فعل قوي تجاه السلوك المشين وال (Re: محمد حيدر المشرف)
|
لم إطلع علي ماكتبه بعض السوريين سؤالي هل ماقالوه كان يمثل واقع ويعبر عن حقيقة؟ * إن كان كذلك هل تم طرحه وصياغته بصورة مستفزة ومحطة بقدر أو الوطن وفيها تحقير أوتعالي علي المُضيف أم إنه صيغ بصورة مهذبة وموضوعية؟؟ * والشي بالشئ يذكر هل إذا صدر نفس الكلام المنسوب للسوري لو صدر عن أثيوبي أو تشادي هل كان رد الفعل سيكون واحدا؟ *أنا لا أملك ردا لأني غير ملم بأصل القصة!
| |
|
|
|
|
|
|
Re: لابد من رد فعل قوي تجاه السلوك المشين وال (Re: محمد حيدر المشرف)
|
يا على والله الكلام ده غلط منكم ...
اولا في التبادي انت والاخوان تتحدثوا في موضوع الولد الوصف السودان بانو قلب العفن .. وانتو بتتكلمو عن سوء البنيات التحتية في البلد .. وتعبير العفن انتو اخدتو كمقابل للقذارة في الشوارع الخ .. وهي في الواقع احالة غير صحيحة .. العفن المعني عندهم هو السودان حقنا ده بما فيهو نحنا .. ولو شئتم الدليل على ذلك لاوردته من خلال استقراء رسائل صاحب او موظف تلك الكافتيريا مع اصدقاءه وصديقاته في الفيسبوك .. وقبل التعليقات .. يعني شنو سوري يتصور مع شابين سودانيين عشان يوري صاحباتو في الشام انو ح يتاكل بعد شوية ؟!!
ثانيا .. ارفض تماما ان يأتي أحدهم لبيتي ويسيئني .. لييييه ؟! .. عشان شنو ؟!! كلامو صاح ؟! برضو ما يسيئني ويتفضل اتطلع بره .. انا بتكلم عن بيتي فما بالك بالوطن ؟!!
ثالثا .. لماذا لا يكون الواحد فينا ايجابي تجاه التعامل مع الاساءة ويسعى لدفع اضرارها ومنعها من اساسو بالكلام الكتبتو هنا ؟!!
| |
|
|
|
|
|
|
Re: لابد من رد فعل قوي تجاه السلوك المشين وال (Re: محمد حيدر المشرف)
|
والله يا على ما عارف اقول ليك شنو؟! وما عارف والله الناس مالها ؟!
غايتو كلامك ده يفوق قدرتي على التعليق ... ولكن اذكر يومها (يوم مباراة مصر والجزائر) ما نمت من الزعل وانا اشاهد مسوخ الاعلام المصري والفن المصري وهم يمارسون ازدرائهم لذلك الوطن ..
كتر خيرك كتير.
Quote: . واقول ليك يادكتور مشرف ،رغم ضيق منزلي وانا اسكن في 200متر قدمت استضافة لمدة شهر رمضان الفات لاسرة سورية اب وام طفلين ،علي ان يقيموا معي مدة الشهر.في صالون ،ابلغتهم انهم اخوة لنا ، لكنهم اعتزوا لي بان منزلي ضيق وشكروني علي ذلك ، نتفاجا ان بعضهم ويقيمون معنا ، هربا من بطش بشار وارهاب داعش يسيئؤن الينا متانسين ، اننا شعب كريم ونبيل ومهم ضاقت بنا الحياه فلن يتغير سلوكنا .لكننا ايضا لم ولن نقبل الاهانة مهما كانت ظروفنا ....... |
| |
|
|
|
|
|
|
Re: لابد من رد فعل قوي تجاه السلوك المشين وال (Re: محمد حيدر المشرف)
|
تحياتي ود المشرف.. السؤال للاخوة السوريين انتوا في واحد سوداني رسل ليكم دعوة عشان تدخلوا بلدنا؟كاذا فعل بكم اللبنانيون والمصريون والاردنيون ؟الم يسئؤ معاملتكم وقاموا باسترقاق واغتصاب وبيع بناتكم؟هل ما وجتموه من كرم وحفاوة استقبال وفرص عمل وتعليم مجاني السودانيين اصحاب البلد مالاقنوا وجتموه في اي دولة اخري؟بعدين عنصريةالعرب وقلة ادبهم دي ما جديدة علينا العرب عنصريين للطيش لذلك مكروهين وبدوهم الجزمة محل مايقبلوا..فشنوا بلدنا معفنة ووسخانة ومقرفة دي مشكلتنا نحلها نحن ومسئولتنا نحن ,زي مابلدكم دمرها الاسد وحولها كوم زبالة وانقاض ..نحن تضامنا معاكم واستقبلنكم لانا دا قدرنا نحن الشعب السوداني دا ربنا خلقنا اطيب الشعوب والنعجة تاكل عشانا...فشنوا اقعدوا معانا بادب لحد ما ربنا يفرج عنكم والا اطلبوا الله الباب فاتح وبفوت جمل وادونا عرض اكتافكم..اذكر الاخوة الطلبةاليمنيون كانوا بيطلقوا مصطلح السعال علي الطلبة السوريين واللبنايين والفلسطنيين...الحكمة يمنية...
| |
|
|
|
|
|
|
Re: لابد من رد فعل قوي تجاه السلوك المشين وال (Re: Hani Arabi Mohamed)
|
استاذنكم في التعليق من جديد فقد وجدت رأياً سديداً للأخ بخاري عثمان أنقله هنا: " قصة السوريين الواقعين نبذ وإساءة يبدو لي انهم عايزين يحصل ليهم مكروه كرد فعل من السودانيين وبعدها تتدخل سفارات اجنبية وتديهم اعادة توطين في بلادها ، ما قدرت ألقى سبب تاني يخليهم يعضوا اليد الاتمدت ليهم بكل كرم غير كده. "
| |
|
|
|
|
|
|
Re: لابد من رد فعل قوي تجاه السلوك المشين وال (Re: Dahab Telbo)
|
التحية لك اخي د . المشرف على هذه الوطنية وهذه الغيرة على الوطن وكلامك صاح مية المية يجب ان يعاقب كل من يسي لوطنا بهذه الصورة المشينة وهذا الزدراء فكلام اخونا حسين موسى عين الحقيقة وعين الحق فهؤلاء الاخوه السوريين ليه ما يروحو الاردن او فلسطين او العراق او لبنان هذه الدول النظيفة والغير عفنه ؟؟؟ لان ما وجدوه في السودان لا يمكن ان يجدوه هناك وبالرغم من ذلك يسيؤون لنا ولوطنا وهذا الشي مرفوض وغير مقبول تماما ,, وطنا عفن او غير عفن هذا الشي يعنينا كسودانيين فقط لا غير ,, وهل من الادب ان تعض الايد يالاتمدت لك بالضيافة والكرم والتعامل الانساني ,,, يجب ان يطرود فورا من السودان ويروحو يفتشو لمكان غير عفن ... الى متى نحن نهان ونستهان ونتعرض لهذا الازدراء من الاعراب الى منى ايها الشعب السوداني الكريم اصحو من غفوتكم فقد طفح الكيل ونلنا ما نلنا من اهانة وازدراء وكمان ف يعقر دارنا ,, فهل تقبل انت ان ياتي ضيف لبيتك وتكرمه واخر المطاف يقول لك بيتك وسخان وغير لايق بي ؟؟؟ وهذا ما حدث تماما لذا ارجو من السلطات المختصة ملاحقة هؤلاء العابثين بوطنا ,,
واسف للاطالة .. وشكرا
تحياتي : ياسر العيلفون .......
| |
|
|
|
|
|
|
Re: لابد من رد فعل قوي تجاه السلوك المشين وال (Re: ياسر السر)
|
تحية طيبة اخي ياسر السر... ياخي داير اذكر الناس الذاكرتها ضعيفة قبل شهور قليلة تم الاعتداء بشكل وحشي وسافر علي اللاجئين السودانيين وترحيلهم بالطائرات الي بلدهم السودان دون احترام للقوانيين الدولية لحماية طالبي اللجوء ولا لانسيتهم ولا اعتبارهم..اشقاء..من دولة عربية وانهم مسلمين بينما لم يحدث الشئ مثله مع اللاجئين العرب من سوريا والعراق وفلسطيين,وبرغم ذلك يحج السودانون يوميا للاردن للعلاج والسياحة والتنزه شفتا بقينا كيف..ماذا فعل المصريون بطالبي اللجؤ السودانيين بميدان مصطفي محمود ااجريمة النكراء الجبانة التي اودت لاستشهاد عدد كبير من الشباب والنساء والاطفال دا غي الشباب الذين اطلق عليهم الرصلص الحي بحجة يهددون امن اسرائيل..والله الواحد بقي مافاهم نحن السودانيين ماذا دهانا ..السودان بق زي بيت الدعارة فاتح للكل والكل يشبع فيه غرايزه ويقضي فيه حوائجه...نستاهل...
| |
|
|
|
|
|
|
Re: لابد من رد فعل قوي تجاه السلوك المشين وال (Re: محمد حيدر المشرف)
|
شكرا للأصدقاء هنا ... حسين ودهب وياسر وهاني كتر خيركم يا صحاب ..
حقيقة غضبت البارحة فوق غضبتي المبررة جدا والصحيحة لرؤية صورة ذلك اللاجيء السوري وهو يسخر من الشابين اللذين كانا معه في الصورة .. اذا لم يغضب المرء منا لسوء الطوية واللؤم, أفلا يغضب للعنصرية والازدراء ؟..
عندما قرأت لمنصور خالد كتاب (جنوب السودان في المخيلة العربية) .. كان المعنى الجوهري الذي تعلمته هو كيفيات دخول (المخيلة المجتمعية) وباعتبارها موضوعا, دخولها على لغة التحليل للظواهر السلوكية للمجتمعات تجاه المجتمعات الأخرى في الاطار السياسي والفكري .. .. وفعالية هذا الموضوع (المخيلة المجتمعية) في التحليل تطال اللغة والسلوك بكل تأكيد .. عشان كده لمن تنتقد كسوداني ايا من المظاهر السالبة في المجتمع السوداني او الدولة السودانية, فهذا النقد مفهوم في سيافاتو الوطنية المحددة .. لا احد سيبحث عن مخيلة أخرى قد تكون منطلقا لهذا النقد .. بينما لا يمكن استقراء اي نقد يصدر من غير السودانيين الا باستحضار المخيلة التي ينطلق منها هذا النقد .. لذلك عندما اتحدث انا عن ضعف البنية الاساسية في الخرطوم واعبر عنها باي لغة, كأن اكتب للناس في حائطي في الفيسبوك انني اكتب اليهم من قلب العفن .. فهذا الامر قد لا يعدو اكثر من تعبير غير لائق او لغة منفلته مني .. بيد ان معانيها واضحة .. فهل الامر سيان اذا ما كتب ذلك الشاب السوري لاصدقائه انه موجود في قلب العفن ؟!! لا ليس سيان بالتأكيد لان الكلمة هنا (عفن) ما هي الا اسقاطا لغويا لمعاني كثيرة ذات صلة وثيقة بمخيلة المتحدث.
عندما عشت بمصر بداية التسعينيات .. شاهدت بام عيني كيف هي المخيلة الشعبية للمصريين عن السودان .. فالسودان عندهم مرادف للبربرية والبدائية والجهل والمرض والتخلف .. وكان جهلاء المصريين (وحتى بعض المتعلمين) يظنون ان بين السودانيين من هم من أكلة لحوم البشر واننا نساكن الوحوش والحيوانات المفترسة ونعيش في الغابات الخ. ..
وعندما أغتربنا وعايشنا الشوام, تبدت لنا العنصرية في اوضح صورها ... لم تكن مباشرة ولكنها واضحة جدا تتسرب من بين ثنايا الاحاديث المتبادلة .. ..
نعرف هذا الاشياء جيدا .. وتعاملنا معها بما هو جدير بها من حزم وأنفة وكبرياء جديرة بنا كسودانيين .. ولكننا وفي ذات الوقت شاهدنا من ينكسر ومن يهرب للامام ومن ليس واثقا أصلا من كريم أصله السوداني (للاسف الشديد جدا) ..
منهم (من هؤلاء السودانيين) من ينتشي غاية الانتشاء من قول احدهم (شاميا او مصريا او خليجيا) اننا شعب طيب حتى ولو قيلت من موقف استعلائي فيه شيء من محاولات التواضع مع الاقل والادنى كما يحاول بعضهم ان يقولها بهذا المعنى.
لكل تلك التجارب الحياتية, اكون قادرا على التمييز الجيد بين الازدراء والعنصرية والتحقير, وقادرا على التعامل معها .. وما اقوله هنا أن تواتر التعليقات السلبية والعنصرية لم يأت من فراغ .. بل هناك خلفيات ثقافية ومخيلة استعلائية جدا تجاه السودان تصدر عنها هذه التعليقات العنصرية وتلك التي تنطوي على قدر كبير من الازدراء. وانا أرفض ذلك كما يرفضها أغلبية أهل السودان ..
| |
|
|
|
|
|
|
Re: لابد من رد فعل قوي تجاه السلوك المشين وال (Re: محمد حيدر المشرف)
|
نعم التعليق سخيف ومقرف بالرغم من ظهور تضارب في النسخ المنشوره في الفيس. لكن اعتقد احنا بنكبر الموضوع لو ربطناه بمشكلة اللجوء تعميما علي السورييين.. فهناك اكيد من لايرضي بمثل هذه التعليقات. وهنالك من لايمتلك اصلا وسيله تواصل.. بالامكان فرز ومحاصره المسيئ في وسيله تواصله الاجتماعيه. والرد عليه بما يستحق. وصولا الي مقاطعه عمله التجاري.. لكن الرد بالهجوم علي كل اللاجئين اعتقد فيه ظلم.
ومن ناحيه التهويل قد ينعكس علي ارض الواقع في شكل تضيييق واعتداءات ومشاكل احنا في غنا عنها وهم كذلك.. ونخت في بالنا احنا بنتكلم عن تعليق او اتنين في الفيس.. من شخص عادي قد يكون متواضع التفكير قليل التجربه في الحياه ساذج. فلا يجب ان نعتبرها تعدي علي كرامه الوطن لمجرد تعليق من هذا الشخص..
بخصوص عنصريه بعض العرب او اكثرهم.. فهي حقيقه.. وواقع. وليست ضد السودانييين تحديدا.. انما هي العنصريه التاريخيه ضد السود.. ومعروف ايضا انها موجوده في كل العالم.. قد تؤلم البعض منا اكثر. لاعتقادهم المتوارث.. انهم ينتمون للعنصر العربي..
| |
|
|
|
|
|
|
Re: لابد من رد فعل قوي تجاه السلوك المشين وال (Re: وضاح عبدالرحمن جابر)
|
كتب د. محمد بابكر
Quote: صاحب البوست وضيوفه سلام كدى قبل السوريين قالوا شنو عايز اسأل سؤال وهو هل يجوز ان ناخد سكرين شوت من الفيسبوك ونطلع بيها مداعى يعنى القصه دى ما عندها علاقه بانتهاك الخصوصيه ولا انا غلطان. ثانيا ما غريبه انه الاسكرين شوتس دى كلها موضوعها واحد كأنما فى زول بطل شغلته ولقطا وجابا حول موضوع واحد وهو رأى السوريين فينا وفى بلدنا . ثالثا ليس من الحكمه بناء وجهة نظر عن مجموعة من المهاجرين بسبب تصرف بعض الأفراد ولو اتبعت هذه القاعدة لتحولت حياة المسلمين الى جحيم فى أوروبا وأميريكا . رابعا وبدلا من ان تأخذنا الهاشميه تعالوا نشوف حال بلدنا وننشغل بحالها وإصلاحه فالواقع أسوأ بكثير مع تحياتى. |
كلام والله
| |
|
|
|
|
|
|
Re: لابد من رد فعل قوي تجاه السلوك المشين وال (Re: وضاح عبدالرحمن جابر)
|
عزيزي دكتور المشرف
تحياتي
في جانب مهم في الموضوع دا شايفك ما أتناولتو و هو حرية اللاجي في التعبير عن رآيو.. و هل منحة اللجو بتصادر حق حرية اللاجيء في التعبير عن آراؤه؟
التعليق المصاحب للصورة الظاهر فيها اللاجيء السوري وسط إتنين سودانيين هو موضوع شخصي بين السوري و السودانيين الإتنين المتصورين معاهو.. و ربما يكون من حقهم مقاضاته
و لكن الحكم على ذلك التعليق لا يتسع لدائرة أكبر ممن ظهروا في الصورة
| |
|
|
|
|
|
|
Re: لابد من رد فعل قوي تجاه السلوك المشين وال (Re: Hafiz Bashir)
|
سلامات دكتور مشرف والتحية ليك ازدراء استحقار وعدم احترام للسودان الاستقبلتهم بصدر رحب ووفرت لهم السكن والمعيشة والدراسة مجانا . وبعد ده كلو في سودانيين المستلبين بيكتبو في مبررات لهؤلاء المستحقرين. السودان بعفنو انتو الجيتو ليها لاجئين تفتشو في مأوي ومسكن ولو ما عجبكم اتركوها امشو بلدان النظافة العاجباكم بلاش افتراء وقلة ادب. سودانا بعفنو وطنا وبلدنا وعاجبانا
| |
|
|
|
|
|
|
Re: لابد من رد فعل قوي تجاه السلوك المشين وال (Re: Hafiz Bashir)
|
تحياتي يا ود المشرف عايز أديك معطى آخر أو عنصر آخر عشان الصورة تكبر شوية في عملنا يتم إيفاد صحفيين وغيرهم من الإعلاميين لتغطية فعاليات في السودان من ضمن الذين تم إيفادهم في السنوات الأخيرة على فترات مختلفة زملاء من المغرب العربي عندما رجعوا كانت انطباعاتهم تقريبا متماثلة، إنو السودانيين أخلاقهم حلوة وكرماء إلى آخر هذه المقطوعة التي نسمعها منذ عشرات السنين لكنهم اتفقوا على أنهم ما كانوا يتوقعوا أبدا أن يكون البلد بهذا السوء: وساخة الشوارع، ترابيتها، فوضى السير (ناس وعربات) الخ حتى إنو واحد منهم موريتاني قال ما كان بتخيل في بلد (أسوأ) من موريتانيا إلا لمّا مشى السودان بعد فترة تم إيفاده إلى الصومال، لمّا رجع قال الحمد لله هناك بلدان أكثر سوءا من موريتانيا
قصدت إنو الموضوع ما عنصرية وتفوق عرقي أو حضاري يتسم به الشوام أو الخليجيين أو المصريين إنما حتى بقية العرب رفاقتنا في القارة والدم المختلط لهم نفس الرأي عن السودان
أقول ليك حاجة كتبتها قبل كده في المنبر دا خواجية أيرلندية عملنا معها في منظمة إغاثة منتصف الثمانينات وعند انتهاء فترة عملها سألتها عن رأيها في السودان(بعد هذه المدة الطويلة التي..)، قالت بالحرف الواحد الإنجليزي: GOOD PEOPLE IN A BAD COUNTRY
أها شنو ليك؟! إذا كنت أوف بوينت، قولها ما بيناتنا
| |
|
|
|
|
|
|
Re: لابد من رد فعل قوي تجاه السلوك المشين وال (Re: معاوية الزبير)
|
مسا الخير المشررف الرجل البشرررف تاعب نفسك ساي تعرف البيييغيظ ويوجع (ال ......سلالم بكري ) انو الناس متخيلة القصة دي حاجة فردية يازول ديل الفول السوداني ده اسمو فستق عبيد عديل بدون لولوة خلي العبيد في حالوم ياااخ طز فيهم وفخار يكسر بعضو انا من الشفتو منهم هنا في الصناعية تضامن ساي مابتضامن معاهم
البشاري بلدنا عفن ووسخان وكلو بس الضيف يقعد بي ادبو اتا هسة بتقدر تقول حاجة هنا الباقي بتمو ليك هناك محل ضبح الكيري
شكرا يامشرررف دايما تجي في الوكت المناسب والا كتا فتحت بوست باسم فستق عبيد
| |
|
|
|
|
|
|
Re: لابد من رد فعل قوي تجاه السلوك المشين وال (Re: حامد بدري)
|
سلام يا دوك اولا صاحب مطعم معناتا دا مقيم بل ومستثمر كمان مش لاجئ تحكمه قوانين الإقامة التي من ضمنها احترام قوانين البلد المضيف و العمل بها و احترام البلد في رقبته لو اي مستثمر اومقيم في اي مكان في العالم وراح وصف هذا المكان بانه عفن تاني يوم وبتتلغي اقامته ويتسفر, وهذا ما يجب ان يحدث اي محامي متلقي حجج يرفع عريضة و قضية ضد صاحب المطعم أمّا تعليقات اللاجئين الآخرين في الفيس بووك الناس ما تديها اكبر من حجمها و تعملها قضية لكن ليكون الدواء بالتي كانت هي الداء عندنا المفسبكاتية و الاسفيراب على قفا من يشيل كل يوم بتجيك نكات و صور مركبة و سخرية بين الهلالاب و المريخاب مثلا و زس صفحة يوميات البشير و من الجانب الآخر الجداد الالكتروني بدل ما الناس دي موجهة اسلحتها وجهدها ضد بعض اليتفقوا على اسبوع يسموه اسبوع رد الاعتبار تتفبرك فيه الاف الصور و النكات و التغريدات على المصريين و السوريين وكل العلوق العامننا مسخرة طالما قلة الأدب مكانها الفيس بوكك و الأسافير يرد عليها بنفس الطريقة أمّا الرد الرسمي بديها اكثر من حجمها و بسهولة سلطات الدول دي تنفي علاقتها أو امكانية سيطرتها على الانترنت !
| |
|
|
|
|
|
|
Re: لابد من رد فعل قوي تجاه السلوك المشين وال (Re: محمد حيدر المشرف)
|
تحياتي للاصدقاء من نافذة الفيسبوك ..
Quote:
Seifelyazal Ahmed · Elizabeth, New Jersey خلونا نتكلم بصورة مختلفة شوية وبدون إنفعال ، صحيح لم يجمع السوريين عى هذه التعليقات الغير كريمة ، لذلك لماذا لا يكون كلامنا موجها ضد هوؤلاء الأفراد في شخصهم فقط ، دعوني أنحى منحي مختلف شوية للمرة التانية لماذا لايرى الناس طريقة إستقبال اللاجئين بهذه الطريقة غير صحيح ، لماذا لم يأتوا عن طريق الأمم المتحدة وبرامجها الكثيرة الخاصة باللاجئين ولماذا لم يتم حصرهم في معسكرات زيهم زي اي لاجيء ، لا أعلم الغيب لكن لي مخ يفكر ممكن تتخيلوا لو تم لجوء سودانيين بهذا العدد في سوريا ستفتح لنا البلد كما فعلنا اشك في ذلك ، نحن لسنا أفضل من أحد ولا أكرم من أحد ، ما يحدث من الآن هو مجرد غباء واستصغار للنفس وتهافت حتي يتحدث الناس عن كرمنا ، من قبل قتلتنا الطيبة والعبط ونحن نغرق حلفا من أجل عيون المصريين ، وماذا جنينا من كل دا أحتلال حلايب ونكران جميل ، لمتين حا نسيب العبط النحنا فيه أعجبني · رد · 18 ساعة
أنر طريقي برغم انني مع فتح الباب لكل من يجد في بلدنا ملجأ من ظروفه الانسانية وبغض النظر عن جنسيته... الا ان الموضوع مهم وفيه ايذاء لمشاعرنا كمضيف،،، لكن الامر في يد السلطات هي التي استقدمتهم وسمحت لهم بالدخول كما في يدها ابعاد اي لاجيء او اجنبي اذا اساء للبلد،،، للاسف سلطات بلدنا غير جادة. هنالك مقوله سودانية قديمة "الضيف بقعد بادبوا او يفوت". أعجبني · رد · 15 ساعة · تم تعديله
Adam Mohajer · University Of Khartoum ود المشرف تحية طيبة والله نحنا ما عارف نلقاها من وين ولا من وين نلقاها من حكومتنا السجمانة ولا هؤلاء الا جئين قليلي الادب والحياء ولا من المثقفاتية الذين يقولون هذا لا يمثل راي السوريين وفعلا البلد عفنة. اتفق معك تماما ان ما قاله هؤلاء الاجئين مرفوض جملة وتفصيلا ولا بد من عمل شيء ما لايقافهم عند حدهم ونوريهم العفانة والقذارة بيان بالعمل. اما بالنسبة للذين يقولون بان هذا لا يمثل راي السوريين وبقول ليهم ده راي الشوام كلهم ومعاهم باقي الاعراب وممكن تكتشف ذلك وبسهولة جدا لانه في اقرب ملف او حتة ضيقة طوالي بفك اخره وبوريك رايه فيك كسوداني وعندي قناعة انه في المليون ممكن تلقى خمسة كويسين وهم يفوقون سؤء الظن في ذلك. لا تساهل مع من يسيء لنا كشعب او لبلدنا ويجب ان يكون الرد سريع وحاسم ....طيبتنا او قل سذاجتنا هي التي جلبت لنا تلك الاساءات والتحقير ومن يحتمل ذلك بحجة واهية انها من قلة ذلك شاْنه فاما انا فلا اتحملها. أعجبني · رد · 9 ساعة
تاج الدين النوبي · يعمل لدى Self-Employed يا ود المشرف أنت آخر شخص في هذا المنبر توقعت منه هذا الكلام أولا هذا الكلام صادر عن فئة قليلة من الإخوة السوريين ثانيا فلو صدر هذا الكلام من العالم كله بالإضافة للسوريين فقد ذكروا لك نصف الحقيقة , فالحقيقة الكاملة مفجعة تعاملنا برد فعل انفعالي لحقيقة معاشة ما هي إلا تسفيه لعقولنا وتحميل الأمر أكثر مما يحتمل الأمر المستغرب هل توجه كلامك الانفعالي إلى المؤسسة الحاكمة أم إلى عامة الشعب؟؟ لو كان للمؤسسة الإجرامية الحاكمة فلا يهمها رأي السوريين ولا الجن الأحمر , فقد سبقوا القذارة بأعمالهم....عرض المزيد أعجبني · رد · 8 ساعة
Facebook Comments Plugin |
| |
|
|
|
|
|
|
Re: لابد من رد فعل قوي تجاه السلوك المشين وال (Re: أبوبكر عباس)
|
Quote: دكتور المشرف، قال ليكم قاطعوا المطاعم الشامية ومحلات البقلاوة السورية بالخرطوة يا الله، بقلاوة دي تكون بالقاف صحيحة |
اقطع ضوراعي التجارة بتاعت البقلاوة والشية دي كن ماوراها تجارة جنس ودعارة وبزنس تحتاني وتزييف عملة والناس ديل شطار في العمل التحتاني اقتصاد بلدانوم كلو قايم من التحتاني وبكرة حتشوفو المقاولين وعقود مع المحليات والمعتمديات وكلو بي التحتاني مرة في خبر سقوط طائرة رواندية طلع فيها مية وكم تحتاني في بقلاوة في رواندا
| |
|
|
|
|
|
|
Re: لابد من رد فعل قوي تجاه السلوك المشين وال (Re: الزبير بشير)
|
عزيزي الزبير تحية طيبة ..
نعم نتعامل باصلنا وما دايرين منهم جزاء او شكورا ولكن لا للإساءة ..
.............................................................................................
شاهدت مشهدا لن انساه مطلقا .. في سبتمبر الماضي شاهدت إمرأة سورية في شارع الشانزليزيه وهي في وضعية السجود التام وامامها طبق لوضع النقود .. كنت اشاهد تلك السيدة يوميا في ذات الموقع وذات الوضعية .. وابدا لم اشاهدها ترفع وجهها عن الارض ... كان مشهدا مؤلما جدا يا عزيزي .. اللجوء ماساة انسانية عظيمة جدا يا عزيزي ..
حامد بدري تحية طيبة يا صاحبي ..
الاوروبيين قايمين وقاعدين عشان يخاطبوا تداعيات اجتماعية وامنية واقتصادية لقضية اللجوء .. هذه دول جادة جدا لا تمارس السبهللية. والوعى العام بالتأثيرات المحتملة يتجاوز لزوجة البقلاوة وبالاحرى لزوجة الاخ العزيز ابوبكر عباس .
| |
|
|
|
|
|
|
Re: لابد من رد فعل قوي تجاه السلوك المشين وال (Re: محمد حيدر المشرف)
|
عزيزي دكتور المشرف التحيات الطيبات الزاكيات
Quote: الاجابة لا .. لا تصادر حرية التعبير .. ولكنها وبالتأكيد لا تمنح حرية الاساءة او حق الازدراء يا عزيزي.. |
متفق معاك تماماً على الكلام دا و متفق معاك برضو على الملاحقة القانونية لكل من يزدري ويحط من قيمة هذا الوطن
لكن وين المعيار البخلينا نقدر نفرق بين الرأي المقبول ضمن إطار حرية التعبير و الإساءة و الإزدراء؟
أنا شايفك إستعملت جنسية صاحب الكلام كمعيار.. نفس العبارات البتصف الخرطوم الصدرت من السوريين ديل ممكن تلقى زيها في المنبر دا كرأي و تلقاها حايمة في الواتساب صادرة من سودانيين و كلنا عارفين إنها حقيقة لا ننكرها.. فشنو البخليها تكون رأي مقبول لو صدرت من سوداني و شنو البخليها تبقى إساءة و إزدراء لو صدرت من سوري؟ دعوتك للملاحقة القانونية إذا لم تكن بتشمل السودانيين الكتبوا عن وسخ الخرطوم و عفنها بتبقى واحد من إتنين: يا إما مصادرة لحق اللاجئين السوريين في التعبير أو هي تفسير مختلف لعباراتهم على أساس عرقي.
تاني و عشان كلامي يتفهم في سياقو: أنا شايف إنو قرار حكومة السودان بأنها تفتح الأبواب لإستقبال لاجئيين سوريين قرار إنفعالي و زيو و زي باقي القررات في تعامل الحكومة مع قضايا العالم.. السودان غير مؤهل لإستقبال لاجئيين لقصور الخدمات المقدمة للمواطن إضافة إلى أن منح اللجوء اولى بها أخواننا من الدول المجاورة لنا.
| |
|
|
|
|
|
|
Re: لابد من رد فعل قوي تجاه السلوك المشين وال (Re: Hafiz Bashir)
|
Quote: لكن وين المعيار البخلينا نقدر نفرق بين الرأي المقبول ضمن إطار حرية التعبير و الإساءة و الإزدراء؟ |
سلامات الاخ الفاضل حافظ بشير يااخي السوري كتب (من قلب السودان من قلب العفن نشعر بالعفن) اذا كان في وجهة نظرك السوري ده عبر عن رايو واعتبرتها حرية التعبير. طيب ما هي معايير الاساءة والافتراء والاذدراء ؟ مع احترامي لوجهة نظرك
| |
|
|
|
|
|
|
Re: لابد من رد فعل قوي تجاه السلوك المشين وال (Re: حامد بدري)
|
أخي العزيز محمد نور عودو
تحياتي
Quote: يااخي السوري كتب (من قلب السودان من قلب العفن نشعر بالعفن) |
اللاجئ السوري كتب الكلام دا يوم الخميس 14 يوليو بعد ما ضربت الخرطوم مطرتين و إتملت الشوارع بالموية المختلطة مع الأوساخ التي قصرت عربات النفايات في التخلص منها.. المعنى الظاهر من كلامو و من قرينة التوقيت الإتكتب فيهو بتدل على إنو بيشير للوسخ و سوء صحة البيئة في الخرطوم.. و لا يوجد مبرر لتحميل عباراته معنى آخر.
المقياس هو دلالة العبارات و ليس الشخص الصدرت منو العبارة.. إذا كان وصف الحاصل في الخرطوم بالقذارة او العفن جريمة او مخالفة تستحق الملاحقة القانونية فدا بيعني إنها جريمة إذا صدرت من سوداني او من سوري .. لكن ما ممكن تكون حرية تعبير مرة و مرة تانية تكون جريمة او مخالفة.
أنا متفهم لوجهة نظرك و بقية الأخوة و لكني أرى أن النظام الحاكم هو من أهدر كرامة السوداني في وطنه و خارجه بتأزيم مشاكلنا الداخلية و بسياساته الخارجية الرعناء.
حرية التعبير ليس مقصورة على التعبير عن ما يرضينا و حتى نتمتع بها يجب أن نعترف بحق الآخرين في التعبير عن رأييهم و يجب أن لا ندعم التشريعات و القوانين التي تحد من حرية الآخرين في التعبير.
الكلام الكتبوهو بعض اللاجئيين السوريين و غيره مما يكتبه بعض العرب في مواقع التواصل قد يكون مستفز و لكنه ليس مبرر لمقابلته بتصرفات تغذي الكراهية بين الشعوب و الكراهية العرقية.
و لك شكري على تحمل وجهة نظري المختلفة معك
| |
|
|
|
|
|
|
Re: لابد من رد فعل قوي تجاه السلوك المشين وال (Re: سيف النصر محي الدين)
|
كتب دكتور محمد مشرف
Quote: لابد من رد فعل قوي تجاه السلوك المشين والمتكرر من هؤلاء اللاجئين السوريين. |
وكتب
Quote: لابد من رد فعل قوي تجاه السلوك المشين والمتكرر من هؤلاء اللاجئين السوريين, ومع كامل تعاطفنا الانساني معهم كلاجئين ولكن يجب ضبط الامور وبحيث يحترموا هذا البلد لكي يستحقوا الاحترام الذي يليق بهم. إستقبل السودان لاجئين من كافة الدول الافريقية المجاورة .. كما صدر لاجئين لدول أخرى عديدة في زمن الغربة والارتحال هذا القبيح.. ونفهم جيدا معاني الجمال الانساني الذي قد يجمع الناس بكافة اشكالهم والوانهم وخلفياتهم .. ونؤمن جيدا باشتراكية الاحزان والمقاسمة الوجدانية قبل مقاسمة المأوى والطعام. لن تجد شعبا يفهم ذلك كما اهل السودان.. ولكننا وقبل كل ذلك يكون الاحترام المتبادل هو الاساس السوي والوحيد والذي تنبني علية كافة الاشياء الأخرى |
وكتب
Quote: .
ظهرت في الفترة الاحيرة صور وتعليقات فيها الكثير من الازدراء للسودان واهله من هؤلاء اللاجئين .. وعن هذا يدور موضوع البوست . |
وكتب
Quote: الملاحقة القانونية لكل ما يزدري ويحط من قيمة هذا الوطن العاجبنا ومالي عينا هي سلوك حضاري وواجب وطني ..
المقاطعة للمؤسسات والمحلات التجارية ذات الصلة بكل من يزدري او يحط من قيمة هذا الوطن هي حق مجتمعي أصيل ..
تقنين الاوضاع الشخصية والتجارية والوظيفية بما لا يتعارض مع مصالح اهل السودان هو مسؤولية مباشرة للدولة السودانية .. |
ما كتبه وطالب به محمد مشرف حق مشروع لاي سوداني غيور علي السودان . السوريين الديل ما السودانيين مشو جابوهم ولا اجبروهم السودانيين عشان يتركو سوريا ويجو يكتشفوا عفن ووسخ السودانيين. هم براهم بارادة انفسهم جو لاجئين للسودان
| |
|
|
|
|
|
|
Re: لابد من رد فعل قوي تجاه السلوك المشين وال (Re: محمد حيدر المشرف)
|
Quote: المقياس هو دلالة العبارات |
ده بالتحديد هو الفيصل في كل الكلام ده يا حافظ .. واربطو ليك بي كلامك حول (ما هو تعريف الاساءة ) او كيفية التمييز بين ما هو اساءة او وما هو تفوه بالحقيقة المجردة ليس الا .
دلالة العبارات هي مسألة شخصية جدا .. وحتى عندما تدخل في اطار الاساءة فهي كذلك شخصية ..
ساضرب لك مثالا .. بعض الشعوب متساهلة جدا في مسألة الشتيمة .. لو اتشاكلو اتنين مصريين وتربطهم صدافة حميمة .. فان اول ما ستسمعه هو عبارات من شاكلة (يا ابن الم.....) .. يتداولونها بينهم في منتهى الاعتيادية .. والاغرب من ذلك, في بعض الاخيان أعني, يتداولونها في حميمية .. وسمعت تلك الحميمة باضنيني !!
ما معنى يا ابن الم.... ؟! ما الاساءة في ذلك بمعيارك الذي تشير اليه ؟!!!
عموما اعتذر عن ايراد النموذج ولكن اقتضته الضرورة للاشارة نحو استحالة تجريد كلمات الاساءة نحو فهمها.
على ذات المنوال, انا وغيري شعروا بالاساءة من طريقة فهمهم لمدلولات التعليقات. هذا هو الامر ببساطه
| |
|
|
|
|
|
|
Re: لابد من رد فعل قوي تجاه السلوك المشين وال (Re: Elhadi)
|
يا مشرف
سلامات
أولا أقول ليك: أحب مكان وطني السودان
لأسباب لا تخفى على أحد، وليس لذلك علاقة بالبنية التحتية أو الفوقية "وجه ماركسي ههههه،
ولا بجمالو أو قباحتو
ما قاله السوريون صحيح، وانا شفت دمشق "على عجل"، فمافي مقارنة إطلاقا بين "الشام" اللي هو دمشق والخرطوم.
بلدنا "شين" و"عفن" ودي حقيقة ما عايزة نقاش، وأن تأتي من "لاجئ" لا تعني إساءة لوطنيتنا. قبل كدا في وطن عربي ما، قال لي مواطن أنو واحد قريبو زار الخرطوم ولاحظ انها مليئة بالذباب.
قلت له "نعم" ولم أغضب.
أرجو ألا تعمينا "الوطنية المتمركزة" من رؤية ما لا يسرنا.
السودان واحد من أكثر دول العالم "تخلفا"،
لكن بالرغم من هذه الحقيقة "المرعبة"،
فما يزال عندي "أحب مكان" ،
رغم أنه يمتلئ بكثير من "القبح" الظاهري ، و"الجمال الباطني". والجمال الباطني كلام صوفي ليس له إثبات .
أرقد عافية.
| |
|
|
|
|
|
|
Re: لابد من رد فعل قوي تجاه السلوك المشين وال (Re: osama elkhawad)
|
يا خواض تعليقا على عبارة الجمال الباطني، واحد صاحبنا سعودي متزوج سودانية من عطبرة كانت جارتهم في الرياض.. المهم مرة في ونسة قال لي الصيف الفات مشينا عطبرة، قلت يا سلام عطبرة دي من اجمل بقاع العالم، عاين لي بي خلعة كأنو بتكلم مع مجنون و قال لي: أنا ما عارف مقاييسك للجمال شنو لكن واضح انها مختلة جدا هههه قلت ليهو الجمال الذي اقصده لن تستطيع انت رؤيته.
| |
|
|
|
|
|
|
Re: لابد من رد فعل قوي تجاه السلوك المشين وال (Re: سيف النصر محي الدين)
|
Quote: قلت ليهو الجمال الذي اقصده لن تستطيع انت رؤيته. |
أيوة يا دكتور سيف.
وأهلنا هم القالوا قبيل :
Quote: القِرد في عين أمو "غزال"* |
فالغزال الذي رأيته ياسيف، هو غزال "باطني" لم يره السعودي،و
لم يره السوريون.
لكن قطعا "القرد" هو "القرد" بالمقاييس الظاهرية،
وهذا هو مااعتمد عليه السوريون.
فالخرطوم مقارنة بعواصم أخرى هي قطعاً شينة،
و"الشينة منكورة" هههههه حتى بالمقياس الظاهري
ونحنا برضو بنقول:
Quote: ما تشكِّر لي الراكوبة في الخريف |
ممكن ك"سودانيين" نحنا داخل البيت الكبير ،
نرضى ب"قردنا" و"راكوبتنا"،،
لكن من المستحيل إقناع الآخرين بجمال" قردنا"، وقوة "راكوبتنا" في الخريف.
وإلا انطبق علينا قول درويش:
Quote: يجب "الدفاع" عن "الغلطْ". |
لاحظ يا دكتور كمية "الأمثال" عن "الشنا"،
كأن لأجدادنا وجداتنا بعض حدوس حول "الشنا" المستقبلية،
فوفَّروا لنا "زاداً" نفسياً للتكيف والتأقلم مع "الشنا" القادمة. _______________________ * في أغنية بتقول:
Quote: شوق "للشينة" لو صعبة |
| |
|
|
|
|
|
|
Re: لابد من رد فعل قوي تجاه السلوك المشين وال (Re: محمد حيدر المشرف)
|
حكومة السودانية هي التي أتت باللاجئين السوريين ورمتهم في البلد كيتا على المواطنين. حتى كلامكم وغيرتكم على بلدكم دا كلو نقة في الفاضي وحدو سودانيزاولاين بتاعتكم دي. تتغالطوا تتشاكلوا في بعضكم لا الحكومة ولا في زول جايب خبركم. الناس في السودان صحوا في عام ١٩٨٩ ووجدوا نفسهم في كوكب آخر. المعايش أصبحت صعبة للغاية والأخلاق إتغيرت. الحكاية جايطة والبلد مليانة أجانب من كل مكان وبقت ما حقتنا. وحلوا محلنا ناس تانيين خالص. حتى الجنوبيين سياد البلد الأصليين طردوهم وأصبحوا غرباء في بلدهم. فبالله ما تحرقوا رزكم ساي. لو عندكم قدرة ووطنية وشجاعة بالجد شوفوا طريقة تحل البلد من ناس الإنقاذ ديل لأنهم هم أصحاب المشكلة الأساسية في تردي الأوضاع في السودان. وجعلونا مضحكة أمام البسوى وما بسوى. أعجبني · رد · 3 ساعة
Facebook Comments Plugin
| |
|
|
|
|
|
|
Re: لابد من رد فعل قوي تجاه السلوك المشين وال (Re: محمد حيدر المشرف)
|
Quote: الحمد لله أن السوريين لم يتداولوا في مراسلاتهم ما يسئ لشرف نسائنا وإلا ما كنا ساعتئذ قبلنا في حملتنا عليهم عذر "الحسانية" الانصرافي داك أرجو أن لا تبستفني مثلما فعلت مع المستنير شايف البوست دا ما فيهو أي وش مبتسم فـ تقبل مني هذا
|
ود المشرف حبابك والله مقدر غضبتك الوطنية عندي مداخلة طلقة واحدة ونفدت في بوست مماثل فاعذرني
لكن شوف الأبعـــــاد دي:
- شخص لاجئ من بين قطرين مسافة من السودان و أواه هذا البلد فأمن من الموت بالبراميل وسقوط السقف عليه ومنظر الأشلاء المستمر .
- وجد طريقه إلى العيش في هذا البلد بعد انعدام الماء والخبز والعمل في دياره.
- لكنه لم يقوَ على تمرير عفونة هذا المضيف، فاسقط كل هذه المَكرُمات!!
العفونة التي أسقطت المَكرُمات إنت أفونة ما تشوف ولاجئ حرب تسوف!
| |
|
|
|
|
|
|
Re: لابد من رد فعل قوي تجاه السلوك المشين وال (Re: آدم صيام)
|
ما فعله اللبنانيون في دول افريقيا عدة من سرقة الماس والاموال معروف ولن نكون استثناء وانطبق علينا المثل ( الاضينه دقو واتعضر لو ) وهذا ما يفعلونه فبعد ان فضحتهم وسائل الميديا يقومون بمساعدة بعض المتاسلمين المغيبي الوعي منا بحملة علاقات عامة من كنس وتنظيف وهم من يغسلون الأموال ويرسلونها لبلادهم ويفرغون السودان من ثرواته. بل يهددون امنه الاقتصادي بتزوير العملة
| |
|
|
|
|
|
|
Re: لابد من رد فعل قوي تجاه السلوك المشين وال (Re: اخلاص عبدالرحمن المشرف)
|
Quote: لابد من رد فعل قوي تجاه السلوك المشين وال |
في ذمتكم ده بوست يفتحو شيوعي...فعلا غلفا وشايلة موسا تطهر لمن صاحبك توفيق يتمخسر علي ناس الضهاري..واقسمتو ان لا يدخبها عليكم مكسين حتى غدت كالصريم..ديل ما كانو سودانيين ؟؟؟ خرطومك دي مش شينة بس ..الشنا ذاتا تستعر منها وان اعتبرني سائح فرنسي عبر العصور اهنتو فيها الجنوبيين والنوبة والاولاد الغرب و وناس الاقاليم... بالشرطة الشريرة والكشة والجلد والقوانين سبتمبر 1983 وضيعتو الديموقراطية واستايل الانجليز واين تسهر هذا المساء والزمن الكان زين وجوكم السوريين من بلدهم السمحة مشردين على قاعدة الفيتوي ذهب المضطر نحاس وتلميتو تولولو وحكمة ربك مشاعر وطنية قال يا اخوي وطنية في وعيكم العفن ده مافي ..وطنية دي كانت سينما ونوع من الشري انت مالك نحن راضين السوريين يقولو الخرطوم شينة...عشان الناس المتابعين شاهد على العصر من اهلم يعرفو الحثالة الحكمت السودان من 1989 وانه القدامهم لا سودان ولا الحاكمين ديل بمثلوهو
رجعو الاقاليم وخلو ابناءها يحكموها 80% من الناس المشكلين ضغط على خدماتا المعدومة برجغو الاقاليم ..انقلو العاصمة كوستي ذى ما فعل البرازليين تقلو العاصمة برازليا واطورت البرازيل بي النظام الديمقراطي الفدرالي الحقيقي فعلا شيوعي والله طيب ما تكلم توفيق الرافع شعار (شينة وعاجباني) وينو الدكتور بتاع سنتر الخرطوم يا المشرف ؟؟
| |
|
|
|
|
|
|
Re: لابد من رد فعل قوي تجاه السلوك المشين وال (Re: Mirghani Taitawi)
|
Quote: هههههههههه صاحب بوست الفتنة المهبب "نسيت إسموه :) " المعاااااااااااااااااااااط العامل فيها ود وطني وكدا :) ما قال بلسانه: احسن الواحد يمشي يشوف ليهو شغلة تانية. هذا البوست انتهى. ما لقا غير شغلة نافعة الود الوطني المعاااااااااااااط قال يواصل في البوست الفتنة المهبب بتاعه كدا !! خخخخخخخخخخخخخخخخخخخخخخ |
مع تحيات قوة الدعم السريع شكرا يا احمد امين في الفيس نحن عندنا مثل في الضهاري في كردفان"عدم الشغلة علم القرد المشاط" وحكمة ربك عامل فيها شيوعي ومنقط الوعي ذاتو اردم والله عجبتني وسريت بالي...سوداني اصيل فعلا السودانيين هشم بيوت...السوريين يقعدوا على عينا وعلى رسنا لحدي ما نظام الخدم ده يبطل ارسال الدواعش لسوريا والجنجويد لليمن ويكون جزء من لالة الجهنمية الدايرة في الشرق الاسوط ونحن ما لينا فيها اي دخل وكلو من ديللا من دياللا الله يرحمك يا الحوت...من امريكا قد دنا عذابها الى الاتبطاح المخزي لسياساتها المفضوحة في تدمير وتفكيك الدول وطلعو الناس في السودان لا دنيا ولا دين
| |
|
|
|
|
|
|
Re: لابد من رد فعل قوي تجاه السلوك المشين وال (Re: أبوبكر عباس)
|
Quote: في النهاية يا أخوانا، الدكتور دا مصنف مع المثقفين وأنصاف المستنيرين؛ |
رغم البوست دا يظل الدكتور مستنير كامل الإستنارة
و بعدين إنت ذاتك وين لقيت الحق في صرف كوتات الإستنارة؟
اوعك تقول لي رسول الإستنارة!
عمرك سمعت ليك برسول إسمو ابوبكر؟
| |
|
|
|
|
|
|
Re: لابد من رد فعل قوي تجاه السلوك المشين وال (Re: عاطف رميتي)
|
Quote: كتير من الاصحاب والزملاء من مدني يشيدون بالتغيير الذي قام به ايللا مما يدل علي ان الامر ليس مستحيل |
إيلا قدم ومازال يقدم لـ مدني الكتير .. من قبل خلي بورتسودان أفضل من العاصمة بمراحل بعد الوسخ والقرف والبعوض .. هسع بـ مدني ما قدمه خلال الفترة دي لم يقدمه من سبقه سواءً سر الختم أو إبن المنطقة البشير طه أو غيرم .. نعم بيشغل شركاته ويضرب بس بيعمل ويقدم ما يخدم المدينة والمواطن. لو (بعض) المسئولين بالخرطوم (العاصمة) طالما بيضربوا أخد ليهو نُص شارع لكان الحال غير الحال المُقرف دا. كل الولايات السودانية بحاجة لواحد زي إيلا .. يضرب ويشتغل ويخدم مُش يضربوا وينوموا.
| |
|
|
|
|
|
|
Re: لابد من رد فعل قوي تجاه السلوك المشين وال (Re: محمد حيدر المشرف)
|
لا جديد يا اخلاص ..
ذات الشخصية السودانية وشهوتها الخلاف والاختلاف يا صديقتي .. ما بين لزوجة ابوبكر عباس وذهان عادل امين الفكري الذي اوصلة لمباراة الجداد نحو الكوشه (ولعله اصلا جداده) ..,يظل ذلك الوطن مجرد جغرافيا للاسقاطات النفسية ومداراة الهزائم ...
يا حافظ بشير كتر خيرك ياخ ولكني بالفعل لم اصل لمرحلة الاستنارة .. استنارة شنو يا حافظ في هذا المستنقع او العفن يا عملات السوريين!!
شراء الجواز السوداني ب 5 الف دولار !!
من المؤسف ان يتحول الوطن لبضاعة .. ومن المؤسف جدا ان يتحول لبضاعة رخيصة .يا شقليني ..
,,,,
عند اطلاق دعواتكم الساذجة لتنظيف الوطن اولا وحتى لا تكونوا عرضة للازدراء .. لا تنسوا ان تغسلوا عقول وعيون وذاكرة من يزدريكم .. وبالمرة ادو الخنوغ الفيكم شطفه شطفتين.
| |
|
|
|
|
|
|
Re: لابد من رد فعل قوي تجاه السلوك المشين وال (Re: محمد حيدر المشرف)
|
تظل كلماتي كالآتي .. كلماتي التي لم تناقش على الاطلاق ..
1- الملاحقة القانونية لكل ما يزدري ويحط من قيمة هذا الوطن العاجبنا ومالي عينا هي سلوك حضاري وواجب وطني ..
2- المقاطعة للمؤسسات والمحلات التجارية ذات الصلة بكل من يزدري او يحط من قيمة هذا الوطن هي حق مجتمعي أصيل ..
3- تقنين الاوضاع الشخصية والتجارية والوظيفية بما لا يتعارض مع مصالح اهل السودان هو مسؤولية مباشرة للدولة السودانية ..
واضيف اليها ..
4- ضبط وتقنين حصول اللاجئين على الجنسية السودانية.
| |
|
|
|
|
|
|
Re: لابد من رد فعل قوي تجاه السلوك المشين وال (Re: محمد حيدر المشرف)
|
Quote:
تظل كلماتي كالآتي .. كلماتي التي لم تناقش على الاطلاق ..
1- الملاحقة القانونية لكل ما يزدري ويحط من قيمة هذا الوطن العاجبنا ومالي عينا هي سلوك حضاري وواجب وطني ..
2- المقاطعة للمؤسسات والمحلات التجارية ذات الصلة بكل من يزدري او يحط من قيمة هذا الوطن هي حق مجتمعي أصيل ..
3- تقنين الاوضاع الشخصية والتجارية والوظيفية بما لا يتعارض مع مصالح اهل السودان هو مسؤولية مباشرة للدولة السودانية ..
واضيف اليها ..
4- ضبط وتقنين حصول اللاجئين على الجنسية السودانية.
|
يا دكتور، لا نستطيع مناقشة النقاط الاربعة مقرونات بما صدر من بعض السوريين بالفيسبوك بانو السودان معفن؟؟؟ ليس لديك نقطة تستحق النقاش. سخريتنا من فكرتك هي الرد المناسب
| |
|
|
|
|
|
|
Re: لابد من رد فعل قوي تجاه السلوك المشين وال (Re: محمد حيدر المشرف)
|
Quote: تظل كلماتي كالآتي .. كلماتي التي لم تناقش على الاطلاق ..
1- الملاحقة القانونية لكل ما يزدري ويحط من قيمة هذا الوطن العاجبنا ومالي عينا هي سلوك حضاري وواجب وطني ..
2- المقاطعة للمؤسسات والمحلات التجارية ذات الصلة بكل من يزدري او يحط من قيمة هذا الوطن هي حق مجتمعي أصيل ..
3- تقنين الاوضاع الشخصية والتجارية والوظيفية بما لا يتعارض مع مصالح اهل السودان هو مسؤولية مباشرة للدولة السودانية ..
واضيف اليها ..
4- ضبط وتقنين حصول اللاجئين على الجنسية السودانية. |
سلامات دكتور مشرف وجمعة مباركة يا اخي الكريم طرحك واضح من عنوان البوست لغاية النقاط الذكرتها دي. لكن معظم المثقفين السودانيين يتهربون من مناقشة هذه الاسئلة بسبب انكسارهم وشعورهم بالدونية والاذلال امام العربان. ايضا هناك سؤال مهم طرحه الأخ كمال عباس في هذا البوست لكن مرة مرور الكرام. ودا سؤال الاخ كمال عباس (والشي بالشئ يذكر هل إذا صدر نفس الكلام المنسوب للسوري لو صدر عن أثيوبي أو تشادي هل كان رد الفعل سيكون واحدا؟ )
اعتقد اذا صدر الكلام عن اريتري او تشادي او سنغالي كان رد الفعل بكون عكس مانراه .
| |
|
|
|
|
|
|
Re: لابد من رد فعل قوي تجاه السلوك المشين وال (Re: معاوية الزبير)
|
. الطعن في قلب الفيل! إطلعت علي أخبار عديدة تتحدث عن أن سوريين يشرعون في نظافة الخرطوم من الأوساخ كرد جميل! * قبل التعليق يتوجب شكر هولاء وهي رسالة تقول أن ماكتب لايمثلهم وإنما ينطق بلسان قلة! * ولكن! كيف سيتلقي العالم الخارجي هذه اللفتة والبادرة؟؟سيربط المتلقي الخارجي الخبريين : بعض السوريين تذمروا من وساخة العاصمة السودانية ولعنوا وسخها! ثم قام بعضا آخر من السوريين بإيقاد شمعة بدلا من لعن الظلام(أقصد الوساخة) وشرعوا بنظافتها ! *إذاالصورة التي ستترسخ في الذهن هي أن الخرطوم فعلا متسخة ومتعفنة وإن سلطاتها المحليةوالولائية والقومية عجزت عن تنظيفها أو تجاهلت ذلك مما أدي الي تعطف وتكرم الجاليةالسورية بهذه المهمة ! وللأسف سترسخ الصورة التي يتم تدوالها في بعض الدول عن شعبنا وهي إنه كسول يعجزحتي عن إزالة ركام القمامة والقاذورات مما أدي لتذمر لآخريين وقيامهم بكل همة بواجب النظافة!* نقاط لابد من الوقوف عندها ــ مع التأمين علي دور المواطن في النظافة العامة إلا إنه تبقي هذه الحقيقة إن بيوتنا ومساكنناالخاصة نظيفة! ـ وإن خرطوم الستينات والخمسينات كان ـ نسبيا وإلي درجة بعيدة ــ نظيفة وأنيقة ولامعة وجاذبةــ مدارس ومستشفيات ومياديين وحدائق ! فما الذي جري ؟* إين الرسوم والجبايات التي تقتلعها االسلطات االمحلية والولائية ؟ أين الضرائب والجمارك التي تنتزعها السلطة القومية والولائية؟* أين مردود تلك الضرائب والجبايات ؟ لماذا لانراها في شكل خدمات ونظافة؟أين التخطيط ؟* لاعجب إن كانت معظم ميزانية الدولة تذهب للأمن والأجهزة القمعية وموارد الدولة تذهبفي جيوب المفسدين ! الدولة ينخرها االفساد ويتحكم فيها المفسدون والموارد يتم إهدارها وتبديدها ويتواصل تغريد المغني ا لخالد محجوب شريف: ,,محل الفرد تتقدم قيادتنا الجماعية محل السجن مستشفى ومحل المنفى كلية,,, محل الطلقة عصفوره,تحلق فوق نافوره وتداعب شفع الروضة,,,,,,,,, ـــــــــــــ هاشم صديق: من أعلن النعَي على ذاكَ الزمان؟!! كان زهُو الفجرِ منقوشاً على صدِر المحالج.. الطواقي الحمرُ تُغزلُ فوق احضان (المناسج)المناديلُ المزركشةُ الزهور.. . الرسائلُ والعطوراللقاءاتُ البريئةالهتافاتُ الجريئةالليالي الشاعريةُ في المنابرشقشقاتُ الوجدِ في صدرِ الدفاتركان صدقُ القلبِ في طرف اللسان والصداقةُ (سيسبان)................... .* كانت الدنيا حديقة.. ومضيئة.. (المواهي).. و(المقاهي). .(المسارح) (الجماهير) و (السواري) (قلدة الأعياد) ).. و (ترنيم الأماني).الأغانيالرياضة.. (المحينة) ) . . و(الرهيب رجل الثواني)( )كانت (السينما جميلة).. وصديقة- (سايكو)( ).. في سينما (برمبل)- في كلوزيوم- في المناظر- أعلنوا (صوت الموسيقى)- يجهرُ المذياعُ بالشدو الجميل.. (وردي) غنى (المستحيل)* الدراما.. الكرامةُ.. الصحافةُ.. الحصافةُ.. الثقافةُ.. القيافةُ.. الطرافةُ.. والأمان- من أعلن النعَي على ذاكَ الزمان؟!!- من أصدر الذكري على ذاك الزمان؟!
(عدل بواسطة كمال عباس on 07-22-2016, 05:30 PM) (عدل بواسطة كمال عباس on 07-22-2016, 05:37 PM)
| |
|
|
|
|
|
|
Re: لابد من رد فعل قوي تجاه السلوك المشين وال (Re: محمد حيدر المشرف)
|
شكرا لعاطف رميتي ..
بالنسبة للزول اللزج القال لاشيء يستحق النقاش مقرونا بما تواتر .. فهذه مسالة تقديرية بالتاكيد ولكن ليس صحيحا ان السخرية هي الرد المناسب .. ليس بالالف واللام عل اية حال ..
عموما لك ان تسخر .. ولي ان لا أقبل السخرية واتعامل معها بعدم الاحترام لك .. و that is all
معاوية الزبير تحياتي يا عزيزي
لا توجد سخرية سوداء في الامر .. هكذا تتداعى الاشياء .. تبدأ من بداية ما وتمضى نحو مناقشة اطارات كلية كقضية اللجوء وتأثيراتها وأزمات الحكم والسياسة .. كما يمكننا الحديث عن الحس الوطني السليم وتعزيزو واستنهاضو كاساس مهم من اسس الوعي الزطني
الخوًاض
ومنذ أن كتب الواثق (أمدرمان تحتضر) .. تعلمنا استحضار الكاتب عند استقراء النصوص الصادمة والبحث عن قراءات أخرى موازية لا تتحقق الا باستحضار الكاتب ... وهكذا قد يكتب يمني ما بكائية في منتهى الاناقة الانسانية عن الخرطوم او صنعاء ..
| |
|
|
|
|
|
|
Re: لابد من رد فعل قوي تجاه السلوك المشين وال (Re: محمد حيدر المشرف)
|
اين ذهبت تلك التيارات ؟ . تيارات الوعى الانسانى المستنير , التيارات التى كانت تنشر اريج عطرها عبر الكلمة المكتوبة والمنطوقة . تيار التعاطف مع المحيط الاقليمى والدولى . الان وصلنا الى احط محطات اليمين العنصرى الفاشى الاوروبى . احط محطاته على الاطلاق . الاثيوبيين والارتريين .. سبب انتشار الايدز , العاملات الاثيوبات خطر داهم على الاخلاق السودانية . العرب المتواجدين عندنا ملعون ابوهم واحنا اصلاً ما عرب .. المصريين حرامية ومحتلين حلايب وشلاتين . والان قانون ازدراء الوطن , ليقع تحت طائلته افراد من الشعب السورى / هذا القانون المُخيف سوف يتحول الى مقصلة لقطع رقاب المعارضة الوطنية ذات نفسها , يعنى نحاكم بيهو سورى وما نحاكم بيهو سودانى ؟ / . اين اختفى ذلك التيار ؟ .. اين ذهب ؟ . فى اوروبا والدول المتقدمة هناك فئة من المحامين تتخصص فى قضايا الاجئين , تقدم لهم الدعم والمساندة , تحميهم ما استطاعت , تترافع امام المحاكم لعدم ترحليهم , تقف فى وجه اليمين الفاشى الذى يصرخ عن نقل الامراض والمضايقة فى سوق العمل والارهاب . الان انظروا الى كرة الكراهية التى تتدرج مثل كرة الثلج , تنقل فيروس الكراهية واباحة الاجنبى , تغرس مشاعر النفور والعداء .. تنتقل وهى تخلق الاسباب وتُمهد الارض , الاثيوبيين سبب اساسى لنقل الايذز , الارتريين عملوا كذا , الجنوبيين انفصلوا مننا وباقان قال " اخيراً ارتحنا من وسخ الخرطوم " .. والان السوريين قالوا عاصمتنا عفنة , وبكرة البنغلاديش ببيقرصوا نسوانا فى المواصلات . يعنى هذه الفاشية تجد الف سبب وسبب لسحق الاجنببى وترحيله , وعندما يتم الترحيل ستختفى بألتاكيد كل البلاوى ويتم احترام الوطن وينعدم تزوير العملة والتجارة فى البشر والانفلات الجنسى وشرب الخمور ونبقى اولاد بلد نقعد نقوم على كيفنا .. نفس مرافعات اليمين الفاشى على كل مستوى العالم . اتمنى من كل المحامين فى السودان , المحامين اصحاب الضمائر اليقظة , اتمنى منهم متابعة كل ما يُنشر ويُكتب ضد كافة الاجئين المتواجدين على امتداد السودان لتفادى اى انعكاسات قد تحدث ضدهم من ضرب او ترحيل او اى انتهاك مادى وجسدى , وعشمى كبير فيهم . التحية لكل الاجانب فى تراب بلدى .. والتحيات الزاكيات لكوكبة كبيرة صامتة فى كل انحاء العالم من القانويين وغيرهم وهى تبذل الوقت والجهد لحماية اى لاجىء من اى انتهاك وهى ترفض سن اى قانون يؤدى الى مضايقته / مثل قانون ازدراء الوطن المُقترح فى دورة انعقاده الاولى / . من يكون اجنبى فى بلد الغير , ويكتب ضد اجنبى فى بلده , عليه ان يتحسس راسه , فليس لنا مسدس نتحسسه غير المواثيق الدولية المُبرمة والمُعاهدات المُوقعة .
| |
|
|
|
|
|
|
Re: لابد من رد فعل قوي تجاه السلوك المشين وال (Re: محمد حيدر المشرف)
|
شكرا كمال عباس على تلك الشجون ..
هناك اشياء تتداعى .. اولها الشخصية السودانية وثانيهما الدولة السودانية .. وايهما المسؤول الاول ؟!
تعلمنا من تجربتنا في الخليج العربي أن الدولة من خلال التعليم والاعلام والبلدية والوزارات المختصة وغيرها, تستطيع دفع المجتمع والانسان نحو الحفاظ على بيئته نظيفة, بل والاهتمام بنظافته الشخصية واكتساب السلوك المدني والحضاري الراقي.
في دولة كالسودان يتعاظم دور الدولة باستحضار حقيقة التخلف الحضاري والوعي المدني المتدني وانفتاح الحدود والانحطاط التنموي في الريف والمدن على حد السواء والذي كانت من نتائجه الك الهجرة الجماعية من الريف وعحز المدن عن تلبية الاحياجات الخدمية والبيئية لقاطنيها ..
هذا جانب واحد من الموضوع .. الجانب الآخر يتمثل في تدني الروح الوطنية .. ما عاد ذلك الوطن مهما في ذاته ... تباع بطاقة الانتماء اليه بحفنة قليلة من الدولارات بحسب ما اورده الشقليني هنا, ويزدريه قاطنيه من غير اهله .. ويتجاوز , وباعتيادية فائقة, عن الازدراء اهله .. ويتلاعب به اللصوص الرسميين كما بشاؤوا ..
محزن جدا يا كمال!!
| |
|
|
|
|
|
|
Re: لابد من رد فعل قوي تجاه السلوك المشين وال (Re: محمد حيدر المشرف)
|
Quote: لا مرحبا ولا اهلا ولا سهلا باي اجنبي لا يحترم هذا الوطن وانسانه .. |
طيب شكراً لوقتك الغالى . قشة ما تعتر ليك . انتو الاصغر سناً وانتم من تقررون مصير بلدكم .. واحنا العجايز علينا نقول " كده غلط " , و " دى فاشية فى اعلى مراحلها " . اها الناس البتقول اى لاجىء لا يحترم بلدنا عليه الرحيل , طيب الزول السودانى السمعتو قبل كم يوم فى برندة السوق العربى بيسب للسودان وهو بيتكلم فى التلفون وقال بالنص " يا اخى بلدنا دى خراء " , زى ده نرحلو وين ؟ . ننتهز الفرصة ونوجه اجمل التحايا لكل اجانب السودان , واتمنى من السلطات المختصة توفيق اوضاع المخالفين منهم دون ابعادهم .
| |
|
|
|
|
|
|
Re: لابد من رد فعل قوي تجاه السلوك المشين وال (Re: محمد حيدر المشرف)
|
Quote: Ali Aburas بدل أسئلتكم الكثيرة دي أين وأين مع إنو عارفين مين البلع القروش أحسن تعقدوا الهمة من أجل الوطن وتخرجوا كلكم شيب وشياب وشباب رجال ونساء وحتى الأطفال أخرجوا يوم واحد فقط في كل الأحياء في الأسواق بل وفي كل مكان ونظفوا الشوارع وكمان ساعدوا السورييون الناس الطيبين ديل اللي ما أساؤا ليكم. وبدل ما تشملوهم كلهم وتكيلوا ليهم اللوم والإساءات بالجملة مفروض تشكروهم لأنهم لفتوا نظركم لوساخة البلد وعايزين ينظفوا بلدكم الوسخانة بدلا عنكم. |
نشكر السوريين الذين قاموا بذلك العمل البيئي الجيد والدعائي الجيد .. وندين العنصرية تجاه اهل السودان من قبل اي سوري ... وندين اي اساءة موجهه لبلدنا كيفما كانت واينما كانت. ونسعى ونضغط في اتجاه تنظيم وتقنين دخول اللاجئين للسودان واوضاعهم في سوق العمل وغيره بما لا يتعارض مع مصلحة اهل السودان.
| |
|
|
|
|
|
|
Re: لابد من رد فعل قوي تجاه السلوك المشين وال (Re: محمد حيدر المشرف)
|
سلام أخ محمد المشرف,Quote: بالنسبة لمسالة الطعن في الفيل والتي اثارها كمال عباس هنا .. لابد من الاشارة الى انو مافي حتمية بتقول انو الفيل واحد .. |
بعيدا عن ماقاله بعض السوريين عن وساخة الخرطوم وتطوع بعضا من السوريين لإزالةالوساخة وتنظيف الخرطوم ـ كرد جميل أو كفارة! بعيد عن هذا أقول الفيل بالنسبة لنا واحد هو الفيل الذي رمي موارد الدولة في كرشه وإلتهم الضرائب والجمارك والعوائد والرسوم ورماها في البطن المتكرش ! قلنا,Quote: إين الرسوم والجبايات التي تقتلعها االسلطات االمحلية والولائية ؟ أين الضرائب والجمارك التي تنتزعها السلطة القومية والولائية؟* أين مردود تلك الضرائب والجبايات ؟ لماذا لانراها في شكل خدمات ونظافة؟أين التخطيط ؟* لاعجب إن كانت معظم ميزانية الدولة تذهب للأمن والأجهزة القمعية وموارد الدولة تذهب في جيوب المفسدين ! الدولة ينخرها االفساد ويتحكم فيها المفسدون والموارد يتم إهدارها وتبديدها !هذا هو الفيل الذي يجب أن نطعن في قلبه ! |
أما تدعيات وإفرازات "فعل" الفيل الطفيلي وماجره علينا من سخرية وتحقير فهذا أمر لا أصادر النقاش فيه ولا أقلل من أهمية حواره ! حيث إني لا إدعي إمتلاك الحقيقة أوالتقليل من أهمية تناول الأمر من زوايا مختلفة! * سخر بعض العرب من مشاركة جيش السودان حماية لخادم الحرميين وعودة" الشرعية في ا ليمن وهم يستحضرون صورة الالاف القوات الدولية التي جاءت لدارفور حماية للسلم والأمن والمدنيين ! وهو يستحضر صورة وزير الدفاع وهو يتحدث عن سياسة الدفاع بالنظر وصورة قلب الخرطوم وهو يضرب بالطيران الإسرائيلي ومنظر الرئس السوداني وهو يستعرض ثقافته العسكرية ومعارفه الدفاعية الجمة !" المصنع ضربتو طائرات شافوها النسوان في بربر!!" ثم يتضح أن الضربة تم بواسطة قذف صاروخي بعيد المدي ولم تقوم به طائرات عابرة للسودان!وهي ذات ا لحكومة التي لازالت ترابها تحتله مصر وأثيوبيا !! ومع هذا كله فهي ترسل لقواتها لحماية الملك والشرعية اليمنية ! ,,,,,,,,,,
(عدل بواسطة كمال عباس on 07-22-2016, 11:55 PM)
| |
|
|
|
|
|
|
Re: لابد من رد فعل قوي تجاه السلوك المشين وال (Re: كمال عباس)
|
شكرا يا كمال ..
اتفق معك تماما ..
Quote: ما تدعيات وإفرازات "فعل" الفيل الطفيلي وماجره علينا من سخرية وتحقير فهذا أمر لا أصادر النقاش فيه ولا أقلل من أهمية حواره ! حيث إني لا إدعي إمتلاك الحقيقة أوالتقليل من أهمية تناول الأمر من زوايا مختلفة! |
لو رتب الناس امر تناولهم لهذه القضية وتداعياتها كما رتبته انت .. لما احتجنا لهذه المغالطات غير الموضوعية والمتناثرة في ارجاء هذا البوست ..
يجب الاشارة لمسألة مهمة .. قد يشكل انحطاط الدولة السودانية مدخلا لازدراء اهل السودان .. الا أن جوهر الامر كما قلت سابقا عندو ابعادو الثقافية والعنصرية والبعيدة جدا عن عن هذا الانحطاط... ولذلك انا قلت انو المسالة دي فيل لحالها.. ويمكن قراءتها تحت تعديل عنوان منصور خالد المشهور داك لل "السودان في المخيلة العربية" ..
| |
|
|
|
|
|
|
Re: لابد من رد فعل قوي تجاه السلوك المشين وال (Re: محمد حيدر المشرف)
|
محمد نور عودو تحية طيبة ..
Quote: لكن معظم المثقفين السودانيين يتهربون من مناقشة هذه الاسئلة بسبب انكسارهم وشعورهم بالدونية والاذلال امام العربان. |
قد يكون بعضهم كذلك .. الا انني مما لاحظت في هذا البوست.. هناك عدم قدرة على معالجة البيانات المختلفة في ذات الوقت .. ربما يعود ذلك لبساطة وعدم تعقيد المحيط البيئي والانساني في السودان,..
| |
|
|
|
|
|
|
|