سورييون يشعرون بالعفن في السودان ويسيئون للبلد (توجد صور)

Quote: سلام لصاحب البوست وضيوفه الكرام في رأيي المتواضع إنّو الموضوع أخد اكبر كتير من حجمه، يعني اذا كانت الصور صحيحة، ديل سوريين مغتربين بيقطعوا بيناتم في بلد وناس بيعتبروهم تعبانين ومتخلفين ووووووو ، ودي حاجة طبيعية في كل لمات المغتربين من كل الجنسيات هسي شوف لمات السودانيين في الخليج وحتى في أوروبا وأمريكا بيقطعوا في أهل البلد مع انهم عايشين فيها. الموضوع طبعا يبقى قلة أدب إذا كانت القطيعة قدام السودانيين أو علانية على الملأ. المحزن بالنسبة لي أنو السودانيين عموما مابقيموا أنفسهم وبيضعوا قيمة كبيرة جدا لرأي الشعوب الأخرى فيهم وأكبر دليل شوف في المواقع السودانية الاحتفاء المبالغ فيه بكتابات كتاب عرب مغمورين عن طيبة وكرم السودانيين وزيارات فنانين عرب وإلى آخره من القصص التي لاتسمن ولاتغني من جوع عشان كده الناس دي بمعظمها بتنظر لينا اننا ناس سذج وأننا نحس بدونية تجاههم بينما نحن نرى انها طيبة وإكرام ضيف وغيره. خلاصة القول نحن مامحتاجين شهادات من فلان وعلان، المفروض نركز على سلبياتنا ونعالجها بالشكل السليم عشان نفسنا وبلدنا فقط بدون مانضع اعتبار كبير لرأي الأغراب طالما عاملين الشي الصاح.