للأذكــيـاء فـقـط ،،، Only intelligent ،،،،

Quote: يا حاتم نظرية فيثاغورث بتقول انو مساحة المربع المنشأ على الوتر تساوي مجموع مساحتي المربعين المنشأين على الضلعين الآخرين ،،، وهكذا تفهم المربعات كوحدات مساحة - مثلاً: متر مربع 1*1 ،،، وهكذا!

الله يفتح عليك يا أيمن

يلا الطريقة دي هي من أساليب التعليم الأساسية، اسمها طريقة التوضيح بالمثال، لا تصلح للرياضيات لأن الرياضيات تجريد للجبر والجبر تجريد للحساب، لكن بيستخدموها مع الأطفال والجماعة بتاعين أو تعليم الكبار. نظرية فيثاغوراس للمثلث قائم الزاوية هي حالة خاصة من الهندسة الأوقليدية يعني المثلث العام غير القائم الزاوية، تقسيم المساحة لمربعات بيساعد في الاثبات فقط للحالة الممكن تقسم فيها المساحة لمربعات بوحدات معلومة وفي حالة الرسم أعلاه فهو مطبوخ عشان التلميذ يقدر يعد المربعات دي، طبعاً دي نفس الطريقة المستخدمة في الكمبيوتر الرقمي. القصد من النظرية هو الانتقال للمعادلة الرياضية التجريدية a2+b2=c2. البتوضح العلاقة بين الأضلاع مش المساحات المفروشة بالبلاط، وفي الإثبات (للناس العقولها شغالة) غالباً بيتم الطرق الهندسية بالمعادلات يعني زي ما عملوا الجماعة ديل هنا بالمعادلات الرياضية وليس الحساب العددي. http://sudaneseonline.com/board/490/msg/1451145701.html التوضيح بالمثال دا إذا لم تتبعه توضيحات للغرض من النظرية أو دواعي استخدام طريقة الشرح نفسها فتبعاته كالآتي: مثال أول: لو جبت أي مثلث تاني قائم الزاوية وقلت للزول أحسب لي طول الضلع الفلاني فغالباً حيبدأ يرسم امتدادات الأضلاع ويعمل منها مربعات ويبدأ يرص جواها البلاط المزايكو دا عشان يعدو بالحبة. مثال تاني: لو شرحت العملية الحسابية بطريقة المثال بدون توضيح الغرض من عملية الجمع دي مثلاً 3 بلحات + 7 بلحات = 10 بلحات ودلوقتي سألت الشخص 5 أقلام + 3 أقلام = كم؟ حيقول ليك (8 بلحات) مثال تالت واقعي: حالة أخونا يوسف مع نظرية فيثاغوراس بتأكد حاجة واحدة فهو حتى الآن أسير لطريقة التوضيح بالمثال وانعكس دا على نص النظرية نفسها (لاحظ إنو لسة بيقول مربعات الوتر إلخ)، طيب، دا في الواقع نموذج مثالي للعقلية البيفكر بيها. المثال الواقعي هنا هو نظرية الموسيقى، فالراجل شرحوا ليهو الوسائل التوضيحية لكيفية انتاج الموسيقى الكلاسيكية بتاعة القرن السابع عشر كحالة للدراسة وعلى أساس يستخدم المفاهيم (المفاهيم فقط) كوسائل في تحليل وتأليف الموسيقى الحديثة المختلفة نوعاً ومزاجاً، قام عمل شنو؟ بقى يستخدم وسائل الشرح الكلاسيكية (البلحات) في انتاج الموسيقى السودانية!!! يعني لايق القهوة بالويكة، يعني ممكن جداً تلقى في المنبر دا إنو "فلان الفلاني بيغني بموسيقى خلفية مضادة"ودلوقتي بيحاول يقنع الناس بأنو دي (حداثة) و (ثقافة) مع إنها أساليب توضيحية لموسيقى حصلت قبل أربعة قرون!!! غني عن الذكر إنو النتيجة طلعت الشيء الانحنا شايفنو دا، وانتهت بيهو لتدريس اللغة العربية باستخدام الأناشيد والمحفوظات، أنسب مجال للشرح والتوضيح بالمثال، فاللغات تدريسها بالأمثلة وليس المعادلات، الأمريكان بيعرفوا وين الزول بينفع. ____ جناً تعرفو.