ماهو رأيكم في من يعيش في الغرب و يصفهم بالكفار، ولا يؤمن بالتعايش السلمي بينهم؟!

Quote: (لو قارنا قصر الحمراء بقصور أوربا الحجرية الرطبة البارة نجد أنها عالماً آخراً تماماً ...لا عجب أنهم أرادوا احتلال الحمراء كانت جميلة جداً ولا نظير لها )

هي فعلاً متميزة لأنها من عالم تاني، بس لو فهمت الكلام على أنها أفضل تكون غلطان، دا خطأ شائع ونظرة متحيزة جداً

لما الواحد يعبوا راصو بأنو المسلمين عمروا اسبانيا وخلو ليهم عمران عمرهم ما كانوا يحلموا بيهو بيفتكر إنو أسبانيا دي كانت بلقع شوية كهوف وناس ما قبل التاريخ، كفرة فجرة. الإمبراطورية الرومانية احتلت شبه جزيرة إيبيريا سنة 218 قبل الميلاد لذلك لما تنظر لتاريخ العمارة في أسبانيا (الأندلس) فانت بتنظر لتاريخ العمارة في الامبراطورية الرومانية، الرومان كانو امبراطورية قبل ظهور المسيحية يا منتصر، (المسيح مولود قبل الرسول ودي معلومة إضافية مني). انت جيت لقيت الناس فايتاك مسافة يا منتصر، التحت دا المسرح الروماني في مدريد يا منتصر ودي القصور والقلاع البتقول عليها باردة، دي قلعة في الباسك ودا قصر سان لورينزو (1559) البارد اتعمل بعد طرد المسلمين، يعني ما محتاجين لعمارتك يا منتصر ودا القصر من جوة الناس ديل المسلمين انتصروا عليهم بربرية ساكت كدة، انت في الواقع (كحضارة) ما جبت من عندك حاجة، انت ربطت بين عالمين الشرق والغرب وليك أجر المناولة بس، العمارة البتقول عليها "إسلامية" بكل ذخارفها هي في الواقع نقل لتراث فارس والهند، هاك ياهو الاستايل بتاع المساجد بتاعتك مش كدة، التحت دا مبنى في الهند وهندسة العمارة الانت شايفها دي ما جابوها من الحجاز ولا نجد، لا، داك محلها، فدي حضارات انت جيت لقيتها سبقتك دا الحرم المسجد النبوي، ما ياهو؟ وهاك دا تاج محل، فرقو شنو من المسجد النبوي الفوق دا يا منتصر؟ كل إضافتك للعمارة الانسانية يا منتصر هي الهلال الختيتو في نهاية القبة، بس. الصحراء مافيها عمارة يا منتصر، فيها خيم معمولة من الشعر. ____ الما بدورك يقول على قصرك ساقط