حبيبنا أبوروضة جعل المانع خيراً .. ليك وحشة

07:12 AM May, 25 2016

سودانيز اون لاين
علي عبدالوهاب عثمان-جدة
مكتبتى
رابط مختصر

فقدنا أبوحسين .. وخليفة وجادات ووائل ومعاوية غياب إختياري وقصي محدد المداخلات وصالح الزبير كذلك

كمان بدون أبوروضة .. سودانيز بقى بدون طعم ..

عن إذنك أبوروضة رسالة لأبوحسين :

مبروك برشلونة أبوحسين ..
عشان أنا نصراوي كمان خروج هلال السعودية من آسيا خبر مفرح


مودتي الحبيب باورضة عوداً حميداً ..

أأأأأأألي ... مسكاقمي ..

الظاهر ...ابو رووضه ... الكفيل عاصر عليه وقاطع منو النت ..
بس هو شديد ولضييض .. وما تشغل بالك عليه ...


عــــالـــــم بـطــــالـــــــــــــــة

حبيبنا مجيدو .. مسكاقمي ..

الواحد عشان في الغربة .. يشوف سودانيز زي تجمعاتنا في القرى
مهما أختلفنا أو إتفقنا لكل واحد منا ليه طعم مختلف عن الثاني ..
هذا ينكاف .. وذاك يجادل .. والصامت .. والساخر .. والشاتم .. والمادح .. والواعظ .. والمتدين والعلماني .. إلخ
خلطة في غاية جمال ولوحة غنية بالالوان والظلال ..

مودتي مجيدو ..

سلام ياعلي وتحية لابوروضة ورفاقه المذكورين في متن البوست
ليت بكري يعيد الباسويرد للموقوفين كلهم
نحن اسرة واحدة كاننا في مكان عمل واحد من الطبيعي نختلف ونتحابب كمان لو افردنا مساحة من المحبة لمجادلاتنا وتهاوشنا في المنبر
لن نبلغ الجبال طولا ولن نخرق الأرض مهما اختلفنا وتنابذنا طالما صراعنا يدور في الشأن العام ،
ليتنا كلنا ننأ بأنفسنا من ظاهرة السب المنشرة في المنبر ، وزج أهلنا واسرنا ووصفهم بما ليس فيهم

حبيبنا حيدر .. مودتي ..
خلاف .. إختلاف .. حتى النزاع .. ما مشكلة نحن شعب مسالم في الغالب
نختلف لدرجة الالتحام .. وفي نفس ضل الشجرة نقوم نتغدا ونصلي العصر
وكل واحد الماشي الحواشة والمعدي للجزيرة والمدرس الماشي النادي .. إلخ
في جلساتنا في القرى كل يوم كان في واحد منتصر في المناظرات والنقاشات
زراعية أو سياسية أو رياضية .. إلخ ، في المشرع لحين قدوم المركب
كنت تسمع العجب العجاب ، أو مواقف البصات في المدن ، في الاندية
أهم حاجة تنوع الحضور: مسيخ حلو احمق غبي ذكي حاضر البديهة سكران واعي واعظ المهم الجلسة ..
صدقني يا حيدر هنا في جدة تجلس في القهاوي .. تسمع جدالات الكورة والسياسة والاجتماعيات .. تفتكر
أن هناك عداوة بين الجلساء .. آخر الليل فول مصلح من مجدي الحلفاوي وكيس صعود من صلاح ووداع
حار إذا غبت يتابعوك بالاتصالات ..

أنا ما عارف بكري ما عاصر الحاجات دي في السودان

مودتي حيدر الحبيب

مرحب عبدالوهاب عثمان
واسف جدا على التأخير ويشهد الله اني لم أرى هذا البوست
شوية مشغوليات
وزحمة وقت لا اكثر
وياهو الواحد بحاول يكون موجود مع البقية بقدر الإمكان
نتمنى عودة الجميع للمنبر
خاصة والأيام القادمة ايام خير وبركة وتسامح
وشكرا على السوال
يا حبيب
كسرة
سلام يا مجيدو
لو ما داخل من جوال كان هديت ليك أغنيتك المفضلة
القطار المرأ
مع وجه ضاحك
تحياتي