|
|
|
 Re: حبيبنا أبوروضة جعل المانع خيراً .. ليك وحش� (Re: محمد مجيدو)
|
حبيبنا مجيدو .. مسكاقمي ..
الواحد عشان في الغربة .. يشوف سودانيز زي تجمعاتنا في القرى
مهما أختلفنا أو إتفقنا لكل واحد منا ليه طعم مختلف عن الثاني ..
هذا ينكاف .. وذاك يجادل .. والصامت .. والساخر .. والشاتم .. والمادح .. والواعظ .. والمتدين والعلماني .. إلخ
خلطة في غاية جمال ولوحة غنية بالالوان والظلال ..
مودتي مجيدو ..
| |
 
|
|
|
|
|
|
|
|
Re: حبيبنا أبوروضة جعل المانع خيراً .. ليك وحش� (Re: علي عبدالوهاب عثمان)
|
سلام ياعلي وتحية لابوروضة ورفاقه المذكورين في متن البوست
ليت بكري يعيد الباسويرد للموقوفين كلهم
نحن اسرة واحدة كاننا في مكان عمل واحد من الطبيعي نختلف ونتحابب كمان لو افردنا مساحة من المحبة لمجادلاتنا وتهاوشنا في المنبر
لن نبلغ الجبال طولا ولن نخرق الأرض مهما اختلفنا وتنابذنا طالما صراعنا يدور في الشأن العام ،
ليتنا كلنا ننأ بأنفسنا من ظاهرة السب المنشرة في المنبر ، وزج أهلنا واسرنا ووصفهم بما ليس فيهم
| |
|
|
|
|
|
|
|
|
Re: حبيبنا أبوروضة جعل المانع خيراً .. ليك وحش� (Re: حيدر حسن ميرغني)
|
حبيبنا حيدر .. مودتي ..
خلاف .. إختلاف .. حتى النزاع .. ما مشكلة نحن شعب مسالم في الغالب
نختلف لدرجة الالتحام .. وفي نفس ضل الشجرة نقوم نتغدا ونصلي العصر
وكل واحد الماشي الحواشة والمعدي للجزيرة والمدرس الماشي النادي .. إلخ
في جلساتنا في القرى كل يوم كان في واحد منتصر في المناظرات والنقاشات
زراعية أو سياسية أو رياضية .. إلخ ، في المشرع لحين قدوم المركب
كنت تسمع العجب العجاب ، أو مواقف البصات في المدن ، في الاندية
أهم حاجة تنوع الحضور: مسيخ حلو احمق غبي ذكي حاضر البديهة سكران واعي واعظ المهم الجلسة ..
صدقني يا حيدر هنا في جدة تجلس في القهاوي .. تسمع جدالات الكورة والسياسة والاجتماعيات .. تفتكر
أن هناك عداوة بين الجلساء .. آخر الليل فول مصلح من مجدي الحلفاوي وكيس صعود من صلاح ووداع
حار إذا غبت يتابعوك بالاتصالات ..
أنا ما عارف بكري ما عاصر الحاجات دي في السودان
مودتي حيدر الحبيب
| |
|
|
|
|
|
|
|
|
|
Re: حبيبنا أبوروضة جعل المانع خيراً .. ليك وحش� (Re: علي عبدالوهاب عثمان)
|
مرحب عبدالوهاب عثمان
واسف جدا على التأخير ويشهد الله اني لم أرى هذا البوست
شوية مشغوليات
وزحمة وقت لا اكثر
وياهو الواحد بحاول يكون موجود مع البقية بقدر الإمكان
نتمنى عودة الجميع للمنبر
خاصة والأيام القادمة ايام خير وبركة وتسامح
وشكرا على السوال
يا حبيب
كسرة
سلام يا مجيدو
لو ما داخل من جوال كان هديت ليك أغنيتك المفضلة
القطار المرأ
مع وجه ضاحك
تحياتي
| |
|
|
|
|
|
|
| |
علي عبدالوهاب عثمان
محمد مجيدو
حيدر حسن ميرغني
فرح الطاهر ابو روضة
فيس بوك
تويتر
انستقرام
يوتيوب
بنتيريست