حبيب نورة وحمور زيادة وبورداب القاهرة .. .. اين انتم ؟؟؟ سبب الانقطاع ؟؟

09:07 PM May, 12 2016

سودانيز اون لاين
baha eassa-مقيم مؤقتا بالقاهرة
مكتبتى
رابط مختصر

هذه دعوة لكل البورداب الذين غادروا المنبر للعودة خاصة بورداب القاهرة الذين اصبحوا لايدخلون المنبر وليس لهم
بالتالي اي وجود كبورداب في القاهرة .. .. وياريت كل واحد يدخل ويكتب الاسباب التي ادت الي مغادرته هذا المكان
حتي تكون رسالة للريس بكري والاعضاء لتفادي بعض الاشياء التي تسبب الضيق للبعض .
لااحد من الاعضاء ينكر الدور الكبير الذي لعبه هذا الموقع في الربط بين الاعضاء في كل انحاء العالم واصبحنا
نلتقي بالبورداب في اي مكان وكاننا اسرة واحدة وبيننا صلات قرابة . ويكفي هذا الموقع هذه الميزة كاهم مميزات
الموقع في كل انحاء العالم .
هنالبك اسباب كثيرة لابتعاد البعض والذين كانوا يشكلون حضورا دائما وقويا ومثمرا منها بعض المواضيع التي
تطرح ويبدا النقاش فيها بحدة وبعض الاوقات بخروج من ادب النقاش مما يغضب البعض ويجعله يتخذ قرار الابتعاد
كاحلي الامرين .. ..
هذه دعوة للعودة وطرح اسباب الابتعاد بكل وضوح وشفافية حتي تتم المناقشة والوصول الي بر يجمعنا جميعا مرة
اخري .. .. والاراء المطروحة يجب ان يشارك فيها الريس بكري برايه .

سلامات بهاء مسككككاقمي|

انت زاتك مختفي وين وانا زاتي مختفي وين ههههههه

حليلك وحليل الايام الجميلة هنا في البورد ومتابعة للندية وبالصور لمن يجوكم في القاهرة

يا بهاء من الاخر:

السبب الناس هربت للفيسبوك لانه بقى في جيب كل سوداني ومنتشر بصورة اكبر من البورد وهنا في السودان الشبكة كعبة وما بنتفتح المنبر بسهولة لكن الفيس سريع جدا ومتاح للكل ممكن يسجل.

شايف بكري عامل صفحة للمنبر في الفيس لكن المتابعة ضعيفة والاسباب معروفة بالنسبة لي . ح افتح بوست واوضح طريقة لفتح باب التفاعل ف الصفحة

Quote: لسبب الناس هربت للفيسبوك لانه بقى في جيب كل سوداني ومنتشر بصورة اكبر من البورد وهنا في السودان الشبكة كعبة وما بنتفتح المنبر بسهولة لكن الفيس سريع جدا ومتاح للكل ممكن يسجل.

سلام اخي احمد .. ..
فعلا السهولة والفيسبوك والنت حق السودان من الاسباب الهامة .. لكن هل الفيس بوك زي منبر بكري؟
ما اظن لانه الموضوع في الفيس زي رغوة الصابون بينتهي بسرعة .. .. ولكن في المنبر يبقي ويتم التداول
لاسابيع .. ..

نحن هنا بهاء

صلاح غريبة - القاهرة
عمدة بورداب القاهرة

Quote: حن هنا بهاء صلاح غريبة - القاهرة عمدة بورداب القاهرة

اوووه العمدة صلاح غريبة .. انت فعلا عمدة وانا اثني علي عموديتك لبورداب القاهرة

حمور زيادة الان خارج القاهرة بل خارج مصر وننتظر عودته .. وحبيب نورة يغادر
القاهرة بعد ساعات في رحلة قد تمتد لاكثر من نصف عام .. ولكننا ننتظر منهم توضيح
اسباب انقطاعهم وحبيب نورة قبل قليل وعد بالدخول في البوست بل العودة للمنبر مسقط
راسه وبداية كتاباته قبل ان يصعد سلم النجومية ويصبح روائيا رقما .. .. ونطالب حمور
بالعودة للمنبر مهما كانت الاسباب .. ..

صلاح غريبة
يبدو ان الاشاعة حقيقة
لام أراك بعد ان أصبحت رئيس اعلامييى الجالية تتناول أمر رسوم الجواز الخرافية والتى تفضلت السفارة بخفضها الى النصف حتى منتصف رمضان وبعد ذلك تعود الى السعر الخرافى
ولا ده بخرب شغل السياحة
العمدة الخصوصى ببقى ما بستحق اللقب

بهاء عيسى
وكان بك لاتعرف سبب فرتقت وفركشت البورداب
والترقيه حالت بينك وبين الأحباب والدولار بعمى البصر
وبعدين عندى سؤال حكاية اعادة فتح مكتب المؤتمر الوطنى بالقاهرة دى حقيقية ولا اشاعة
والبورداب انشاء يطلعوا ليهم الممغنط بنص القيمة

بهاء عيسى
وكان بك لاتعرف سبب فرتقت وفركشت البورداب
والترقيه حالت بينك وبين الأحباب والدولار بعمى البصر
وبعدين عندى سؤال حكاية اعادة فتح مكتب المؤتمر الوطنى بالقاهرة دى حقيقية ولا اشاعة
والبورداب انشاء يطلعوا ليهم الممغنط بنص القيمة

الجماعة ديل لو لا سودانيزونلاين لما سمعنا بهم .
فلماذا نكران الجميل !!!!

الصديق عبد الغفار .. انت طلعت من النص ولكن مامشكلة دي عادتك .. انا كنت ومازلت اراسل صحيفة التيار
وايضا كنت مساعدا لمراسل قناة الشروق الفضائية واصبحت او ترقيت كما قلت مراسلا لها منذ اكثر من عام
والحمد لله .. والدولاارات عندك اكتر مني ياحاج .. فروق وشوف موضوع بورداب القاهرة .. .. وخليك بعيد من
الزعيم غريبة

وبعدين يافرفور انا مالي بي مكتب المؤتمر الوطني بالقاهرة كنت شغال فيهو ولا انا القفلتو ؟

جنس ديل هم الطفشوا الناس من المنبر. مطاردات وشخصنة ووو
معقولة حبيب نورة الأديب المرهف ول حمور زيادة المفكر والقاص يدخلوا في مستنقع اسن مثل هذا؟
لا عليك بهاء عيسى
المخلوق دة يكون قفل نفسك من المنبر تاني.



---
ملحوظة مهمة جدا:
لا اعرف أي احد في هذا البوست معرفة شخصية. انما هو الحنين لاسماء تركت فينا اثرا عندما كانوا في المنبر

Quote: لا عليك بهاء عيسى المخلوق دة يكون قفل نفسك من المنبر تاني.

امبدة يا صديق والله اشتقنا للمنبر وانا تحدثت مع جبيب وهو مستعد للعودة وسوف يقوم بسرد تفصيلي لاسباب انقطاعه بس
يصل مكان استقراره خلال يومين ويلقي ليهو نت .. ..
اما فرفور يا امبدة فهو مشاكس ولكنه طيب وممكن يحرق روحك في اي وقت ولكن لايحمل ضغينة لاحد ودة بشهادة كل من
عرفه .. .. ..
والمهم عودة الروح للمنبر ولازم نعيدها سيرتها الاولي حينما كنا نفتح المنبر في اليوم اكثر من عشرة مرات .. بس همتكم
معانا جميعا .. .. ونقول للريس نحن معاك وصلنا القيفة .. ..

بهاء
هذه دعوة للعودة وطرح اسباب الابتعاد بكل وضوح وشفافية حتي تتم المناقشة والوصول الي بر يجمعنا جميعا مرة
انت قلت شفافية ومن أسباب فرتقت البورداب أنت والذين رحلوا عن دنيانا ليس لنا بهم شأن لكن ما تتحدث عن بورداب وخلافه فانت ومعك أخرين أحد أسباب فركشة بورداب القاهرة منذ أن بداتم بالتخصيص و(التخسيس)
وهذا قبل زيارة بكرى
كيف يا راجل قناة الشروق دى جات من المريخ ولا الزول الانت كنت بتنوب عنه وفشلتم فى السيطرة على جمعية الصحفيين عمار فتح الرحمن شيلا حزب اتحادى ولا دى كيف؟؟؟
الشفافية واجبة

بهاء
الصديق عبد الغفار .. انت طلعت من النص ولكن مامشكلة دي عادتك .. انا كنت ومازلت اراسل صحيفة التيار
وايضا كنت مساعدا لمراسل قناة الشروق الفضائية واصبحت او ترقيت كما قلت مراسلا لها منذ اكثر من عام
والحمد لله .. والدولاارات عندك اكتر مني ياحاج .. فروق وشوف موضوع بورداب القاهرة .. .. وخليك بعيد من
الزعيم غريبة
غريبه بقى زعيم كمان دى جديدة ما مشكلة مبروك عليهو الزعامة ومبروك عليكم الوصافه
بورداب القاهرة نسيتو لما فركشتوهم بمساعدة عصام الخواض يعنى شنو بعد ما تجوطو الحاجة تجوا تبكوا عليهو فهمنا كده؟؟؟

انت ماطلعت من النص وبس انت بتقول في كلام ونحن دعوتنا في وادي اخر .. قناة الشروق اصلا الدخلا هنا شنو دة عمل
وماليهو علاقة بي جمعية الصحفيين ولا فرتكة الجمعية وبعدين جمعية الصحفيين في كل الدنيا بتسير بي طريق معروف الا في
القاهرة وشروط تكوين الجمعية معروفة لحاملي القيد الصحفي بس .. .. واصلا نحن الكونا الجمعية كيف نفرتكها .. انت مامركز
واكرر موضوع البوست واضح عندك فيهو كلام قولو وانا ما ملزم ارد علي حاجات بعتبرها خاصة بي .

وين الاراء الممكن تفيد يا جماعة ؟؟؟؟

ألاخ بهاء سلامات

فعلاً هناك اقلام نشتاق اليها

من ضمنها حبيب نورة

كمال الزين

حمور زيادة

ودشيقوق

وودالصايم

صدبق القاعد القاعد بعيد

اشرف السر

قبل قليل كان معى الأستاذ سيف الدين كامل

سالته عن سبب الغياب

بالاضافة لضيق الوقت ذكر بأن المنبر اصبح طارد

نفتقد بت قضيم وعزاز شامى وانعام حيمور وأخريات

الفجور فى الخصومة والشلليات

والتعامل مع المنبر كساحة لتصفية الحسابات وتبادل الاتهامات

والتحليل السطحى للمواقف والأفكار ومحاولة اغتيال الاشخاص اسفيرياً

من ضمن الاسباب


لابد من وقفة لتققيم حالة المنبر يشارك فيها الجميع وخاصة الأعضاء المخضرمين

Quote: الاضافة لضيق الوقت ذكر بأن المنبر اصبح طارد

ياريت اي واحد يدخل ويوضح السبب وكيف المنبر بقي طارد ونقعد مع بعض
ونحاول نلقي حل ومعانا بكري ابوبكر ..

الغريبة الموضوع دة انا افتكرته بيهم كل البورداب لكن يظهر من عدم دخول او تعليق الجميع ماعدا بوردابي من القاهرة
دخل ويا ليته لم يدخل ؟؟؟ لانه سبح عكس التيار

وين يا حبيب نورة وحمور وبكري ابوبكر ايضا

نشوفكم في رمضان

نشوفوكم في رمضان

كل عام والجميع بخير .. .. لازم نشوفك يا هاني ضروري رقم تلفونك لانه فقدته