|
|
|
 Re: حبيب نورة وحمور زيادة وبورداب القاهرة .. .. (Re: baha eassa)
|
سلامات بهاء مسككككاقمي|
انت زاتك مختفي وين وانا زاتي مختفي وين ههههههه
حليلك وحليل الايام الجميلة هنا في البورد ومتابعة للندية وبالصور لمن يجوكم في القاهرة
يا بهاء من الاخر:
السبب الناس هربت للفيسبوك لانه بقى في جيب كل سوداني ومنتشر بصورة اكبر من البورد وهنا في السودان الشبكة كعبة وما بنتفتح المنبر بسهولة لكن الفيس سريع جدا ومتاح للكل ممكن يسجل.
شايف بكري عامل صفحة للمنبر في الفيس لكن المتابعة ضعيفة والاسباب معروفة بالنسبة لي . ح افتح بوست واوضح طريقة لفتح باب التفاعل ف الصفحة
| |
  
|
|
|
|
|
|
|
|
Re: حبيب نورة وحمور زيادة وبورداب القاهرة .. .. (Re: احمد محمد بشير)
|
Quote: لسبب الناس هربت للفيسبوك لانه بقى في جيب كل سوداني ومنتشر بصورة اكبر من البورد وهنا في السودان
الشبكة كعبة وما بنتفتح المنبر بسهولة لكن الفيس سريع جدا ومتاح للكل ممكن يسجل. |
سلام اخي احمد .. ..
فعلا السهولة والفيسبوك والنت حق السودان من الاسباب الهامة .. لكن هل الفيس بوك زي منبر بكري؟
ما اظن لانه الموضوع في الفيس زي رغوة الصابون بينتهي بسرعة .. .. ولكن في المنبر يبقي ويتم التداول
لاسابيع .. ..
| |
|
|
|
|
|
|
|
|
|
Re: حبيب نورة وحمور زيادة وبورداب القاهرة .. .. (Re: baha eassa)
|
حمور زيادة الان خارج القاهرة بل خارج مصر وننتظر عودته .. وحبيب نورة يغادر
القاهرة بعد ساعات في رحلة قد تمتد لاكثر من نصف عام .. ولكننا ننتظر منهم توضيح
اسباب انقطاعهم وحبيب نورة قبل قليل وعد بالدخول في البوست بل العودة للمنبر مسقط
راسه وبداية كتاباته قبل ان يصعد سلم النجومية ويصبح روائيا رقما .. .. ونطالب حمور
بالعودة للمنبر مهما كانت الاسباب .. ..
| |
|
|
|
|
|
|
|
|
|
Re: حبيب نورة وحمور زيادة وبورداب القاهرة .. .. (Re: ghariba)
|
صلاح غريبة
يبدو ان الاشاعة حقيقة
لام أراك بعد ان أصبحت رئيس اعلامييى الجالية تتناول أمر رسوم الجواز الخرافية والتى تفضلت السفارة بخفضها الى النصف حتى منتصف رمضان وبعد ذلك تعود الى السعر الخرافى
ولا ده بخرب شغل السياحة
العمدة الخصوصى ببقى ما بستحق اللقب
| |
|
|
|
|
|
|
|
|
|
Re: حبيب نورة وحمور زيادة وبورداب القاهرة .. .. (Re: فيصل محمد خليل)
|
الصديق عبد الغفار .. انت طلعت من النص ولكن مامشكلة دي عادتك .. انا كنت ومازلت اراسل صحيفة التيار
وايضا كنت مساعدا لمراسل قناة الشروق الفضائية واصبحت او ترقيت كما قلت مراسلا لها منذ اكثر من عام
والحمد لله .. والدولاارات عندك اكتر مني ياحاج .. فروق وشوف موضوع بورداب القاهرة .. .. وخليك بعيد من
الزعيم غريبة
| |
|
|
|
|
|
|
|
|
|
Re: حبيب نورة وحمور زيادة وبورداب القاهرة .. .. (Re: baha eassa)
|
جنس ديل هم الطفشوا الناس من المنبر. مطاردات وشخصنة ووو
معقولة حبيب نورة الأديب المرهف ول حمور زيادة المفكر والقاص يدخلوا في مستنقع اسن مثل هذا؟
لا عليك بهاء عيسى
المخلوق دة يكون قفل نفسك من المنبر تاني.
---
ملحوظة مهمة جدا:
لا اعرف أي احد في هذا البوست معرفة شخصية. انما هو الحنين لاسماء تركت فينا اثرا عندما كانوا في المنبر
| |
|
|
|
|
|
|
|
|
|
Re: حبيب نورة وحمور زيادة وبورداب القاهرة .. .. (Re: ombadda)
|
Quote: لا عليك بهاء عيسى
المخلوق دة يكون قفل نفسك من المنبر تاني. |
امبدة يا صديق والله اشتقنا للمنبر وانا تحدثت مع جبيب وهو مستعد للعودة وسوف يقوم بسرد تفصيلي لاسباب انقطاعه بس
يصل مكان استقراره خلال يومين ويلقي ليهو نت .. ..
اما فرفور يا امبدة فهو مشاكس ولكنه طيب وممكن يحرق روحك في اي وقت ولكن لايحمل ضغينة لاحد ودة بشهادة كل من
عرفه .. .. ..
والمهم عودة الروح للمنبر ولازم نعيدها سيرتها الاولي حينما كنا نفتح المنبر في اليوم اكثر من عشرة مرات .. بس همتكم
معانا جميعا .. .. ونقول للريس نحن معاك وصلنا القيفة .. ..
| |
|
|
|
|
|
|
|
|
|
Re: حبيب نورة وحمور زيادة وبورداب القاهرة .. .. (Re: baha eassa)
|
بهاء
هذه دعوة للعودة وطرح اسباب الابتعاد بكل وضوح وشفافية حتي تتم المناقشة والوصول الي بر يجمعنا جميعا مرة
انت قلت شفافية ومن أسباب فرتقت البورداب أنت والذين رحلوا عن دنيانا ليس لنا بهم شأن لكن ما تتحدث عن بورداب وخلافه فانت ومعك أخرين أحد أسباب فركشة بورداب القاهرة منذ أن بداتم بالتخصيص و(التخسيس)
وهذا قبل زيارة بكرى
كيف يا راجل قناة الشروق دى جات من المريخ ولا الزول الانت كنت بتنوب عنه وفشلتم فى السيطرة على جمعية الصحفيين عمار فتح الرحمن شيلا حزب اتحادى ولا دى كيف؟؟؟
الشفافية واجبة
| |
|
|
|
|
|
|
|
|
|
Re: حبيب نورة وحمور زيادة وبورداب القاهرة .. .. (Re: baha eassa)
|
بهاء
الصديق عبد الغفار .. انت طلعت من النص ولكن مامشكلة دي عادتك .. انا كنت ومازلت اراسل صحيفة التيار
وايضا كنت مساعدا لمراسل قناة الشروق الفضائية واصبحت او ترقيت كما قلت مراسلا لها منذ اكثر من عام
والحمد لله .. والدولاارات عندك اكتر مني ياحاج .. فروق وشوف موضوع بورداب القاهرة .. .. وخليك بعيد من
الزعيم غريبة
غريبه بقى زعيم كمان دى جديدة ما مشكلة مبروك عليهو الزعامة ومبروك عليكم الوصافه
بورداب القاهرة نسيتو لما فركشتوهم بمساعدة عصام الخواض يعنى شنو بعد ما تجوطو الحاجة تجوا تبكوا عليهو فهمنا كده؟؟؟
| |
|
|
|
|
|
|
|
|
|
Re: حبيب نورة وحمور زيادة وبورداب القاهرة .. .. (Re: عبد الغفار المهدى)
|
انت ماطلعت من النص وبس انت بتقول في كلام ونحن دعوتنا في وادي اخر .. قناة الشروق اصلا الدخلا هنا شنو دة عمل
وماليهو علاقة بي جمعية الصحفيين ولا فرتكة الجمعية وبعدين جمعية الصحفيين في كل الدنيا بتسير بي طريق معروف الا في
القاهرة وشروط تكوين الجمعية معروفة لحاملي القيد الصحفي بس .. .. واصلا نحن الكونا الجمعية كيف نفرتكها .. انت مامركز
واكرر موضوع البوست واضح عندك فيهو كلام قولو وانا ما ملزم ارد علي حاجات بعتبرها خاصة بي .
| |
|
|
|
|
|
|
|
|
|
Re: حبيب نورة وحمور زيادة وبورداب القاهرة .. .. (Re: baha eassa)
|
ألاخ بهاء سلامات
فعلاً هناك اقلام نشتاق اليها
من ضمنها حبيب نورة
كمال الزين
حمور زيادة
ودشيقوق
وودالصايم
صدبق القاعد القاعد بعيد
اشرف السر
قبل قليل كان معى الأستاذ سيف الدين كامل
سالته عن سبب الغياب
بالاضافة لضيق الوقت ذكر بأن المنبر اصبح طارد
نفتقد بت قضيم وعزاز شامى وانعام حيمور وأخريات
الفجور فى الخصومة والشلليات
والتعامل مع المنبر كساحة لتصفية الحسابات وتبادل الاتهامات
والتحليل السطحى للمواقف والأفكار ومحاولة اغتيال الاشخاص اسفيرياً
من ضمن الاسباب
لابد من وقفة لتققيم حالة المنبر يشارك فيها الجميع وخاصة الأعضاء المخضرمين
| |
|
|
|
|
|
|
| |
baha eassa
احمد محمد بشير
ghariba
فيصل محمد خليل
ombadda
حسن حماد محمد
Hani Arabi Mohamed
فيس بوك
تويتر
انستقرام
يوتيوب
بنتيريست