Post: #1
Title: رماديون ...و مونساتية
Author: عثمان عووضة
Date: 04-30-2016, 08:11 AM
08:11 AM April, 30 2016 سودانيز اون لاين
عثمان عووضة-ابو ظبي - الامارات
مكتبتى
رابط مختصر جلالدونا
و
محمد البشری الخضر
الاول لم اتشرف بمقابلته..معرفة هذا المنبر المميز
الثاني قابلته عرضا في الامارات قبل سنوات طويلة ولمدة
ثلث ساعة فقط
جلالدونا وصف هنا وفي هذا المكان بالمونساتي
و ابو حتحوت وصف بالرمادي
ارجو من الزملاء الرجوع. لبوست جلال عن والد الشهيد
محمد. الصادق
يا اخوانا. دا كلام مونساتي؟
راجعوا كتابات ابو حتحوت
يا جماعة دي كتابات زول رمادي؟
انا غايتو في صف جلال و ابو حتحوت ولا يهمني اي
ما يطلق من اوصاف
|
Post: #2
Title: Re: رماديون ...و مونساتية
Author: مني عمسيب
Date: 04-30-2016, 08:29 AM
Parent: #1
اخي الفاضل .. عووضة ..
لك التحية والاحترام ..
| Quote: رماديون ...و مونساتية |
اخي لعنة الله علي الفتن والفتنة اشد من الموت .
اخي لا اري داعي لهذا البوست المحرض والجارح في
نفس الوقت ! اخي ابناءانا يموتون من طلبة وغيرهم
والبلد في حالة غليان بل حرب فارجو ان لاتصحي لنا
الفتن ..
ولك وافر الاحترام .
الرجاء من جميع الاخوة عدم التفاعل مع مثل البوستات
الداعية للانصرافية والفتنة في هذه الايام المباركة باذن
الله والشعب التي تشهدها بلادنا الحبيبة ..
الثورة مستمرة ..
******************
حرية سلام وعدالة
والثورة خيار الشعب .
|
Post: #3
Title: Re: رماديون ...و مونساتية
Author: Deng
Date: 04-30-2016, 08:32 AM
Parent: #1
أنت جاي تقيم لك ناس بي بوست واحد ولا أتنين؟
ده تاريخ طويل لهذا المنبر.
ويجب أن تعلم في هذا المنبر في ناس كانت تكفيرية ووهابية وكيزان تم ترويضهم وأقناعهم بكافة الوسائل وتخلو عن مواقفهم السابقة، عن طريق الحوار وبجميع أشكاله في هذا المنبر، والقائمة عندي طويلة.
هنالك من هزم وهرب من المنبر، وأخرون تحولوا من الإنقاذ، وبعضهم مازال متأرجحا ولسه عاوزين شوية دفر في الأتجاه الصحيح طبعا.
وأخرون مازالو في ضلالهم الكيزاني الإنتهازي، ولكن في هذا المنبر أخطر العناصر هي العناصر التي تدعي "الحياد" وتدعي بأنها لا تقف مع الحكومة أو المعارضة، وهذا هي أخطر العناصر. لأن قضية الحرية والديمقراطية وحقوق الانسان هي ليست بقضية المعارضين فقط، بل هي قضية أي انسان في العالم له ضمير وتفكير حر.
بمعنى أخر مجهودنا ما راح ساكت.
|
Post: #4
Title: Re: رماديون ...و مونساتية
Author: عثمان عووضة
Date: 04-30-2016, 08:38 AM
Parent: #3
استاذة منی
اعتقد انک مافهمتي القصد من البوست
او انا ما قدرت اعبر صاح
|
Post: #6
Title: Re: رماديون ...و مونساتية
Author: مني عمسيب
Date: 04-30-2016, 08:45 AM
Parent: #4
Quote: اعتقد انک مافهمتي القصد من البوست
او انا ما قدرت اعبر صاح |
يا اخي انت ما مسوؤل من فهم زول لا انا لاغير
لكن حاول ركز في التعبير بكل المستطاع لانه دي
فتن جاهزة ولو فتحت جبهة زي دي اقل شئ بتقفد
بعض المحترمين وبوصلو ليك البوست الخور ..
اكرر .. طلبتنا بموتوا لو سمحت عبر وركز في القضية
دي .. سيبك من بوستات الانصرافية والفتن .. رحمنا الله .
احبتي لاتنجروا وراء هذه البوستات لانريد مزيد من الفتن .
الثورة مستورة ..
***************
حرية سلام وعدالة
والثورة خيار الشعب .
|
Post: #8
Title: Re: رماديون ...و مونساتية
Author: عثمان عووضة
Date: 04-30-2016, 08:53 AM
Parent: #6
حاضر يا منی یابتي
|
Post: #5
Title: Re: رماديون ...و مونساتية
Author: عثمان عووضة
Date: 04-30-2016, 08:44 AM
Parent: #3
سلام استاذ دينق
ابدا ما بقيم بي بوست واحد
انا متابع جيد للمنبر
و مبسوط انك قدرت تروض التكفيريين والوهابيين والكيزان
انا ذاتي في صفك من الناحية دي
الله يخدر كي بوردك ومعاك في ترويض من تبقی منهم
|
Post: #7
Title: Re: رماديون ...و مونساتية
Author: مني عمسيب
Date: 04-30-2016, 08:50 AM
Parent: #5
اخي الحبيب سلطان دينق ..
الرجاء ركز في ما يدور في وطننا وابعد
من هذه الانصرافية والكلام الثانوي ..
الرجاء عدم التفاعل مع هذا البوست الفتنة !!!!
الثورة مستمرة ..
*************
حرية سلام وعدالة
والثورة خيار الشعب .
|
Post: #9
Title: Re: رماديون ...و مونساتية
Author: مني عمسيب
Date: 04-30-2016, 08:57 AM
Parent: #7
ابوي ان شاء الله لي تسلم ,,
سلمت من كل شر اخي وابي وولي امري الحبيب
عوضة وها انت نعم الاب والاخ .
ودمتم جميعكم اخواننا واباءنا ..
الثورة مستمرة ..
*****************
حرية سلام وعدالة
والثورة خيار الشعب .
|
Post: #10
Title: Re: رماديون ...و مونساتية
Author: محمد البشرى الخضر
Date: 04-30-2016, 08:58 AM
Parent: #5
يا عمّنا .. علي اليمين بتبالغ
أولا يا حبيب قصة تصنيف وبتاع دي كلام فارغ ساي و هبوب ساي, منو البدعي امتلاك الحقيقة المطلقة أو اطلع الغيب عشان يقول دا كدا و دا مغضوب عليه
وهو زاتو البصنف الناس دا شنو نفره و شنو قيمتو وكم يسوى حكمه على الناس و تصنيفهم
ثم لو فرضنا جدلا صحة الأحكام ما المشكلة في مونساتي ورمادي وغيرها من وهمات الاسافير؟ مالهن مونساتي ورمادي زينة والله عندي اخير مليون مرة من مناضل كيبورد و نبيل اسافير وشريف سايبر البوزعوا فوقها لي بعض عمال على بطال
ثم من يملك الوطنيتوميتر ليعاير وطنية الآخرين و يصدر شهادات المطابقة او عدمها؟ من يحتكر الوطن و يكاد يقول انا الدولة ليضبح كل من اختلف معه ان شا الله في هلال مريخ خائنا و ليس وطنيا
رمادي اللتي دي انا بفخر بيها والله و عاجباني وكتبت فيها وعنها الكثير من قبل, اللون الرمادي أسوأ من الأبيض واقل دي ما فيها كلام لكنه بالحيل أفضل مليون مرة من الأسود و الأكثر سوادا منه وديل السايدات هنا
ما كل من شرخ حلقومه هتافا ضد الكيزان بأفضل منهم طالما يمارس نفس ممارساتهم من اقصاء و فرض رأي و قذارة و كذب وتدليس وظلم, شن فايدة معارضتك لخصمك ان كنت تفوقه سوءا وظلما!
ياحبيبنا إن كان الاتساق و الانحياز للحق بشكل مطلق دون ميكافيلية ووهمة لاصوت يعلو فوق صوت الثورة وبتاع رمادية فأنعم بها وأكرم من صفة.
لكن كدي خليني من دا كلّو, كيف تقول لاقتني في الامارات تلت ساعة بس علي اليمين بالغت نسيت زيارتي ليك في السودان و شربت معاك الشاي هههه
حقو اكلم ليك ابو التا والله :)
|
Post: #11
Title: Re: رماديون ...و مونساتية
Author: جلالدونا
Date: 04-30-2016, 03:38 PM
Parent: #10
اووووه حبيبنا ود عووضة
ياخى ده شرف كبير لى و تقدير ما بعدو تقدير انك تقرا لى حرف
و تختنى فى سرج واحد مع القامة ود البشرى كمان
و بعدين اصلاً هى ما فارقة معانا وناستية او عرضحالجية طال ما بنكتب الحاجة الشايفنّها صاح
او كما قال اخونا الحوارنجى كبر .. نكتب ذاتنا ...
بعدين ود البشرى ده مع رماديتو غايز اضيف انو لايوق
اها شوف نكت ليك حكاية الشاى دى من وين و مع الوطنيتوميتر
بتاعتو الا تقول الروب و تعزمو شاى تانى و تغنى ليهو غنوة .. منايا اشوفك تانى ..
و بعدين شنو حكاية انتا مع جلال و ود البشرى دى
ياخى نحنا الوراك و فى معيتك و منك نتعلم
و اخر حاجة اتعلمتها صبرك الجميل على الردم الغير مبرر ده
... يا فتّان انتا ...
|
Post: #12
Title: Re: رماديون ...و مونساتية
Author: حمد عبد الغفار عمر
Date: 04-30-2016, 03:49 PM
Parent: #11
كيفك يا عثماننا
يا زول ديل اليومين دي سائقين النضال عديل
نضال يعني نضال واقفين ليك لناس الحكومة ألف أحمر
بس جلالدونا دا ما حضر زمن داحس والغبراء
مونساتي دي ذاتا ما كن لما فيها هسة كان زمانو أمنجي ليهو عنقرة
|
Post: #13
Title: Re: رماديون ...و مونساتية
Author: جلالدونا
Date: 04-30-2016, 06:07 PM
Parent: #12
اووووو حبيبنا حمد
لبدكما يحلو لى ديناكم ان تناديكمو
بالمناسبة وين الزولة دى و عساها طيبة كما نتمنى
ياخى هى جنس سواقة نضال هى
واقفين ليها الف احمر و موقفّنها بلا كرعين
امنتوووو بالله ياخ
و بعدين ايام داحس و الغبراء كانت ارحم
ياااخ هسى عليك الله ما شايف البوبار اللفظى البمارسو فيهو الحوارنجى كبر و عضو الحوار المفتاح
لأ .. و كمان وزّعوها كبر بى ناسو يمسك الغرب و المفتاح بى جمّوعيتو يمسكو الخرتوم
اها نمش وين نحنا
مش حالة اخير منّها تبقى امنجى
بدل يكردفوك و يجّمعوك
|
Post: #14
Title: Re: رماديون ...و مونساتية
Author: عثمان عووضة
Date: 04-30-2016, 06:22 PM
Parent: #13
خير لنا ان نكون اغناما تقودنا اسود
من ان نكون اسودا تقودنا اغنام
|
Post: #15
Title: Re: رماديون ...و مونساتية
Author: آدم صيام
Date: 04-30-2016, 06:42 PM
Parent: #14
أسوأ شعور أن يهب الفرد للوطن روحه على طريقته ويوصف بالرمادي
الله يسامحك يا خال
|
Post: #16
Title: Re: رماديون ...و مونساتية
Author: جلالدونا
Date: 05-04-2016, 10:02 PM
Parent: #15
Quote: خير لنا ان نكون اغناما تقودنا اسود
من ان نكون اسودا تقودنا اغنام |
|
Post: #17
Title: Re: رماديون ...و مونساتية
Author: عبدالحفيظ ابوسن
Date: 05-04-2016, 10:23 PM
Parent: #16
الشي يا كافي البلا يا عثمان يا نبقا اغنام ولا اسود .. مافي طريق تالت !!
يعني غزال و تقودنا زرافة بدل زراف تقوده غزالة .. اقلاها الزرافة بتشوف بعيد
ثم انو الا يقودونا قوادة مش ممكن نكون عارفين الدرب ونمشي برانا
ازيك يا عثمان
وضيوفك
طاري رغبتك في جية كوستي ما تبقا زي
خالد المنسي
زهير عثمان
وعدو ونطو
|
Post: #18
Title: Re: رماديون ...و مونساتية
Author: munswor almophtah
Date: 05-04-2016, 11:36 PM
Parent: #17
Quote: عن طريق الحوار وبجميع أشكاله في هذا المنبر، والقائمة عندي طويلة.
Deng |
سنه يا الحوار ما قلتو ما بنفع يا بيت قلة الأدب!!
منصور
|
Post: #19
Title: Re: رماديون ...و مونساتية
Author: جلالدونا
Date: 05-05-2016, 06:33 AM
Parent: #18
غايتو يا ود المفتاح قاعد تبالغ
هسى الاطروحة التحليلية و المسنوده بالنظرة العلمية المتعمّقة و المتخصصة و المتميّزة دى
ما لقيت فيها خلاف السطر الاقتبستو ده
و كمان مجتزئو من السياق
معقولة ياخ
ما تعجبك الا حتة الحوار دى
|
Post: #20
Title: Re: رماديون ...و مونساتية
Author: جلالدونا
Date: 05-06-2016, 10:02 AM
Parent: #19
يا زول يا نيل
حرام ينحسر فيضانك
|
Post: #22
Title: Re: رماديون ...و مونساتية
Author: عاطف عمر
Date: 06-05-2016, 09:06 AM
Parent: #20
أماااااااااااااااااااااااك
النقر جا
ليك وحشة والله يا أبو حسين
مراحب يا حبيب
|
Post: #23
Title: Re: رماديون ...و مونساتية
Author: عمر أبوعاقلة
Date: 06-05-2016, 09:56 AM
Parent: #1
ازيك يا عثمان .. ومبارك عليك الشهر
غايتو الجابت أبو حسين دي مااااااا هينة
وبمناسبة البوست .. ما دام جاب رجلك أكيد أسد
لكن السايقو منو وماشي وراء منو .. دي يقولها ليك سيد الشي زاتو
على صعيد آخر:
ليك وحشة يا أبو حسين ياخ
انتظرناك تجي ترحب بينا في الحوش الوهيط دا
|
Post: #25
Title: Re: رماديون ...و مونساتية
Author: Hamid Elsawi
Date: 06-05-2016, 10:44 AM
Parent: #23
Quote: لأن قضية الحرية والديمقراطية وحقوق الانسان
هي ليست بقضية المعارضين فقط،
بل هي قضية أي انسان في العالم
له
ضمير
وتفكير
حر.
|
شكرا دينق علي هذا الكلام
و الفهم العميق
الرمادية في قصايا الحريات
و الديمقراطية
هي انهزامية و طأطأة راس
لو الشعب كلو اقتنع بانو مشكلتو
مشكلة حريات و ديمقراطية
الانقاذ دي ما بتقعد يوم واحد
ـــــــــــــــــــــ
صاحب البوست عاوزين نفهم قصدك
من البوست
ما يكون بوست رمادي
لك التحية
ـــ
|
|