|
|
|
 Re: رماديون ...و مونساتية (Re: عثمان عووضة)
|
اخي الفاضل .. عووضة ..
لك التحية والاحترام ..
| Quote: رماديون ...و مونساتية |
اخي لعنة الله علي الفتن والفتنة اشد من الموت .
اخي لا اري داعي لهذا البوست المحرض والجارح في
نفس الوقت ! اخي ابناءانا يموتون من طلبة وغيرهم
والبلد في حالة غليان بل حرب فارجو ان لاتصحي لنا
الفتن ..
ولك وافر الاحترام .
الرجاء من جميع الاخوة عدم التفاعل مع مثل البوستات
الداعية للانصرافية والفتنة في هذه الايام المباركة باذن
الله والشعب التي تشهدها بلادنا الحبيبة ..
الثورة مستمرة ..
******************
حرية سلام وعدالة
والثورة خيار الشعب .
| |
 
|
|
|
|
|
|
|
|
Re: رماديون ...و مونساتية (Re: عثمان عووضة)
|
أنت جاي تقيم لك ناس بي بوست واحد ولا أتنين؟
ده تاريخ طويل لهذا المنبر.
ويجب أن تعلم في هذا المنبر في ناس كانت تكفيرية ووهابية وكيزان تم ترويضهم وأقناعهم بكافة الوسائل وتخلو عن مواقفهم السابقة، عن طريق الحوار وبجميع أشكاله في هذا المنبر، والقائمة عندي طويلة.
هنالك من هزم وهرب من المنبر، وأخرون تحولوا من الإنقاذ، وبعضهم مازال متأرجحا ولسه عاوزين شوية دفر في الأتجاه الصحيح طبعا.
وأخرون مازالو في ضلالهم الكيزاني الإنتهازي، ولكن في هذا المنبر أخطر العناصر هي العناصر التي تدعي "الحياد" وتدعي بأنها لا تقف مع الحكومة أو المعارضة، وهذا هي أخطر العناصر. لأن قضية الحرية والديمقراطية وحقوق الانسان هي ليست بقضية المعارضين فقط، بل هي قضية أي انسان في العالم له ضمير وتفكير حر.
بمعنى أخر مجهودنا ما راح ساكت.
| |
|
|
|
|
|
|
|
|
Re: رماديون ...و مونساتية (Re: عثمان عووضة)
|
Quote: اعتقد انک مافهمتي القصد من البوست
او انا ما قدرت اعبر صاح |
يا اخي انت ما مسوؤل من فهم زول لا انا لاغير
لكن حاول ركز في التعبير بكل المستطاع لانه دي
فتن جاهزة ولو فتحت جبهة زي دي اقل شئ بتقفد
بعض المحترمين وبوصلو ليك البوست الخور ..
اكرر .. طلبتنا بموتوا لو سمحت عبر وركز في القضية
دي .. سيبك من بوستات الانصرافية والفتن .. رحمنا الله .
احبتي لاتنجروا وراء هذه البوستات لانريد مزيد من الفتن .
الثورة مستورة ..
***************
حرية سلام وعدالة
والثورة خيار الشعب .
| |
|
|
|
|
|
|
|
|
|
Re: رماديون ...و مونساتية (Re: Deng)
|
سلام استاذ دينق
ابدا ما بقيم بي بوست واحد
انا متابع جيد للمنبر
و مبسوط انك قدرت تروض التكفيريين والوهابيين والكيزان
انا ذاتي في صفك من الناحية دي
الله يخدر كي بوردك ومعاك في ترويض من تبقی منهم
| |
|
|
|
|
|
|
|
|
|
Re: رماديون ...و مونساتية (Re: عثمان عووضة)
|
اخي الحبيب سلطان دينق ..
الرجاء ركز في ما يدور في وطننا وابعد
من هذه الانصرافية والكلام الثانوي ..
الرجاء عدم التفاعل مع هذا البوست الفتنة !!!!
الثورة مستمرة ..
*************
حرية سلام وعدالة
والثورة خيار الشعب .
| |
|
|
|
|
|
|
|
|
|
Re: رماديون ...و مونساتية (Re: مني عمسيب)
|
ابوي ان شاء الله لي تسلم ,,
سلمت من كل شر اخي وابي وولي امري الحبيب
عوضة وها انت نعم الاب والاخ .
ودمتم جميعكم اخواننا واباءنا ..
الثورة مستمرة ..
*****************
حرية سلام وعدالة
والثورة خيار الشعب .
| |
|
|
|
|
|
|
|
|
|
Re: رماديون ...و مونساتية (Re: عثمان عووضة)
|
يا عمّنا .. علي اليمين بتبالغ
أولا يا حبيب قصة تصنيف وبتاع دي كلام فارغ ساي و هبوب ساي, منو البدعي امتلاك الحقيقة المطلقة أو اطلع الغيب عشان يقول دا كدا و دا مغضوب عليه
وهو زاتو البصنف الناس دا شنو نفره و شنو قيمتو وكم يسوى حكمه على الناس و تصنيفهم
ثم لو فرضنا جدلا صحة الأحكام ما المشكلة في مونساتي ورمادي وغيرها من وهمات الاسافير؟ مالهن مونساتي ورمادي زينة والله عندي اخير مليون مرة من مناضل كيبورد و نبيل اسافير وشريف سايبر البوزعوا فوقها لي بعض عمال على بطال
ثم من يملك الوطنيتوميتر ليعاير وطنية الآخرين و يصدر شهادات المطابقة او عدمها؟ من يحتكر الوطن و يكاد يقول انا الدولة ليضبح كل من اختلف معه ان شا الله في هلال مريخ خائنا و ليس وطنيا
رمادي اللتي دي انا بفخر بيها والله و عاجباني وكتبت فيها وعنها الكثير من قبل, اللون الرمادي أسوأ من الأبيض واقل دي ما فيها كلام لكنه بالحيل أفضل مليون مرة من الأسود و الأكثر سوادا منه وديل السايدات هنا
ما كل من شرخ حلقومه هتافا ضد الكيزان بأفضل منهم طالما يمارس نفس ممارساتهم من اقصاء و فرض رأي و قذارة و كذب وتدليس وظلم, شن فايدة معارضتك لخصمك ان كنت تفوقه سوءا وظلما!
ياحبيبنا إن كان الاتساق و الانحياز للحق بشكل مطلق دون ميكافيلية ووهمة لاصوت يعلو فوق صوت الثورة وبتاع رمادية فأنعم بها وأكرم من صفة.
لكن كدي خليني من دا كلّو, كيف تقول لاقتني في الامارات تلت ساعة بس علي اليمين بالغت نسيت زيارتي ليك في السودان و شربت معاك الشاي هههه
حقو اكلم ليك ابو التا والله :)
| |
|
|
|
|
|
|
|
|
|
Re: رماديون ...و مونساتية (Re: محمد البشرى الخضر)
|
اووووه حبيبنا ود عووضة
ياخى ده شرف كبير لى و تقدير ما بعدو تقدير انك تقرا لى حرف
و تختنى فى سرج واحد مع القامة ود البشرى كمان
و بعدين اصلاً هى ما فارقة معانا وناستية او عرضحالجية طال ما بنكتب الحاجة الشايفنّها صاح
او كما قال اخونا الحوارنجى كبر .. نكتب ذاتنا ...
بعدين ود البشرى ده مع رماديتو غايز اضيف انو لايوق
اها شوف نكت ليك حكاية الشاى دى من وين و مع الوطنيتوميتر
بتاعتو الا تقول الروب و تعزمو شاى تانى و تغنى ليهو غنوة .. منايا اشوفك تانى ..
و بعدين شنو حكاية انتا مع جلال و ود البشرى دى
ياخى نحنا الوراك و فى معيتك و منك نتعلم
و اخر حاجة اتعلمتها صبرك الجميل على الردم الغير مبرر ده
... يا فتّان انتا ...
| |
|
|
|
|
|
|
|
|
|
Re: رماديون ...و مونساتية (Re: جلالدونا)
|
كيفك يا عثماننا
يا زول ديل اليومين دي سائقين النضال عديل
نضال يعني نضال واقفين ليك لناس الحكومة ألف أحمر
بس جلالدونا دا ما حضر زمن داحس والغبراء
مونساتي دي ذاتا ما كن لما فيها هسة كان زمانو أمنجي ليهو عنقرة
| |
|
|
|
|
|
|
|
|
|
Re: رماديون ...و مونساتية (Re: جلالدونا)
|
الشي يا كافي البلا يا عثمان يا نبقا اغنام ولا اسود .. مافي طريق تالت !!
يعني غزال و تقودنا زرافة بدل زراف تقوده غزالة .. اقلاها الزرافة بتشوف بعيد
ثم انو الا يقودونا قوادة مش ممكن نكون عارفين الدرب ونمشي برانا
ازيك يا عثمان
وضيوفك
طاري رغبتك في جية كوستي ما تبقا زي
خالد المنسي
زهير عثمان
وعدو ونطو
| |
|
|
|
|
|
|
|
|
|
Re: رماديون ...و مونساتية (Re: munswor almophtah)
|
غايتو يا ود المفتاح قاعد تبالغ
هسى الاطروحة التحليلية و المسنوده بالنظرة العلمية المتعمّقة و المتخصصة و المتميّزة دى
ما لقيت فيها خلاف السطر الاقتبستو ده
و كمان مجتزئو من السياق
معقولة ياخ
ما تعجبك الا حتة الحوار دى
| |
|
|
|
|
|
|
|
|
|
Re: رماديون ...و مونساتية (Re: عثمان عووضة)
|
ازيك يا عثمان .. ومبارك عليك الشهر
غايتو الجابت أبو حسين دي مااااااا هينة
وبمناسبة البوست .. ما دام جاب رجلك أكيد أسد
لكن السايقو منو وماشي وراء منو .. دي يقولها ليك سيد الشي زاتو
على صعيد آخر:
ليك وحشة يا أبو حسين ياخ
انتظرناك تجي ترحب بينا في الحوش الوهيط دا
| |
|
|
|
|
|
|
|
|
|
Re: رماديون ...و مونساتية (Re: عمر أبوعاقلة)
|
Quote: لأن قضية الحرية والديمقراطية وحقوق الانسان
هي ليست بقضية المعارضين فقط،
بل هي قضية أي انسان في العالم
له
ضمير
وتفكير
حر.
|
شكرا دينق علي هذا الكلام
و الفهم العميق
الرمادية في قصايا الحريات
و الديمقراطية
هي انهزامية و طأطأة راس
لو الشعب كلو اقتنع بانو مشكلتو
مشكلة حريات و ديمقراطية
الانقاذ دي ما بتقعد يوم واحد
ـــــــــــــــــــــ
صاحب البوست عاوزين نفهم قصدك
من البوست
ما يكون بوست رمادي
لك التحية
ـــ
| |
|
|
|
|
|
|
| |
عثمان عووضة
مني عمسيب
Deng
محمد البشرى الخضر
جلالدونا
حمد عبد الغفار عمر
آدم صيام
عبدالحفيظ ابوسن
munswor almophtah
عاطف عمر
عمر أبوعاقلة
Hamid Elsawi
فيس بوك
تويتر
انستقرام
يوتيوب
بنتيريست