شعبي يا اصلي مالو سكاتك كتر وكتر عليك النوم بقيت ما بتشبه روحك وتاريخك والله خاتي اللوم تاريخك مسطر بالدما ء وللعالمين كتاب معلوم مالك كتر عليك البكم وبقيت زي البهم مخموم مليان قهر موكح بالسجم وعايش دوام محروم وبقيت مهود لاك جايب خبر يا شعب ياملخوم وات شبعان ظلم وحتي الظلم صبح كمان مظلوم حاكمنك اراذل من زمن ياشعب يامرحوم سقونا الذل والهوان كاسات قهر مسموم والبلد طاقيها الفقر وساكنها الغراب والبوم زعلان بس عشان باعوها جامعة الخرتوم يادوبك عرفت انك زي بقر القطيع ملجوم باعك كوز السجم والكوز دوام مخروم و البلد بقت بيت دعارة تركب لا طرادة لا كوندوم مشتحة للاعاريب والعجم من غير حياء وهدوم والكل يقضي وطرا ونحن لاجمنا السكات والنوم وما زعلك بيع شرف الوطن والحال الصبح مذموم وطن باعوه في نص النهار وفرشوه زي بصل بالكوم ومازعلك بيع حلايب قلعوها (اولاد بمبا) في فد يوم و مازعلك والفشقة اخدوها الحبش ببونية وام دلدوم و ما زعلك فصل الجنوب وحال البلد الصبح مقسوم ومابزعلك الانتنوف تكب نيرانها تحرق اهلك يا موهوم وما زعلك جيش الهنا البقي هوابا ما بيخاف منو بلوم جيشا بفنقس لكلاب صهيون ول(حميدتي) منبرش قدوم وبرضو فيها ايه لو باعوها جامعة الخرتوم!! حاكمنك اولاد حرام لاذمة لا اخلاق والشرف معدوم دين الله الشريف ومال الحرام بياكلوه زي لكوم وبدين الله قد سرقوا الوطن وصار الوطن مكلوم وبدين الله طلعوا دينا و الدين صبح ملغوم صفية اغتصبوهاولا قلنا بغم والعوج صح مهضوم و(مهاد) اغتصبوه وحكاها بغصة ولا زولا فتح حلقوم تف علينا وعلي الساكت دوام ولابس الخيابة هدوم وتف علي القابل الظلم وما قادر يهب و لا يقوم وتف علي القبل بيع شرف الوطن يا قوم وتف عليك يا بايع الوطن يا بشير الشوم (ادم سفير) اشرف منك يا واطي يامأزوم باع ( سبعة بيوت) فقط وات بايع الوطن للفرس والروم ايامكم دنت والقصاص جاييكم يا اراذل ياكلاب القوم ودم الشهيد تارو جاي و لن يضيع حتي القيامة تقوم والبدخل بطن امو بنجيبو ونحاكمو بالعدل لاظالم ولامظلوم والبدخل بطن امو بنجيبو ونحاكمو بالعدل لاظالم ولامظلوم والبدخل بطن امو بنجيبو ونحاكمو بالعدل لاظالم ولامظلوم هشام هباني
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هشام هباني
فيس بوك
تويتر
انستقرام
يوتيوب
بنتيريست