أعرف كيف دمرت الإنقاذ التعليم العالي (وثيقة)

03:54 PM April, 15 2016

سودانيز اون لاين
سيف اليزل سعد عمر-
مكتبتى
رابط مختصر

فاجأنى زميل الدراسة والعمل الطلابي الأخ الباشمهندس الوليد حاج الذاكي بصورة من وثيقة تحكي مسيرة تأسيس جامعة الجزيرة. وكان قد إستعان بالوثيقة خلال المشكلة الاكاديمية لكلية العلوم والتكنولوجيا والتى كلفتنا عاما دارسيا كاملا بسبب الإضراب عن الدراسة.

نعرض الوثيقة لمقارنة وضع التعليم العالي في ذلك الوقت بسياسة الإنقاذ الآن والتى آخرها الإعلان عن ترحيل جامعة الخرطوم وبيع أراضيها.....

تحياتي سيف اليزل ..

Quote: الإعلان عن ترحيل جامعة الخرطوم وبيع أراضيها.....

بس للدقة فقط, لا يوجد اعلان بهذا الشكل من اي جهة كانت
الموضوع متموم موية بل مطبج عديل كدا

Quote: للدقة فقط, لا يوجد اعلان بهذا الشكل من اي جهة كانت الموضوع متموم موية بل مطبج عديل كدا

يا ود البشري ياخي الدنيا مقلوبة فوق تحت مظاهرات وبمبان واعتقالات و بيانات
ووزارت الإنقاذ تتضارب اقوالها شمال ويمين واحد ينفي وواحد ينكر وواحد يقول اي حسبو قال...وعبد الرحيم محمد حسين قال الحتات كلها باعوها...

وبعد ده كله تقول لي مافي إعلان بيع!!!

البركس لهطوها بالطريقة دي..

أراضي المدراس برضو بالطريقة دي..

Quote: يا ود البشري ياخي الدنيا مقلوبة فوق تحت مظاهرات وبمبان واعتقالات و بيانات ووزارت الإنقاذ تتضارب اقوالها شمال ويمين واحد ينفي وواحد ينكر وواحد يقول اي حسبو قال...وعبد الرحيم محمد حسين قال الحتات كلها باعوها...

ستيل يا ابو السيوف ما في اعلان عن نقل الجامعة وبيع اراضيها
وزارة التعليم العالي نفت, وزير السياحة قال سيتم النقل و باعتبار المياني اثرية يعني حتى هذا التصريح لم يتحدث عن بيع اراضي الجامعة
معليش انا ما عايز البوست يحرف عن غرضه الانت كاتبه عشانه لكن تحرّي الدقة مهم خاصة مع طوفان المواسير المالي السايبر

Quote: لكن تحرّي الدقة مهم

تحري دقة شنو يا ود البشري !!!!
أقول ليك الدنيا مقلوبة بسبب الإعلان
وحاليا بعضا من طلبة الجامعة مسجونين في مكاتب الأمن بسبب الإعلان ده.
تقول لي تحري الدقة مهم!!!!

طيب معليش يا سيف أنا ما شفت أو قريت الإعلان دا
ممكن تدلّني عليه ينوبك ثواب

Quote: طيب معليش يا سيف أنا ما شفت أو قريت الإعلان دا ممكن تدلّني عليه ينوبك ثواب

يااااا سلااااااااام !!

بالله إنت لا شفت لا قريت يا ود البشري؟

طيب هاك شوف و أقرأ!

يا سيف انت قلت صدور الإعلان عن بيع الجامعة و انا سألتك عنه, إذا قريت الإعلان دا او سمعته او اطلعت عليه وريني ليه واكون شاكر أو قول جلا :)
الشباب المعتقلين ديل اخشى ان اول سؤال سيسألوه في الأمن عن سبب خروج المظاهرة لمّا يقولوا رفض بيع الجامعة ثم سالوهم عن جابوا الكلام دا من وين سيعجزوا عن الإجابة

Quote: يا سيف انت قلت صدور الإعلان عن بيع الجامعة

نعم قلت صدور إعلان والذي دعي حكومة الإنقاذ تبلعوا ناشف.

ما انا البوريك ليهو يا ود البشري، الخبر اليقين عند طلاب وطالبات جامعة الخرطوم..

ويا هو إعلان زي ده هو الذي دمر التعليم العالي في السودان...

صدور الإعلان ده إذا ما صدقناه من وكالة سونا ومن وزير بشحمه وكرشه ...... نكون ما عايزين نصدّق

سيف انا بعتذر للمرة التانية عن حرف البوست عن موضوعه
ابو الريش وقت سيف ما حيوريني الاعلان القال عليه كدي وريني انت اين الاعلان عن ترحيل الجامعة وبيع اراضيها
كان سونا وكان الوزير انا سمعت او قرات كلامهم وراجعته مرتين تلاتة ما لقيت ما يشير لبيع اراضي الجامعة .

تحياتي أخ سيف اليزل
رفع يد الدولة عن الطالب تماماً بالإضافة لقانون القبول الخاص زائد تهجير الكادر المتميز هو من أهم أسباب تدمير التعليم العالي
أضف لداك التوسع العشوائي في التعليم العالي أو مايسمى ثورة التعليم العالي والجامعات الأوضتين وبرنده وكل من هب فتح جامعه خاصه
ده كلو أدى لتفريخ خريجين مابعرفو بين العير والنقير
احححححححححححححح غايتو الجوف محروق بس الله في

Quote: صدور الإعلان ده إذا ما صدقناه من وكالة سونا ومن وزير بشحمه وكرشه ...... نكون ما عايزين نصدّ

يا ابو الريش الناس ديل بلع الإعلان ده بقي ليهم حار خلاس.
مجلس وزراء الإنقاذ ينفي
والجامعة تنفي
ووزارة السياسة تنفي
والإذاعآت تنفي
والفضائيات تنفي....

Quote: سيف انا بعتذر للمرة التانية عن حرف البوست عن موضوعه

Quote: سيف انا بعتذر للمرة التانية عن حرف البوست عن موضوعه

يا ود البشري ياخي مافي عوجة ومداخلاتك كلها كانت فيما يخص الإنقاذ والتعليم العالي. وسعدت جدا بمداخلاتك.

ما محتاجة اعتذار...

Quote: رفع يد الدولة عن الطالب تماماً

الأخ ع.ع.ع.

قبل الإنقاذ كان التعليم في كل مراحله قائم علي مبدأ العدالة الإجتماعية. يعنى أن تتاح الفرصة لكل طالب او طالبة حسب مقدراته الأكاديمية وليس المادية.

الإنقاذ خصخصت التعليم وأصبح حسب المقدرات المادية ورفعت يدها تماما من تمويل السكن والإعاشة.

يا ود البشرى، أرجع للفيديو الجبتو إنت في بوست (جامعة الخرطوم تنفي) أو شئ بالمعنى ده. الناطق بإسم جامعة الخرطوم وجه لوم لوزير السياحة على تصريحاته ...... إذاً ما دام في تصريح من وزير ما ممكن نطلب من الناس التريث وتشوف هل الوزير ده مخول بالتصريح والا تاخد الكلام من موظف في الجامعة.

سيف
السلام عليكم
اخر دفعة قبل ثورة التعليم العالي بتاعة ابراهيم احمد عمر
في جامعة الجزيرة كانت الدفعة 12 ...
و لمن جات الدفعة 13 بدات ثورة التحطيم العالي ... و زيادة الاستيعاب في الجامعات و خصوصاً جامعة الجزيرة
زيادة الاستيعاب مع ثبات حجم الوعاء ...
يعني 1/2متر مكعب طشت و مليتو واحد متر مكعب موية
و بعد كدة شوف الدفاق كيف ...
و كانت بداية الشرارة ...
رفض الطلاب زيادة الاستيعاب و التعريب و غيرو من دجل الثورة ...
و اضرابات و اعتصامات و رفض الامتحانات و فصل و تهديد و وعيد ...
و برجع ليك ...

مرحب يا عماد الدين

كلامك صحيح. بدأت تورة (التحطيم) العالي - كما أسميتها - من الدفعة ١٣.

لكن مسيرة التحطيم بدات في وقت مبأكر وبدات في جامعة الجزيرة بقيادة مدير الجامعة آنذاك التجانى حسن الأمين.
ساعده في مسالة الهوس دي واحد إسمه بريمة من كلية الإقتصاد قام بإنشاء معهد سماه (معهد أسلمة المعرفة).
كذلك ساندهم العديد من الاساتذة الكان ولاءهم للأنقاذ أكبر من ولاءهم للوطن وللجامعة آمثال آدم رحمة.

اكبر جريمة كانت إلغاء السكن والإعاشة وتحويل مدارس ثانوية وكليات تقنية إلي كليات جامعية.

زرت عمادة الطلاب في عام ٢٠١٢ لقيت تم تحويلها الي واحدة من داخليات الطلاب بعد إلغاء نظام السكن والإعاشة، اعتقد داخلية القادسية.

زي نظام بيت سكني تقلبوا تعملوا ورشة سيارات

منتظر عودتك وتحدثنا عن تجربتكم خلال تلك الفترة.
غايتو علي المستوي الشخص ما قرت اهضمها كلوكلو.