|
Re: واشنطن: العلاقات مع السودان وصلت مرحلة (ال (Re: Frankly)
|
حبيبنا فرانكلي .. مودتي .. صدقني الناس بقت في المعايش ( أكل العيش ) مين يحكم ما مهم .. لازم حل مشكلة العلاقات مع أمريكا وقبل أمريكا مع إسرائيل .. لأن مفتاح واشنطن في تل أبيب كويس قطع العلاقة مع إيران .. كمان يمكن أن يسربوا أخبار إنهم إجتمعوا مع الاسرائليين لرسو بواخرها في بورتسودان يعني أي حاجة كده وشوية صور كمان مع ناس الامن والموساد .. عشان البنك الدولي وبيوت المال وغيرها .. حبيبنا فرانكي صدقني الامريكان خطرين .. يا أخي ديل خلو روسيا قالت الروب وإيران وكوبا في الطريق .. تعرف أنا لو كنت رئيس أول زيارة كنت امشى تل أبيب وأصلح العلاقات مع الغرب وأمريكا .. بعد داك قالوا خائن قالوا اي شيئ أنا راضي .. المعيشة بقت صعبة جداً .. عازين واحد يجازف فقط لأن الانتظار سوف يكون مثل كوبا 70 سنة .. عشان الواحد يشيل الفيزا كارد من السعودية ويسحب الفلوس من الصراف في دنقلا وكرمة والبرقيق ( في ضواحي ) الدنيا
حبيبنا فرانكي ما تزعل من كلامي ده .. لقد بلغنا من الكبر عتيا وجربنا كل أنواع السياسات يسار يمين إسلامي تقدمي .. إكتشفنا إنو الناس عايزة أكل عيش فقط .. ودي نفس القناعة الوصل ليها قريبنا محمد وردي في آخر أيامه .. وأنا كمان وصلت للقناعة دي بعد العمر الطويل .. كمان بعد تجربة الكفيل والاقامة ..
مليون تحية ..
|
|
|
|
|
|