|
Re: لماذا يــــــكره الناس الشايقية ؟؟؟؟ (Re: عبدالله محمد احمد بلة)
|
سيدالبوست .. لا أريد أن أقول عنك عنصرى .. لكنك مغرض .. وتريد التشفى بطريقةٍ ما بفتح نيران الكراهية وتقعد بعيد زى الأفعى ترقب الموقف وتتلذذ .. عبارتك لحاتم موسى عن التحدى مازال قائماً ينم عن صب الزيت على الموضوع ..
تبرز قضية مهمة هنا عن جزئية كتاب الخواجة عن التاريخ .. وهى قضية أولوية التصديق عند الـoppressed minds التى أصبح عندها قول الخواجة كأنه إلهام منزل ـــ ماداير أقول قرآن منزل لأنو الزمن ده لم تعد هناك قدسية للقرآن بل القدسية أصبحت لكلام الخواجة ــ .. الخواجة قال، يبقى إنت تسكت خالص ... الخواجة قال ويكيليكس يقوموا الناس يتخاطفوا الليكس وتملأ بها الأثير بإعتباره حقائق غيرمشكوك فيها ولا يأتيها الباطل أبداً .. الخواجة قال أوراق بنما ، خلاس الكلام كِمِل .. كلام منزل .. شعب هش .. والدليل على تزوير التاريخ وعدم دقته ما نشهده الآن من تزوير الحاضر أمام أعيننا .. وأقرب مثال الكمية المهولة من الأخبار المضروبة، والأخبار المبالغ فيها وإستثارة الإثارة ... وووو ... كذب كثير يملأ تاريخنا وحاضرنا وتاريخ بكره زى ما شايفين يتم تحضيره فى مطابخ الواتساب والفيسبوك وسودانيز بواسطة المعتوهين وبتاعين الشمارات ..
النقطة الأخيرة العايز أقولها إنو صلاح الناس وكعوبيتهم ليس لأنهم شايقية أو دناقلة أو فور ،، إنما كل فرد معلّق من عصيباته .. كل قبيلة فيها الشهامة والكرم وفيها الغدارين والمحتالين والأشرار .. ولذلك مفروض مقاييسنا للناس تقاس حسب تقواها وصلاحها .. لأنو ممكن ود ناس وود أكارم يغدرك غدرة ما تقوم منها بداً.. بينما تجد مغموراً يفتديك بروحه ..
معادن الناس تظهر عند المحكات .. أذكر زمان .. زمن أبوجنزير والمواصلات وتلك المظلات فى موقف أبوجنزير التى كانت تعج ببتاعين الأورنيش .. قعدت لأحدهم لتلميع الجزمة .. وبعد أن إنتهى الصبى أديته القروش صم وانتظرت الباقى .. فالصبى قعد يعاين بجاى وبجاى متظاهراً بأنو ما عنده فكة .. فى الآخر بعد المماطلة طوّلت .. قمت على حيلى وقلت ليهو خلاص يامعلم خليت الباقى لكين بشيله منك يوم القيامة .. وهنا إنذعر الصبى وقال لى ىازوول أقيف أقيف وقام فتش الفكة جابها .. الناس التمام ما بيلعبوا فى حق الله .. وذلك هو المعيار الذى يجب أن يقاس به الحب والكراهية .. مش لأنه شايقى أو دنقلاوى أو فوراوى ..
| |
|
|
|
|
|
|
Re: لماذا يــــــكره الناس الشايقية ؟؟؟؟ (Re: Munir)
|
Quote: سيدالبوست .. لا أريد أن أقول عنك عنصرى .. لكنك مغرض .. وتريد التشفى بطريقةٍ ما بفتح نيران الكراهية وتقعد بعيد زى الأفعى ترقب الموقف وتتلذذ .. عبارتك لحاتم موسى عن التحدى مازال قائماً ينم عن صب الزيت على الموضوع .. |
انا لست معجبا بافكار حاتم فقط وانما ساحاول تقليد حلمه وساكظم غيظي واقول لك كما قال سامحك الله
Quote: لنقطة الأخيرة العايز أقولها إنو صلاح الناس وكعوبيتهم ليس لأنهم شايقية أو دناقلة أو فور ،، إنما كل فرد معلّق من عصيباته .. كل قبيلة فيها الشهامة والكرم وفيها الغدارين والمحتالين والأشرار .. ولذلك مفروض مقاييسنا للناس تقاس حسب تقواها وصلاحها .. لأنو ممكن ود ناس وود أكارم يغدرك غدرة ما تقوم منها بداً.. بينما تجد مغموراً يفتديك بروحه .. |
اؤيدك بشدة .. بس هذا لا يحدث ... ما يحدث هو العبارات التي اقتبستها من حاتم لانها لب الموضوع ... ممكن ندفن رؤوسنا في الرمال ونتجنب المواضيع الملغمة... ووممكن نتحدث في المسكوت عنه ونتحمل تبعات ذلك من اساءات وشتائم
| |
|
|
|
|
|
|
Re: لماذا يــــــكره الناس الشايقية ؟؟؟؟ (Re: عبدالله محمد احمد بلة)
|
يا بله الصوره بتاعت الحمير دي تمثلك انت لواتمعنت فيها كويس ..ومع ذلك ولا تزعل نفسك ياخ الشوايقه نا س مكروهين وناس سيئين ..وانت وقبيلتك افاضل الناس.. ان شاءلله تكون انت سعيد بس ..اها خطوتك الجايه شنو لانو لو القصه بقت نقه وطق حنك ساي يبقي ده تضييع زمن منك ساي ..لانو لو استمريت في كتمان الحقد والغل المتلبسك ضد الشوايقه والتنفيس عنو في بوست ما حايفيدك كتير او بالاحري حا تسهلو شطهوفي النهايه انت برضو خسران ..لذلك نورنا انت عايز تعمل شنو
| |
|
|
|
|
|
|
Re: لماذا يــــــكره الناس الشايقية ؟؟؟؟ (Re: Osman M Salih)
|
دائماً يظل منسوبو القبائل التي ينتمي لها عرابو الإنقاذ ودهاقنتها هم أكثر الناس تظلماً وأسوأهم حظاً
فهم من ناحية محسوبون من المقربين ومحاسيب السلطة عند عامة الناس ....
وفي المقابل لا يجدون من السلطة غير السراب والسجم والرماد كغيرهم من مواطني الهامش الآخرين
لهم ولنا الله .....
ف شنو ....
ما تزيدوا عليهم الهم همين ... الله يرحم والديكم .....
| |
|
|
|
|
|
|
Re: لماذا يــــــكره الناس الشايقية ؟؟؟؟ (Re: عبد الباقي الجيلي)
|
Quote: عن أبي هريرة رضي الله عنه قال : قال رسول الله صلى الله عليه وسلم : ( لا تحاسدوا ، ولا تناجشوا ، ولا تباغضوا ، ولا تدابروا ، ولا يبع بعضكم على بيع بعض ، وكونوا عباد الله إخوانا ، المسلم أخو المسلم ، لا يظلمه ولا يخذله ولا يحقره ، التقوى هاهنا – ويشير إلى صدره ثلاث مرات – بحسب امرئ من الشر أن يحقر أخاه المسلم ، كل المسلم على المسلم حرام : دمه وماله وعرضه ) رواه مسلم |
| |
|
|
|
|
|
|
Re: لماذا يــــــكره الناس الشايقية ؟؟؟؟ (Re: الطيب عباس)
|
بمناسبة الشايقية شايقي مخاصم ليهو جعلي 30 سنة . يوم الشايقي مشي للجعلي قالو: دايرك تسامحني وتعفي مني . الجعلي قالو : سامحتك وعافي منك لله والرسول . بس داير اسالك سؤال الجابك شنو بعد السنين دي كلها ؟ الشايقي قالو : سمعت الامام البارح في الخطبة بقول اول زول تقابلو يوم القيامة الزول البتكون مخاصمو وانا والله خلقتك دي ماداير اشوفا
| |
|
|
|
|
|
|
Re: لماذا يــــــكره الناس الشايقية ؟؟؟؟ (Re: Hatim Alhwary)
|
بالصدفة وبدون مقدمات وانا احتسي في كوب القهوة بدات فراشة المكتب تحكي عن رحلة كفاحها في الحياة ومن ضمن ما حكته لي الوقفة الصلبة التي وقفتها معها جارتها الشايقية بعد وفاة زوجها قالت لي انها كانت تهدي لها الزي المدرسي وحقائب المدرسة وتجدها معها في كل معضلة لحدي هنا اعتبرت الحكاية محض صدفة بس حين قالت لي ( في ناس بقولو الشوايقة كعبين ... بس والله كعب البقول الشوايقة كعبين ) هنا فقط احسست انها عضو معانا في سودانيز اون لاين قربت اقول ليها ابدا انا ما قلت كدة .. انا فقط نقلت ما يقوله الناس وحاولت تحليله
| |
|
|
|
|
|
|
Re: لماذا يــــــكره الناس الشايقية ؟؟؟؟ (Re: عاطف رميتي)
|
للاسف، معرض وسوق لي جزام الوعي القبلي!
المضحك كما الرجال البلهاء، بعضنا يتساءل من اين اتي اذلام نظام القتلة؟
اتو من صديد وعيكم القبلي هذا، وهذا يوضح سر بقاؤم!
نعم كيف ماكنتم، يولي عليكم.
الي الجحيم فليذهب "ايدز" الوعي القبلي!
شوفو الحاصل في مراة الجنوب، عشان تعرفو مدي نتانة وعفن هذا الوعي السرطاني!
شوفو دارفور بقت كيف بي سبب برجم الوعي القبلي!
عوووووع!
| |
|
|
|
|
|
|
|