في حضرة حسن محجوب و رفاقه، جلسة أريحيّة وونسة فرايحية، قباني ؤ ود الموج ؤ ناس الحقيبة تعالوا ...

Quote: ود المدير سلام عليك وعلي ضيوفك الاكارم التحية لحفيد البادراب حسن محجوب هو أبن المرحوم العميد الركن (م) محجوب التوم ، الزول دا ود عمي مع أنو لم يأخذ نصيبة من الاعلام لكنه ثابر وأجتهد وتمكن من شعر الحقيبة بطريقة مذهله . نسأل الله أن يوفقه .

يا ود الباهي ود اعمّك دا تمشي تبخرو طوالي .

نعم تمكن من شعر الحقيبة وأهله، وتمنيت لو المذيعة تركتو يتحدث عن الأُمي، لكن .

المهم حديثو عن المساح والدندتة دي النقطة الدفعتني للحديث عنه وعن باقي الشلة،

فهم لم ياخدوا الغنا للصياح في جوف الليالي وقبض العدادآت بل قعدوا ثم طوفوا

وقاموا بزيارة كل من له صلة بغناء الحقيبة واخالهم بحثوا وأكثروا البحث وجدوا

فيه لذلك غنوا كما غنى الرعيل الأوّل وأعاوا للحقيبة سيرتها الأولى، فالتحية لهم

يا صديقي والتحية لإبن عمّك المبدع وهو يرفع هذه الرآية .

قالوا، المساح مشى يزور اهلاً ليهو، أها، بعد سلّم قال يمشي يسلّم علي النسوان،

قالولو، معاهن بنتاً ضيّفة . أصرّ يدخل، أها، لآمن دخل هي جرت إدسّت واصبح

بينها وبينه حائط . أها، اصرّ لآزم يشوفا، ؤُ قال يسولوا جبنة . سوالو الجبنة ؤُ

قنّب يشرب . أها، مشو كلموها قالولآ، الزول دا قال تب ما مارق، ؤُ هويسمع،

قامت قالت، اليقعد كان دآير يقعد بيني ؤُ بينو حيطة ما حا يقدر يشوفني .