رغم اني لي الشرف بالانضمام للقائمة اعلاه
لسبب بسيط
وهو انها ضمت اخوة لي في قمة الاحترام والتهذيب
احترمهم جدا وأتشرف بمزاملتهم وصحبتهم ايما شرف
فلهم مني كل الود وكامل التقدير والمحبة دون فرز
،،،،،،،،،
لكن احقاقا للحق
Quote: لو تابعتم هذه الأسماء في هذا المنبر سوف تجدون منهم العنصري |
لو انت صادق
جيب لي كلمة وااااااحدة
فرد كلمة ،،،ما جملة علشان اسهل عليك
كلمة واحدة شميت فيها بأنفك الخبيرة دي ريحة العنصرية مني انا شخصيا ما خصاني بغيري
Quote: ومنهم الذي همه وشغله الشاغل في المنبر هو مطاردة الذين يعارضون حكومة الخرطوم المجرمة |
مطاردة عديييييييل كدا
ممكن مثال
وانا ساكي ومطارد ولا اي حاجة قريبة من كدا
برضك واحد بس ماغير
علشان ما يكون كلام في الصقيعة ساااااااكت بلا رقيب وبلا خجل او وازع من ضمير
Quote: ويشككون في كتاباتهم. |
ات قائل مجرد ابداء رأي مخالف لمحبيك او لمن سائرك الرأي والهوي
دا معناتو تشكيك ،،،،
والله تبقي دي مصيبة
وتبقي عندك علة تحتاج العلاج
Quote: وهذه الأسماء تجدونهم دائما يحتلون بوستات المطاعنة القذرة وبوستات الونسة والهظار الفارغ، |
احتلال ومطاعنة و دائماً ،،،،الكتراااااااابل
يا زول انت جادي
والله لست بلعان ولا طعان ولا فاحش ولا بذي
كان رضيت ولا ابيت
ودي تربية ديني كدا
ولو علي تربيتي السودانية التي اعتد بها وافاخر
مستحيل ابقي كدا
ولو ما عارف اعرف
المطاعنة ليها ناسا والفحش والفسق كذلك
هنا النظرة معلولة وذات هوي وغرض ،،،،وتحتاج منك لتكثيف العلاج
Quote: وأي بوست جادي يعارض النظام، يدخلونه و يعملون جاهدين في تفريغه من محتواه ويحولونه الى بوست غير جادي وللهظار فقط. |
النظام النظام النظام،،مأهذا الغثاء،،،،كرهتنا
،،،،رغم اني ماعندي اي اهتمام باي نظام او خمج، ولا قاعد اعمل الكلام القلتو دا،،،،،،،
بس ورينا
ياتو نظام
بتاع ياتو دولة
لو انت قاصد حكومة السودان
للأسف
انت لا في العير ولا في النفير
ودي حقيقة مجردة من اي وهم خالية من اي غرض او مرض او غيرو
انو دا امر ما يخصك ولا عندك اي دخل بيهو
دي حكومتنا شاء من شاء وابي من ابي بما فيهم انا في رقبتي دي
دا واقع،،،،الي ان يقضي الله أمرا كان مفعولا
والي ان يقضي بيننا وبينهم بالحق
،،،،،وتلك الأيام نداولها بين الناس،،،،،،
نداوس معاها نتصالح نتعارك نتفق نختلف
نشيلم ونقع بيهم البحر نشرك بيهم للسمك
ما يخصك
بالكتير تبدي رأيك من ناحية عامة و علي استحيا وتكب الزوغة وتقطع وشك
بالسبب الفوق ،،،،،ألهو شنوووووووووو،،،،،انك غير معني البتة بامرنا واصلا ما مفروض تحشر انفك فيهو
ونصيحة مني ليك وعارفك ما حا تقبلا
بس عملا لي الله
حقو تنسي حاجة اسمها السودان علشان ما تجيك جلطة
وحقو تشوف حالك ومحتالك وتتعايش مع الواقع الجديد دا
النحن اقتنعنا بيهو وماقاعدين ندخل فيكم حتي لو بكلمة
اما السودان الحبيب ،،،،نحن أهل الشي ذاااااتو،،، قربنا ننجلط خلي الاغراب
Quote: أنا أتشرف جدا أن أكون أقف ضد هذه القائمة من الأسماء |
انت لو دا إحساسك ،،،،
نقول ليك
بالاكتر والله
وما دايرين نقول ليك الرد السوداني الراتب في مثل هذه المواقع،،،،الشرف لينا ،،،،علشان ما تزعل
،،،،
لو قريت مداخلتي الفوق صاح ،،
كنت خليت اخونا النذير يسحب البوست دا ،،بس أقول شنو،،الفهم مشكلة
اخير،،انا عارف والله انك ختيتني في اللستة دي لي شنو بس ما عندك الشجاعة تقول