Quote: الحب ليس قضيتي- ابوامنة حامدالحب ليس قضيتي.. لكن... عيون الناس
في موطني اخشي علي قلبي من الاحساس
بدسك من عيون الناس.. وفضاح الهوي وهماس
بضن بالسر واكون بالغت حتي علي نجي الكاس
واتنسم هواك يا غالي والله وتجهل الانفاس
وبحس بيك انت زي بحلم.. وانت الحلم والاحساس
وبيك بستغني عن دنيا.. يا مفرد ضم كل الناس
يندي العمر وندي العمر
ويتوهج صباي الخمر في دنياي..
واعيش لقياي معاك ذكري
بتمتد من امس حالم.. شفيف تمتد لي بكره
يا صحو النور وميلادو.. ولحظات حبنا السكري
اعيشا معاك جمال.. وصبا.. وحديث هامس
وايد في ايد تضم ..تحلم..تسافر..ترتعش..تبكي..تغني..
تقول كلاما مافي زول قالو ..كلاما مافي زول سمعو
وعيونو الحلوه في عيوني.. وفوح مشاعرو يتنسم
وايدو الناعمه في رحلة حنان في ايدي تتقسم
يا اجمل فرحه ركت في رياض الحزن
لولتو.. هدهدت فيهو الطفوله الشاعره
احيتو..غنت ليهو..بيهو ..معاهو
ارتكزت علي افق المشاعر الباهره فكره حنينه
ما بغباها زول انسان ...
وانا المرهف بي احساسو الطفولي.. المتعب الفنان
بتتنده في قلبي فصول وتدخل..
في ربيع العمر من تاني
وتشعل فيهو مفاتن وجه روماني ..
لا قلبي اله.. ولا شعري الحزين من وحي رباني
بحبك قالا ليك انسان.. حقيقي.. بسيط..
وكان طول عمرو انساني..
وتنساني
عبدالعظيم عثمان
فيس بوك
تويتر
انستقرام
يوتيوب
بنتيريست