موضوع تعريفي ظريف يا بريمة التحية ليك ولكبر ؤ منتصر..نحن برضو عندنا نوعين من نوع النبتات دي واحده اسمها الحسكنيت تشبك في هدومك تكتفك ..
التانية خدرا وموسمية شكلها زي الجرجير ..
بس عندها صفقات مشرشرة وفيها شرا دقاق تلذع..
البهايم برضهن بزوغن منها بس ما عندنا استخدامات ناس الخلا دي..
الدوده برضها موجودة يا كبر لكين ما عارف القاصدا ولّ غيرها ..
بنسميها ( الصرف ) وهي دايما بتكون ملازمة أشجار السنط خاصة في موسم ( البرم ) زهرة السنط الصفراء..
الله قال بقولك لو لحقت اتكيت تحت سنطانية ؤ لمت فيك..
برضو من النبتات الغريبة عندنا شجرة صغيرة ما عارف اسمها بالعربي ..
لو لمست صفقتا تلقى الشجرة كلها هبطت كأنها ماتت ..
تزح منها بعد عشرة دقائق تفرهد تاني .