.
| Quote: فالرجال يشتدون عنادا أمام الزوجة العنيدة،أو الأخت العنيدة ويلينون أمام المرأة الخاضعة.
|
تعرف يا صديق يا أخوي بقولوا قدر أخف من قدر
لأنوا في مجتمعات وثقافات حظ المرأة فيها ثلاتة مرقات من البطن ولبيت الزوج وللقبر والنسوان هناك رضيانات بما يسموه قسمتن دي
لأنوا التمرد عليها مكلف ومحتاج تضحيات بحجم تغيير ثقافة مجتمع بأكمله الشي الما بتم في جيل أو جيلين
نحن في السودان مثلاً العقلية مختلفة وأحسن كتير من ديلاك ويبدو أنه المطلوب خضوع وأي حاجة غير كدا إسمها عناد
أولاً هل ضمن العقلية دي العناد والخضوع دي عندها أشكال وألوان حسب المصلحة والفهم البختلف من راجل لراجل
يعني الخضوع والعناد بختلف لما يكون الزوج أنصار سنة أو ليبرالي
تعرف النسوان الذكيات في محاواتهم مع الثقافات الشقية ربطوا إمتهان الرجال البتتشكل عقولهم في دايرة المصالح الكونت هذه الثقافات
بإمتهان أعراق لأعراق تعتبرها أدنى منها وبإمتهان الأغنياء للفقراء وبإمتهان الدول الصناعية للبيئة وكله بتطلب الخضوع
وفي الختام بقول ليك الله يهدينا ويهديك يا أخوي ..إلا التعليم دا غير ما يخرب عقول البنوت ما بسوي شيء
بالمناسبة أنا حأصوت لهيلاري في نوفمبر
عبير خيرى
فيس بوك
تويتر
انستقرام
يوتيوب
بنتيريست