انا جيت مع الوفد ..الاخ الفريق اول فتحي فهم زائرين من التجمع الوطني ... ودا تأكد انو انتم الحياة بتاعكم مؤمن ... وامنكم محفوظ .... ووجود الوفد بضمن الكلام دا...كل واحد فيكم ما يشعر انه في أي خطورة ... الخطورة كان يوم داك ... ثم الحيحصل شنو ومصيركم ح يكون شنو بعد ما حياتكم انقذو... دا في يد بتاع ربنا ... هو جاب انتم بره من الموت...
الفتنة الجات ....جابو حكومة الجبهة ...لكن نحن الواقفين ديل هنا دا .. ما عندنا مشكلة... زي ما انتم بشوفو .. في التجمع الوطني ما عندنا مشكلة ... عايز نؤكد لكم .. بوجود الفريق اول فتحي والوفد المعاهو ...انو امنكم محفوظ ...انتم في الامان..
نحن في الحركة الشعبية لتحرير السودان من 83 بنادي بوحدة السودان... الرجل لازم يقاتل من اجل حاجة مهم .. الجبهة القومية الاسلامية في الخرطوم بقول بشاكل الحركة ل3 اسباب رئيسية انهم بدافعو عن الدين ..عن الاسلام بقول بدافع عن العروبة بقول بدافع عن وحدة السودان.. بقولو ليكم وللعالم ..
لكن انا عايز نؤكد ليكم انو ما في خطورة ... على 3 حاجات ديل ما في خطورة..
شيل وحدة السودان..
ما في خطورة على وحدة السودان من 83 نشاكل لوحدة السودان ....الاشتباكات الاولية ما كانت مع الجيش السوداني ...كانت معاكسين في الحركة الشعبية ... مع انانيا 2 ...وهم ناس قاي تور واكوال اتيم كانوا البنادي بانفصال السودان ... وشاكلناهم دي حقيقة ...والاخوان والحكومات في الخرطوم عملوا انفسهم محفزين بتاع وحدة السودان ... العكس هو الصحيح.. انه الناس البنادي بالانفصال هم البتعاونو مع حكومات الخرطوم ...مشوا الخرطوم الان واتفقوا مع الخرطوم .. على انفصال السودان... حاليا رياك مشار وغيره..البنادو بانفصال جنوب السودان... حاليا هم في الخرطوم.... وعندهم حركة اسمها ..حركة انفصال جنوب السودان...
العكس هو الصحيح ...نحن بنؤمن ونقاتل وننادي بوحدة السودان .. الصحيح. الفيهو كل الناس.. كل القوميات وكل الجنسيات وكل الثقافات .وهذا واقع السودان مكون من قبائل كثيرة وثقافات كثيرة واديان...
اذا في واحد يقول السودان لازم يكون مسلم ويكون عربي ... نحن بنقول لا ... المسلمين جزء من لا يتجزأ من مجتمعات السودان...دا واقع ... لكن الناس ما كلو مسلمين ...واذا واحد السودان لازم يكون عربي ..نحن نقول لا ...قومية العرب جزء لا يتجزأ من السودان .. لكن الناس ما كلو عرب.. ودا واقع...
نحن بنقول كدا الطائفية عن الجنس كدا نسيبو ... ونبني دولة بتاعنا كلنا... اذا نقول السودان لازم يكون دولة عربية .. ناس ما بشوف كلام دا غريب .. ولكن اذا قلت كلام دا لناس فور ..وناس فور قامو بحركة ويقولو السودان لازم يكون دولة فوراوية... الحاكمين في الخرطوم بيقول الزول دا مجنون .. شيلو لمستشفى...
فالتفرقة على الجنس دا نسيبو ونبني دولة بتاعنا كسودانيز ...من كل القوميات... هذا مطلب منطقي...فكلام بتاع وحدة السودان ... وحدة السودان الحقيقة بشمل كل زول... عشان ما في زول بفتكر انو اسيبو بره... تمشي الخرطوم انت من الغرب انت من الشرق انت من الوسط انت من الشمال...انت مواطن سودان جاء الخرطوم وخلاص.. بطال بتاعو شنو.؟ نشاكل انفسنا عشان كلام دا؟ لا ما منطقي... ربنا ذاتو ما بوافق...يوم داك لما ربنا خلقنا كلنا.. مش خلق عرب نوير وشلك وفور وشلك هدندوة... خلق ناس ديل كلهم .. وبحق منو يقول ربنا كان غلطان؟
نحن نبني الحركة بتاعنا على حقائق .. ما بكذب على زول...نحن بنؤمن بوحدة السودان .. وحدة السودان الفيهو كل الناس ما بجيب شكلة تاني... ونحن بحقق وحدة دا ونبني دولة بتاعنا على اسس صحيحة.. فدا بالنسبة للوحدة..
بالنسبة للدين...نحن ما عندنا مشكلة مع دين ... انت عايز تكون مسلم هلا وسهلا.. دا حق بتاعك.. عايز كون مسيحي دا حق بتاعك...ما ربنا واحد.. ربنا ما مسلم وما مسيحي .. ربنا ما زايتي .....هو. ربنا ما مسلم وما مسيحي .. ربنا واحد دا... انا بؤمن بربنا.. فالدين ما يفرق ناس..فالمجتمع السوداني فيهو اديان... صحيح المسلمين الاغلبية ..دا ما بديهم الحق عشان يسيطروا على الاخرين... البلد بفرتق... فنودي حرية لكل الاديان..
انتم... الموجودين هنا حاليا ..واسرى الحرب .. عندكم الحرية التامة عشان تصلي لربنا ... هنا دا..بالطريقة الانت دايرو...اغلبيتكم الان مسلمين ...عندكم الحق عشان تصلو ..هنا دا..
نحن في الحركة نقول الدين هو علاقة بين الانسان وربنا بتاعو.. بين الخلق الناس .. الخالق والمخلوق..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة