Mohammed Eltaze
ممكن كده نبدا نتكلم عن الأحاديث الوارد فيها السحر
لكن اول شي نتفق علي حاجات صحيح بخاري وصحيح مسلم سموهم في الأصل صحاح لي لإغتلاب الصحيح فيهم
يعني الغالبيه صحيح عندهم ماعشان هم اصح كتب بعد كتاب الله عز وجل ماعارف العلاقه شنو بين كتاب كتبو البخاري
والقران الكريم مافي اي مقارنه بينهم مفروض بتاع البخاري ده عمل ناقص عمل بشر ومافي مقارنه بينهم من اسي البيقول لي
اصح كتاب بعد كتاب الله بقول ليهو اتلهي واسكت وانطم تمام بسم الله الرحمن الرحيم نبدأ
الحديث الأول - عَنْ عَائِشَةَ رَضِيَ اللَّهُ عَنْهَا قَالَتْ : ( سُحِرَ النَّبِيُّ صَلَّى اللَّهُ عَلَيْهِ وَسَلَّمَ حَتَّى كَانَ يُخَيَّلُ إِلَيْهِ أَنَّهُ يَفْعَلُ الشَّيْءَ وَمَا يَفْعَلُهُ
, حَتَّى كَانَ ذَاتَ يَوْمٍ دَعَا , وَدَعَا ثُمَّ قَالَ : أَشَعَرْتِ أَنَّ اللَّهَ أَفْتَانِي فِيمَا فِيهِ شِفَائِي ؟ أَتَانِي رَجُلانِ فَقَعَدَ أَحَدُهُمَا عِنْدَ رَأْسِي وَالآخَرُ عِنْدَ رِجْلَيَّ
, فَقَالَ أَحَدُهُمَا لِلآخَرِ : مَا وَجَعُ الرَّجُلِ ؟ قَالَ : مَطْبُوبٌ ؟ قَالَ : وَمَنْ طَبَّهُ ؟ قَالَ : لَبِيدُ بْنُ الأَعْصَمِ . قَالَ : فِيمَا ذَا ؟ قَالَ : فِي مُشُطٍ وَمُشَاقَةٍ
وَجُفِّ طَلْعَةٍ ذَكَرٍ . قَالَ فَأَيْنَ هُوَ ؟ قَالَ : فِي بِئْرِ ذَرْوَانَ . فَخَرَجَ إِلَيْهَا النَّبِيُّ صَلَّى اللَّهُ عَلَيْهِ وَسَلَّمَ ثُمَّ رَجَعَ فَقَالَ لِعَائِشَةَ حِينَ رَجَعَ : نَخْلُهَا كَأَنَّهُ
رُءُوسُ الشَّيَاطِينِ . فَقُلْتُ : اسْتَخْرَجْتَهُ ؟ فَقَالَ : لا , أَمَّا أَنَا فَقَدْ شَفَانِي اللَّهُ , وَخَشِيتُ أَنْ يُثِيرَ ذَلِكَ عَلَى النَّاسِ شَرًّا , ثُمَّ دُفِنَتْ الْبِئْرُ ) رواه البخاري
ومسلم وغيرهما - طيب اسمحو لي انا عندي عدة مشاكل في الحديث ده وابدي افنده واحده واحده أول مشكله هي هل بيت النبوه اخترق وله فيهو متعاونين مع اليهود
؟!!!!! المشط ممكن نقول اشتراهو من السوق و المشاطه جابه لبيد بن الأعصم من وين غير انو بيت النبوه كان فيهو خاين لله ولرسوله
وده طعن في الله وفي رسوله ده أول سوال لي؟! طيب تاني سؤال لي ربنا بيقول في القران - إِذْ يَقُولُ الظَّالِمُونَ إِنْ تَتَّبِعُونَ إِلا رَجُلا مَسْحُورًا
- يقول دي حسب حصة العربي زمان ايام المدرسة فعل مضارع يعني مستمر لي يوم القيامة هل انا لمن اعترض علي الله وأقول ليهو يارب البخاري
ومسلم وديل اصح كتب عندنا بيقولو الرسول سحر كدي اقيف شويه بس ثواني ؟! خليناها دي برضو مامشكله في مشكله تانيه برضو ربنا عز وجل بيقول
- أَلَمْ يَجِدْكَ يَتِيمًا فَآوَى (*)وَوَجَدَكَ ضَالًّا فَهَدَى(*)وَوَجَدَكَ عَائِلا فَأَغْنَى- دي عربي صرف يجد في الأول ده فعل مضارع كيف يعطف عليهو ماضي وتاني
يعطف عليهو ماضي السبب في ألم الأصل بتاعه لم و الهمزة للإستفهام ده سؤال يعني بس في حته معاها ان الرسول صلي الله عليه وعلي ال بيته وسلم
في ايواء الله عز وجل الي يوم القيامه عشان كده طالما هو في الإيواء اتنفي منو الضلال بالهدي و اتنفي من العواله بالغني هل بينفع ان لبيد بن الأعصم ده
يسحر ليهو زول في إيواء الله عز وجل ؟!!!! ده برضو سوال وبرضوا ما مشكله برضو في لغة العرب وكلامهم جن يعني ستر ومنها جات الجن اي المستورين
غير المرئين ومنها كانت كلمة الجنه معناها الشجر الوافر المتداخل البيحجب الشمس من انها تصل الأرض فهي بتجن الشمس عن الأرض
ومنها مجنون الهو مستور العقل طيب لحدي هنا كويسين ربنا عز وجل لمن يقسم ويقول ليك - ن والقلم وما يسطرون ( 1 ) ما أنت بنعمة ربك بمجنون
- هل بتظن انو مجرد ظن انو عقل الرسول ممكن ينستر لي اي سبب لو قلته اي يبقي ربنا بيحلف حانث وحاشي لله من ذلك - الله يغفر لي
- ولو قلته لأ يبقي الحديث باطل وموضوع بعدين مفروض من ناحية الأدب و الأخلاق تتكلم عن محمد بن عبدالله صلي الله عليه وعلي ال بيته وسلم
بي أدب واحترام وتقيف عديييييل وتتكلم بي ادب ومعليش ماعندي استعداد اناقش أو اتقبل اي فكره علي انو الرسول صلي الله عليه وعلي ال بيته وسلم
انو اتسحر ولابقبل ولاكلمة ولا حتي نقاش في الموضوع ده فياريت تجيبو باقي احاديثكم عن السحر عموما والسلام عليكم
محمد التازي