كاريكاتيرات - عربية - عن مشاركة السودان فى التدخل البرى في سوريا ...

Quote: في سبيل المال في ناس ببيعو أعراضم عديل

Quote: السودانيون في المخيلة العربية

Quote: لابد من تهشيم بيوت الزجاج الرخيص هذه .

Quote: في سبيل المال في ناس ببيعو أعراضم عديل ما فرقت أخت زوجة وحتي أم أحيانا .. دا شغل أخير منو أكون مرتزق بلا لباس ههههههه.. ما رأيك يا أستاذ عمر دفع الله تحول لينا الفكرة دي لى كاركاتير؟

Quote: مشكلتنا الأساسية والمزمنة ( كسودانيين) انو نحن متخندقين في حالة دفاع دائما .. البسوى والما بسوى عايز يدخل حنكو العفن دا عشان يشتمنا أو يسخر مننا سواء في خلقتنا أو لغتنا أو سلوكنا

Quote: الاستعداد الفطري للدفاع عن الخليجي أو التفاني في خدمته أو تبجيله أو التهافت على الظفر بنسب قريب منه هو ما يعطي هؤلاء كل المحفزات على إهانتنا

Quote: اهانة السودانيين من طرف العرب لا تحتاج الى محفزات يا اخ حاتم فالصورة النمطية عن السودانى في المخيلة العربية ثابتة وتستند الى ثقافة وتاريخ طويل

(عدل بواسطة منتصر عبد الباسط on 02-20-2016, 09:25 PM)

Quote: يا جماعة أنا فكرتي قائمة على رد الاعتداء .. رد وسد وطبعا متحامي بشرع الله الواحد الأجد

Quote: اهانة السودانيين من طرف العرب لا تحتاج الى محفزات يا اخ حاتم فالصورة النمطية عن السودانى في المخيلة العربية ثابتة وتستند الى ثقافة وتاريخ طويل وإلا كيف تفسر نعت التلفزيون اليمنى لنا دون غيرنا من الدول المشاركة في عاصفة الحزم بالمرتزقة ! ولماذا اختار رسام الكاريكاتير اعلاه السودانى دون غيره للتأكيد على عدم عروبيته وبالتانى فهو مرتزق ومأجور ويحشر نفسه فيما لا يعنيه ورسمه في شكل أفريقي بدائي خرج لتوه من الاحراش في اشارة الى اصله !

Quote: ما هم ذاتك كانوا متحامين بشرع الله الواحد الأحد دا لمن اعتدوا عليك.

Quote: Mona Medani مشكلة التنكر للاصل الافريقي برضها موجوده عند االصوماليين والاحبلش (والكلمه تشمل الاثيوبين و الارترين ) ، الاتتين بيروا انهم من سلاله افضل من الافارقه ، لكن بس ما بحاولوا الالتصاق بالعرب ذي السودانين.

Quote: أبدا الكلام دا ما دقيق يا حاتم الاعتداء بالسخرية على السودانيين ما وليد موقف الحكومة الأخير البسببو اتعمل الكاركاتير الفوق دا

Quote: العربي محمي بالدين يا أخ طلحة. ذات الدين الذي ترغب في الاحتماء به لرد العدوان.

Quote: يا طلحة اللون الاسود في الديانات السماوية الثلاث هو لون ابليس ولون الكفار ولون الشيطان . +++ كل ينطلق من خندقه والحشاش يملأ شوالو ، سب بى سب وسخرية بى سخرية وصعلقة بصعلقة وقلة أدب بمثلها الخ الخ الخ ، والفورة مليون كما قال .

Quote: شرفونا من خلال مواقفهم النبيلة سابقا وحاليا من حادثة الرافعة حيث رفض السودانيين دون باقي الشعوب الأخري أي تعويض مادي بل كانو يسعفون المرضي .ثم تلتها حادثة تدافع الحجاج ب مني ف كان السودانيين هم الوحيدين الذين اخلو مخيماتهم وفتحوها كمستشفي ميداني للمرضي وكانو يسعفون المرضي ويكفنون الموتي الشهداء دون أي مقابل مادي ( نخوة العربي الأصيل )

Quote: كل يوم تتكشف لنا حقائق أن الشعب السوداني هو صمام الأمان لجميع دول المنطقة خاصة أن الشعب السوداني لا يقبل الخنوع والذلة وأنه شعب عفيف ونفسه أبية وعالية عكس الأخرين الذين يعملون بينا ويتنعمون ب خيرات بلادنا ومع ذلك يكيدون لنا المكايد ويعضون الأيدي التي عاملتهم بإحسان.

Quote: الاعتداء بالسخرية على السودانيين ما وليد موقف الحكومة الأخير البسببو اتعمل الكاركاتير الفوق دا .. دي حاجة متجددة دائما بمناسبة ودون مناسبة

Quote: طيب حلل لينا دي وفك طلاسمها !!!

Quote: هو في الواقع ظلمك والجملة المفتاحية هنا ( نخوة العربي الأصيل ) فرفض التعويض (إن كان قد حصل حقيقة) لا يعتبر بكل المقاييس سوى سذاجة خاصة إن كان التعويض عاماً ومن جهة رسمية.

Quote: يا حاتم أوع يكون عندك شك في كوني ما بقبل الخنوع والذلة .

Quote: مجرد اني قلتا السخرية من السودانيين قديمة ؟؟؟؟؟؟؟

Quote: أفو، أشك كيف أنا! بس أخونا الشبلي دا شايفو فرحان "بالشكر" وأنا يدي أكلتني، فقلت أحولو ليك قبال ما أرشو،

Quote: عارف يا حاتم السبب هو ان الكينيين واليوغنديين والنيجريين ما متلبطين في العرب وناكرين افريقيتهم.. العرب مساكين كل همهم ان يبعدوا منهم القراد دا. والسودان زمن ازهرى والمحجوب كان افريقى وعلمه افريقى

همهم في الأول الابتعاد لأن الإبعاد صار شبه مستحيل

مع مشتركات اللغة والدين، الاتنين ديل في الواقع مثار دهشة العربي لما يصادف أفريقي في مسجد خارج المنطقة العربية، وكتير منهم بتظهر عليه علامات الضيق إذا اكتشف إنك بتتكلم نفس اللغة بتاعتو بل بتدعي إنك من نفس العرق. حتى المصريين مع كل التغطيات السالبة عن السودان بيتفاجأوا لما يسمعوك بتتكلم لغة موزونة، أنا في مصري بدأ يتكلم معاي بالفصحى زي هارون الرشيد، قلت ليهو ياخي اتكلم معاي زي رأفت الهجان بفهمك عادي. صديق لي زار الأردن، وشاءت الصدف أن يركب تاكسي مع مواطنين وتصادف أن بث الراديو أغنية لنانسي عجرم، انطلق الزول، لاحظ لكلمة "انطلق" دي ورفع عقيرته بمصاحبة نانسي. قال لي وحات الله التاكسي كلو يضحك فيني بالسواق لمن دميعاتو جرن، قال حسيت بأني ظهرت ليهم زي المهرج أو وقعت ليهم في جرح صورة نمطية كانوا منتظرين يشوفوها، سكت. نرجع لمفردة "انطلق"، زولي كان شبه محاصر، أو كان مهمل تماماً يعاينوا ليهو كأنهم بعاينوا من خلال لوح قزاز شفاف لأي حاجة وراهو، فحب يذكرهم بالمشتركات وكدة، في حالات استثنائية الرغبة دي بتتحول لهوس يجعل من الشخص الأفريقي أراجوز همه إضحاك الناس، عندنا حالة مشهورة في الإمارات، النموذج الأشهر إيدي ميرفي. العرب يا باشمهندس ما عندهم حل الإبعاد too late، اللهم إلا بحاجات زي دي أما الابتعاد فسهل جداً، لما المصريين هيمنوا على الجامعة العربية وبدأوا يحشدوا الدول الأفريقية زي السودان، إريتريا، جزر القمر، موريتانيا وحتى جنوب السودان بعد الانفصال طرح عليهم عمرو موسى الانضمام لجامعة الدول العربية بكل بساطة، عطشة بس، شفت كيف! وكانوا حياخدوا "شرف" العضوية لو فيهم أمثال أزهري ومحجوب. خلوها ليهم وبقوا بس يدفعوا الاشتراكات، مشوا أسسوا جسم موازي سموهوا مجلس التعاون الخليجي، ومع إنو خليجي لكن اقترحوا عضوية الأردن والمغرب أيام زنقة الربيع العربي، كروت الدعوة جات طايرة بفوق علينا يا أبوريش. لكن يبدو لي الأزهري والمحجوب أنشط من عملوا لوضع السودان في المحيط العربي، توجه السودان للمحيط الأفريقي كان في زمن نميري أيام منصور خالد وزير خارجية، داك أول وقت نسمع بالفن الأثيوبي والصومالي انت ما سمعت الفنانة الصومالية في هنا أم درمان بتقول: انت صومالي ولا سوداني انت واحد بس ماله تاني *** يا سياد تبقى عشت يا جعفر ما حافظ الأغنية

Quote: Adam Mohajer · University Of Khartoum المستعربين السودانيين يسعون ليل نهار لطمس كل ما هو تاريخي وحضاري في السودان وببساطة لانهم لا ينتمون لذلك الارث ولذلك يريدون اجيالا لا تعرف عن تاريخهم شيئا حتى يكونو مسخا مشوها وهذا شيء مدروس وجريمة تنفذ مع سبق الاصرار والترصد . لم يدرسونا تاريخ السوداني الحقيقي الذي هو فخر لنا جميعا كسودانيين بل معظم مناهجنا تمجيدا لثقافة الصحراء حتى حفظونا المعلقات عن ظهر قلب بل زادو عليه بان الدخول للجامعة عبر بوابة اللغة العربية وحتى لو كنت طالبا متميزا في كل المواد العلمية ورسبت في اللغة العربية فمصيرك الشارع او لتعيد سنة وسنتين حتى تنجح في اللغة العربية وكان اقلاها بالنسبة للطلاب الذين لديهم لغات اخرى ان تتم معالجة هذه المشكلة حتى لا بفقدو فرصهم . نريد حاكما ينتمي لارث وحضارة السودان القديم يعرف قيمة الارض وما تحويه من كنوز من اثار ويحافظ عليها كما يحافظ على عياله ويحافظ على لغاته وثقافاته وحدوده . سبب هذه الاساءات والاهانات من الاعراب لاننا ببساطة لم نعتز باصلنا وتاريخنا ونبحث عن اوهن الخيوط للانتماء لهم حكامنا هم من تسبب في ذلنا وهواننا.

Quote: الخرطوم: فوزية ضحيةفجر شاهد الاتهام الأول في قضية محاكمة أكبر شبكة تعمل في الاتجار بالبشر في البلاد، معلومات مثيرة في القضية. وكشف أمس عند الإدلاء بشهادته أمام المحكمة، عن أن أحد ضحايا الشبكة قال إن المتهمين خدعوه بأنهم يريدون تسفيره للشمالية للعمل كسائق في مناجم الذهب، ولكنه تفاجأ بأنهم قاموا بتسفيره لليبيا وبيعه و«40» شخصاً آخرين لليبيين مقابل مبالغ مالية ضخمة، وأفاد بأنهم عندما رفضوا الركوب مع الليبيين أشهروا السلاح في وجوههم مما اضطرهم للاستسلام، وأوضح أن أحد الليبيين قال لهم «نحن اشتريناكم بي قروشنا»، وأكد الشاهد إصابته بمرض الدرن بسبب الجوع والمعاملة القاسية من قبل الليبيين التي استمرت «5» أشهر إلى أن تم تهريبه بعد تدهور حالته الصحية، مشيراً إلى أنه شاهد بعينه تصفية «3» سودانيين من قبل صاحب المنجم الذي كان يعمل به، وأنه شاهد مقبرة بها «25» قبراً لسودانيين تمت تصفيتهم. وأوضح أنهم يذهبون لجلب الحطب للوقود من مناطق مجاورة للمناجم مليئة بالألغام، وكثيراً ما يصاب أحد العمال بها، مبيناً وجود طفلين سودانيين أحدهما يدعى محمد، والآخر بكري وقعا ضحية لشبكة الاتجار بالبشر، ويعملان بمناجم الذهب الليبية، لافتاً إلى وجود «3000» سوداني يعملون بمنطقة ربيانة الليبية، جميعهم وقعوا ضحايا لتلك الشبكات.الانتباهة

(عدل بواسطة عمر دفع الله on 02-23-2016, 05:58 AM)

Quote: سبب هذه الاساءات والاهانات من الاعراب لاننا ببساطة لم نعتز باصلنا وتاريخنا ونبحث عن اوهن الخيوط للانتماء لهم حكامنا هم من تسبب في ذلنا وهواننا.

Quote: شمال السودان والصومال وجيبوتي وموريتانيا هي دول هامشية داخل المنظومة العربية ستسقط قريبا عن خريطة الوطن العربي، فهي تسجل غياباً تاماً أو حتى إذا ساهمت فإن صوتها يكاد يأتي همساً، وسينتج عن هذا تغيير في مستقبل الوطن العربي بحدوده السياسية المعروفة اليوم. فهي دول متحاملٌ عليها عربياً على المستوى الشعبي والمستوى الرسمي الأمر الذي يمكن أن ينجم عنه اليأس من العرب وبالتالي التبرؤ منهم، ومن ثم الاعتصام بعرى زنوجتها.

Quote: يقول المثل السوداني واظنو من الامثال التي لا شبيه لها رغم تطابق الامثال في كل العالم البسوم امو بلقي البشتريها

Quote: من أحمد محمد أحمد ـ الرباط : تعقيبا على المقال الذي نشره جودة محمد عويضة في جريدة «الشرق الأوسط» العدد 8290 أود ابداء بعض الملاحظات في النقط التالية: 1 ـ ذكر جودة ان العاصمة السودانية اصبحت محاصرة من كل الجهات بمجموعات من النازحين الجنوبيين وقبائل غرب السودان الزنجية، ألا يعلم ان الخرطوم هي عاصمة لكل السودانيين بمختلف سحناتهم واعراقهم وان الوطن للجميع يملك كل مواطن فيه حرية التنقل والاستقرار في جميع ارجائه بغض النظر ان كان افريقياً او عربياً، ام انه نسي نزوح الكثير من عرب شمال وغرب السودان الى الخرطوم ايضا؟ 2 ـ ذكر لاحقا ان السودانيين الافارقة يعملون على استئصال العرب من السودان. وهذا ليس صحيحا، لأن افارقة السودان يؤمنون بأن السودان لجميع السودانيين. اما قوله ان مشاعر الكراهية ضد العرب متأصلة في نفوس كل السودانيين الافارقة، ان صح ما قاله فهذا ناتج بادئ ذي بدء عن مشاعر العنصرية البغيضة التي يمارسها بعض اعراب السودان تجاه القبائل الافريقية، حيث يعتبر هؤلاء انفسهم اسياد البلد الاصليين كما يدعون، وهم يعلمون تمام العلم انهم ليسوا بأسياد البلاد الاصليين وانما اصحاب البلاد الاصليون هم القبائل الافريقية في غرب وجنوب وشرق السودان ونوبة شمال السودان وغيرهم، اما العرب فقد أتوا مهاجرين الى ارض السودان قبل بضعة قرون فاستقبلهم افارقة السودان بكل رحابة صدر. 3 ـ لا ادري ما سبب هذا التحامل الغريب والعنصرية الظاهرة التي أبداها جودة على السودانيين ذوي الاصول الغرب افريقية، ودعا بمراجعة ملايين الافارقة لغرب افريقيا او كما كانت تسمى في التاريخ القديم بلاد السودان الغربي. اقول له نحن السودانيين ذوي الاصول الغرب افريقية لنا عظيم الشرف في كوننا هاجرنا من تلك البلاد الغرب افريقية بعد ان جاهدنا اعداء الله واعداء الاسلام من المستعمرين الانجليز والفرنسيين وحملنا راية الاسلام عالية وكان لنا الدور الكبير في نشر الاسلام في عموم القارة الافريقية بقيادة الشيخ الفقيه عثمان بن محمد فودي، وليعلم اننا كما هاجر اجدادنا الى السودان، فقد هاجر اجداده من الجزيرة العربية الى السودان، ولا حق له في القول بأننا لسنا سودانيين، فنحن سوادنيون في الاصل اكثر منه وسنبقى سودانيين. واخيرا أود القول لجودة ولسائر عرب السودان ان كنتم عربا فلماذا يشكك بقية العرب في عروبتكم، وفي بعض الاحيان يعتبرونكم عربا درجة ثانية؟

Quote: هل السودانين عرب ام افارقه .ولا شي اخر