|
Re: مطلوب مترجم نجيض (Re: علي عبدالوهاب عثمان)
|
Quote: : شِنِي الفِرَّة... وشني الفَّرة ؟ شني كتابة وشني الطُرَّة ؟
أنا غايتو البيت دة رجعني سنين طويييييلة لورا فالفِرة في زراعتنا ما بتنشاف، وما تفر إلا لما تكون تحت كرعينك أما الكتابة والطُرة فأظنها قريبة |
سلآم للجميع .
شكراً مجدي لإشراكنا في القصيدة والتي تعتبر قاموس كامل الدسم لا فيهو شق لا فيهو طق، الشكر موصول للشاعر الفحل الذي قام بهذا التوثيق، ولا يفوتني ان اشكر أُستاذنا علي عبد الوهاب علي الشرح الوافي . حسن فؤاد تب ما قصرّت، الفِرّة طائر يكون قانص علي ظهر الأرض واوّل ما تجي جنبو يطير مُحدث صوت يثير الفزع بجناحيه . بعدين عارف يا حسن، الفِرّة دي فآرا بعيد مِن الطُرة والكتابة، يعني المعني ما ليها علآقة بيهِن نهائي . زمان كانت العُملة المعدنية اكبر حاجة فيها الريال واسغر حاجة فيها التعريفة، ودايماً وجه بيكون فيهو كتابة، يعني مثلاً تلقى مكتوب خمسة قروش فوق الشِلِن ؤُ عشرة قروش فوق الرِيال . أها، الصفحة الفوقا الكتابة دي بيسموها كتابة، والصفحة التانية عادةً بيكون فيها رسم ساعي البريد راكبلو جمل دي بيسموها الطُرّة ؤُ دا في لعب الميسر، يقولك ارحكاكَ نلعب طُرّة كتابة، وفي اللعبة اللآعب بيجدع العملة في الهواء بطريقة حلزونية ويختفا بسرعة ويجعلها ما بيدين راحة إيدو والوآطة، ؤُ يقولك طُرّة واللآ كتابة ؟، اها كان نقرتها بتربح وكان ما نقرتها بتخسر .
Quote: بالنوبية ( أشما ) الصوف المتستخرج من النخيل وهي أقوى أنواع الحبال ( حبل العشميق ) |
يا علي ياخي النخلة حاكت الغنماية بتجيبلها صوف ؟، لِيّف يا علي والليف يستعمل ايضاً في عرش البيوت، ؤُ بيسونو حبوباتنا مصفي للجبنة، الجبنة بيحشولآ لِيّف في خشّما عشان التِفِل ما ينزل في الفُنجان .
Quote: شِنُو الرَّحَل التّفرغْ عِيۤنُو للمَارُوۤق ؤقولْ لِى هَا الوِليۤدْ أسْمَعْ تَعَرْف الكنْدَرَة أُمْ غُوشَـة ؟ تَعَرْف الكِتْرَة بِى عرُوشَة شِنُو العَمَيُوقْ شِنُو التُّوۤرِيۤقْ شِنُو الحُمْبُك شِنُو الحُمّيۤضْ شِنُو اللُّصيۤقْ |
الرحل عبارة عن قُفتين لنقل الأشياء، وبتوضيح اكتر الرحل يُضفر من سعف النخل يكون عبارة عن قفتين في شكل الصبّابة، يعني شكل حلزوني يُترك فاتح من الجزء الرقيق فيه ويتم قفل هذا الجزء بخرقة ويوضع بجنبتي الحمار، ؤُ لآمن تجي تفضي الماروق أو التراب بتزيل الخِرقة والماروق أو التراب بينزل من الرحل، عن طريق الفتحتين وهِن العينين اللآت الرحل . الكندرة دي ظنيتا البروِد، والغُوشة ظنيتا الخُشة، ؤُ ما تسعلُوني من معناهِن . تراني جازمتكُن . الكِترة، أظن نبات الكِتِر معروف للجميع . قال الحاردلو في مسدر الصيد، أب عراق فتق قرنو المبادر شره والباشندي عمت مهششيب الدره وعروش الكِترة نبات يلتف حول نبات الكِتِر له زهرات لها رائحة جميلة هي المهششيب .
العميوق ونسميه المعيوقة، نبات تأكلة الغنم وكان كتّرت فيهو بيعمل لها زَرّقة . الحُمبُك، ثمر الطُنضُب . لا تسعلوني من الطنضب . الحميض نوع من النبات وكذلك اللصيق ونسميه اللِويّس وهو نبات متسلق كنا نتمبك عيدانه في زمن الجهل، ؤُ يا حليل زمن الجهل يا قول الغناي .
الظاهر عصرت عليكم ...
|
|
|
|
|
|
|
العنوان |
الكاتب |
Date |
قُولْ لِى هَا الوِليۤدْ أسْمعْ | مجدى محمد عبد الله | 01-24-16, 03:43 PM |
Re: مطلوب مترجم نجيض | مجدى محمد عبد الله | 01-24-16, 03:45 PM |
Re: مطلوب مترجم نجيض | Ahmed Yassin | 01-24-16, 03:55 PM |
Re: مطلوب مترجم نجيض | مجدى محمد عبد الله | 01-24-16, 04:17 PM |
Re: مطلوب مترجم نجيض | مجدى محمد عبد الله | 01-24-16, 04:18 PM |
Re: مطلوب مترجم نجيض | علي عبدالوهاب عثمان | 01-24-16, 07:04 PM |
Re: مطلوب مترجم نجيض | علي عبدالوهاب عثمان | 01-25-16, 09:52 AM |
Re: مطلوب مترجم نجيض | حسن فؤاد | 01-25-16, 11:10 AM |
Re: مطلوب مترجم نجيض | مجدى محمد عبد الله | 01-25-16, 03:43 PM |
Re: مطلوب مترجم نجيض | علي عبدالوهاب عثمان | 01-25-16, 05:23 PM |
Re: مطلوب مترجم نجيض | علي عبدالوهاب عثمان | 01-25-16, 05:42 PM |
Re: مطلوب مترجم نجيض | مجدى محمد عبد الله | 01-25-16, 06:25 PM |
Re: مطلوب مترجم نجيض | مجدى محمد عبد الله | 01-25-16, 07:41 PM |
Re: مطلوب مترجم نجيض | علي عبدالوهاب عثمان | 01-26-16, 07:14 AM |
Re: مطلوب مترجم نجيض | معاوية المدير | 01-26-16, 09:05 AM |
Re: مطلوب مترجم نجيض | علي عبدالوهاب عثمان | 01-26-16, 09:26 AM |
Re: مطلوب مترجم نجيض | علي عبدالوهاب عثمان | 01-27-16, 06:15 PM |
Re: مطلوب مترجم نجيض | علي عبدالوهاب عثمان | 01-28-16, 05:35 PM |
Re: مطلوب مترجم نجيض | Basamat Alsheikh | 01-29-16, 02:27 AM |
Re: مطلوب مترجم نجيض | ست البنات | 01-29-16, 08:01 AM |
Re: مطلوب مترجم نجيض | علي عبدالوهاب عثمان | 01-31-16, 10:01 AM |
|
|
|