مع الأسف يا أخونا ناصر من ابناء الجزيرة وأخونا أحدهم من أبناء النوبـة
مع الأسف أنتو الإثنين قصيرين النظر. المشكلة إنو ما حتغرق كجبار بس لكين كل المنطقة الما بعدها بما فيها الخصبة والجميلة وتاريخ البشرية بما فيه من اسرار لم تكتشف بعد. مثلا أوربا عرفت التتراسيكلين فى سنة 1962. لكين الحفريات الجديدة ورت أنو النوبيين إستعملوا التتراسيكلين من قبل 2300 سنة. وايضا إكتشفت موسوعة أمحتب الطبية والتى تجرى الأبحاث الآن فى أوربا لإستخلاص تشخيص وعلاج حالات طبية وجراحة العالم ما عارف أسراراها لغاية اليوم.
بعدين يا تو تنمية إنتو بتكلموا عنها؟ الحصل شنو للنوبيين الإتهجروا أربعة مرات قبل كدا من 1890 والحصل شنو للهجروهم لخشم القربة وكوم أمبو فى مصر؟ أعلى معدلات وفيات وأمراض ما عرفوها قبل كدا وإتشردوا لا تنمية ولايحزنون. وأنحدرت نسبة التعليم والدخول للمدارس الثانوية والجامعات بنسبة 67%. تنمية شنو الإنتو بتتكلمو عنها. غير العذاب والتشريد ما فى أى عائد لأهل المنطقة. بالله شوفوا الحصل شنو للهجروهم من سد الحمداب. وبعد ما تشوفوا كارثة 1964 والحمداب ورونا رأيكم شنو؟ بس أفتحوا ضميركم وشوفوا الفيديوهات الوثائقية دى.
الله ينور بصيرتكم عشان تشوفوا الأمور بتوابعها مش تمسكوا لى فى كجبار قاحلة وحجارة.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة