لنا ان نعتز بتنوعنا وثقافاتنا وايقاعاتنا المتعددة ونباهي بها العالم الذي اتجه اخيرا للتغني بالغناء السوداني واعدابه ايما اغجاب بالايقاعات السودانية واليكمو بعض من هذه النماذج
القمر بضوي من غرب السودان بايقاعاتها الراقصة تغني بها فنانون من اسرائيل
الفنانة راحيل بمفردات سودانية واضحة
والقمر بضوي ايضا لفنان اسرائيلي بايقاع راقص
Post: #2 Title: Re: الاغاني السودانية تغزو العالم والقمر بضو� Author: عمر الفاروق عبد الله الشيخ Date: 01-22-2016, 12:51 PM Parent: #1
فريق شمال افريقيا واودع اودع كيف للراحل سيد خليفة
بساطة الاداء وجمال اللحن والرقص الايقاعي والأداء المسرحي لسيد خليفة جعله معروفا لدي معظم الاقطار العربية والافريقية
Post: #3 Title: Re: الاغاني السودانية تغزو العالم والقمر بضو� Author: عمر الفاروق عبد الله الشيخ Date: 01-22-2016, 12:53 PM Parent: #2
فنانة صينية والغاريك جمالك لحمد الريح
Post: #4 Title: Re: الاغاني السودانية تغزو العالم والقمر بضو� Author: عمر الفاروق عبد الله الشيخ Date: 01-22-2016, 12:58 PM Parent: #3
السورية زينة افتيموس واسمر جميل للكاشف وللكاشف حكاية تحكي بانه الموزع الموسيقي الكوري اوشان طلب بعض اغنيات الكاشف ليعيد توزيعها وقد وزع بعضها الا ان اغنية بعينها لا اذكرها واحتمال اخونا الموصلي يكون علي علم بها قال دي موزعة حاهزة
Post: #5 Title: Re: الاغاني السودانية تغزو العالم والقمر بضو� Author: Kabar Date: 01-23-2016, 07:58 AM Parent: #4
عمر..سلامات يازول يا فنان..
اااااااااااااااااااخ...يااااااااااااااااااخ... في شغل لاروز.. خلي بالك من كهربة العود..!! أي والله يا عمر عود كهربة..!!
المقدمة ، مقدمة العود ، هي الإضافة الوحيدة في جملة الشغلانة ، يا ريتك تمد معانا يد المساعدة والمناشدة للعبقري الموسيقار حافظ عبد الرحمن مختار بان يقول رايه الشخصي في المقدمة دي..تحديدا شغل العود.. لأنو لو راجعت المقطوعة في اصلها حافظ بيتفتتحها بصوت الفلوت..و شغل الأسرائيلي ده اضافة وابداع..ياخي لمن قربت اقول الأسرائيلين ديل بقارة ولا شنو يعني..!!
الشباب ألأسرائيلي سماها بطريقة جملية ( حنين الصحراء )..وهم شغالين على نماذج كتيرة من اغنيات غرب افريقيا..والغريبة هي نماذج غناء كنا بننشرها في هذا المنتدى..وقليلين من كان يقول لينا عينكم في راسكم..!!
عارف يا عمر..كنت بتمنى انو الزول الشغال العود المكهرب ده يكون هو استاذنا بشير عباس..ياخي ده عواد عالمي ..وما جايب خبر..
القمر بيضوي..الموسيقا حقت استاذنا العبقري حافظ عبد الرحمن (حافظ فلوت)..
اول من صب الكلمات في المقطوعة وغناها اخونا فنان بابنوسة الأول عبد الإله منصور..ثم غنوها ناس محمد الأمين ، هاشم بابنوسة ، محمود عبد العزيز..ثم ناس اسرائيل..!!
واول من نشرها على النطاق العالمي ، الفنان السوداني الشاب جمال بورتسودان..والله صحي..!!
حافظ عبد الرحمن ، ياعمر ، زول كردفاني قح وبيعرف كيف يستبطن الوجدان الكردفاني..فالشغل ده كردفاني مية المية..ده عشان اخوانا ناس دارفور ما يتشعبطوا ساكت..!!
العود يا عمر ، خلي بالك من كهربة العود..وشغل المقدمة في فيديو لاروز..!!
في متابعتي للمقطوعة والنص ، والغنية بتاعة القمر بيضوي..شغل لاروز هو اخر فيرشن في تطور الغنية..اخر من تغنى واداها..!!
تقاسيم تخلي بن ادم ينسى روحو ويقعد يعوص كما بن آوى...!!!!
برضو القمر بيضوي ، شن بلاني بالنجوم..!!!
كبر
Post: #6 Title: Re: الاغاني السودانية تغزو العالم والقمر بضو� Author: عمر الفاروق عبد الله الشيخ Date: 01-23-2016, 08:39 AM Parent: #5
شكرا اخونا Kabar علي المداخلة القيمة والله شغل نضيف وباقي لي التراث السوداني والموسيقي السودانية حبلي بالكثير وفي هذا المقام اذكر برنامج قديم اسمه بيت الجاك كان بقدمه التشكيلي ارد الله غربته ابراهيم الصلحي
جاب موسيقي اسبانية وقارنها بمدحة سودانية وكان الايقاع نفس الايقاع واللحن نفس اللحن رغم ان اللحن في الاسبانية مصحوب باوركسترا والمدحة السودانية فقط بالطار مما يبين ان المدحة السودانية هي الاسبق بكل تأكيد يبدو ان الدعوة للتطبيع مع اسرائيل بدت بالقمر بضوي شن بلاني بالنجوم
بعدين العود ما عود نصاح وما بشبة اعوادنا ده حاجة تاني
تحياتي
Post: #7 Title: Re: الاغاني السودانية تغزو العالم والقمر بضو� Author: الهادي ابوبكر Date: 01-23-2016, 08:52 AM Parent: #5
اداء جميل للكمات نطق واضح لمفردات الكلمات.الاداء الموسيقي رائع فقط ملاحظة بسيطة في الايقاع .اوسكار للمؤدية واسكار للفرقة الموسيقية.ابداع الفرقة الموسيقية كونها ادت الجمل الموسيقية بدون أي نشاز ، رغم الاختلاف بين السلم الخماسي والسباعي.
* تعديل كلمة الايقاع.
Post: #8 Title: Re: الاغاني السودانية تغزو العالم والقمر بضو� Author: الهادي ابوبكر Date: 01-23-2016, 08:59 AM Parent: #7
يبدو إن التطبيع يسير بصورة أسرع مما كنا نتوهم ، وليست مجرد فكرة للنقاش.
شغل موسيقي عجيب ، وابداع في آلة الجيتار.
Post: #9 Title: Re: الاغاني السودانية تغزو العالم والقمر بضو� Author: ANWAR SAYED IBRAHIM Date: 01-23-2016, 10:50 AM Parent: #8
بالجد غنّوها بصورة حلوة .. ما قصّروا .. انا شخصيا استمتعت ..
لك كامل الود
Post: #10 Title: Re: الاغاني السودانية تغزو العالم والقمر بضو� Author: عمر الفاروق عبد الله الشيخ Date: 01-23-2016, 11:06 AM Parent: #9
طبعا جيرانا اثيوبيا الشقيقة كان لهم القدح المعلي في اداء الاغنيات السودانية وما زالو
القطار دور حديدو
حاجة باسطة لا بديل للسكة حديد الا السكة حديد
Post: #11 Title: Re: الاغاني السودانية تغزو العالم والقمر بضو� Author: عمر الفاروق عبد الله الشيخ Date: 01-23-2016, 01:41 PM Parent: #10
تنوع في الايقاعات .. دليب .. تم تم .نوب. جابودي .. الهوسيب ... الدلوكة .. وغيرها من ايقاعات السودان من اقصي الشمال لاقصي الجنوب وزي ما كنا بنقول زمان من نمولي لحلفا تمثل ثقافات وتراث وتوثيق لحركة الحياة في السودان لم يستطع معهد الموسيقي الذي تطور لكلية بان يخرج بها من حجرات الفصول لرحاب العاللمية فظلت حبيسة الي خرج بها بعض المجتهدين من الفنانين والفنانات السودانيات واخيرا اطلقتها العولمة من قمقمها الي قممها
Post: #12 Title: Re: الاغاني السودانية تغزو العالم والقمر بضو� Author: عمر الفاروق عبد الله الشيخ Date: 01-23-2016, 01:41 PM Parent: #10
تنوع في الايقاعات .. دليب .. تم تم .نوب. جابودي .. الهوسيب ... الدلوكة .. وغيرها من ايقاعات السودان من اقصي الشمال لاقصي الجنوب وزي ما كنا بنقول زمان من نمولي لحلفا تمثل ثقافات وتراث وتوثيق لحركة الحياة في السودان لم يستطع معهد الموسيقي الذي تطور لكلية بان يخرج بها من حجرات الفصول لرحاب العاللمية فظلت حبيسة الي خرج بها بعض المجتهدين من الفنانين والفنانات السودانيات واخيرا اطلقتها العولمة من قمقمها الي قممها
(حافظ عبد الرحمن ، ياعمر ، زول كردفاني قح وبيعرف كيف يستبطن الوجدان الكردفاني..فالشغل ده كردفاني مية المية..ده عشان اخوانا ناس دارفور ما يتشعبطوا ساكت..!!)
ما في زول بيغالط انو عمنا عبدالرحمن مختار من كردفان لكن حافظ تربى في نيالا وقد يكون ولد هنالك و عاش فيها و اتعلم العزف على رؤسنا و كضاب البقول موسيقته غير مرتبطة بتراث دارفور.
يا اخي زول من سنة كم و خمسين وهو بيسمع غنا البقارة و الفور و الداجو و المساليت معقول يكون مرتبط موسيقي جبال النوبة مثلا و ما يكون التراث اللي حوله أثر فيه باي صورة؟؟؟؟
من حقه ان يعلن انتمائه لكردفان و من حقنا عليه ان يقول انه تأثر بإيقاعاتنا. معليش ما بعرف في الموسيقى عشان اضرب ليك امثلة.
لو اخدت بعض مقطوعات حافظ و ترنمت بيها في دارفور بلا شك تجد اللي يربطها ليك باغنية فرنقبية او غيرها. هو ارتبط وجدانيا بنا و نحن نحبه و نحب ابداعاته.
بالله جيب لي زول يقول انو حافظ عاش 10 سنة ساكت في كردفان. حافظ يكون عرف كردفان بعد ما بقا راجل كبير ... حافظ بيتهم في نيالا منذ الاربعينات ولا تزال بقية من الاسرة هناك . وهم جز فاعل في مجتمع المدينة. يا اخي بيتهم مرمى حجر من بيت أخونا و زميلنا الهلباوي. الأخير لو سخى ممكن يتداخل. كدا جيب كردفاني يوصف وين حافظ عاش في كردفان.
البيئة التي تربى فيها حافظ دارفوراوية مية في المية....
Post: #14 Title: Re: الاغاني السودانية تغزو العالم والقمر بضو� Author: عمر الفاروق عبد الله الشيخ Date: 01-23-2016, 05:08 PM Parent: #13
يكفي ان اغانينا وصلت تل ابيب ومعظم العالم ونحن لسة في جهويتنا
يكفي النيل ابونا والجنس سوداني
Post: #15 Title: Re: الاغاني السودانية تغزو العالم والقمر بضو� Author: Zoal Wahid Date: 01-24-2016, 06:32 AM Parent: #14
النقطة التي أحببت ان اوضحها ان حافظ منذ طفولته نشأ في نيالا و تأثر ببيئة دارفور . ناس دارفور ما بيشعبطوا ساي زي ما بيقول الأستاذ كبر.
لم يخطر ببالي أي نقاش عنصري او جهوي.
لا شك ان دراسة و فهم عمل أي انسان مبدع ترتكز على البيئة التي نشأ فيها و الثقافات التي تشربها.
مثلا نحن في دارفور حتى منتصف الستينات ،، معظم الغناء المنتشر يؤدي بطريقة خاصة بالاقليم وأهله ثم تأثرنا بثقافة الشمال و الوسط فظهر المقلدون حتى وصلنا الى عمر إحساس و ادم حمودة و حاليا العالمية.
معذرة ان كنت مخطئا في تناولي.
Post: #16 Title: Re: الاغاني السودانية تغزو العالم والقمر بضو� Author: ملهم كردفان Date: 01-24-2016, 06:58 AM Parent: #15
العالميه الحقيقه هى ان يخرج الفنان بأغانيه وفق جوله حول بعض الدول يغنى فيها بنفسه أولا ومن ثم لاغضاضه فى ان يردد الآخرون غنائه ان تنازل لهم عن حقه المادى جمال بورتسودان هو سبب خروج الاغنيه من مسارح القاهره الى اسرائيل .... وآسيا مدنى لها باع أيضاً والمكان الذى خرجت منه هذه الاغنيه تحديدا هو وسط القاهره ... واحتفالات الجامعه الأمريكيه وعين شمس ومسرح مكان وساقية الصاوى وجمعية صاى ودار السودان ومركز نبته مع بعض المسارح الاخرى شهدت حضورا أجنبيا بدعوات من اخوتنا المقيمين فى القاهره والمهتمين بالانشطه الاجتماعيه ...
مبروك لشاعر الاغنيه ولملحنها ولمن ادوها مننا وللموسيقار حافظ عبد الرحمن ولكل السودان
Post: #18 Title: Re: الاغاني السودانية تغزو العالم والقمر بضو� Author: عمر الفاروق عبد الله الشيخ Date: 01-24-2016, 07:21 AM Parent: #16
Quote: العالميه الحقيقه هى ان يخرج الفنان بأغانيه وفق جوله حول بعض الدول يغنى فيها بنفسه أولا ومن ثم لاغضاضه فى ان يردد الآخرون غنائه ان تنازل لهم عن حقه المادى جمال بورتسودان هو سبب خروج الاغنيه من مسارح القاهره الى اسرائيل .... وآسيا مدنى لها باع أيضاً والمكان الذى خرجت منه هذه الاغنيه تحديدا هو وسط القاهره ... واحتفالات الجامعه الأمريكيه وعين شمس ومسرح مكان وساقية الصاوى وجمعية صاى ودار السودان ومركز نبته مع بعض المسارح الاخرى شهدت حضورا أجنبيا بدعوات من اخوتنا المقيمين فى القاهره والمهتمين بالانشطه الاجتماعيه ...
ملهم كردفان لك التحية
وشكرا لكل من نقل السودان للعالم
Post: #17 Title: Re: الاغاني السودانية تغزو العالم والقمر بضو� Author: عمر الفاروق عبد الله الشيخ Date: 01-24-2016, 07:17 AM Parent: #15
Quote: النقطة التي أحببت ان اوضحها ان حافظ منذ طفولته نشأ في نيالا و تأثر ببيئة دارفور . ناس دارفور ما بيشعبطوا ساي زي ما بيقول الأستاذ كبر.
لم يخطر ببالي أي نقاش عنصري او جهوي.
لا شك ان دراسة و فهم عمل أي انسان مبدع ترتكز على البيئة التي نشأ فيها و الثقافات التي تشربها.
مثلا نحن في دارفور حتى منتصف الستينات ،، معظم الغناء المنتشر يؤدي بطريقة خاصة بالاقليم وأهله ثم تأثرنا بثقافة الشمال و الوسط فظهر المقلدون حتى وصلنا الى عمر إحساس و ادم حمودة و حاليا العالمية.
معذرة ان كنت مخطئا في تناولي.
شكرا علي التوضيح وياهو ده السودان ولك هذه التحية من الفنانة الاصيلة شادن محمد حسن هذه الاغنية من الحانها وهي فنانة واعدة ارتبطت ببيئتها ولا نستبعد بنفس المستوي ان ترتقي للعالمية
Post: #19 Title: Re: الاغاني السودانية تغزو العالم والقمر بضو� Author: Zoal Wahid Date: 01-24-2016, 07:57 AM Parent: #17
السودان غني بانسانه و فنه و ثروته و تراثه.
شكرا يا عمر على مشاركتنا هذا الأداء الرائع.
Post: #20 Title: Re: الاغاني السودانية تغزو العالم والقمر بضو� Author: عمر الفاروق عبد الله الشيخ Date: 01-24-2016, 10:43 AM Parent: #19
محمد فؤاد سطا علي رائعة شرحبيل الليل الهادي ونسبها لتراث نوبي قام بمصرنتها بصورة فجة
كما فعل محمد منير من قبل في اغنية وردي فرحي خلق الله وسماها وسط الدائرة
كنوبي هو اقرب للغناء السوداني من سابقة
Post: #21 Title: Re: الاغاني السودانية تغزو العالم والقمر بضو� Author: عمر الفاروق عبد الله الشيخ Date: 01-24-2016, 10:48 AM Parent: #20