Post: #1
Title: استخراج الاوراق الثبوتية في السودان .. بالامكان افضل مما كان.
Author: waleed dawash
Date: 01-20-2016, 11:04 PM
10:04 PM Jan, 21 2016 سودانيز اون لاين
waleed dawash-بلجيكا
مكتبتى
رابط مختصر بسم الله الرحمن الرحيم
استخراج الاوراق الثبوتية في السودان هي واحدة من هموم المواطن و هي معمعة
الزامية و لابد من التاقلم و التعود عليها من بدري ... من الابتدائي او مرحلة الاساس عندما
تشرع في استخراج الجنسية السودانية و التي من دونها لا تستطيع الجلوس لامتحان
الشهادة ...
اها .. انت من الزمن داك تبدا في المعافرة و المدافرة و دة مكاني و امشي و تعال
و دي ناقصة ختم و دايرين الورقة الفلانية و تتمرمط و تتبشتن لحدي ما ربنا يسهلها
ليك ... و دة طبعا لو كنت زول ساي :) .. اما اذا كنت زول زول :) فالوضع بختلف
تماما كما نعلم .و هذا ما سنتعرض له ايضا في هذا البوست .
...........
طبعا الكلام الفوق دة لا يفترض ان يحدث بعد العمل بنظام الرقم الوطني و مفترض يصبح قصص
من الماضي ( مفترض) .. و لكن لا يزال الحال كما هو نفس الحال .
و عشان ادخل في الموضوع مباشرة فحا احكي الحصل معاي في العام السابق
و هو اني بديت اجراءات استخراج الجوازات لاسرتي و قام شقيقي الاصغر ومعه صديق
له بالاجراءات الاوليه من ملء الارابيك و ما الى ذلك و جيت انا طبعا قبل دفع الرسوم
لاوقع اقرار ليسمح لهم باستخراج الجوازات .. واول ما فعلته هو اني قارنت الاسماء
باللغة الانجليزية بالاسماء في الجوازات الاخرى ( جوازات اجنبية) و لقيت انها مليئة
بالاخطاء ولمن وريتهم الاخطاء .. قالوا لي دي كلها بتتعالج في المرحلة الجاية ( و اتضح
لاحقا بانه بعد دفع الرسوم لايمكن معالجتها ) و مشيت قدام الضابط لتوقيع الاقرار و سالني
عن صحة البيانات الموجودة في الارنيك و قلت ليه صحيحة ..و كرر الضابط سؤاله و قال لي
البيانات دي لو فيها غلظ تاني ما بتعدلن فمن الافضل انك ترجع تصححهم لو غلط
و اصريت انا على صحة البيانات ( و في سري اقول دة ضابط وهم .. و الاتنين المعاي ديل
ناقشين اللعب احسنن منو ) و انا لا اتذكر الخطوات بالزبط و لكن لمن مشينا
علي المكتب الفيه التصوير (*)
و سالت الموظف من امكانية تعديل الاسم بالانجليزي ..
قال لي ايوا ممكن .. انت بس تعمل خط حفيف على الاسم و تكتب جمبو الاسم الصاح
و المسؤول حا يفهم بانه دة الاسم الصاح .. و لمن رجعت البيت و قابلت من لهم خبرة
قالوا لي كلام الضابط صاح و قروشك دي اتعوض فيها الله ..
و رجعت تاني يوم لتكملة اجراءات جواز كانت اجراءاته متاخرة بمرحلة و وقفت قدام
نفس الضابط وسالني نفس السؤال عن صحة البيانات فقلت له بانها غير صحيحة :)
و قامت الشمطة بيناتنا و اداني محاضرة في الاستعانة بالواسطة
قلت ليه واسطة ولا زفت انا اسي داير انهي الموضوع دة
قال لي انت حا ترجع تاني تقيف في الصف و تبدا اجراءاتك دي من جديد يعني داير ليك
خمسة ساعات .
قلت ليه والله نص ساعة ما اقعدة ... قال لي خلاص ما بطلع ليك الجواز
قلت ليه في ستين و شلت ورقي و مرقت .
و المحصلة تلاتة جوازات باسامي مكتوبة بالانجليزية خطا
و جواز اخر على الورق .
يتبع
|
Post: #2
Title: Re: استخراج الاوراق الثبوتية في السودان .. بال
Author: ABUHUSSEIN
Date: 01-21-2016, 00:14 AM
Parent: #1
زول وهم ...
تغالط الضابط المسؤول ... ؟؟؟؟؟
|
Post: #3
Title: Re: استخراج الاوراق الثبوتية في السودان .. بال
Author: ABUHUSSEIN
Date: 01-21-2016, 00:22 AM
Parent: #2
| Quote: قلت ليه والله نص ساعة ما اقعدة . |
تلقاك لاحق ليك عشرة كشتينة ... و ل عضة ... 😂😂😂😂
|
Post: #4
Title: Re: استخراج الاوراق الثبوتية في السودان .. بال
Author: عبدالحافظ عثمان
Date: 01-21-2016, 00:31 AM
Parent: #3
تعال بكره..
مافى فورمات اليوم.....
صدقنا لى العدد الكافى ......
السيستيم داون .. كانهم يتحدثون عن انشتار الذره..
الخزنه قفلت..
الجماعه فى الفطور ارجع بعدين..
الضابط فى الصلاه من الساعه 12 الى الساعه 2 ظهرا.......
والله حرام ....
|
Post: #8
Title: Re: استخراج الاوراق الثبوتية في السودان .. بال
Author: waleed dawash
Date: 01-21-2016, 11:04 AM
Parent: #2
| Quote: تغالط الضابط المسؤول ... ؟؟؟؟؟ |
والله يابن عمي لو حكيت ليك الغلاط كله و بالتفصيل
تتعجب حد العجب ذاتو ... بس انا اختصرت الموضوع .
|
Post: #5
Title: Re: استخراج الاوراق الثبوتية في السودان .. بال
Author: حسن حماد محمد
Date: 01-21-2016, 00:32 AM
Parent: #1
Quote: و مشيت قدام الضابط لتوقيع الاقرار و سالني
عن صحة البيانات الموجودة في الارنيك و قلت ليه صحيحة ..و كرر الضابط سؤاله و قال لي
البيانات دي لو فيها غلظ تاني ما بتعدلن فمن الافضل انك ترجع تصححهم لو غلط
و اصريت انا على صحة البيانات ( و في سري اقول دة ضابط وهم .. و الاتنين المعاي ديل
ناقشين اللعب احسنن منو ) |
الكلام انتهى
الاتنين المعاك ديل هم المشكلة ، دايما المشاكل بتجى من النوع دا
يستسهل الصعب ويصعب السهل
سلام يا وليد
|
Post: #6
Title: Re: استخراج الاوراق الثبوتية في السودان .. بال
Author: ABUHUSSEIN
Date: 01-21-2016, 10:14 AM
Parent: #5
يتبع و مشيت تشخر ... ؟؟؟؟
|
Post: #7
Title: Re: استخراج الاوراق الثبوتية في السودان .. بال
Author: saidahmed shami
Date: 01-21-2016, 10:34 AM
Parent: #6
بلجيكي من أمبدة كرور دي تركب كيف يا أخونا 
|
Post: #9
Title: Re: استخراج الاوراق الثبوتية في السودان .. بال
Author: waleed dawash
Date: 01-21-2016, 08:00 PM
Parent: #7
| Quote: تلقاك لاحق ليك عشرة كشتينة ... و ل عضة ... |
والله يابن عمي دة كان اليوم قبل الاخير من الاجازة عشان كدة التوتر حصل
و في النهاية طلعت انا الخسران 😂😂😂😂
ـــــــــــــــ
عبد الحافظ عثمان
سلامات
و بعد دة كلو ياريت تلقى ليك ريق حلو.
كلها صرصرة و تنهر .
|
Post: #11
Title: Re: استخراج الاوراق الثبوتية في السودان .. بال
Author: waleed dawash
Date: 01-21-2016, 08:20 PM
Parent: #7
| Quote: بلجيكي من أمبدة كرور دي تركب كيف يا أخونا |
بلجيكا تتشرف بينا يا وهم 😂😂😂😂
|
Post: #10
Title: Re: استخراج الاوراق الثبوتية في السودان .. بال
Author: waleed dawash
Date: 01-21-2016, 08:17 PM
Parent: #5
حسن حماد
تحياتي
Quote: الكلام انتهى
الاتنين المعاك ديل هم المشكلة ، دايما المشاكل بتجى من النوع دا
يستسهل الصعب ويصعب السهل |
اي والله .. ديل سيكوني في قبولي
😂😂😂😂
|
Post: #12
Title: Re: استخراج الاوراق الثبوتية في السودان .. بال
Author: waleed dawash
Date: 01-21-2016, 09:58 PM
Parent: #10
عدنا
...
(معلوم انه عند البدء في مثل تلك الاشياء فيجب ان تبدا حيث انتهى الاخرين)
و نحن حديثي عهد بالتعامل بالرقم الوطني .. فكان من الافضل بعد
العمل به ان نضمن في بيانات الرقم الوطني كل المعلومات التي نحتاجها
لاستخراج كل الوثائق المطلوبة دون الحوجة لملء ارانيك جديدة كما هو الحال
في الدول الاخرى التي سبقتنا في هذا المجال.
و اعلم بان المسؤلين يعلمون بسهولة تلك الاجراءات ( استخراج الاوراق الثبوتية)
في اللكثير من الدول .
و مثلا .. في بلجيكا تقوم بهذا الاجراء في البلدية ( في اي قرية صغيرة تستطيع
ان تقوم بكل تلك الاجراءات )و يقدمها لك موظف واحد في اقل من عشرة وقائق
و تقوم عند ذلك الموظف بالتوقيع و دفع الرسوم و التصوير .. و تتخارج ..
و تجي بعد اسبوع تستلم .
و انا لا اقول باكمال تلك الاجراءات في بلدياتنا و لكن انا شايف الكبسيبة و الهلمة
الحاصلة في مكاتب الجوازات دي كلها مافب ليها داعي لو اكملنا بيانات الرقم الوطني
و اصبح حضور طالب الجواز فقط لدفع الرسوم و التصوير لان كل البيانات موجودة
و لا داعي لملء اي ارانيك ... و حتى الرسوم يمكن لنفس الموظف استلام الرسوم .
..
نرجع للرقم الوطني و ما ينقصه.
البيانات الموجودة في الرقم الوطني حاليا هي
الاسم كامل
تاريخ الميلاد
مكان الميلاد
النوع
اسم الوالدة
الرقم المتسلسل للرقم الوطني
كل تلك البيانات موجودة باللغة العربية .
..
البيانات الغير موجودة
هي نفس البيانات السابقة باللغة الانجليزية لانه لا غنى لنا عنها
عند استخراج جوازات السفر .
...
يتبع 😂😂😂😂
|
Post: #13
Title: Re: استخراج الاوراق الثبوتية في السودان .. بال
Author: waleed dawash
Date: 01-21-2016, 10:50 PM
Parent: #12
ادراج البيانات
...
طبعا دي مشكلة او عقدة في حد ذاتها بالنسبة لنا السودانيين
فاذا نظرنا لكثير من الوثائق الثبوتية لدى الكثير منا فستجدها
مليئة بالاختلافات .. تلقى الجواز باسم و البطاقة فيها اسم الجد مختلف
و الرخصة تلقى فيها اسم ناقص وووووو كمية من المغالطات .
و اسباب تلك الاختلافات متعددة لكن اهمها الموظف المسؤول
و الموظف دة فيلم براه ..
زول تجيب ليه مستند باسم كامل مثلا محمد عمر عباس علي
تلقاه كتب محمد عمر عبدالله علي
كيف و ليه ؟ الله اعلم ... نقل عديييل كدة و ينقلو ليك غلط .
بخصوص الاختلافات دي فحدث في الاسابيع الماضية اني
كنت بصدد عمل بعض الاجراءات للوالدة و طلبت صورة
من الجواز .. و الوالدة من مواليد مدينة ود مدني و مما فتحنا
عيونا لقينا ود مدني دي تكتب ود مدني او مدني .
لكن لقيت في الجواز في خانة مكان الميلاد بالانجليزية
مكتوب GREATER
طوالي طلعت نفسي من حالة الدهشة و عاينت لمكان الميلاد
بالعربي فوجدته ( ود مدني الكبرى ) و باين ان الموطف
كتبها بالانجليزية GREATER WAD MADANI
و الخانات غير كافية لاطهارها كاملة فطهرت قريتر دي
😂😂😂😂
الحل شنو في اختلاف البيانات ؟
شهادة الميلاد ..
1<> ملء شهادة الميلاد بكل البيانات السابقة باللغتين
العربية و الانجليزية و بتاني و مطابقة اسم المولود باسم
الوالدين كما هو في شهاداتهم او ارقامهم الوطنية و اعتمادها
هي فقط للرقم الوطني حتى تتطابق جميع الوثائق الاخرى
مع بعضها البعض.
2<> ربط الطابعة او ماكينة استخراج الجوازات بكمبيوتر البيانات
لتفادي اخطاء النقل .
( و تبقى المشكلة في ادراج البيانات اول مرة ..و دي الا تجيب احتصاصي
علم نفس يشوف الناس ديل بنقلو خطا كيف ؟ )😂😂😂😂
يتبع
|
|