لأنه اثبت بحكم وجوده اليومي الفاعل عبر هذا المنبر خائضا ومنقعلا بشكل وطني غيور مع سودانيين محسوبين علي الشطر الشمالي متحديا كل محاولات استفزازه لاثنائه للتخلي عن هذه الروح الوحدوية السودانية التي تحرجهم جدا لانها تشهد علي ضعف وطنيتهم بينما يثبت السلطان دينق كل يوم انه سوداني نبيل واصيل اكبر من فاصلة الانفصال و ثنائية ( الجنوب و الشمال ) و(خرطومي ) ملم بتفاصيل الخرطوم الجميلة اكثر من ابناء خرطوم اليوم ومسيس ملم بتفاصيل السياسة في الشمال اكثر بكثير من سياسيين محسوبين علي شطر الشمال وغيور وهميم في ملاحقة اعداء شعب السوداني الشمالي اكثر من ملايين من ابناء السودان الشمالي لازالوا خاضعين خانعين للذل والاهانات ... لم ينحاز سلطان دينق لحزب شمالي او جنوبي بل منحاز بكامل وجدانه للسودان الواحد الجميل الذي صاغ كل تفاصيل حياته وشرب منه قيم التوادد والتسامح والتاخي والعزة بالنفس وهو ما يجعله اليوم اكثر شراسة في مواجهة من قبحوه وشوهوه وضيعوه لاجل استعادة السودان الجميل المختطف من براثنهم لانه لا زال يحمل في وجدانه وذاكرته صورة مقارنة بين السودان الجميل والسودان القبيح وهي مقارنة افضت به الي حقانية الانحياز للحق بجانب السودان القديم الجميل بعقل سوداني منفتح لا يقبل الوطن قسمة بين اثنين او لونين او دينين بل وطنا يضم الجميع وهو ما يميز السلطان دينق عن بقية الالاف من سودانيي الشمال وهم للاسف الي الان لم ينفعلوا بقضية الوطن حتي ولو بربع نبض السلطان دينق الذي يمثل بضميره الحي السودان الموحد القديم الجميل متجاوزا بوعيه ( شوفينية) انفصالي الجنوب والشمال ..ولذا فهو أنسب من يصلح ان يكون علي قيادة حزب سوداني وطني يسعي لاستعادة وحدة السودان الكبير علي اسس راسخة من الحرية و العدل والمساواة المنتجة للنماء وللتاخي والتسامح والسلام.
01-18-2016, 09:43 AM
هشام هباني هشام هباني
تاريخ التسجيل: 10-31-2003
مجموع المشاركات: 51292
لك التحية العمدة هباني قبل يومين اتصلت على أستاذ كان يعمل في جوبا رجع كما غيره بعد الانفصال استقبلني بفرح وأخبرني بان بعض أصدقائه من جنوب السودان وطلابه معه في زيارة خاصة له ودعاني للتعرف عليهم تحدثت معهم فردا فردا والله يا هباني أحسست بفرحة غامرة كما هم وظللت اتواصل معهم على مدى يومين وكنت بصدد كتابة بوست عن هذا الأمر وربطه بما يقوم به دينق هنا من تواصل حميم واهتمام بالغ بقضايا الوطن الكبير رغم ما يمارسه البعض من مضايقات تصل درجة الوقاحة لا لشي لمجرد أن يبعدوه من هذا المنبر وبالتالي أبعاد قلم وحدوي جبار لا يساوم أو يعرف الحلول الوسط بغير رؤية وطن رحيب شكرا لك كنت سباق في ذلك وامنياتنا لشعبنا في الجنوب والشمال أن تزول كل أسباب قادت لهذا الانفصال الذي مزق القلوب والوجدان قبل الخارطة السياسية ودينق والكثيرين من ابنا جنوببنا الحبيب جديرين بقيادة أمة احترامي
هذا الخيط وفائي عرفاني لصديقنا الحبيب المناضل ( جورج بوك) او( السلطان دينق) وايضا عرفاني لكل اشقائنا الاحباء من الشطر الجنوبي من الذين لا زالت سودانيتهم الكبري رغم فاجعة الانفصال صامدة في نبضهم ووجدانهم وقد عبروا عنها بافضل ما يكون التعبير بشكل انساني قويم ...فالتحية لكل هؤلاء المبدعين والذين اعتقد فيهم بانهم ( الرواب) الوحدوي المؤهل لاستعادة وحدة الوطن الاكبر في يوم ما ..فالتحية لك اخي ابو روضة و عبرك لكل اشقائك من الشطر الجنوبي والذين نعول عليهم لاستعادة الوحدة الكبري وااتي هي منتوج خيباتنا نحن اهل الشطر الشمالي الذين لم نزرف دمعة واحدة يوم وقعت هذه الفجيعة الكبري واعني فجيعة الانفصال.... وقطعا الحزب الذي اعنيه حزبا واحدا من جنوبيين وشماليين في الشطرين يبشر بعودة الوحدة الكبري وانا من الان عضو فيه اذا امد الله في الاجال.
01-18-2016, 02:48 PM
هشام هباني هشام هباني
تاريخ التسجيل: 10-31-2003
مجموع المشاركات: 51292
حقيقة نريد أشخاصاً يرجعون سودانا كما كان .. و لماذا لا يكون الحكم فيدرالياً .. !! حقيقة نريد أشخاصاً ينادون بالوحدة والسلام ..
ويا أخى هشام .. موضوعك دا ذكرنى بالكلمات التى شعرت بها وقمت بكتابتها .. نسبة لانفصال الجنوب عن الشمال ..
وها هى من جديد .. وأهديها للأخ دينق .. ولكم ولكل وطنى يحب سودانه ...
Quote: حرام عليكم .. ليه شرطتو الخرطة .. !! ارنست ارجانوس جبران حرام عليكم .. ليه شرطتو الخرطة ..!! مش كفاية شرطتو عينا .. جبتو لينا جلطة .. بالمناسبة .. جيتكم دى للحكم .. كانت أكبر غلطة .. مش أول ما جيتو .. كتلتو مجدى محجوب .. وجرجس الطيار .. وبعَدُم .. برضو سال الدم أنهار .. ومنهم و قبّال 8 سنوات بالضبط .. كانوا شهدا كجبار .. الشباب الطيبين فى منطقة النوبة فى الشمال ... قايلنها شطارة .. قايلنها شطارة .. قايلنها لعب كورة شراب فى الحارة .. حارة .. ومحارة .. وسيجارة .. إياك اعنى واسمعى يا جارة .. فاكرين لما تزيدوا فى الضغط .. وتتمادوا فى الغلط .. الشعب حيسكت ولا حيرقد لط .. فى الحقيقة .. انتو قاعدين وما عارفين حاجة .. لو مافى سلام .. حيكون جوع و قحط .. ما انتو قلبكم جافى .. قاعدين فوق الكراسى .. ما جايبين خبار العريان الماشى حافى ... ولى حسه دى .. نازلين رش .. فى البشر .. بالطيارات فى دارفور ... فى كردفان .. وفى كل مكان .. لا بهمكم .. وطن .. ولا إنسان .. يا حليل وطنا حق زمان .. يا حليل خرطتنا حقت زمان .. يا حليل سودانا حق زمان .. سودانا .. اللى كان .. أيام كان ياما كان .. اللى كان بيحكى بيهو فلان و فلتكان .. سودانا .. اللى كانت خرطتو .. تملا العين والكيان .. حسدونا الناس عشان الخرطة السمحة .. حسدونا الناس .. عشان اللمة السمحة .. من قمنا .. تبينا ربينا على شكل خرطتنا السمحة .. كل يوم فى حصة الجغرافيا .. ياها الخرطة .. حفظناها حفظ .. بقت محفورة فى الوجدان .. وما ممكن تمّحِى .. ولا تتنسى .. حتى ولو عجزنا .. وأصابنا مرض النسيان.. ياها خرطتنا .. محفوظة فى الوجدان .. . والتاريخ يحكى .. وجدودنا يحكوا .. وحبوباتنا يحكن .. كيف كان سودانا .. سودانا حق زمان ... لاكين .. جو ناس الحاسد الذى حسد .. جابو مقص كبير .. قصو بيهو الخرطة . حسة .. بقى شكلها .. كيف كده .. حرام عليكم .. حرام عليكم .. شرطتو الخرطة . حرام عليكم .. بوظتو الخلطة . حرام عليكم .. جبتو لينا جلطة .. بقيتو .. بقيتو فى الحلقوم ظلطة . مرة تانية .. جَيّتكم دى كانت أكبر غلطة ... قعادكم بقى حراق ..حراق بالحيل ..بس شطة والقليب الصغيرون .. .. القليب الصغيرون حزنان .. ممكون .. .. صحى .. هو قليباً .. صغيرون .. لاكنو .. لاكنو وحاتكم .. هو كبير بالحيل .. شايل فيهو سودانا بخرطتو القديمة قبال ما يقصوها .. قبال .. سودانا .. قبال ما يصغروهو .. قبال ما يشرطو خرطتو السمحة .. قبال ما يبوظو سمعتو .. قبال ما يشوهو شكلو .. الله يسامح اللى كان السبب .. بصراحة .. ما بقدر أنوم .. لما أتخيل .. نص السودان اللى تحت .. مافيش .. ما قادر اتصور خرطتو المقطوعة .. شكلها بقى شين بالحيل .. يعنى دينق وينو .. ووين ملوال .. وصديقنا منقو زمبيرى .. الدرسونا ليهو.. ياهو.. صديقنا حق زمان .. راح وين .. يعنى حسى دى أهل منقو زمبيرى .. ما ممكن يتلاقو مع أهل صديق .. صديق صديقنا اللى كان فى القولد .. يعنى حسه .. خلو ناس الجنوب .. ما يتلاقو مع ناس النوبة اللى فوق .. عليكم الله .. عليكم الله .. بدل ما يخلو ناس الجنوب يعرفو حضارة الشمال .. وين حضارة النوبة .. وين اهرامات النوبة .. يا حليلك يا حبوبة .. لو كنتِ عايشة .. ما كان برضيك .. حالنا المايل دا .. لاكين نقول شنو .. أيوه .. لازم نقيف و نتكلم ونقول .. ونسألُم ؟؟؟ .. يا اخوانا .. ليه .. ليه .. شرطتو الخرطة .. ؟؟. يا اخوانا .. ليه فصلتو الجنوب عن الشمال ..؟. ليه .. شينتو داك .. الجمال ؟؟.. لما أعاين فى الخرطة حقت حسه .. أشعر بشعور .. غريب .. أشعر .. أنا غريب .. آى .. أنا خجلان .. شاعر كده .. أنا بقيت عريان ... بجد ..أنا شاعر .. انو .. أنا .. ما لابس سروال .. آى .. أنا شاعر .. بقيت عريان .. بدون سروال .. وكمان سودانا .. بقى عريان وبدون سروال .. يغطى نصو التحتانى .. يا ناس فضحتونا .. خليتو الناس تقول كانى ومانى .. يعنى شوية .. شوية .. يجيو مقصهم الكبير داك .. ويقصو حته تانى .. الله يسامح اللى كان الجانى ... آى .. يمكن الليلة دى يقصوا دارفور .. وبكره دى يقصوا كردفان .. يعنى فى النهاية .. يكونوا قاعدين مبسوطين .. فى الخرطوم .. مبسوطين نايمين نوم .. .وما عارفين .. قُعادم دا بقى .. شوكة فى الحلقوم .. يا حليل سودانا حق زمان .. أيام ما كنا صغار وكنا نكُدَ الدوم .. .. آه .. آه .. من وين ديل جونا .. قطعوا علينا قعدتنا .. شربتنا لجبنتنا .. حتى ما خلونا نخلص فناجينا .. وجينا جايين .. عشان تفرقتهم فى الدين .. قطعوا علينا أحلامنا .. وطموحاتنا .. جينا لبلاد الحرية .. وياها الجية ..آه .. آه .. ما علينا .. نرجع لموضوعنا ... يعنى نسأل و نقول تانى .. وين باقى الخرطة .. وين بحر الجبل .. وين نمولى .. وين جنقلى ومشروع جنقلى .. فى حاجة ناقصة .. فى حاجة نافصة .. وين المويه .. اللى جاية .. من بحيرة فكتوريا .. خلاص انقطعت .. لا مويه .. لا سمك .. .. لا سمّاك .. عملتوها .. وبقيتو تتاوقو من الشباك .. آى .. لا موية .. ولا سمك .. خرطتكم بتقول كده ... خرطة شنو .. الخرطة .. بقت كده صلعة .... يا جماعة .. الواحد يعمل شنو .. نقول شنو .. يعنى الواحد يكورك .. ولا يجيب ليهو كوريك . يخمخم جواهو .. القليب المكتول كمد .. القليب المصرور جواهو سودانا .. حق زمان ... .. آآى ..سودان حق زمان .. لساتو .. مصرور جوه القليب .. أآى أقول كمان .. بحبو .. بحبو .. وبحب ناسو حقين زمان .. لكنو لساتو صابر .. وممكون .. ومكتول كمد .. ..قليباً .. محروق ناس كتار ما بصدقو .. بيقولوا .. دا مجنون .. يا ناس وينُم ناس حَمد .. ما قلتليكم .. القليب مكتول كمد .. ياهو .. أنا الزل زاتو اللى كان ساكن فى بحرى حلة حمد لما اتذكر وأحكى .. وأحكى ليهم سودانا حق زمان .. كان كيفنو نقول شنو بس .... وكيف كانت القعدات .. كيف كانت الشيات .. والمنقد والكانون .. وكيف كان الفانوس .. وقراية الفانوس .. والعلم اللى كان فى الدقنوس .. !! .. وكتاب المطالعة والمحفوظات ... مع غنمى ترعى .. وسط المرعى .. ونحن إذا جاء المطر .. نجرى ونلعب بالزهر .. .. وكريت مالا .. أبت الرجوع للبيت .. وبيت الجاك .. وما أدراك .. بالبيت الذى بناهو الجاك .. يانا نحنا ناس البروش .. القرينا فوق البروش .. واتعلمنا .. وكتبنا الحروف فوق الأرض .. وفى حصة الأعمال .. كنا نعمل بالطين .. ونلعب بالطين .. ولمن نرجع البيت .. نرش الحوش .. وتتلم أجمل لمة .. لمة ضيوف الحوش المرشوش .. وبيغادى .. ناس المزارع .. البسموها البلاد .. وناس هناك .. قاعدين يحاحو فى الطير .. وناس الحفير .. مع الحمير .. لساتم بيقولو فى الدوباى .. حق زمان .. .. آآى ..أنا لما أتذكر .. كيف كنت أقعد أتحكر .. فوق البمبر .. حارس الشاى .. لمان يغلى فوق كانون الجمر .. أنفخ فيهو .. ولا أجيب ليهو هبابة .. أخلي ليك الجمر يبقى لونو أحمر .. واللبن المقنن .. يا ولد خلى بالك من اللبن .. أوع يفور .. يدفق .. عارف لو دفق .. بجى اقطع راسك .. بالمناسبة أقطع راسك دى من عندى أنا .. لأنو أبوى الله يرحمو ما كان يطلع ليهو كلمة بطالة .. بس لما نغلط .. كان يقولى .. يا غبى .. سمح يا ابوى .. آى الشاى باللبن المقنن .. نشربو .. ونقعد تفنن .. تكتب ليك قصيدة عن بت سمحة قاعدة تتحنن .. تتجهز لعرس بكره .. والفنانين .. والدلوكة والرقيص .. رقصة الحمامة .. أبشر يا عريس .. والزغاريد .. وقطع الرحط .. والشباب اللى بِعرض .. والجرتق .. والدلكة .. والخُمْرَة .. وحفرة الدخان .. والحِنة .. والعروس المُكبرته .. ونحنا يانا نحنا .. نحنا فى وادى وناس البندر فى وادى آخر .. .. وناس البندر قالوا عايشين فى المدينة .. عندهم كهربه .. لاكين .. ديمة قاطعة .. عليكم الله شيلو كهربتكم دى .. ما دايرنا . . وجيبوا لينا رتاينا .. وفوانيسنا .. وكوانينا .. دايرين ناسنا حقين زمان .. بطيبتم .. وبونساتم .. يا حليلم .. يا اخوانا .. دايرين ناسنا حقين زمان .. دايرين سودانا حق زمان .. وكمان .. رجعوا لينا خرطتنا حقت زمان .. وناسنا حقين زمان .. مره تانية .. ومرة تالتة .. يا حليل سودانا .. بلاد النوبة .. وحضارة النوبة .. و دارفور .. و يا حليل كردفان و جبال النوبة .. لاكين انتو يا ناس الحكومة أرجوكم .. أرجوكم ما تشرطوا الخرطة تانى .. ياريتكم تلصقوها .. عليكم الله رجعوها لينا تانى ..آ آى رجعوا لينا خرطتنا القديمة .. يعنى جيبوا لينا الجنوب .. ويبقى الشمال مع الجنوب حته واحدة .. وبطلوا الحرب فى الغرب .. مع ناس دارفور وكردفان .. والجبال .. والسودان يرجع زى ما كان زمان .. دايرين سلام .. ووئآم .. نوقف بيهو نزيف الدم .. وخلونا نتلم .. مرة تانية .. من فضلك يا حكومة .. من فضلك يا حكومة .. دايرين سلام .. يعم السودان كله .. وبطلوا تقطيع وشِرّيط فى الخرطة .. قربتو تجيبوا لينا جلطة .. أنا خلاص بقيت بالحيل مرضان ... خلاص .. انتهى البيان .. الإمضاء .. العجوز الكحيان .. الهايم بحُب السودان .. ارنست ارجانوس جبران التاريخ 13 يونيو سنة 2015 +++
01-18-2016, 04:16 PM
هشام هباني هشام هباني
تاريخ التسجيل: 10-31-2003
مجموع المشاركات: 51292
وتسلم علي الكلمات الطيبات الباكيات علي فجيعتنا الكبري فجيعة الانفصال والتي تحتاج بالجد الي حائط مبكي سوداني ننصبه في الشمال كي نبكي حوله كشعب بائس تعيس خائب علي خيباتنا و تفريطنا في صون وحدتنا وعجزنا عن مقاومة ذات المجرم الحالي المغتصب للوطن وهو الذي تسبب بشكل مباشر في هذه الجريمة الكبري وقد ساعده علي ذلك صمتنا البائس علي كل تلكم الجرائم الوحشية التي ارتكبها باسم الدين الاسلامي في الجنوب في حق اخوتنا هناك وهو يبيدهم ك( خوارج كفار مشركين )بمئات الالاف بلا رحمة في واحدة ومن اقذر حروب القرن المنصرم وبذلك الخطاب الديني المتزمت اضافت هذه الملة المجرمة لاول مرة بعدا دينيا للازمة مستخدمين فيها الدين كوسيلة لتبرير هذه الجريمة النكراء مما عقدها وعمقها وهيأ بذلك الاوضاع لاحقا لوقوع فجيعة الانفصال وهو امر مهما صمتنا عليه سابقا لا ولن نقبله وسيأتي اليوم الذي يمكن ان نستعيد فيه الوطن الكبير الواحد موحدا هذه المرة علي اسس راسخة من مباديء تكرس العدل والتسامح والمساواة والاخاء والسلام بين اهل في بيت واحد لا فرق فيه بين سوداني وسوداني الا بالانتماء والعطاء والفداء لاجل هذا الوطن العزيز.
01-18-2016, 04:23 PM
هشام هباني هشام هباني
تاريخ التسجيل: 10-31-2003
مجموع المشاركات: 51292
نعم الجسور هشام هباني هذا البوست لوحة من وفاء لمن ادمنوا هذا الوطن عشقا رغم جراحات وتراكم ظلم السنوات وقسوة العهد الفسل دينق بلا شك نموذج للقائد الرائد في كل ما هو قيم ومفيد زاد البوست شموخ حضور مرتب لحكيم المنبر سوداني عجوز سوداني عجوز نموذج آخر لحكاية عشق أخرى للنيل وإنسان النيل لا تجده في بوست إلا وكساهو هيبة ووقار احترامي لكل ما في هذا البوست من بها ودعوة لتجاوز كل مشاركة حاولت أن تنحرف باليوست الي غير مقاصده ولك احترامي
01-18-2016, 04:47 PM
عمر دهب عمر دهب
تاريخ التسجيل: 10-19-2014
مجموع المشاركات: 2012
Quote: لأنه اثبت بحكم وجوده اليومي الفاعل عبر هذا المنبر خائضا ومنقعلا بشكل وطني غيور مع سودانيين محسوبين علي الشطر الشمالي متحديا كل محاولات استفزازه لاثنائه للتخلي عن هذه الروح الوحدوية السودانية التي تحرجهم جدا لانها تشهد علي ضعف وطنيتهم بينما يثبت السلطان دينق كل يوم انه سوداني نبيل واصيل اكبر من فاصلة الانفصال و ثنائية ( الجنوب و الشمال ) و(خرطومي ) ملم بتفاصيل الخرطوم الجميلة اكثر من ابناء خرطوم اليوم ومسيس ملم بتفاصيل السياسة في الشمال اكثر بكثير من سياسيين محسوبين علي شطر الشمال وغيور وهميم في ملاحقة اعداء شعب السوداني الشمالي اكثر من ملايين من ابناء السودان الشمالي لازالوا خاضعين خانعين للذل والاهانات ... لم ينحاز سلطان دينق لحزب شمالي او جنوبي بل منحاز بكامل وجدانه للسودان الواحد الجميل الذي صاغ كل تفاصيل حياته وشرب منه قيم التوادد والتسامح والتاخي والعزة بالنفس وهو ما يجعله اليوم اكثر شراسة في مواجهة من قبحوه وشوهوه وضيعوه لاجل استعادة السودان الجميل المختطف من براثنهم لانه لا زال يحمل في وجدانه وذاكرته صورة مقارنة بين السودان الجميل والسودان القبيح وهي مقارنة افضت به الي حقانية الانحياز للحق بجانب السودان القديم الجميل بعقل سوداني منفتح لا يقبل الوطن قسمة بين اثنين او لونين او دينين بل وطنا يضم الجميع وهو ما يميز السلطان دينق عن بقية الالاف من سودانيي الشمال وهم للاسف الي الان لم ينفعلوا بقضية الوطن حتي ولو بربع نبض السلطان دينق الذي يمثل بضميره الحي السودان الموحد القديم الجميل متجاوزا بوعيه ( شوفينية) انفصالي الجنوب والشمال ..ولذا فهو أنسب من يصلح ان يكون علي قيادة حزب سوداني وطني يسعي لاستعادة وحدة السودان الكبير علي اسس راسخة من الحرية و العدل والمساواة المنتجة للنماء وللتاخي والتسامح والسلام.
لك التحية الاخ هشام لوسالتنى من اكثر من تحب فى هذا المنبر لقلت دينق ولو سالتنى لماذا لقلت لكل ماكتبت
01-18-2016, 06:11 PM
Sudany Agouz Sudany Agouz
تاريخ التسجيل: 04-28-2002
مجموع المشاركات: 9014
شكراً لكم أخى على كلماتكم الرقيقة .. والتى لا أستحقها بالفعل ..
Quote: نعم الجسور هشام هباني هذا البوست لوحة من وفاء لمن ادمنوا هذا الوطن عشقا رغم جراحات وتراكم ظلم السنوات وقسوة العهد الفسل دينق بلا شك نموذج للقائد الرائد في كل ما هو قيم ومفيد زاد البوست شموخ حضور مرتب لحكيم المنبر سوداني عجوز سوداني عجوز نموذج آخر لحكاية عشق أخرى للنيل وإنسان النيل لا تجده في بوست إلا وكساهو هيبة ووقار احترامي لكل ما في هذا البوست من بها ودعوة لتجاوز كل مشاركة حاولت أن تنحرف باليوست الي غير مقاصده ولك احترامي
ولازالت اللغة العربية حتي بعد الانفصال ومن غير حساسيات هي ذات اللغة التي كنا نتحدثها سويا بلا احساس باستلاب لانها مجرد وسيلة انسانية للتفاهم والتواصل فيما بينهم عبر اعلامهم الرسمي ولذلك ستكون ايضا ميسرة لفكرة استعادة الوحدة الكبري.
01-18-2016, 11:03 PM
هشام هباني هشام هباني
تاريخ التسجيل: 10-31-2003
مجموع المشاركات: 51292
شكرا لك كتير وعلى ثقتك الزائدة في شخصي الضعيف. أتمنى أن أكون دائما عند حسن ظنكم فيني. ربنا يعدل حال دولتي السودان ويجعل الحكم الديمقراطي هو الأساس في الدولتين. لأننا إذا أردنا وحدة حقيقية لازم تكون هنالك ديمقراطيات حقيقية.
01-20-2016, 03:42 PM
Sudany Agouz Sudany Agouz
تاريخ التسجيل: 04-28-2002
مجموع المشاركات: 9014
شكرا لك كتير وعلى ثقتك الزائدة في شخصي الضعيف. أتمنى أن أكون دائما عند حسن ظنكم فيني. ربنا يعدل حال دولتي السودان ويجعل الحكم الديمقراطي هو الأساس في الدولتين. لأننا إذا أردنا وحدة حقيقية لازم تكون هنالك ديمقراطيات حقيقية.
نعم .. نعم يا أخى لابد وأن تكون هنالك ديموقراطيات حقيقية .. وكيف تكون هناك ديموقراطية .. إن لم يكن هناك سلام ومحبة وضمير حي ووطنية فى حب الوطن .. !!! .. لا أدرى .. لا أدرى .. لماذا هذا السودان المنكوب .. " نقوم من حفرة .. نقع فى بير .. " .. ؟؟؟
مرة أخرى الشكر لكم أخى الحبيب دينق .. والتحيات لأخى " الهبيب " هبانى ..
أخوكم وعمكم العجوز .. ارنست +++
01-21-2016, 05:47 PM
سيف الدين بابكر سيف الدين بابكر
تاريخ التسجيل: 01-14-2016
مجموع المشاركات: 3325
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هشام هباني
فرح الطاهر ابو روضة
ABUHUSSEIN
قصي محمد عبدالله
Mohamed Mohamed
Hassan Makkawi
اسماعيل عبد الله محمد
محمد المسلمي
عمر صديق
Sudany Agouz
محمد الامين محمد
احمد حمودى
سيف الدين بابكر
Deng
فيس بوك
تويتر
انستقرام
يوتيوب
بنتيريست