اهلاً ياصلاح
Quote: اتجهجت انت في النهاية |
مش اتجهجت وبس,, ياخ انا قلت الزول ده إندفَق ولا شنو ,, محل ما امشى يعتِّر لى.
Quote: قف ,, نؤيدك ونقف حجر عثرة فى طريقك |
بالمناسبة نقف حجر عثرة فى طريقك دى ليها حكاية. يُروى ان احد ضباط الصف فى الديش بحامية الدمازين زهجان من النميرى ,, وبعد إنقلاب هاشم العطا رَسَّل برقية للتهنئة بنجاح الانقلاب وزاد عليها ,, أضربوا على الخونة والمارقين بيد من حديد ,, اها بعد يومين الانقلاب فشل ,, والبرقية مشت والإذاعة بِقت تذيع فى برقيات التأييد لنميرى ,, زولك خاف برقيتو تقع فى ايد مذيع فعاجلهم ببرقية تقول: قف يلقى ماجاء فى برقيتنا السابقة ,, قف ,, نؤيدكم ونقف حجر عثرة فى طريقكم. اها انا خايف انقلابك ده يفشل ,, ويرجع جادات وهبانى نايب رئيس.
|
|