في رأيي المفروض دا يحصل بعد احداث الجنينة، لو الناس فعلاً قلبها علي البلد ...

01:34 AM Jan, 12 2016

سودانيز اون لاين
معاوية المدير-بكندا محافظة البرتا
مكتبتى
رابط مختصر

كلّ الأطراف المشتركة في الحوار مع الحكومة تنفض يدها فوراً
ؤُ ترجع لقواعدها مع محاولة التنسيق مع بعضها البعض والوقوف
في صف الشعب للقضاء علي الحكومة بطريقة سلمية لو أمكن،
بعيد عن إثارة الحرب . مثلاً الدخول في عصيان مدني،
بس ...

الحبيب معاوية المدير تحياتي ...
لن تجد دعوتك إذنا صاغية لان المشاركين في الحوار جلهم ان لم يكن
كلهم من القابضين الثمن وبائعي القضية وهم متوالين ان لم يكن مؤيدين للنظام
ويحقق مصالحهم لذلك لن يكن لهم موقف ولن تسمع لهم صوت ... حتي من ذهبوا
وعادوا بخفي حنين لن تسمع صوتهم ...

ود المدير كيفك

ما بعرف النضمي الزي حقك ده بس البعرفوا الشوفتو في الصور
ال بعرفوا اي قرية يكتلوا فيها زول ويحرقوا بيوتهم يتلملم الباقين ان شاء الله ان فضل اتنين ويسو زي ناس القري ديل
قصر الوالي ابن ال ........
قاعد لك في سماحة قصر زي ده ما قلنا حاجة
مبرطع بي حق الغلابه ما قلنا حاجة
مواتر وجعاصة ما قلنا حاجة

بيوت القش يا ابن ال......انت وعساكرك مستكتره علي الناس يا ابن ال.............

لم جنجويدك لماك بلا يا ابن ال......

احتلوا مباني الحكومة وما تجننونا بالشكاوي
انكربوا وبطلوا البتسو فيهو من سكليب وغصبوني واغتصبوني
وده الكلام الما ني

اي مسئول يكون عارف انو مسئول امام ديل
مش مسئول منهم
خدام ليهم
مرتبوا من عرقهم
ما ممن الحزب
ولا من عمر



الحكومة دي بصرف عليها السودانيين
من ست الشاي لي شفع الدرداقات
ماليننا كلام
وشعارات
مفروض نجلدكم في الشوارع
ونرفدكم

Quote: الحبيب معاوية المدير تحياتي ... لن تجد دعوتك إذنا صاغية لان المشاركين في الحوار جلهم ان لم يكن كلهم من القابضين الثمن وبائعي القضية وهم متوالين ان لم يكن مؤيدين للنظام ويحقق مصالحهم لذلك لن يكن لهم موقف ولن تسمع لهم صوت ... حتي من ذهبوا وعادوا بخفي حنين لن تسمع صوتهم ...

حباب حافظ،
حياك الغمام .

البيحصل في الجنينة يا حافظ هو المحك، بعد دا ايّ زول مكنكش ؤُ لآصق صلبو في
كرسي القاعة يعتبر إنسان غير وطني وليس له ضمير . داخل القاعة الأمر اصبح
امر بتاع تمايز يا زول ود بلد يخرج ليمكث في الأرض يا خائن جبان صاحب مأرب
يذهب جفاء بجلوسه للحوار في ظل ما يحدث لأهلنا في الجنينة وهم عُزّل ...

Quote: ود المدير كيفك ما بعرف النضمي الزي حقك ده بس البعرفوا الشوفتو في الصور ال بعرفوا اي قرية يكتلوا فيها زول ويحرقوا بيوتهم يتلملم الباقين ان شاء الله ان فضل اتنين ويسو زي ناس القري ديل قصر الوالي ابن ال ........ قاعد لك في سماحة قصر زي ده ما قلنا حاجة مبرطع بي حق الغلابه ما قلنا حاجة مواتر وجعاصة ما قلنا حاجة بيوت القش يا ابن ال......انت وعساكرك مستكتره علي الناس يا ابن ال............. لم جنجويدك لماك بلا يا ابن ال......

حباب بت المشرف .

يا إخلاص الليلة الناس القلُبا علي بلدا،
وعلي أهلا بتظهر .
في ظل هذه الظروف بيتمايز الخبيث من الطيّب، مافي حاجة في الوسط يا مع
النفاق البيحصل في قاعة الصداقة يا مع البلد واللهل . إنتهى زمن الفلسفة
والإنجعاصة وألأمر أصبح زي الشمس في كبد السما ...

شكراً ود المدير وضيوفك
فعلا الرسالة
أنقطع الكلام - باكر مع البادرية - شدوا واركبو وأتوجهوا أهل الأذية
_____
الحليلة

Quote: شكراً ود المدير وضيوفك فعلا الرسالة أنقطع الكلام - باكر مع البادرية - شدوا واركبو وأتوجهوا أهل الأذية

يا الحليلة أخوي،
الكلآم الني حدو وقف،
تاني ما يجي يزول ينفدس هنا ؤُ يقولنا، اقبلو رأي فلآن، واقبلو خيار فلآن،
الزول الباقي مع الحوار رايو دا اليمسكو عليهو الناس المحاصرين في
الجنينة ديل في غِنىً عنّو ؤُ نحن زاتنا في غِنىً عنّو، اما خيارو فأنا بعتبرو
نفس خيار الزول الفاتح نيران في ناس الجنينة . إذا جا زول نفى ما يحدث
في الجنينة ؤُ قال كلو كضب في كضب بعد دآك بنحاوركم ونسمع رايكم
وكذلك نحترم خياراتكم، خِلآف كدا عليكم الله ما تعملولنا خوتة ...

Quote: وكذلك نحترم خياراتكم، خِلآف كدا عليكم الله ما تعملولنا خوتة ...

مقسم باليمين دا رأي من زمن بعيد
كلها خوتة فارغة
ورأي من زمان
أن تكون معركتنا حاسمة حتى مع البناول الطوب
خليك من اللوسطي
دا كلامو براو
رفعت الأقلام وجفت الصحف
___
الحليلة

جاءنا ......
دقينو متر
كتل الناقة
كتل جنياتا

جاءنا......
من خور عمر
كتل الناقه
كتل جنياتا

ود المدير صباحك خير
كدي خلينا من ناس الحوار
ما هو موقف منبر سودانيز اون لاين من هذه المجزرة التي تمت بحق شعبنا
ولا بوست واحد معلق مع مقارنة وقوف المنبر مع هبة سبتمبر ومناصرة الشهداء وأسرهم
يا ود المدير
الوجع كتير
أيام أكتوبر قتل طالب واحد حرك كل المدن والإرياف السودانية
الآن الانقاذ تقتل بالجملة وتستمر حياتنا زي الما حصل شي
للأسف الانقاذ قدرت
تكتل صوت يا ابو مروه فينا
وخلت كل زول يقول يا نفسي وقبيلتي
وده شي مؤسف ونذير شؤم أطال بقاء هؤلاء القتلة
احترامي

سلام ود المدير و ضيوفه الكرام
يعني كل الأوراق أصبحت في يد ناس الحوار .....؟؟؟؟؟
نسيتوا الأحزاب المعروفة و المنظمات و الجماعات و بقت مشاكل السودان كلو مسئولين منها الناس المشوا للحوار ...؟؟؟؟؟

Quote: إذا جا زول نفى ما يحدث في الجنينة ؤُ قال كلو كضب في كضب بعد دآك بنحاوركم ونسمع رايكم وكذلك نحترم خياراتكم، خِلآف كدا عليكم الله ما تعملولنا خوتة ...

ود المدير سلام

انت بي صحك يا زول

اكيد حا ينفو وحا يقولو دا كلو تلفيق والصور والفيديوهات دي كانت انتهاكات

للحركات المسلحة في زمن مضى وصور مبنى الولاية دا دخلو في الصور والفيديوهات

بالفوتوشوب ويجبو ليك علاء الدين يوسف يتلولو ويطلع ليك انو الصور كلها فوتشوب ساي

ودارفور راااايقة وناسا مبسوطين ويلعبو الفولي بول كمان


والراي ما قاله صديقنا الحليلة بس

سلميه
سلمية
ما فينا بندقية
هم اخدوها زندية
ونحن بنقول سلمية سلمية


ما راجين لينا حزب
ولا زولا جنو كضيب
سلميه سلمية

يا ود المدير

الولاة يسكنون قصورا عاجية ولا يعلمون ما يجري حتى ولو على بعد كيلومترين منهم...

اهملوا الرعية .. فلم يحتملوا ..

نسأل الله اللطف بعباده ... والرحمة لمن قضت روحه وزهقت ظلما وجورا


.

Quote: ود المدير صباحك خير كدي خلينا من ناس الحوار ما هو موقف منبر سودانيز اون لاين من هذه المجزرة التي تمت بحق شعبنا ولا بوست واحد معلق مع مقارنة وقوف المنبر مع هبة سبتمبر ومناصرة الشهداء وأسرهم يا ود المدير الوجع كتير أيام أكتوبر قتل طالب واحد حرك كل المدن والإرياف السودانية الآن الانقاذ تقتل بالجملة وتستمر حياتنا زي الما حصل شي للأسف الانقاذ قدرت تكتل صوت يا ابو مروه فينا وخلت كل زول يقول يا نفسي وقبيلتي وده شي مؤسف ونذير شؤم أطال بقاء هؤلاء القتلة احترامي

سلآمات يا فرح .
والله حقاً مؤسف ما ذكرت، ومؤسف جداً ان نرى الناس يتهافتون علي مؤائد حكومة ظلمها
وجورها ما دايرلو رفع ضو من اجل حِفنة دولارآت. الحكومة إستطاعت ان تقتل روح الوطنية
في نفوس الكثيرين، وتُميت حتي ضمائرهم وجعلتهم يرون انها هي التي تقسّم الأرزاق فعبدوها
حتي اصبحوا يشوفوا اللعوج عديل والعديل اعوج، فالحكومة يا ابو روضة عداها العيب طالما
هي التي تجري عليهم الأرزاق، فالتقتل الأطفال والنساء ولتشرّد الأُسر ولتفعل ما تفعل وعيونهم
تغفل عن كل هذا لكنها لا تغفل ولو لطرفة عن فتات الطعام الذي تلقيه لهم ...

Quote: سلام ود المدير و ضيوفه الكرام يعني كل الأوراق أصبحت في يد ناس الحوار .....؟؟؟؟؟ نسيتوا الأحزاب المعروفة و المنظمات و الجماعات و بقت مشاكل السودان كلو مسئولين منها الناس المشوا للحوار ...؟؟؟؟؟

مرحبتين حباب ابو حسين .

ابداً يا ابو حسين، بس الحوار شاءت الظروف ان يأتي مُزامناً لأحداث الجنينة وفي رأي هي اسباب
كافية لإماتته إن كان فعلاً هدف المتحاورين إيقاف الحرب التي طرفيها حملة سلآح احدهم وهو
الحكومة تصوّب السلآح لشعب أعزل، فكيف يستقيم ان تحاور حكومة تفتح نيران في الشعب كي
توقف حرب مع جهة تحمل السلآح ؟.
اما رأيي ان توقف جميع القطاعات المشتركة في الحوار الحوار وتنحاز للشعب الذي يُضرب
بالنار من قِبل الحكومة وتدخل في عصيان مدني، وهذا يشمل كلّ الأحزاب والطوائف دون
إثتثناء المشتركة في الحوار والغير مشتركة، وعنيت الحوار لأنّ الحوار في مثل هذا الظرف
فضيحة، وفي إعتقادي الحوار اصبح نفخ في قربة مقدودة . الأجواء اصبحت لا تتحمّل حوار
والحكومة اصلاً كما عهدناها ليست لها مصداقية ولا تتورع في قتل الشعب كما ورد علي
لسان البشير وعلي عثمان من تهديد لقتل الشعب وفعلاً تمّ تنفيذ التهديد، وما زالت الحكومة
علي مرأي ومسمع العالم تهجّر وتشرّد وتُقتّل في الشعب السوداني .
بدون إستثناء يا ابو حسين المفروض كل الناس يقيفوا موقف وآحد ضد هذه الحكومة الظالمة
الجائرة التي تُقتّل أهلنا ليل نهار إن لم يكن بتصويب الرصاص مباشرةً إليهم فبالتجويع
وخلق الأزمات وإهمالها لهم ...

Quote: الزول الباقي مع الحوار رايو دا اليمسكو عليهو الناس المحاصرين في الجنينة ديل في غِنىً عنّو ؤُ نحن زاتنا في غِنىً عنّو، اما خيارو فأنا بعتبرو نفس خيار الزول الفاتح نيران في ناس الجنينة .

الزبدة يا مدير كما قلت لا فرق بين من يحاور في القاعة و من يحمل السلاح يقتل به أهل الجنينة الأبرياء فكلهم قتلة و ان اختلفت الأسلحة.
تحياتي لك و لضيوفك الكرام

http:// http://

يا أهل الحوار،
قوموا إلي قاعتكم المكندشة وكراسيكم الوثيرة، قوموا لتتحاوروا في شأن
النثريات والوجبات وما شاكل ذلك فشوارع الجنينة خضراء حسب شهادة
شاهد منكم، ونضيف ان مواطنيها يبيتون آمنين في سربهم مالكين لقوت يومهم
قد حِيّزت لهم الدنيا بحزافيرها . ما تشيلو هم ابقوا عشرة علي نثرياتكم
والحكومة كان ما دفعتلكم فلا تعينوها ولو بشِق كلمة لإيقاف الحرب التي هي
تسعي لإيقافها بدفع الثمين والغالي، اعملو حسابكم الحكومة دي مراوغة كان
ما دفعت فلا تسعوا، فلعمري إن سعيتم قبل ما تقبضو إياكم الراكبين الطرورة ...

سلام ود المدير وضيوفه

Quote: كلّ الأطراف المشتركة في الحوار مع الحكومة تنفض يدها فوراً ؤُ ترجع لقواعدها مع محاولة التنسيق مع بعضها البعض والوقوف في صف الشعب للقضاء علي الحكومة بطريقة سلمية لو أمكن، بعيد عن إثارة الحرب . مثلاً الدخول في عصيان مدني، بس ...

الرحمة والمغفرة لكل شهداءنا في الجنينة .. حقيقي شيء مؤسف ومخجل جداً وحتى تجاوب بقية الشعب السوداني ضعيفة ولم تكن بالمستوى المطلوب ، أقول هذا ولا أعفي نفسي من هذا التقصير .
ربنا يلطف بأهل السودان وأهل دارفور خاصة لقد شبعوا موتاً وخراباً ، وإن شاء الله حساب الظلمة قادم بإذن الله.

هذه هي قناعتي لحل الحكومة، في رأيي تنزل كل المعارضة ابتداء من الصادق والميرغني والترابي - لو انهم معارضة حقيقية - ينزلو الشارع مع الشعب يحتلو الشوارع من غير ما يتجدع حجر واحد احتجاج سلمي في كل المدن هو أفضل حل لحل مشكلة السودان، هل بتقدر الحكومة تقتل مئات آلاف من البشر ؟! ما تقدر ، لم الناس تنزل الشارع وتتناولها وسائل الإعلام العالمية ووسائل التواصل الاجتماعي بتكون اخدت سند محلي وخارجي .
انا دايما بقول من زمان الجهد العملتو الحركة الشعبية في الحرب لو سوتو تظاهرات سلمية بكامل قياداتها مع بقية اطياف المعارضة كان الحال تحسن كتير وكان المواطن التف حولها

ومن هنا أحيي أهل الشرق لقد حافظوا على الأمن في شرقنا الحبيب - رغم كل الظلم الواقع عليهم - فعدم انعدام الأمن للإنسان البسيط مشكلة كبيرة جداً.

نسأل أن يقتص من ظلمة الإنقاذ وزبانيتها وأن يعود السودان وطناً لنا جميعاً.

Quote: مرحبتين حباب ابو حسين . ابداً يا ابو حسين، بس الحوار شاءت الظروف ان يأتي مُزامناً لأحداث الجنينة وفي رأي هي اسباب كافية لإماتته إن كان فعلاً هدف المتحاورين إيقاف الحرب التي طرفيها حملة سلآح احدهم وهو الحكومة تصوّب السلآح لشعب أعزل، فكيف يستقيم ان تحاور حكومة تفتح نيران في الشعب كي توقف حرب مع جهة تحمل السلآح ؟. اما رأيي ان توقف جميع القطاعات المشتركة في الحوار الحوار وتنحاز للشعب الذي يُضرب بالنار من قِبل الحكومة وتدخل في عصيان مدني، وهذا يشمل كلّ الأحزاب والطوائف دون إثتثناء المشتركة في الحوار والغير مشتركة، وعنيت الحوار لأنّ الحوار في مثل هذا الظرف فضيحة، وفي إعتقادي الحوار اصبح نفخ في قربة مقدودة . الأجواء اصبحت لا تتحمّل حوار والحكومة اصلاً كما عهدناها ليست لها مصداقية ولا تتورع في قتل الشعب كما ورد علي لسان البشير وعلي عثمان من تهديد لقتل الشعب وفعلاً تمّ تنفيذ التهديد، وما زالت الحكومة علي مرأي ومسمع العالم تهجّر وتشرّد وتُقتّل في الشعب السوداني . بدون إستثناء يا ابو حسين المفروض كل الناس يقيفوا موقف وآحد ضد هذه الحكومة الظالمة الجائرة التي تُقتّل أهلنا ليل نهار إن لم يكن بتصويب الرصاص مباشرةً إليهم فبالتجويع وخلق الأزمات وإهمالها لهم ...

أهلاً ود المدير
يا أخوي الحكومة مافي شك تتحمل المسؤلية كاملة الآن لكن لو ملاحظ كثيرين حملوا ناس الحوار جزء من المسؤلية
يعني خدمو الحكومة بدون مقابل ...
لاحظ الآن أغلب اللي بكتبوا عن الجنينة بربطوا معاها الحوار يعني زي كأنو هدفهم الحوار و ليس مآساة الجنينة
أو أن مآساة الجنية أصبحت مطية للنيل من الحوار و ناس الحوار
التفريق بين الإتنين مهم جداً فما تظلموا ناس الجنينة بي جريرة الحوار ....


تحياتي و إحترامي

Quote: أهلاً ود المدير يا أخوي الحكومة مافي شك تتحمل المسؤلية كاملة الآن لكن لو ملاحظ كثيرين حملوا ناس الحوار جزء من المسؤلية يعني خدمو الحكومة بدون مقابل ... لاحظ الآن أغلب اللي بكتبوا عن الجنينة بربطوا معاها الحوار يعني زي كأنو هدفهم الحوار و ليس مآساة الجنينة أو أن مآساة الجنية أصبحت مطية للنيل من الحوار و ناس الحوار التفريق بين الإتنين مهم جداً فما تظلموا ناس الجنينة بي جريرة الحوار ....

حباب ابو حسين .

يا ابو حسين انا 100% ضد الحوار، و ناس الحوار بريئين من التقتيل الحاصل في الجنينة،
وأنا بشوف إنو الحوار دا فقد معناهو، يعني الأحداث الحصلت في الجنينة أفقدت الحوار معناهو
دا في رأي، وبعزيهو لإنو كيف الناس تتحاور مع حكومة تقتل الأبرياء من الشعب عشان توقف
حرب ضد من يشهرون السلآح في وجهها . ؤُ بقول واكرر إذا اصلو الناس جادين في وقف
الحرب عليهم وقف الحوار فوراً والتكاتف مع الشعب والتعبئة العامة (الشاملة لكل الأحزاب
وقطاعات الشعب والنقابات والإتحادات و...إلخ)، للتلآحم مع الشعب في عصيان مدني سلمي
لإسقاط الحكومة لأنها هي اصل الدمار الحاصل في البلد .
من المنطق، ومن البديهي حكومة تحشد كل هذا الحشد للحوار وتدعو له الناس من مشارق
الأرض ومغاربها للتفاوض في شأن وقف الحرب وفي اثناء الحوار تقوم بتقتيل المواطنين
ليست جديرة بالتحاور معها لأنها ليست جادة .
انا لا أُحمّل ناس الحوار ايّ مسئولية، لكن إذا هم جادين في مسعاهم عليهم وقف الحوار
فوراً بعد احداث الجنينة ...

Quote: ود المدير سلام انت بي صحك يا زول اكيد حا ينفو وحا يقولو دا كلو تلفيق والصور والفيديوهات دي كانت انتهاكات للحركات المسلحة في زمن مضى وصور مبنى الولاية دا دخلو في الصور والفيديوهات بالفوتوشوب ويجبو ليك علاء الدين يوسف يتلولو ويطلع ليك انو الصور كلها فوتشوب ساي ودارفور راااايقة وناسا مبسوطين ويلعبو الفولي بول كمان والراي ما قاله صديقنا الحليلة بس

حباب الغالي ود الغالي .
هآك أها :

Quote: ضعاف النفوس وقال والي غرب دارفور الدكتور خليل عبدالله في تصريحات صحافية محدودة أمس بالجنينة، إن لجنة أمن الولاية سيطرت تماماً على الأمور، مؤكداً عدم وجود أية توترات او تجمعات، وقال أمرنا الإدارات الأهلية بفض أية تجمعات. وتابع (الآن المدينة آمنة تماماً والحياة عادت الى طبيعتها)، لافتاً أن الحادثة التي وقعت كانت معزولة واستغلها بعض ضعاف النفوس لتطويرها، وناشد خليل المواطنين بأن يأخذوا الأخبار من مصادرها لكثرة الأخبار الكاذبة والإشاعات، وتحفظ الوالي عن الخوض في أي تفاصيل عن خسائر بشرية جراء الحادثة، ونقل الوالي أن الأمور عادت لطبيعتها، مشيراً الى أن المدارس مفتوحة والوزارات تعمل والسوق مفتوح، ونفى الوالي بشدة أي اتجاه لفرض حظر تجوال او طوارئ، وقال (ليس هنالك ما يدعو للقلق). بدوره نقل معتمد الجنينة الطاهر بحر الدين في تصريحات لإذاعة دارفور أن هنالك جرحى من المواطنين والأجهزه الأمنية.

الحكاية جابت ليها ضعاف نفوس،
ؤُ سيادتو حتي ما قادر يقول في خسائر في الأرواح
والجثث صورا منتشرة في العالم كلو !...

سلام ود المدير و ضيوفه الكرام
والله الناس الموجودة في الحوار ربما يكون رأيها ان هولاء مخربيين وشذاذ افاق وقطاع طرق كمان
وربما وربما ولكن بقية مؤسسات المجتمع المدني بامكانها ان تفعل شي ملموس بعيدا عن الادانة والشجب
فالحكومة نجحت ان يكون الصراع في دارفور دائما هو صراع دارفوري دارفوري فبالتالي
كل الحوداث التي تحدث في دارفور لن تحظي باجماع اهل دارفور فابالتالي لن تجد الاجماع من بقية مكونات المجتمع
وهذه الجزئية تحتاج ان يقف ابناء السودان عندها واولهم ابناء دارفور بالسودان

ود المدير .. لعلك طيبة .. وضيوفكم الكرام ..

Quote: والله الناس الموجودة في الحوار ربما يكون رأيها ان هولاء مخربيين وشذاذ افاق وقطاع طرق كمان

فعلآ دا الحصل وبدون شك !


ولكم الشكر ..

كيفك ياصديقى
وفد الحوار الكندى
سافر على متن الانتنوف..لزيارة
الجنينة قبل ايام
وهاهى الة قتل النظام..تعمل بانتظام
فى ابرياء الجنينة المكلومة..
فى انتظار..رأيهم الان ومن داخل السودان
هل سيتجرأون..؟

الوجع كتير
أيام أكتوبر قتل طالب واحد حرك كل المدن والإرياف السودانية
الآن الانقاذ تقتل بالجملة وتستمر حياتنا زي الما حصل شي
للأسف الانقاذ قدرت
تكتل صوت يا ابو مروه فينا
وخلت كل زول يقول يا نفسي وقبيلتي
وده شي مؤسف ونذير شؤم أطال بقاء هؤلاء القتلة

Quote: حباب ابو حسين . يا ابو حسين انا 100% ضد الحوار، و ناس الحوار بريئين من التقتيل الحاصل في الجنينة، وأنا بشوف إنو الحوار دا فقد معناهو، يعني الأحداث الحصلت في الجنينة أفقدت الحوار معناهو دا في رأي، وبعزيهو لإنو كيف الناس تتحاور مع حكومة تقتل الأبرياء من الشعب عشان توقف حرب ضد من يشهرون السلآح في وجهها . ؤُ بقول واكرر إذا اصلو الناس جادين في وقف الحرب عليهم وقف الحوار فوراً والتكاتف مع الشعب والتعبئة العامة (الشاملة لكل الأحزاب وقطاعات الشعب والنقابات والإتحادات و...إلخ)، للتلآحم مع الشعب في عصيان مدني سلمي لإسقاط الحكومة لأنها هي اصل الدمار الحاصل في البلد . من المنطق، ومن البديهي حكومة تحشد كل هذا الحشد للحوار وتدعو له الناس من مشارق الأرض ومغاربها للتفاوض في شأن وقف الحرب وفي اثناء الحوار تقوم بتقتيل المواطنين ليست جديرة بالتحاور معها لأنها ليست جادة . انا لا أُحمّل ناس الحوار ايّ مسئولية، لكن إذا هم جادين في مسعاهم عليهم وقف الحوار فوراً بعد احداث الجنينة ...

ود المدير سلام
رأيك في الحوار ما عندي فيه اي كلام ..
لأنو دا من حقك زي ما انا رأيي عكس رأيك ...
بس ربط ماساة اهل الجنينة و الله فيه ظلم كبير لي اهل الماساة ...
ياخ الناس لا بهمهم حوار و لا بهمهم الحوار ينجح او يفشل ... الناس ديل محتاجين للأمن عارف يعني شنو ناس تفقد الأمن ... ؟؟؟
يا جماعة ناس عايشين في بيوتهم و خايفين في اي لحظة يجوهم ناس داخلين عليهم يقتلو و يضربو و يغتصبو و يختطفو و يحرقو و يسرقو .....

انا في رأي انو دا ظلم لأهل الجنينة زيادة على الماسي اللي حصلت ليهم ..

تحياتي و احترامي

تصدق انا من كتر ماقلبي وارم من الحاصل بقيت اهرب من البوستات دى والله يامعاويه

من الآخر...

أي زول قعد للخوار مع هذا المؤتمر اللاوطني والذي يواصل في قتل وسحل المواطنيين
العزل يتحمل مسؤولية هذه الجرائم ومسؤولية إطالة عمر هذا النظام الجنجويدي!

لا حوار مع قتلة سفلة!

Quote: يا ود المدير الولاة يسكنون قصورا عاجية ولا يعلمون ما يجري حتى ولو على بعد كيلومترين منهم... اهملوا الرعية .. فلم يحتملوا .. نسأل الله اللطف بعباده ... والرحمة لمن قضت روحه وزهقت ظلما وجورا

سلآمات يا عبد العزيز .

آمين،
لم يعد هنالك قوي امين كي يتولى الأمر كلها وظائف عبارة عن منصات لقذف
الشعب بشتى انواع الأسلحة، وكذلك نُصبت لكنز الأموال والتمتع بمثني وثلآث
ورباع، حكاية والي ورئيس دي اسماء ساكت ...

Quote: الزبدة يا مدير كما قلت لا فرق بين من يحاور في القاعة و من يحمل السلاح يقتل به أهل الجنينة الأبرياء فكلهم قتلة و ان اختلفت الأسلحة. تحياتي لك و لضيوفك الكرام

لا فرق .

حياك الله يا ود الشيخ ...

Quote: Zrirov Asmr شمال السودان ما فيهو رجال يملوا الكيزان وحوارهم الطرشان نار ويكنسوهم إلى الأبد من السودان. لذلك نرفع الصوت جهوراً إلى جنوب السودان وأثيوبيا وتشاد وأوغندا لغزو شمال السودان باعتباره حكومة فاقدة الأهلية وتقتل شعبها وتغتصبه..وليس هناك جيش او شرطة تقف الى جانب هذا الشعب المضطهد المستعبد من اقلية مدعية للدين والشرف الرفيع.

سلآمات يا اسمر .

هذه العصابة ليس لها دين وهي وضيعة لا تستطيع ان تدعي الشرف . الحكومة عملت علي مدار
26 سنة لتدمير المجتمع السوداني، وإستطاعت ان تدمر الأجهزة النظامية في البلد وعلي رأسها
الجيش والبوليس، وراحت تبيع وتشتري وتفكك في الأحزاب وبقية الفئات المعارضة، يعني قامت
بمسح كامل شامل ولم يعد هنالك غير محتمي بجدران الغربة ومواطن في الداخل مغلوب علي
أمره . زي ما قلت الناس تحاول تصل للم الشمل والإتفاق علي عصيان مدني فهو الحل، واسأل
الله ان لا نصل لمرحلة الإستعانة بالجيران، تبقي مصيبة لو وصلنا هذه المرحلة ...

Quote: حافظ الإمام محي الدين · Calgary, Alberta أخونا ود المدير لعلك طيب آ أخوي. سمح أكان ده نضميك، نان زعلان من حيدر قاسم فوق شنو؟ الزول قالكم كان أبيتوا الحوار أمشوا السودان سوولكم عصيان مدني وللا سوولكم دواس. إنت هسي علقت الموضوع في رقبة غيرك. رغم أحداث الجنينه، الجماعه بتاعين الحوار ديل مقتنعين بجدوى الحوار وعارفين إنه سوف يأتي بنتائج، الدور عليكم إنتو الأبيتو الجيهه. عليك إسم الله آ ود المدير كان واحداً من المعارضين الغلاد بتاعين سودانيز ديل دق صدره ومشى إتحكر في نص الخرتوم ونادى وإشتغل في مسألة العصيان المدني ما كان أحرجلك ناس تراجي ديل وبقى مثال لغيره بدل التوقيعات اللا بتودي ولا بتجيب. ح يجيني واحد يقول لي لكن ده خطر علي حياته، لكن بقولو نان مسمينه نضال فوق أم كم؟

حباب ود الإمام .
يا حافظ حيدر قاسم اقام الدنيا ولم يقعدها عشان قلنا الناس ديل ما بيمثلونا، يعني عايزُن يمثلونا كراعنا
فوق رقبتنا ؤُ دا شي لا نقبلو إطلاقاً، إضافة لإنو حيدر قاسم ما بيورينا نعمل شنو . بعدينك يا حافظ انا
ما علقت الموضوع في رقبة غيري، انا قلت رأي ورأيي يشمل الحادبين علي مصلحة الوطن في
مشارق الأرض ومغاربها، انا ما بطالب الناس الفي الغربة كولهم يمشوا السودان عشان يسوو عصيان
زي ما قال حيدر قاسم، حيدر قاسم كأنوا بيقول الناس الفي الغربة يا يمشو يقعدوا داخل البلد يا إمتاً
يمسكو خشُمُون عليهم، ؤُ دا نضمي عاجز وبكل اسف الكتيرين عندهم نفس النظرية دي . ما بالضرورة
يا ود الإمام يمشي مغترب غليّد يتفرج في ميدان ابو جنزير، المنطق بيقول كلٍ يعمل من موقعه إن
كان في الداخل أو كان في الخارج ويحصل تنسيق ما بين الداخل والخارج . أنا عندي بوستات هنا
بدعي فيها لتكوين رآبطة ابناء عطبرة العالمية، مافي زول قال لي امشي عطبرة اقعد فيها كان داير
تعمل الرآبطة دي . صدقني يا حافظ في ناس كُتار ؤُ كُتار جداً نظرتهم لينا يا نمشي البلد ونتكلم من
الداخل يا نمسك خشمنا علينا والغريب بعضهم قاعدين في الغربة أمسك حيدر قاسم علي سبيل
المثال ولو عايز اكتر من رآبط لمواضيع كتبتها انا في هذا الشأن بجيبلك . أما التوقيعات يا حافظ
نحن ما دايرين نغيّر بيها نظام، التوقيعات لتبرئة نفسنا من وفد تراجي قبل ما يجو باكر يقولو ذهبوا
ممثلين لنا، إن لم يكونوا قالوها اليوم فإحتمال بكرة يقولوها . بس انا بقول إنتفت الجدوى من الحوار
بعد احداث الجنينة والذين يرون ان فيه جدوى بعافيتُن .

يا ود الإمام إنت في كالقري دي قاعد وين ؟،
ما تجي تشربلك معاي فنجان جبنة، التلفون 0377 579 587 ...

سلام معاوية
لا أشجب ولا ادين ماحدث فى الجنينة او حوار الحكومة
وهذا ليس لعدم رأى او ميتة قلب ، ولكن حددت موقفا
منذ ذلك الصباح الأغبر ، وتراكم الخبرات أكد هذا
الموقف .
واكتفى بحسب الله ونعم الوكيل
----------

Quote: الرحمة والمغفرة لكل شهداءنا في الجنينة .. حقيقي شيء مؤسف ومخجل جداً وحتى تجاوب بقية الشعب السوداني ضعيفة ولم تكن بالمستوى المطلوب ، أقول هذا ولا أعفي نفسي من هذا التقصير . ربنا يلطف بأهل السودان وأهل دارفور خاصة لقد شبعوا موتاً وخراباً ، وإن شاء الله حساب الظلمة قادم بإذن الله. هذه هي قناعتي لحل الحكومة، في رأيي تنزل كل المعارضة ابتداء من الصادق والميرغني والترابي - لو انهم معارضة حقيقية - ينزلو الشارع مع الشعب يحتلو الشوارع من غير ما يتجدع حجر واحد احتجاج سلمي في كل المدن هو أفضل حل لحل مشكلة السودان، هل بتقدر الحكومة تقتل مئات آلاف من البشر ؟! ما تقدر ، لم الناس تنزل الشارع وتتناولها وسائل الإعلام العالمية ووسائل التواصل الاجتماعي بتكون اخدت سند محلي وخارجي . انا دايما بقول من زمان الجهد العملتو الحركة الشعبية في الحرب لو سوتو تظاهرات سلمية بكامل قياداتها مع بقية اطياف المعارضة كان الحال تحسن كتير وكان المواطن التف حولها ومن هنا أحيي أهل الشرق لقد حافظوا على الأمن في شرقنا الحبيب - رغم كل الظلم الواقع عليهم - فعدم انعدام الأمن للإنسان البسيط مشكلة كبيرة جداً. نسأل أن يقتص من ظلمة الإنقاذ وزبانيتها وأن يعود السودان وطناً لنا جميعاً.

الأخ يوسف،
سلآمات .

زمان يا يوسف بيجي زول وآحد بيجدع حجر في ايّ مدرسة في عطبرة، عطبرة كلها بتطلع الشارع، باقي مُدُن السودان
تسمع عطبرة طلعت كلها تطلع . حد التعامل بتاع البوليس مع الناس كان البمبان والعصي، ما كان في مرتزقة بتحشرو
وسط الناس ويطلقو الرصاص والحكومة تضرب طناش، بس هسّع الوضع بيختلف ومحتاج لترابط شديد لا يتأتى إلا
بإتحادات ونقابات قوية يقتنع بها الشعب، وينطبق نفس الشي علي الأحزاب الرخوة التي لا يثق فيها الشعب نهائي .
المسألة تحتاج إلي بُنيان مرصوص وإعادة ثقة في كل الأطراف . ابداً الحل لن يأتي من فوهة البندقية، والبيحمل
البندقية اليوم إذا وصل غداً فلن يتنازل عنها . انا عارف إنو كلآمي دا صيحة في فضاء واسع سرعان ما تتبدد ويزول
اثرها لأني أعلم جيداً ان الذين توافدو للحوار إن لم يكن كلهم فجُلهم دفعتهم المصالح الشخصية والموالآة للقاعة
المطلة علي ضفاف النيل، وهذا ما اردت توضيحه . إن كانت هنالك جدية فتزامن الأحداث يفترض الا يمر دون
ادنى حراك ولو من نفرين فقط، كما هو ظاهر حتي اللحظة ليس هنالك إحتجاج بل بعض نفر يحاولون نفض الغبار
عن رُسُل السلآم بتصوير حادثة الجنينة بأنها أمر مقصود لفركشة ما يدور في القاعة، لكن إن فعلوا وإن لم
يفعلو فالنائمون تحت مكيفات القاعة شغلتهم وجباتهم ونثرياتهم ...

Quote: سلام ود المدير و ضيوفه الكرام والله الناس الموجودة في الحوار ربما يكون رأيها ان هولاء مخربيين وشذاذ افاق وقطاع طرق كمان وربما وربما ولكن بقية مؤسسات المجتمع المدني بامكانها ان تفعل شي ملموس بعيدا عن الادانة والشجب فالحكومة نجحت ان يكون الصراع في دارفور دائما هو صراع دارفوري دارفوري فبالتالي كل الحوداث التي تحدث في دارفور لن تحظي باجماع اهل دارفور فابالتالي لن تجد الاجماع من بقية مكونات المجتمع وهذه الجزئية تحتاج ان يقف ابناء السودان عندها واولهم ابناء دارفور بالسودان

سلآمات حسن آدم .
يا حسن دي مشكلة وتكاد تكون دي مشكلتنا الأساسيّة . حسب معلوماتي الضعيفة ان المشاكل
في تلك المناطق مشاكل تاريخية غالباً ما يكون سببها المرعي وموارد المياه، وكانت تُحل
في حدود زعماء العشائر، لكن حكومة الإنقاذ بُقية التفرقة بين الناس إستطاعت تسييس هذه
المشاكل وإستطاعت ان تجعل من دارفور مسرح لصراع سياسي يُنذر بفصل للأقليم من
جسد الدولة، كما إنها لم تغفل عن بقية اجزاء الوطن وراحت تعمل نفس الشئ السبب الذي
جعل مسألة التوحد للوقوف ضدها أمر غاية في الصعوبة، ومن ناحية اُخرى سيكون مشكلة
وعقبة في وجه الوطن حالة زوال الإنقاذ، وزي ما قلت الأمر يحتاج لوقفة ابناء السودان بوعي
تام وإلا سنفقد الوطن كله . انا شايف أكبر عقبة تقف في طريق البلد هي الإنقاذ ...

أغـبى سـياسي يـعلم أنه لـيس مـن مصلـحة الحـكومة إرتـكاب غلـطة في هـذا الـتوقيت ...







----
.

هي الحكومة كان بتعرف مصلحتها ده حالها

ينطبق عليها وصف الاطفال مخ ما في خوف ما في وزادت كيل بعير

الحوار
حتي في الحوار طلعنا ( تقليد )

موريتانيا حوارها مدور ليهو 4 سنين
ده كلام ده

Quote: ود المدير .. لعلك طيبة .. وضيوفكم الكرام .. فعلآ دا الحصل وبدون شك ! ولكم الشكر ..

حباب بت عمسيب .

فاليحصل يا أختي، فرأيهم لم نعند نلقي له بال ...

Quote: كيفك ياصديقى وفد الحوار الكندى سافر على متن الانتنوف..لزيارة الجنينة قبل ايام وهاهى الة قتل النظام..تعمل بانتظام فى ابرياء الجنينة المكلومة.. فى انتظار..رأيهم الان ومن داخل السودان هل سيتجرأون..؟

عبد المنعم يا صديق .

الوفد عبارة عن كروت تمّ حرقها بشهادة إعلآم
الحكومة، يبدو ان إنتظارك سيطول ...

Quote: الوجع كتير أيام أكتوبر قتل طالب واحد حرك كل المدن والإرياف السودانية الآن الانقاذ تقتل بالجملة وتستمر حياتنا زي الما حصل شي للأسف الانقاذ قدرت تكتل صوت يا ابو مروه فينا وخلت كل زول يقول يا نفسي وقبيلتي وده شي مؤسف ونذير شؤم أطال بقاء هؤلاء القتلة

نور بت تاور يا اخيتي،
الإنقاذ ظلمات بعضها فوق بعض، غُمّة من الظلم يجب ان تزول حتي يستطيع
الناس ان يجدو خطاهم علي الصراط المستقيم ويسعو ما في وسعهم لإعادة
صياغة المجتمع السوداني وإعادته سيرته الأُولى، الحوار لن ولم يصل بالناس
لهذه النقطة . إزالة الطاغوت هي الحل ...

Quote: ياخ الناس لا بهمهم حوار و لا بهمهم الحوار ينجح او يفشل ... الناس ديل محتاجين للأمن عارف يعني شنو ناس تفقد الأمن ... ؟؟؟ يا جماعة ناس عايشين في بيوتهم و خايفين في اي لحظة يجوهم ناس داخلين عليهم يقتلو و يضربو و يغتصبو و يختطفو و يحرقو و يسرقو .....

حباب ابو حسين .

يُفترض الحكومة تحمي ايّ مواطن في ايّ جهة وتوفر الأمن، وهذا لا يمنع وقوع جرائم
هنا وهناك، ومهمة الدولة ان تقبض علي الجاني وتعاقبه في محاولة لتأسيس مجتمع
مُعافى .
بعض الناس يرى ان الأمن يمكن توفيره من خلآل الحوار، والبعض الآخر يرى
عكس ذلك ...

Quote: تصدق انا من كتر ماقلبي وارم من الحاصل بقيت اهرب من البوستات دى والله يامعاويه

حسبنا الله ونِعم الوكيل ...

Quote: من الآخر... أي زول قعد للخوار مع هذا المؤتمر اللاوطني والذي يواصل في قتل وسحل المواطنيين العزل يتحمل مسؤولية هذه الجرائم ومسؤولية إطالة عمر هذا النظام الجنجويدي! لا حوار مع قتلة سفلة!

من الآخر،

ؤُ ود الخليفة حبابو ...

Quote: سلام معاوية لا أشجب ولا ادين ماحدث فى الجنينة او حوار الحكومة وهذا ليس لعدم رأى او ميتة قلب ، ولكن حددت موقفا منذ ذلك الصباح الأغبر ، وتراكم الخبرات أكد هذا الموقف . واكتفى بحسب الله ونعم الوكيل

شئ محزن، محزن جداً أخي هاشم .

لك مني السلآم والتحايا،
واردد معك حسبنا الله ونَعمَ الوكيل ...

Quote: أغـبى سـياسي يـعلم أنه لـيس مـن مصلـحة الحـكومة إرتـكاب غلـطة في هـذا الـتوقيت ...

حباب منتصر .

يا منتصر الحكومة ما عاد يهمها شئ، طلما بتشتري اوتاد ممكن تثبتها
في الحكم . أهو الحوار ما زال قائم، إلي متي الله أعلم ...

http://sudaneseonline.com/board/490/msg/لنوقع-جميعنا-علي-مذكرة-الاستاذ-بكري-الصائغ-للمطالبة-بح...ور-1452606181.html