في رأيي المفروض دا يحصل بعد احداث الجنينة، لو الناس فعلاً قلبها علي البلد ...

Quote: الحبيب معاوية المدير تحياتي ... لن تجد دعوتك إذنا صاغية لان المشاركين في الحوار جلهم ان لم يكن كلهم من القابضين الثمن وبائعي القضية وهم متوالين ان لم يكن مؤيدين للنظام ويحقق مصالحهم لذلك لن يكن لهم موقف ولن تسمع لهم صوت ... حتي من ذهبوا وعادوا بخفي حنين لن تسمع صوتهم ...

Quote: ود المدير كيفك ما بعرف النضمي الزي حقك ده بس البعرفوا الشوفتو في الصور ال بعرفوا اي قرية يكتلوا فيها زول ويحرقوا بيوتهم يتلملم الباقين ان شاء الله ان فضل اتنين ويسو زي ناس القري ديل قصر الوالي ابن ال ........ قاعد لك في سماحة قصر زي ده ما قلنا حاجة مبرطع بي حق الغلابه ما قلنا حاجة مواتر وجعاصة ما قلنا حاجة بيوت القش يا ابن ال......انت وعساكرك مستكتره علي الناس يا ابن ال............. لم جنجويدك لماك بلا يا ابن ال......

Quote: شكراً ود المدير وضيوفك فعلا الرسالة أنقطع الكلام - باكر مع البادرية - شدوا واركبو وأتوجهوا أهل الأذية

Quote: وكذلك نحترم خياراتكم، خِلآف كدا عليكم الله ما تعملولنا خوتة ...

Quote: إذا جا زول نفى ما يحدث في الجنينة ؤُ قال كلو كضب في كضب بعد دآك بنحاوركم ونسمع رايكم وكذلك نحترم خياراتكم، خِلآف كدا عليكم الله ما تعملولنا خوتة ...

Quote: ود المدير صباحك خير كدي خلينا من ناس الحوار ما هو موقف منبر سودانيز اون لاين من هذه المجزرة التي تمت بحق شعبنا ولا بوست واحد معلق مع مقارنة وقوف المنبر مع هبة سبتمبر ومناصرة الشهداء وأسرهم يا ود المدير الوجع كتير أيام أكتوبر قتل طالب واحد حرك كل المدن والإرياف السودانية الآن الانقاذ تقتل بالجملة وتستمر حياتنا زي الما حصل شي للأسف الانقاذ قدرت تكتل صوت يا ابو مروه فينا وخلت كل زول يقول يا نفسي وقبيلتي وده شي مؤسف ونذير شؤم أطال بقاء هؤلاء القتلة احترامي

Quote: سلام ود المدير و ضيوفه الكرام يعني كل الأوراق أصبحت في يد ناس الحوار .....؟؟؟؟؟ نسيتوا الأحزاب المعروفة و المنظمات و الجماعات و بقت مشاكل السودان كلو مسئولين منها الناس المشوا للحوار ...؟؟؟؟؟

Quote: الزول الباقي مع الحوار رايو دا اليمسكو عليهو الناس المحاصرين في الجنينة ديل في غِنىً عنّو ؤُ نحن زاتنا في غِنىً عنّو، اما خيارو فأنا بعتبرو نفس خيار الزول الفاتح نيران في ناس الجنينة .

Quote: كلّ الأطراف المشتركة في الحوار مع الحكومة تنفض يدها فوراً ؤُ ترجع لقواعدها مع محاولة التنسيق مع بعضها البعض والوقوف في صف الشعب للقضاء علي الحكومة بطريقة سلمية لو أمكن، بعيد عن إثارة الحرب . مثلاً الدخول في عصيان مدني، بس ...

Quote: مرحبتين حباب ابو حسين . ابداً يا ابو حسين، بس الحوار شاءت الظروف ان يأتي مُزامناً لأحداث الجنينة وفي رأي هي اسباب كافية لإماتته إن كان فعلاً هدف المتحاورين إيقاف الحرب التي طرفيها حملة سلآح احدهم وهو الحكومة تصوّب السلآح لشعب أعزل، فكيف يستقيم ان تحاور حكومة تفتح نيران في الشعب كي توقف حرب مع جهة تحمل السلآح ؟. اما رأيي ان توقف جميع القطاعات المشتركة في الحوار الحوار وتنحاز للشعب الذي يُضرب بالنار من قِبل الحكومة وتدخل في عصيان مدني، وهذا يشمل كلّ الأحزاب والطوائف دون إثتثناء المشتركة في الحوار والغير مشتركة، وعنيت الحوار لأنّ الحوار في مثل هذا الظرف فضيحة، وفي إعتقادي الحوار اصبح نفخ في قربة مقدودة . الأجواء اصبحت لا تتحمّل حوار والحكومة اصلاً كما عهدناها ليست لها مصداقية ولا تتورع في قتل الشعب كما ورد علي لسان البشير وعلي عثمان من تهديد لقتل الشعب وفعلاً تمّ تنفيذ التهديد، وما زالت الحكومة علي مرأي ومسمع العالم تهجّر وتشرّد وتُقتّل في الشعب السوداني . بدون إستثناء يا ابو حسين المفروض كل الناس يقيفوا موقف وآحد ضد هذه الحكومة الظالمة الجائرة التي تُقتّل أهلنا ليل نهار إن لم يكن بتصويب الرصاص مباشرةً إليهم فبالتجويع وخلق الأزمات وإهمالها لهم ...

Quote: أهلاً ود المدير يا أخوي الحكومة مافي شك تتحمل المسؤلية كاملة الآن لكن لو ملاحظ كثيرين حملوا ناس الحوار جزء من المسؤلية يعني خدمو الحكومة بدون مقابل ... لاحظ الآن أغلب اللي بكتبوا عن الجنينة بربطوا معاها الحوار يعني زي كأنو هدفهم الحوار و ليس مآساة الجنينة أو أن مآساة الجنية أصبحت مطية للنيل من الحوار و ناس الحوار التفريق بين الإتنين مهم جداً فما تظلموا ناس الجنينة بي جريرة الحوار ....

Quote: ود المدير سلام انت بي صحك يا زول اكيد حا ينفو وحا يقولو دا كلو تلفيق والصور والفيديوهات دي كانت انتهاكات للحركات المسلحة في زمن مضى وصور مبنى الولاية دا دخلو في الصور والفيديوهات بالفوتوشوب ويجبو ليك علاء الدين يوسف يتلولو ويطلع ليك انو الصور كلها فوتشوب ساي ودارفور راااايقة وناسا مبسوطين ويلعبو الفولي بول كمان والراي ما قاله صديقنا الحليلة بس

Quote: والله الناس الموجودة في الحوار ربما يكون رأيها ان هولاء مخربيين وشذاذ افاق وقطاع طرق كمان

Quote: حباب ابو حسين . يا ابو حسين انا 100% ضد الحوار، و ناس الحوار بريئين من التقتيل الحاصل في الجنينة، وأنا بشوف إنو الحوار دا فقد معناهو، يعني الأحداث الحصلت في الجنينة أفقدت الحوار معناهو دا في رأي، وبعزيهو لإنو كيف الناس تتحاور مع حكومة تقتل الأبرياء من الشعب عشان توقف حرب ضد من يشهرون السلآح في وجهها . ؤُ بقول واكرر إذا اصلو الناس جادين في وقف الحرب عليهم وقف الحوار فوراً والتكاتف مع الشعب والتعبئة العامة (الشاملة لكل الأحزاب وقطاعات الشعب والنقابات والإتحادات و...إلخ)، للتلآحم مع الشعب في عصيان مدني سلمي لإسقاط الحكومة لأنها هي اصل الدمار الحاصل في البلد . من المنطق، ومن البديهي حكومة تحشد كل هذا الحشد للحوار وتدعو له الناس من مشارق الأرض ومغاربها للتفاوض في شأن وقف الحرب وفي اثناء الحوار تقوم بتقتيل المواطنين ليست جديرة بالتحاور معها لأنها ليست جادة . انا لا أُحمّل ناس الحوار ايّ مسئولية، لكن إذا هم جادين في مسعاهم عليهم وقف الحوار فوراً بعد احداث الجنينة ...

Quote: يا ود المدير الولاة يسكنون قصورا عاجية ولا يعلمون ما يجري حتى ولو على بعد كيلومترين منهم... اهملوا الرعية .. فلم يحتملوا .. نسأل الله اللطف بعباده ... والرحمة لمن قضت روحه وزهقت ظلما وجورا

Quote: الزبدة يا مدير كما قلت لا فرق بين من يحاور في القاعة و من يحمل السلاح يقتل به أهل الجنينة الأبرياء فكلهم قتلة و ان اختلفت الأسلحة. تحياتي لك و لضيوفك الكرام

Quote: Zrirov Asmr شمال السودان ما فيهو رجال يملوا الكيزان وحوارهم الطرشان نار ويكنسوهم إلى الأبد من السودان. لذلك نرفع الصوت جهوراً إلى جنوب السودان وأثيوبيا وتشاد وأوغندا لغزو شمال السودان باعتباره حكومة فاقدة الأهلية وتقتل شعبها وتغتصبه..وليس هناك جيش او شرطة تقف الى جانب هذا الشعب المضطهد المستعبد من اقلية مدعية للدين والشرف الرفيع.

Quote: حافظ الإمام محي الدين · Calgary, Alberta أخونا ود المدير لعلك طيب آ أخوي. سمح أكان ده نضميك، نان زعلان من حيدر قاسم فوق شنو؟ الزول قالكم كان أبيتوا الحوار أمشوا السودان سوولكم عصيان مدني وللا سوولكم دواس. إنت هسي علقت الموضوع في رقبة غيرك. رغم أحداث الجنينه، الجماعه بتاعين الحوار ديل مقتنعين بجدوى الحوار وعارفين إنه سوف يأتي بنتائج، الدور عليكم إنتو الأبيتو الجيهه. عليك إسم الله آ ود المدير كان واحداً من المعارضين الغلاد بتاعين سودانيز ديل دق صدره ومشى إتحكر في نص الخرتوم ونادى وإشتغل في مسألة العصيان المدني ما كان أحرجلك ناس تراجي ديل وبقى مثال لغيره بدل التوقيعات اللا بتودي ولا بتجيب. ح يجيني واحد يقول لي لكن ده خطر علي حياته، لكن بقولو نان مسمينه نضال فوق أم كم؟

Quote: الرحمة والمغفرة لكل شهداءنا في الجنينة .. حقيقي شيء مؤسف ومخجل جداً وحتى تجاوب بقية الشعب السوداني ضعيفة ولم تكن بالمستوى المطلوب ، أقول هذا ولا أعفي نفسي من هذا التقصير . ربنا يلطف بأهل السودان وأهل دارفور خاصة لقد شبعوا موتاً وخراباً ، وإن شاء الله حساب الظلمة قادم بإذن الله. هذه هي قناعتي لحل الحكومة، في رأيي تنزل كل المعارضة ابتداء من الصادق والميرغني والترابي - لو انهم معارضة حقيقية - ينزلو الشارع مع الشعب يحتلو الشوارع من غير ما يتجدع حجر واحد احتجاج سلمي في كل المدن هو أفضل حل لحل مشكلة السودان، هل بتقدر الحكومة تقتل مئات آلاف من البشر ؟! ما تقدر ، لم الناس تنزل الشارع وتتناولها وسائل الإعلام العالمية ووسائل التواصل الاجتماعي بتكون اخدت سند محلي وخارجي . انا دايما بقول من زمان الجهد العملتو الحركة الشعبية في الحرب لو سوتو تظاهرات سلمية بكامل قياداتها مع بقية اطياف المعارضة كان الحال تحسن كتير وكان المواطن التف حولها ومن هنا أحيي أهل الشرق لقد حافظوا على الأمن في شرقنا الحبيب - رغم كل الظلم الواقع عليهم - فعدم انعدام الأمن للإنسان البسيط مشكلة كبيرة جداً. نسأل أن يقتص من ظلمة الإنقاذ وزبانيتها وأن يعود السودان وطناً لنا جميعاً.

Quote: سلام ود المدير و ضيوفه الكرام والله الناس الموجودة في الحوار ربما يكون رأيها ان هولاء مخربيين وشذاذ افاق وقطاع طرق كمان وربما وربما ولكن بقية مؤسسات المجتمع المدني بامكانها ان تفعل شي ملموس بعيدا عن الادانة والشجب فالحكومة نجحت ان يكون الصراع في دارفور دائما هو صراع دارفوري دارفوري فبالتالي كل الحوداث التي تحدث في دارفور لن تحظي باجماع اهل دارفور فابالتالي لن تجد الاجماع من بقية مكونات المجتمع وهذه الجزئية تحتاج ان يقف ابناء السودان عندها واولهم ابناء دارفور بالسودان

Quote: ود المدير .. لعلك طيبة .. وضيوفكم الكرام .. فعلآ دا الحصل وبدون شك ! ولكم الشكر ..

Quote: كيفك ياصديقى وفد الحوار الكندى سافر على متن الانتنوف..لزيارة الجنينة قبل ايام وهاهى الة قتل النظام..تعمل بانتظام فى ابرياء الجنينة المكلومة.. فى انتظار..رأيهم الان ومن داخل السودان هل سيتجرأون..؟

Quote: الوجع كتير أيام أكتوبر قتل طالب واحد حرك كل المدن والإرياف السودانية الآن الانقاذ تقتل بالجملة وتستمر حياتنا زي الما حصل شي للأسف الانقاذ قدرت تكتل صوت يا ابو مروه فينا وخلت كل زول يقول يا نفسي وقبيلتي وده شي مؤسف ونذير شؤم أطال بقاء هؤلاء القتلة

Quote: ياخ الناس لا بهمهم حوار و لا بهمهم الحوار ينجح او يفشل ... الناس ديل محتاجين للأمن عارف يعني شنو ناس تفقد الأمن ... ؟؟؟ يا جماعة ناس عايشين في بيوتهم و خايفين في اي لحظة يجوهم ناس داخلين عليهم يقتلو و يضربو و يغتصبو و يختطفو و يحرقو و يسرقو .....

Quote: تصدق انا من كتر ماقلبي وارم من الحاصل بقيت اهرب من البوستات دى والله يامعاويه

Quote: من الآخر... أي زول قعد للخوار مع هذا المؤتمر اللاوطني والذي يواصل في قتل وسحل المواطنيين العزل يتحمل مسؤولية هذه الجرائم ومسؤولية إطالة عمر هذا النظام الجنجويدي! لا حوار مع قتلة سفلة!

Quote: سلام معاوية لا أشجب ولا ادين ماحدث فى الجنينة او حوار الحكومة وهذا ليس لعدم رأى او ميتة قلب ، ولكن حددت موقفا منذ ذلك الصباح الأغبر ، وتراكم الخبرات أكد هذا الموقف . واكتفى بحسب الله ونعم الوكيل

Quote: أغـبى سـياسي يـعلم أنه لـيس مـن مصلـحة الحـكومة إرتـكاب غلـطة في هـذا الـتوقيت ...