أضبط: حسن حماد بوردابى نيويوركى يدعى أنه منتمى لحركة ويشارك فى الحوار

Quote: اهلًا يا اسامة هسع عليك الله ي اسامة خلف الله شايل ليك مداخلة لى قديمة وأخرجتها من سياقها ووقتها ومناسبتها التى كتبت فيها وقدر ما اكتب ليك مداخلة تجى شايلها وحايم بها زى الزول الشايل ليهو قربة مقدودة فوق راسو يعنى قائل نفسك كده بتخوفنى وتمنعني من الكتابة؟ هسع عليك الله حركتك الصبيانية العملتوها فى ندوة ابراهيم عمر دى حركات بتغير ليها حكومة ؟ زى ما قال ليك واحد اخونا من الفيس بوك حركاتكم الصبيانية دى شريط مسجل ما تغيرو. حركاتكم دى لاتعدو ان تكون حركات طلبة مدارس الابتدائي ينعقون بما لايسمعون اما كان أجدى وأنفع لو انك قمت وسردت على ممثل الحكومة كل المآخذ والمعاناة التى تسببت فيها الحكومة ؟ كانت الفرصة أمامك لتقول كلمة حق فى وجه السلطان ولكن لأنك لا تملك اكثر من الهتاف الصبياني والراس الفاضى لذلك لم أتوقع منك اكثر مما قمت به لان كل برغوث على قدر دمه ولان المعارضة كلها على شاكلتك لذلك لذلك كانت رسالتى السابقة والتى لايفهم امثالك فحواها وانت شايلها وحايم بيها من بوست لى بوست وفرحان بيها اوى زى الطفلة اللى جابوا ليها عروسة المولد ليس بالضرورة ان أطلعك على ما كتبته عن رأى فى الحكومة وأوصلته الى ممثليها لاننى لا أرجو بما كتبت استعراضا على صفحات النت لأحس بوجودى كما تفعل انت ولأنك لاتهمنى فى شيء ولايهمنى رأى امثالك فى شيء فكلكم عندى صبية مراهقون كبرتوا بى جهلكم ومن حقك ان توهم نفسك بأنك رقم فى المعارضة فأحلام اليقظة ليست بفلوس