|
Re: المستنير يترجل عن المنبر (Re: Hafiz Bashir)
|
Quote: داير أتفرغ للتأمل يا وليد |
تحياتي د. ابوبكر و أعزي نفسي و قرّاءك الكثيرين على رحيلك من المنبر. كأحد متابعي كتاباتك احترم قرارك و أسبابك و أتمنى رجوعك في أقرب فرصة. و لك صادق الود و الاحترام.
| |
|
|
|
|
|
|
Re: المستنير يترجل عن المنبر (Re: Hafiz Bashir)
|
مرحب بالجميلين إخلاص، فيصل، قسم وحافظ معليش أجملكم في رد واحد لانو باقي بس تلاتة ردود، زايد رد لدينا لو دينا ما جات بفكو لستة تانين قصرّت معاهن؟ في الرسائل السابقة اكتر شيء حصلن عليهو كان نص!
سيدي المهدي طلع من غرفة الاعتكاف لناس كردفان المساكين ديك، في الزمن داك كان اساميهم جعران وكديس، وهو ود بحر ناعم وأملس، خاطب الجموع المتعطشة وهويبكي بعين واحدة: أحباب الله، كنت في الحضرة النبوية بحضور الاقطاب الاربعة ونبي الله الخضر، وقد كلفني الرسرل(ص) بالمهدية، بقدر ما تجزعت ورفضتها، كان يكرر لي: ليس لها الا انت يا فلان ، الا انت، الا انت ولم يترك لي غير القبول بها. تعالوا شوفوا الكواريك والبكا والمخاخيط
المهم أنا مسافر مسافر
| |
|
|
|
|
|
|
Re: المستنير يترجل عن المنبر (Re: خالد عبدالوهاب)
|
و الله و بالله كونك تمشي براو عزا ... بدون أي مجاملة و الله .. مداخلاتك دايما بتروح عن كتير من الناس هنا ..
كونك ( تتفرغ للتأمل ) دي كدي صبرا شوية ..
يميناً بالله تقعد تتأمل الحال الحاصل دا .. تجيك ( نفسيات ) ..
خليك ياخي .. دافر مع الجماعة لحد ما تتسهل ..
| |
|
|
|
|
|
|
Re: المستنير يترجل عن المنبر (Re: عبداللطيف خليل محمد على)
|
سلامات... أخ أبوبكر، أحب أن أهديك هذا النص للأستاذ محمود محمد طه ، فاليوم يصادف يوم أن أعتقل اعتقاله الأخير، وذلك للصحبه في رحلة التأمل:
Quote: سعيد يتساءل
بسم الله الرحمن الرحيم (الذين قال لهم الناس: إن الناس قد جمعوا لكم، فاخشوهم، فزادهم إيمانا، وقالوا: حسبنا الله، ونعم الوكيل).. صدق الله العظيم
جريدة الشعب – السبت 27/1/1951م حضرة صاحب جريدة الشعب ص ب 226 الخرطوم.. تحية، وبعد:- فقد إطلعت، بعددكم السادس، على كلمة من الأخ سعيد يتساءل فيها عني، وقد أعلم أن كثيرا من الأخوان يتساءلون، كما تساءل، فلزمني لهم حق الشكر، ولزمني لهم حق الإيضاح.. عندما نشأ الحزب الجمهوري أخرج، فيما أخرج، منشورين: أحدهما بالعربية: (قل هذه سبيلي)، والآخر بالإنجليزية: ISLAM THE WAY OUT ضمنهما إتجاهه في الدعوة إلى الجمهورية الإسلامية.. ثم أخذ يعارض الحكومة في الطريقة التي شرعت عليها تحارب عادة الخفاض الفرعوني، لأنها طريقة تعرض حياء المرأة السودانية للإبتذال، وعلى الحياء تقوم الأخلاق كلها، والأخلاق هي الدين.. ثم نظرت موضوع الدعوة إلى الإسلام، فإذا أنا لا أعرف عنها بعض ما أحب أن أعرف.. فإن قولك: (الإسلام) كلمة جامعة، قد أسيء فهم مدلولها الحقيقي، لأن الناس قد ألفوا، منذ زمن بعيد، أن تنصرف أذهانهم، عند سماعها، إلى ما عليه الأمم الإسلامية اليوم من تأخر منكر.. وما علموا أن المسلمين اليوم ليسوا على شيء.. فأنت، إذا أردت أن تدعو إلى الإسلام، فإن عليك لأن ترده إلى المعين المصفى الذي منه استقى محمد، وأبوبكر، وعمر.. وإلا فإن الدعوة جعجعة لا طائل تحتها.. ولم تطب نفسي بأن أجعجع.. وبينما أنا في حيرة من أمري إذ قيض الله (مسألة فتاة رفاعة)، تلك المسألة التي سجنت فيها عامين إثنين، ولقد شعرت، حين استقر بي المقام في السجن، أني قد جئت على قدر من ربي، فخلوت إليه.. حتى إذا ما انصرم العامان، وخرجت، شعرت بأني أعلم بعض ما أريد.. ثم لم ألبث، وأنا في طريقي إلى رفاعة، أن أحسست بأن علي لأن أعتكف مدة أخرى، لاستيفاء ما قد بدأ.. وكذلك فعلت.. فهل حبسني ابتغاء المعرفة؟؟ لا والله!! ولا كرامة.. وإنما حبسني العمل لغاية هي أشرف من المعرفة.. غاية ما المعرفة إلا وسيلة إليها.. تلك الغاية هي نفسي التي فقدتها بين ركام الأوهام، والأباطيل.. فإن علي لأن أبحث عنها على هدى القرآن – أريد أن أجدها.. وأريد أن أنشرها.. وأريد أن أكون في سلام معها، قبل أن أدعو غيري إلى الإسلام.. ذلك أمر لا معدى عنه.. فإن فاقد الشيء لا يعطيه.. فهل تريدون أن تعلموا أين أنا من ذلكم الآن؟؟ إذن فاعلموا: إني أشرفت على تلك الغاية، ويوشك أن يستقيم لي أمري على خير ما أحب..
محمود محمد طه رفاعة
|
| |
|
|
|
|
|
|
Re: المستنير يترجل عن المنبر (Re: محمد المسلمي)
|
اها انا داير امارس العوارة الهديتنا منها واحنس احنسك واترجاك اترجاك انك تحذف اشارتك لست البنات . ولو حذفتها بحذف اشارتي هنا خليك هنا وبلاش تفارق بتقول يومين وتغيب سنة اظنها عفاف راضي المهم كرغبة شخصية لا منطق لها سوي الحب اتمناك هنا
| |
|
|
|
|
|
|
Re: المستنير يترجل عن المنبر (Re: عمر دهب)
|
عزيزي الفاضل المستنير ابوبكر عباس انا عارفة انك ما حتجي ترد لانك حددت الردود بستة فقط... مع انه المفروض ، ودي آخر الردود ، تحدد العدد بستة الف رد ومش ستة فقط... والمهم عاوزة أقول ليك انت من الأرقام الصعبة في هذا المنبر العام واذا انت عاوز تتفرغ وتتأمل .. لازم ترجع بعد فترة قصيرة كي تكتب لنا عن تأملاتك.. ونرجو ان لا تطول الغيبة... ولازم تدي اعتبار للناس البيطلبوا منك العودة عن هذا القرار المجحف بحق قراءك... ويا ريت كمان تورينا الأسباب الحقيقية المخفية.... ودمت بالف خير وصحة وعافية
| |
|
|
|
|
|
|
Re: المستنير يترجل عن المنبر (Re: Basamat Alsheikh)
|
Quote: افكر فيه واتامل *** اراه اتجلى واتجمل هلالى الهل واتكمل تفاصيل قولى والمجمل*** ساصبر ياخى ايه اعمل اذا قلب الفتى اتحمل***مصايب الدهر والامه ارى الصبر الجميل اجمل |
القصيدة دي ممكن تتاملا بروح صوفية وإتا في خلوتك وقمة جلوة ذهنك .. امشي وتعال تلقانا نحن يانا نحن مودتنا في بكانا.
| |
|
|
|
|
|
|
Re: المستنير يترجل عن المنبر (Re: Mohamed Yassin Khalifa)
|
سعيد بهذه المداخلات الجميلة من كل الجميليين الذين مرووا من هنا. "لو صحيح شفقان علينا ما أظن تقدر تسافر" كنت شفقان عليكم، لكن الجمال الشفتو في المداخلات دي؛ بخليني امشي مطمئن، وأقول ليكم: لقد تركت فيكم المحبة إن تمسكتم بها لن تضلّوا ابدا
كنت داير أخلف الملك، لكني رأيت أنه أرقّ أكثر مما يجب
المهم بنتلاقا لو في جنّة، بتلقوني قاعد متحكر جوّة، ولو ما في، ذرات كربونا يمكن تمتزج داخل شتلة طماطم أو زهرة موريا بنتلاقا نتلاقا في الرمل الدقاقا
رقم تسعة ميسي
| |
|
|
|
|
|
|
Re: المستنير يترجل عن المنبر (Re: أبوبكر عباس)
|
يا ابسن، يا أخي، ستنا دي حبيبتي* ما بتزعل من الاشارة الفوق ديك، الشفافية الشديدة نقصها شوية أو يخلطوك مع بريمة.
---- * حبيبتي علي وزن مثلا: منتصر حبيبي، تفكيركم ما يمشي بعيد
| |
|
|
|
|
|
|
Re: المستنير يترجل عن المنبر (Re: Osman M Salih)
|
تسلم قباني تسلم يا صاحب اشكرك في ذلك الزمان كنت معجبا جدا ب عفاف راضي ووردة وام كلثوم . تراودني احلام المراهقة الفكرية والعاطفية . فلعل الامر اختلط علي و الماعندو كبير يشتري ليهو كبير تنوية كبير لا علاقة لها بالعمر والسنوات
| |
|
|
|
|
|
|
Re: المستنير يترجل عن المنبر (Re: عبدالحفيظ ابوسن)
|
Quote: أدري بأنك لن تحفل بقولي ومع ذلك امل ان تجد صيغة تنظم بها الوقت بحيث تجمع مابين التامل وجبر خاطر اصحابك المجتمعين من حولك هنا. |
لا املك الا ان اقول قمة مداخلات البورد التحية للاستاذ عثمان و للدكتور ابا بكر و صدقنى سوف يحفل و بأجمل ما فيه و جمال النفوس شاهد
| |
|
|
|
|
|
|
Re: المستنير يترجل عن المنبر (Re: جلالدونا)
|
من شروط المنبر
عدم كتابة مواضيع انا ماشى .. انا حردت .. انا مشتت قالو العاوز يشتت ... يتوكل ويركب الخط طوالى .
..........
يعنى بكرى قاصد .. ما تزعجونا بالله عليكم . قاعدين اقعدو .. ماشين شتتو
تحياتى وتقديرى .. وموفق وين ما قبلت
| |
|
|
|
|
|
|
Re: المستنير يترجل عن المنبر (Re: عثمان الأمام)
|
دينا رسلت لي رسالة داخلية بتعتذر فوقها عن صعوبة الوداع قدام الناس، ولسع قلبها موجعا من وداع الرامة ( القوز)، وما زالن أطراف بنانا مخضبات بالدم! قلت ليها شكرا يا عامريّة. هو يا عثمان، في احتفاء اكتر من انو قاعدين نقراء اي شيء تكتبو؟! لمان سحبت مداخلتك في بوست الجميلة سلوم، عرفت انو السحب ح يتسبب في سوء فهم. الاحتفء بالنداخلات ليس من شروطو الرد المباشر عليهن شوف في البوست دا مثلا جمال مداخلات خالد المهدي ومحمد آدم، هل ضروري اعلق عليهن أي مداخلة في اي بوست ما لم تحتوي على سؤال مباشر، لا تحتاج لتعقيب حتى يعلن الاحتفاء بها، بعدين يا أخي مكاجراتنا لبعض دي قمة الاحتفاء شايف مكاجرة خالد غالي اخو هيثم غالي ما وقعت ليك، يا أخي المنتدى دا فيهو سياقات خارج كلمات المداخلات، لو ما كنت حويط بفتننك!
فرصة نعرف الناس بخالد عبد الوهاب دا: شاب وجيه جدا يعمل بوظيفة مرموقة بدبي، في نهاية العشرينات يبحث عن زوجة أي واحدة حابا ترمي شباكا، بضمنو ليها في كل شيء، عيبو الوحيد انو شايقي
| |
|
|
|
|
|
|
Re: المستنير يترجل عن المنبر (Re: امجد الجميعابى)
|
يا أمجد ووضاح، أنا أتفهم زعلكم، لكن الموضوع ما كدا؟؟ صحي كلامكم الداير يمشي يمشي من سكات، ودا المفروض يحصل مع الناس العاديين الزيكم، لكن بالنسبة لينا نحن الكتاب الكبار الذين نصنع الأحداث، الموضوع مختلف؟؟ لدينا قراء ومتابعين ضروري نمهد ليهم ونخطرم بابتعادنا من هنا ودا ابسط حقوقم علينا. لكن مواضيعكم اتوا لو ما جيتوا وكتبتوها، عادي الناس بلقوها في الواتساب أو بيت البكاء!
ان شاء الله اكون وضحت مرادي من البوست شكرا يا حلوينج
| |
|
|
|
|
|
|
Re: المستنير يترجل عن المنبر (Re: عباس الدسيس)
|
اها يا ود عباس ..الشايقي ده بالذات نحن البنتمناهو... ياخي ديل ناس مليانين عواطف واحاسيس دفاقة وشجون ووجدان وبيملوا الدنيا فرحة...وكدي امشي اسمع الطنبور البيدق جوه القلب من اغانيهم..واسمع كلماتهم عشان تاامن... وقبل كده بت نفيسة كانت فاتحة بوست انيق جدا عن غناهم وطنبورهم الشجي الرنان.. وفوق كده وقبل كده هم اقرب ناس لعطبرة.. اها شنو رايك... ودمت بالف خير
| |
|
|
|
|
|
|
Re: المستنير يترجل عن المنبر (Re: أبوبكر عباس)
|
يا أبابكر. سلام.
يفتح حديثك عن المكاجرة أفقاً فلسفياُ هذه شتلة صغيرة اغرسها فيه.
عن المكاجرة أورد قاموس اللهجة العامية في السودان (صفحة 655، الطبعة الاولى ، سنة 1972) مايلي: كاجر ( س) فهو مكاجر( س) شديد الخلاف. وبهذا المعنى فإن المكاجرة هي شدة الخلاف. المكاجرة هي موالاة المكاجِر للمكاجَر باهتمام سالب ودائم بشخصه أو برأيه أو بشيء من متعلقاته. وبهذا المعنى فإن المكاجرة تبدو أبعد مايكون عن معنى الاحتفاء الذي يمثل القطب المضاد لها: قطب الاهتمام الايجابي بالمحتفى به في شخصه أو رأيه أو شيء من متعلقاته. وبرغم هذا التباعد بين المصطلحين إلا أنك قد جسّرت الهوّة القائمة بينهما بتعريفك للمكاجرة بدءاً بالاحتفاء ثم بقمة الاحتفاء. ويعني هذا أنها ذؤابة شجرة الاحتفاء أو قل تاجها. وبناءً على تعريفك للمكاجرة الممارسة في سياق معين، فإن من الممكن استخلاص النتيجة التالية وهي انقسام المكاجرة كماتمارس في الحياة الاجتماعية، أي المكاجرة وهي في حالة من الفاعلية بعد يقظتها من السبات القاموسي، إلى نوعين: نوع يتطابق فيه مخبر الفعل مع مظهره. ونوع ثان لا يأخذ من مفهوم المكاجرة إلا مظهر الفعل. اي أننا امام نوع خاص من المكاجرة او قل نوع خاص من الاحتفاء، لافرق. المهم انه نوع بين بين، نوع هجين، يأخذ من الاحتفاء جوهره ومن المكاجرة صورتها الظاهرة.
| |
|
|
|
|
|
|
Re: المستنير يترجل عن المنبر (Re: خالد عبدالوهاب)
|
الاخ خالد عبد الوهاب. مساء الخير.
ادخلني جوابك في اظافري خجلا. انا الذي يتوجب عليه ان يعتذر لك ارجو ان تصفح لي مخاطبتي اياك جاهلا كل الجهل حبال الصداقة الممدودة بينك وبين ابي بكر. اعتذر مجددا ولك العتبى حتى ترضى.
| |
|
|
|
|
|
|
Re: المستنير يترجل عن المنبر (Re: Osman M Salih)
|
سنفتقد ملاحة وملح هذا القلم الجميل .. ولن تنقص مساخة المنبر كثيرا على اية حال .. مغادرة تخصم من متعتي بهذا المنبر بالتاكيد .. لو ما مشيت احسن ..
مداخلات عثمان م صالح هنا تستحق الاشادة . هنا وهناك في الواقع .. كنت متابعا لعدد من البوستات. هذا الرجل يكتب بمداد متميز.
| |
|
|
|
|
|
|
Re: المستنير يترجل عن المنبر (Re: محمد حيدر المشرف)
|
ما قريت ليك بوست واحد ايها المستنير المغادر لكن شدنى ود اصدقائك
هذا الرجل يكتب بمداد متميز.
واعادتنى الجمله الاخيره لدكتور المشرف لزمان كان فيه اهل المنبر جميعا يلزمون الجابره عندما يكتب عثمان م صالح عشره اسطر تهدأ ورجغة الحكامات ويضع اهل التهاميش والدواس اسلحتهم ارضا وتسود هدنه بين اليسار واليمين وبين الظلاميين واهل الإستناره
لعثمان مكانه خاصه ومحبه واصله فهو موغل فى إنسانيه لا حدود لها.
اطالب ببقاءك ان كنت حقا مستنيرا
| |
|
|
|
|
|
|
Re: المستنير يترجل عن المنبر (Re: فارس موسى)
|
هرب المستنير ....
بعد أن ترك تساؤل في بوسط محمد E سليمان - لا يليق بمستوى إستنارته التي كنا نعتقدها....
ولم يكلف نفسه الإنتظار لسماع الرد ....
Quote: س: كيف تيقن محمّد سليمان أن القرآن نزل من عند الله ولم يقم بتأليفه بشر؟ |
قال مستنير قال.....
| |
|
|
|
|
|
|
Re: المستنير يترجل عن المنبر (Re: ahmedona)
|
Quote: أدري بأنك لن تحفل بقولي ومع ذلك امل ان تجد صيغة تنظم بها الوقت بحيث تجمع مابين التامل وجبر خاطر اصحابك المجتمعين من حولك هنا. |
قال ليك.. لو قعدت للحول ما تفوت بى خاطر زول
| |
|
|
|
|
|
|
Re: المستنير يترجل عن المنبر (Re: معتز عبدالله)
|
ووووووووووو خبر الشوم والروم او كما قالت ندى القلعة فى ذات جلسة من جلسات الحوار الوطنى ،،،، غايتو البعرفو التامل جاهو بلا ...!
تصدق انا ذاتى زيك اتسحرت فى سودانيز دى بقيت شهر ما بدخل ! اها نحتسبك بس ولا نقول الا مايرضى الله ،،،، وانا لمارك وللفيسبوك راجعون فشنو .. تعال بى هناك ،.. وحقو ننتهز هذه الفرصة البنفسجية ونرسل لى بكرى بيان مشترك يقراهو ويشرطوا كما فعل مع اولاد اللذينا من قبلنا بجيك هنا تانى
| |
|
|
|
|
|
|
Re: المستنير يترجل عن المنبر (Re: دينا خالد)
|
uuuuuup
اتخيلت روحي مخرج ( وطالع في سقالة الاخراج ديك ........هم بقول ستوب ولا اب !!!!!
دينا خالد !!!!؟.
اتخلعت خلعة بسمات بنت ابونا الشيخ واتسطلت سطلة البنقو الما كعب
| |
|
|
|
|
|
|
Re: المستنير يترجل عن المنبر (Re: اخلاص عبدالرحمن المشرف)
|
بالرغم منو انو أنا عندي تقدير كبير لخالي دكتور الرازي من الفيسبوك ودينا خالد، لكن اصلا لا أقبل أي هبشة في العظيم بكري أبوبكر وسودانيزأون لاين. المنبر دا بالرغم مما يقال عنه إلا أنه من أعظم انجازاتنا الثقافية في الفترة السابقة، ولو الزمن منحنا شوية رفاهية في المستقبل؛ بنعمل ليهو تمثال جنب محمود محمد طه والتجاني يوسف بشير في حديقة القرشي، ولو ما خايف من الرش، نعمل تمثال حواري لصديقه دينق جنبو تقديرا وعرفانا على إهدائهم لنا هذا الصرح العظيم
| |
|
|
|
|
|
|
Re: المستنير يترجل عن المنبر (Re: muntasir)
|
أسوي شنو يا منتصر مع كلام ازهري: لو قعدت للحول ما تفوت بخاطر زول كيف افوت بخاطر دكتور الرازي، جدو، فريد، عبد اللطيف، بسمات، اخلاص يا أخي، حتى مداخلة م يس خليفة وأحمدونا قريتن خاطر لكن مداخلة اللمين وعباس والصامت ما شعرت فيهن بالخاطر دا، لكن بعتبرن زكاة
المهم، بديكم ستة شهور تاني، لكن بعدهن ولا هللة
| |
|
|
|
|
|
|
Re: المستنير يترجل عن المنبر (Re: أبوبكر عباس)
|
Quote: لكن بعدهن ولا هللة |
أحب أطمن مريدي و قرّاء المستنير أنه ما ياخده بالتهديد أعلاه و ح يقعد الست شهور الجاية و البعدها و البعدها إلى ماشاء الله وحتى يلغي بكري العقد و يعهد بمهمة التنوير و رفع المستوى لمستنير آخر
| |
|
|
|
|
|
|
Re: المستنير يترجل عن المنبر (Re: محمد البشرى الخضر)
|
يابابكر على الاقل غيب ليك تلاتة اربعة ايام! احرجتنا مع الجماهير ياخي :)
للتوضيح وعشان ماتعمل فيها مافهمت مداخلة دينا خالد
دينا خالد جات ودّعتك، وماقالت ولا حرف واحد يمكن تفسيره على انه طلب او كشكرة ليك عشان تقعد
هذا مالزم توضيحه
| |
|
|
|
|
|
|
Re: المستنير يترجل عن المنبر (Re: خالد عبدالوهاب)
|
عطفا على مداخلتي الأولى ...
بكور كان ذكر قبل كدة في بوست سابق انه عندهم واحد في حلتهم اخواته زعلنو ... قام طلع من البيت وقال ليهم انا ماشي اغرق في البحر ... اخواته لحقوا في البحر ولقوا صاحبنا قاعد (يملص) في الجلابية تمهيدا للغرق ... قاموا مسكوه وحنسوه وقالوا ليه معليش ياخ نحنا غلطنا عليك وسامحنا ... صاحبنا قال ليهم المرة دي سامحتكم ... لكن المرة الجاية لو زعلتوني بغرق ليكم بالجلابية ...
فااااااااااااا يا بكور بالله المرة الجاية اغرق بجلابيتك
| |
|
|
|
|
|
|
Re: المستنير يترجل عن المنبر (Re: محمد البشرى الخضر)
|
ترحل يا ابابكر يعني نسيت الإلفة وتسوق خطواتك .. وين؟ للتأمل وانت عارف ان عيونك تسقى قلوبنا ووجودك فرح يشيل عنا الشقى ويزداد واكيد كلماتك حتتأوه وحتتوه لمن يجي الميعاد غيابك زي عيدا غشانا وفات بدونك وبدون عينيك حنقبل وين كدي جاوب؟
| |
|
|
|
|
|
|
Re: المستنير يترجل عن المنبر (Re: Ahmed Yassin)
|
يا قسم، ما بملص في الجلابية بفك في رباط الكبك
عليك الله، يا قسم، شوف، أمس لقيت ناس (منير) في بوست بقولوا: العرب ما كانوا بعرفوا القرد وما ذكروهو في شعرم يا اخي، مسكتني ام هلا هلا وأنا بردد في أشهر بيوت في الهجاء: إذا لبس العمامة صار قردا وخنزيرا إذا خلع العمامة وبعدين وجوه قرود تبتقي من تجادع
والغاظني أكتر منير قال للزول التاني: يبدو إنك خبرة في تراث العرب
معقول أمشي وأترك المنبر دا خلا؟!
| |
|
|
|
|
|
|
Re: المستنير يترجل عن المنبر (Re: أبوبكر عباس)
|
بعدين يا الصادق، ما قصة القرود بس! دا كان موضوع ونسة ساكت من ناس منير وأحمد المشكلة في زول زي بروفسور مصطفى محمود، زول ليبرالي ويقاتل في الانقاذ من اجل حفظ حقول الناس واحترام خياراتهم الشخصية، فاتح ليهو بوست كبير عريض بعيّر ليهو في زول بالمثليّة!! وراسم ليهو مفكر كبير في شكل خنزير دا كلام بخليني افوت؟! ويجوا اولادي يلقوا الكلام دا مكتوب بدون اعتراض، يقولوا شنو؟! الناس ديل كانوا في العصر الجاهلي؟!
بعدين هو بروفسور وفي اوربا!!
| |
|
|
|
|
|
|
Re: المستنير يترجل عن المنبر (Re: ست البنات)
|
في حاجة غريبة يا صامت، في بوست ونسة أحمد ومنير عن القرود اتّا كنت مشارك من النافذة، كيف اتا سعودي وما تقول ليهم لحدي الآن القرود موجودة في الجنوب الغربي للسعودية؟! ولّ فكرك جابوها السودانيين حديثا مع الدولة السعودية الثانية؟! اشك في سعودتك!!
| |
|
|
|
|
|
|
Re: المستنير يترجل عن المنبر (Re: أبوبكر عباس)
|
طالما جيت راجع .... نعيد لك لقب المستنير
Quote: س: كيف تيقن محمّد سليمان أن القرآن نزل من عند الله ولم يقم بتأليفه بشر؟ |
ونعمل فلاش باك ....
ما هي رؤيتك للسؤال الذي طرحته ...
في حلة مجاوره
| |
|
|
|
|
|
|
Re: المستنير يترجل عن المنبر (Re: أبوبكر عباس)
|
Quote: بوست ونسة أحمد ومنير عن القرود |
هوووى يا الهبيب بكرى ..
ما تسوينا أنا وأحمد يسين سبب للرجوع و تاكل بعقولنا حلاوة .. ألعب غيرها ;).. أنا عارف إنو أى زوول يجى يقول ماشى من المنبر بعرفو كلام هبوب ساى.. غيرك كان أشطر ..
تانى لو نويت تفوت خلى مخك ينسى الباسويرد، وإياك تقول لبكرى رسل لى واحدة تانية ..
| |
|
|
|
|
|
|
Re: المستنير يترجل عن المنبر (Re: Munir)
|
لكل أجل كتاب الحمد لله، ما قصرت معاكم وخلال السنوات القليلة الفاتن قدمت لكم جرعات إستنارة عالية. 3712 مداخلة كلها تستحق يعلقوها بأستار المنبر.
المهم لو جوكم لعبية بمستوى شاهين شاهين، بنجي ندقل معاهم لكن بالمستوى دا؛ باي باي
| |
|
|
|
|
|
|
Re: المستنير يترجل عن المنبر (Re: محمد البشرى الخضر)
|
Quote: سنفتقد ملاحة وملح هذا القلم الجميل .. ولن تنقص مساخة المنبر كثيرا على اية حال .. مغادرة تخصم من متعتي بهذا المنبر بالتاكيد .. لو ما مشيت احسن ..
مداخلات عثمان م صالح هنا تستحق الاشادة . هنا وهناك في الواقع .. كنت متابعا لعدد من البوستات. هذا الرجل يكتب بمداد متميز. |
ذى عداوة ناس المشرف الراقية دي. يفوتوها وين ...تجعل فعلا ديالوكيتك البورد اتعطل بفرارك...ونحن لي هسة نلاوي في ناس بريمة بسبب عردة المك نمر...يقوم يشرد المستنير انت عارف سيدنا يونس ترك المسؤلية ايضا وبلعه الحوت نون يجب ان تركز انت وتفر طيور الظلام في البورد...مش العكس صحيح وما بنسى وقفتك معاي في معركة اولاد الضهاري في في منقطة عمليت مع ودالمشرف. والامير وتنظيم الريات الاربعة . والتولي يوم الزحف من الكبائر... قائد ثوار الدرب المضيء نسر كوش
خلاص تعال رفسهم لي في االفيس الله يجعل دربك اخضر يا ابوبكر عباس
| |
|
|
|
|
|
|
Re: المستنير يترجل عن المنبر (Re: أبوبكر عباس)
|
*** طيب ما تديني باس ووردك دا ياخ ...
ولا أقول ليك ... بشتري منك رايك شنو؟
*** ..............ركنية ............. طبعا صاحبك ابوحتحوت بكون طوالي فكرني عايز اخش بي في الانبوكس و الاوت بوكس , صاح؟
| |
|
|
|
|
|
|
Re: المستنير يترجل عن المنبر (Re: محمد البشرى الخضر)
|
Quote: يا شباب رهان ع السريع كدا - معاوية الزبير يمتنع :) |
كان عايز تراهن يا ود البشرى، راهن على حاجة عليها قيمة زي الإن بوكس دا البعمل فيهو المستنير دا كلو ابتزاز للباش بكري ابوبكر وبعض العاطفيين وثلة من الما بتحملوا ولا بقدروا بلاهو
| |
|
|
|
|
|
|
Re: المستنير يترجل عن المنبر (Re: Hani Arabi Mohamed)
|
Quote: البعمل فيهو المستنير دا كلو ابتزاز للباش بكري ابوبكر وبعض العاطفيين وثلة من الما بتحملوا ولا بقدروا بلاهو |
لا المرّة دي غير يا ود الزبير الدامج الاتعرّضت ليه صورة المستنير في بوست السوريين كان صعب شوية يحتاج ترجّل يومين تلاتة الناس تنسى لكن وين مع ناس ابو حسين وكيبورده ابو زر واحد دا (كابشر سكرين)
| |
|
|
|
|
|
|
Re: المستنير يترجل عن المنبر (Re: muntasir)
|
Quote: الدامج الاتعرّضت ليه صورة المستنير في بوست السوريين كان صعب شوية يحتاج ترجّل يومين تلاتة الناس تنسى |
دامج شنو يا ود البشرى ياخ ؟ وحاة الله مداخلاته كلها مضغوطة ومركزة وفي الصميم
عكنن ليك ود المشرف وأفقدو التوازن ذاتو
____________ بعيداً عن المزاج الدامج الحقيقي حصل لود المشرف
| |
|
|
|
|
|
|
|