أحسب* أنني كنت مصاباً بالتوحد في طفولتي.أكبر عدو لي هو التلفون المتحرك، هذا الجهاز الكارثة أكرهه أكثر من كراهيتي للهلال ويصيبني بالهلع!سبب كراهيتي له هو أنه ينقلنني من مود لمود بعد أي مكالمة، والمصابين بالتوحد لا يحبون التغيير المفاجئ في المود.ــــــــــــــــــــــــــ* أحسب = كلمة كيزانية قفزت لرأسي بسبب حضور المناضلة تراجي للخرطوم
Post: #2 Title: Re: دينا خالد في جولة سياحية بدبي مع تلاتة خوا Author: مبارك محمد عثمان Date: 12-19-2015, 01:28 PM Parent: #1
ابوبكركب الحنك ياخي
Post: #3 Title: Re: دينا خالد في جولة سياحية بدبي مع تلاتة خوا Author: د.محمد بابكر Date: 12-19-2015, 02:21 PM Parent: #2
Quote: * أحسب = كلمة كيزانية قفزت لرأسي بسبب حضور المناضلة تراجي للخرطوم
لمن كنا شباب كنا بنسمع الكيزان لمن يكونوا دايرين يشكروا ليهم زول بقولوا بعد ما يعددوا المآثر(نحسبه كذلك ولا نذكى على الله احدا)..الجماعه ديل قصتهم مع الحسبان دى شنو؟!!
Post: #4 Title: Re: دينا خالد في جولة سياحية بدبي مع تلاتة خوا Author: عبدالحفيظ ابوسن Date: 12-19-2015, 02:29 PM Parent: #3
واحسبه بوست عكازي تحياتي بكور وضيوفهخشيت علي سبيل المحبة والشمار خامسااها
Post: #5 Title: Re: دينا خالد في جولة سياحية بدبي مع تلاتة خوا Author: مرتضي عبد الجليل Date: 12-19-2015, 02:45 PM Parent: #4
Irrelevant
Post: #6 Title: Re: دينا خالد في جولة سياحية بدبي مع تلاتة خوا Author: أبوبكر عباس Date: 12-19-2015, 05:32 PM Parent: #5
كونك تكون شغال في مجال الهجن، القصة دي ممكن تتيح ليك فرصة تتعامل مع شخصيات مهمة جدا بالدولة، وعادي ممكن تكون قاعد متفن معاهو في قوز رمل، وتشرب في القهوة، وتتونس بأريحية كأنك بتتونس مع منتصر. يوم إتنين ديسمبر نوع العلاقات المجنونة دي، خلت معاي سيارة (عربية) لكزس 570 LX ألفين ستاشر سلفر(غوغلوها، ما فيها حاجة) معاي، ود أخوي شال ربط الموبايل بسماعات الفارهة، تفكيرك ما يمشي بعيد يا منتصر، ما ممكن يكون ربطو بسلك طبعاً!! شبكو، المهم صوت جرس التلفون بجيك بصورة محببة من كل جنبات السيارة. والله، يا أخوانا، وما طالبني حليفة، وأنا في الجو الفخيم دا الممزوج بريحة عود السيارة (عود دي ما يكون ناس الخرطوم قايلنها الشاسي)، وأنا خارج من فلل نخلة جميرا؛ يرن التلفون، رقم غريب، كغير عادتي وبفرحتي بالتكنولوجيا وتأثير أريج العود رديت: يطلع صوت يمتزج مع ريحة السيارة، صوت يتفوق في جمالو صوت المرحومة ليلى المغربي وهي بتلقي في قصيدة البحر القديم لمصطفى سند. الصوت قال لي من غير تحية أو سلام: قلبك شحّ موش؟! أشعر بنفسي قاعد قصاد ليلى المغربي وهي لابسة توب كاكاوي بخطوط فضيّة عريضة والتوب ساقط من الراس بعناية وغنج، رديت: لو زندها احتمل الندى لكسوت زندك ما يشاء ثوب من العشب الطري وإبرتين من العبير وخيط ماء
Post: #7 Title: Re: دينا خالد في جولة سياحية بدبي مع تلاتة خوا Author: أبوبكر عباس Date: 12-19-2015, 05:36 PM Parent: #6
Irrelevant
Post: #8 Title: Re: دينا خالد في جولة سياحية بدبي مع تلاتة خوا Author: محمد على طه الملك Date: 12-19-2015, 05:48 PM Parent: #7
Quote: قاعد متفن
تعب ابن أبي السرح راح شمار في مرقة..أها .
Post: #9 Title: Re: دينا خالد في جولة سياحية بدبي مع تلاتة خوا Author: أبوبكر عباس Date: 12-19-2015, 05:56 PM Parent: #8
Quote: ابوبكركب الحنك ياخي
حنك ساي؟!متأكد يا بركة بعد الحنك والونسة دي، ناس المنتدى احترامن لي بزيد وما بعيد الأديب عثمان صالح يحذف من أسمي لقب: المدعووالعجب لو ست الحسن وافقت أنزل الصورما بعيد ناس الإنقاذ يرسلوا لي المفتاح ويحجزوا لي كرسي ذهبي جنب الكنداكة تراجي
Post: #10 Title: Re: دينا خالد في جولة سياحية بدبي مع تلاتة خوا Author: أبوبكر عباس Date: 12-19-2015, 06:00 PM Parent: #9
Quote: ويحجزوا لي كرسي ذهبي جنب الكنداكة تراجي
إتّوا يا اخوانا، الوشاح الذهبي بتاع تراجي العامل ماتشنق مع كرسي الملوك الذهبي القاعدا فوقو، جاء كدا بالصدفة؟ ولّ ناس المراسم مرتبين للتناسق دا مسبقا؟يكون منصور اتصل بيهم من الطيارة
Post: #12 Title: Re: دينا خالد في جولة سياحية بدبي مع تلاتة خوا Author: معاوية الزبير Date: 12-19-2015, 06:02 PM Parent: #9
Quote: Irrelevant
اطمئن يا مرتضى.لا شئ ريليفانت (أو غير ريليفانت) في بوستات صاحبي داإنها الفنتازيا في أكثر صورها عبثية
Post: #11 Title: Re: دينا خالد في جولة سياحية بدبي مع تلاتة خوا Author: muntasir Date: 12-19-2015, 06:01 PM Parent: #8
كما قال سيد ودالباوقة البشير الله ليك من جوافة المناصير بعد نزلت صورتك لكزس 4XL ما يسوي ترتيب
Post: #13 Title: Re: دينا خالد في جولة سياحية بدبي مع تلاتة خوا Author: أبوبكر عباس Date: 12-19-2015, 06:19 PM Parent: #11
أوكي، إتّي وين؟ - قالت لي: كدي النقرا ليك اسم الشارع، اسمو الثاني من ديسمبر، لكن أنا معاي تلاتة بنات أسبانيات وولد أسباني، وعندنا مشوار بعد عشرة دقائق - رديت: دا، يا هو شارع الضيافة سابقا، تقدري تميزي إتجاه الغرب؟ قالت: الشفق واضح خلاص أقصدي المغيب، ولمان تصلي السارية العالية في نهاية الشارع، لفي يسار، وبعد خمسين متر في كافي فخم وكراسيهو برّة أقعدو فوقو، وبعد أقل من العشرة دقائق بكون معاكم قفلت السماعة بسرعة وما زال عبق صوتها يعطر المكان
Post: #14 Title: Re: دينا خالد في جولة سياحية بدبي مع تلاتة خوا Author: أبوبكر عباس Date: 12-20-2015, 05:24 PM Parent: #13
وأنا ماري بشارع الخدمات لمحت الأربعة بنات وولد القاعدين برّة المقهى، وأنا ببركن في السيارة خطرت في بالي طُرفة قديمة عن سهولة تمييز الخواجة من الأفريقي.الزمن سنة ستة وتمانين كاس العالم، زي أكتر من متين طالب من مجمع شمبات قاعدين في نادي الداخليات وخاتين ليهم تلفزيون فوق مسرح مهجور، وبشاهدوا في مباراة بين هولندا والكاميرون، وفي نفس الوقت بحاحوا في البعوض، من خلف الجموع جاء كوز من عرب الجزيرة راجع الداخليات من مكتبة الكلية، وسأل الجموع: المباراة دي منو ومنو؟قال ليهو هولندا والكاميرون- قال ليهم: الكاميرون اللابسين البرتقالي ديل؟واحد من أولاد الخرطوم القاعدين قدام وقف علي حيلو وقفل التلفزيون ومشىلمان فتحناهو لقينا ميلا جاب قون!!ووب علي لو جاء ود البشرى قال لي: الكاميرون ما لعبت مع هولندا في الكاس داك!!
Post: #15 Title: Re: دينا خالد في جولة سياحية بدبي مع تلاتة خوا Author: محمد البشرى الخضر Date: 12-20-2015, 05:46 PM Parent: #14
يا مستنير في حضرة دندون مافي محاققة و زرزرة انت عارف كدالكن كمان ما تجيبها كبيرة قدر دا, لا هولندا لا الكاميرون ما شاركن في كاس 86 ههههههه
Post: #16 Title: Re: دينا خالد في جولة سياحية بدبي مع تلاتة خوا Author: أبوبكر عباس Date: 12-20-2015, 07:13 PM Parent: #15
ملحوظة:دينا خالد الفي النص دا شخصية من بنات خيال الراوي، وأي تشابه لها مع الواقع هو محض صدفة
Post: #18 Title: Re: دينا خالد في جولة سياحية بدبي مع تلاتة خوا Author: خالد عبدالوهاب Date: 12-20-2015, 07:16 PM Parent: #16
Quote: ملحوظة:دينا خالد الفي النص دا شخصية من بنات خيال الراوي، وأي تشابه لها مع الواقع هو محض صدفة
احييييييييييييييييييييييييييييييييينا !
Post: #17 Title: Re: دينا خالد في جولة سياحية بدبي مع تلاتة خوا Author: Faisal Saad Date: 12-20-2015, 07:14 PM Parent: #15
السلام و التحايا للمستنير و ضيوفه الاكارم:غايتوا الله أعلم بعد مداخلة ود البشرى دي تاني تخرم من لب الموضوع لسرد جانبي و كدا،هسي لو كان دورت في الموضوع الاساسي دون فنتازيات ريلفانت و ارريلفيانت ما كان اخيرليك يا ابن العم.. المهم نغريك التحايا الاسفيرية بعد ان تقطعت بنا كل السبل للوصول اليك، وطبعا في خضم هذا الالق و بريق الدهشة عاذرنك تب و بصيرورتها كمان..ارقد عافية..
Post: #19 Title: Re: دينا خالد في جولة سياحية بدبي مع تلاتة خوا Author: محمد البشرى الخضر Date: 12-20-2015, 08:31 PM Parent: #17
Quote: دينا خالد الفي النص دا شخصية من بنات خيال الراوي، وأي تشابه لها مع الواقع هو محض صدفة
يا للخسارة...هسّي انا من قبيل فاتح القوقل ايرث عشان ازبط المسار من العين لموقع الكافيه الفخم قلت بكرة اغشاه عسى اصادف نفس الطربيزة قلت بتكون فيها باقي بركة !!لكن وقت ناجرها انا حارس ليك باقي البوست الله يقدّرها عليك اغلط ولا لخبط تاني بين هولندا وكولمبيا :)
Post: #20 Title: Re: دينا خالد في جولة سياحية بدبي مع تلاتة خوا Author: أبوبكر عباس Date: 12-21-2015, 03:49 AM Parent: #15
هي طبعا شيطانة بتكون قرت أفكاري وقالت المسكين دا قائل روحو بميّزني باللونوقفت قدامن وبعد قلت هاي، كلهم ألتزمو الصمت، حاولت في اللحظة أعرف زولتي من غير سؤال!!الأربعة بشبهن Penelope Cruz حالكات سواد الشعر، بالرغم من حيرتي تذكرت بكاء آخر ملوك بني الأحمر بعد ان عبر بالمغرب، امو قالت ليهو:إبك كالنساء ملكا لم تحافظ عليه كالرجالوعرفت سبب بكاء الملك المعزول وطاف بخاطري وَلَه إبن زيدونأعدت الكرّة في وجوه الفاتنات من دون الولد، فوجدت بريقا في عيون إحداهن عرفت أن جذوته من الصحراء؛ فابتسمت بمحبة ولم نتعانق كما فعل المسلمي مع المفتاح.
Post: #21 Title: Re: دينا خالد في جولة سياحية بدبي مع تلاتة خوا Author: يحي قباني Date: 12-21-2015, 04:17 AM Parent: #20
و انا كنت متأكد انو حيقول و فجأة توروني من احلى نومة ...الموضوع ما حصل حلِم زاتو ؟ ...يا بكور ... ذكرتني الحلواني الخلى الجماعة يبيتوا جوة الدكان ...عليك الله اصحى ... :)
Post: #22 Title: Re: دينا خالد في جولة سياحية بدبي مع تلاتة خوا Author: أبوبكر عباس Date: 12-21-2015, 04:41 AM Parent: #21
بعد الترحيب والسلام غير الدائري قالت لي: ما كنت متخيلاك كداقلت ليها أشنى مما كنتي تتوقعينضحكت وقالت: لا، كنت قايلاك كبير!- من ناحية عجوز، فعجوز، لكن إتّي ما سمعتي أغنية دبي المحببة لمواطنين:دبي دار الحي تروح شايب ترجع صبي؟!
Post: #23 Title: Re: دينا خالد في جولة سياحية بدبي مع تلاتة خوا Author: Kabar Date: 12-21-2015, 04:53 AM Parent: #21
ول ابا..حبابك يا صديقي
غايتو وكتين جابت ليها ديسكليمر استيتمنت في النص..فمن حق ود البشرى يزرزرك..وانا ما زول كورة عشان اقوقل سنة ست وتمانين..لكن بقول ليك الكلام في الموبايل اثناء السواقة بيشكل مخالفة قانونية..وكتين بتسوقوا العربات السمحة ما بتعرفوا تبركنوا..الإ كن تجيب ليك شيلخات هيئة دبلوماسية..او كما قال..!ا
ما حكاية (الكاكاو ولا لون زينب ولا شنو كده ما عارف) مرتفقة مع (لو احتمل زندها الندى)..تخلي ,ول ابا معاوية الزبير يدندن الليل كلو
:تزيد استنارتك كل يوم ، وانا في همومي بزيد هموم..!
(مع الإعتذار للغنية)..!!
ربك رب الخير حقن الجمال عن الشعوب هنا ، ياخي الواحد من كحل (اسمها) فوق قلنا خلاص..صبارة وشوية اندياح لمن الشعوب دي تفرح ذاتو..!
فشنو نحتسب..ساكت..
والكركاسات *ما معانا..
كبر __________________
*الكركاسات ، مفردها كركاسة هي قطع من جلد عجل اللوري الداخلي ، يتميز بمرونة ونعومة ، وكان التلآميذ المشاغبين لمن الواحد يكون حاري ليهو جلدة بيضع الكركاسة ، وكان وقتها بعض المدرسين الحاقدين بيكون ناقشين ، فاول سوط يسمع ليك صوت الكركاسة فيحول الخطة ويجلدك في الضهر لأنو وقتها لم تتفتق عبقرية احدهم لإختراع كركاسة لحماية الضهر..والله اعلم..
Post: #24 Title: Re: دينا خالد في جولة سياحية بدبي مع تلاتة خوا Author: اسامه العريفي Date: 12-21-2015, 05:21 AM Parent: #23
Quote: أعدت الكرّة في وجوه الفاتنات من دون الولد، فوجدت بريقا في عيون إحداهن عرفت أن جذوته من الصحراء؛ فابتسمت بمحبة ولم نتعانق كما فعل المسلمي مع المفتاح
اوسكار يا مستنير
Post: #25 Title: Re: دينا خالد في جولة سياحية بدبي مع تلاتة خوا Author: ست البنات Date: 12-21-2015, 07:02 AM Parent: #24
(أعدت الكرّة في وجوه الفاتنات من دون الولد، فوجدت بريقا في عيون إحداهن عرفت أن جذوته من الصحراء؛ فابتسمت بمحبة ولم نتعانق كما فعل المسلمي مع المفتاح)يا سلام عليك أخي أبوبكر عباس !جملة شالت البوست على الأكتاف !!وصف من عيون التكمن زاتو !تحياتي لك وتحية الى دينا ورفقائها .( ما كنت تمعط لينا صورة عشان نشوف دينا للدنيا والزمان ) بالرغم من اننا شفناها من خلال كتاباتها , تيمنا ب( تحدث كي أراك)!لكن تقول شنو على حب الاستطلاع والتحشر !!ست البنات.
Post: #26 Title: Re: دينا خالد في جولة سياحية بدبي مع تلاتة خوا Author: محمد البشرى الخضر Date: 12-21-2015, 08:06 AM Parent: #25
Quote: .وكتين بتسوقوا العربات السمحة ما بتعرفوا تبركنوا
يا كبر... العربات السمحات ديل فيهن البلوتوث :)
Post: #27 Title: Re: دينا خالد في جولة سياحية بدبي مع تلاتة خوا Author: أبوبكر عباس Date: 12-21-2015, 09:37 AM Parent: #26
جبت ليهم بمزاجي أربعة فرابتشينو وشاي سادة دم دكاترة لدندن، ولنفسي قهوة عربية وخليت القهوة العربية محور الونسة، في دقائق أقنعتهم يخلوا مشوارم ويدوني سهرة الليلة عشان أوريهم سحر الصحراء بالليل في الليالي غير المقمرة.فتحت صندوق السيارة وكما توقعت؛ كل إحتياجات التخييم موجودة ومرصوصة بعناية ونوعية فخمة. غشيت جمعية الإتحاد وطلبت من الجزار السوري صديقي أبعيوم خضر تلاتة كيلو استرالي طيارة مبهرات زي كل مرّة، لكن بدون شطّة، الليلة الشطّة برّة.إخترت أعلى مكان في رمال الخوانيج الصافية، بعيد من مسار الهبوط لمطار دبي تجنبا للصوت وفي نفس الوقت الإستمتاع بمنظر الهبوط المتوالي للطائرات من بعيد، وقفت السيارة في أعلى القوز، كذئب ينظر لنجوم الثريا بشموخ، نزلنا السامان كلو:- عدة القهوة- المويه والعصائر- حطب السمر والسمر هو الاسم الثاني لحطب السنط (Acacia tortilis)- عدة المشاويرسلت الخواجيات يجيبن حجار نعملن منقد من تحت القوزدينا طلعت ليها سي دي لمحمد كرم الله وشغلتو في السيارة وفتحت الأبواب، الغريبة ما قالت لي بشغلوهو كيف!قبل محمد كرم الله ما يخلص أغنية:هوي أقيفن نورا فيكن، كنا متفنين في نص الرمل حول لهب السمر الصافي لونو وخالي من الدخانحطب السمر دا عجيب! غير قلة دخانو، لون لهبو بين الأصفر والأبيض، ممكن نقول عليهو بلغة الحناكيش: off whiteإنعكاسو في الظلام يجعل وجوه الناس العاديين جميلة جدا، فما بالك بسليلات الخليفة المستكفي!!يعني في القعدة دي سرقت النظر الجانبي زي ستين مرّة وكل ما اللهب يخفت؛ أزيد من السمر حبّة وأمشي أرفع صوت الطمبور
Post: #28 Title: Re: دينا خالد في جولة سياحية بدبي مع تلاتة خوا Author: ابو جهينة Date: 12-21-2015, 09:47 AM Parent: #27
تحياتي أخي أبوبكر ممتع هذا السرد ، ولا يهم إن كانت الشخصيات محض خيال أم تمازج الصدفة***ملحوظة:دينا خالد الفي النص دا شخصية من بنات خيال الراوي، وأي تشابه لها مع الواقع هو محض صدفةدمتم واصل
Post: #29 Title: Re: دينا خالد في جولة سياحية بدبي مع تلاتة خوا Author: عمر دهب Date: 12-21-2015, 03:52 PM Parent: #28
كونك حريف ومستنير هذه ما فيها غلاطبس ماتزعل علينا الشايقيه لانو محمد كرم الله مابيغنى نوره انت قاصد محمد جبارهلكن الكويس هذه لاتهبط باسهمك الاستناريه
Post: #30 Title: Re: دينا خالد في جولة سياحية بدبي مع تلاتة خوا Author: doma Date: 12-21-2015, 04:35 PM Parent: #29
Quote: ما كنت تمعط لينا صورة عشان نشوف دينا للدنيا والزمان
هههههها غايتوا انا دينا لا دايره اشوفها لا دايره اسمعها اكثر شي يبهجني كتابتها. بس ما فاهمه هي كيف غايبه عن الحوارالوطني دا__؟؟؟؟؟__!!!
Post: #31 Title: Re: دينا خالد في جولة سياحية بدبي مع تلاتة خوا Author: muntasir Date: 12-21-2015, 05:06 PM Parent: #30
دي رواية شنو الزي حصة الإملاء كلها اعد بوست جاب ليك دومة المستنيرة الأولى في المنبر ده تحمد سيدك زمان لما الزمن زين خالتك دومة دي نزلت صورة الأثيوبية الفيهو ظار كلو نزل لكن انت مدستر هندي
Post: #33 Title: Re: دينا خالد في جولة سياحية بدبي مع تلاتة خوا Author: doma Date: 12-21-2015, 05:59 PM Parent: #31
Quote: دي رواية شنو الزي حصة الإملاء كلها اعد بوست جاب ليك دومة المستنيرة الأولى في المنبر ده تحمد سيدك زمان لما الزمن زين خالتك دومة دي نزلت صورة الأثيوبية الفيهو ظار كلو نزل لكن انت مدستر هندي
ها سلام يا منتصر ماشاء الله ذاكرتك بخير الزمن داك الجنا المستنير دا ما كان حضور .لكين بيني وبينك دينا خالد من الشحصيات الني يستحق الزول يسرقها .
Post: #32 Title: Re: دينا خالد في جولة سياحية بدبي مع تلاتة خوا Author: muntasir Date: 12-21-2015, 05:07 PM Parent: #30
ريلفانت لكن مكرر
Post: #34 Title: Re: دينا خالد في جولة سياحية بدبي مع تلاتة خوا Author: قسم الفضيل مضوي محمد Date: 12-22-2015, 12:17 PM Parent: #32
أيام سارة عيسى متألقة ومسخنة سخانة شديدة داك وكل يوم عندها مقال ...معانا واحد كان معجب بيها ايما اعجاب ...ويوميا بيجي يقول لينا عليكم الله شفتوا البت دي الليلة كاتبة كلام عجيب كيف !!!في الاخر اتحول من الفتنة بكتابتها للفتنة بيها في عضمها وقال لو عرف مكانها بيطرح ليها فكرة العرس ...بعد فترة عرفنا انه سارة عيسى طلعت راجل ...واسقط في يد اخونا المتيم ..._______ملحوظة ... أي تشابه في الأشخاص في مداخلتي وما جاء في رواية المستنير السياحية هو محض صدفة
Post: #35 Title: Re: دينا خالد في جولة سياحية بدبي مع تلاتة خوا Author: أبوبكر عباس Date: 12-22-2015, 12:41 PM Parent: #34
الأسباني طلع أستاذ الدراسات الشرقية بإحدى الجامعات الأسبانية، أمتعنا بالونسة عن التاريخ الخفي عن التأثير الشرقي الساحر للحضارة الإسلامية على أسبانيا الحالية.حدثنا عن مقدمة إبن خلدون، وعبد الرحمن الداخل ودولة المرابطين وختم حسب طلبي بإبن زيدون وولاّدة بنت المستكفي وكيف أصبحت أسطورة، في الختام قال لينا: أقول ليكم سر:لو لا الأندلس لما ولدت امريكامع تباشير الصباح نفضنا بناطلينا من الرمل ورفعنا العدة ونحن ماشين على السيارة الأسبانيات التلاتة شكرني بهق كبير ودندن حاكت الأسباني وإكتفت بالمصافحةقلت ليها ويديني مدلدلات والأصابح مفتوحة وبحسرة مداعبة إحتجاجا على عدم الهق:نسوي شنو؟ السواها فينا إبن أبي السرح ما ظنيتها تاني تمرق بالساهلسمعتها أيضا تردد في بيت شعري المحبوب:وأفترقنا وبعيني المنى غالهاْ الدمعُ فما أبصرتُ شيّاإنتهي النص الأدبي وسوف أعود للمتداخلين
Post: #36 Title: Re: دينا خالد في جولة سياحية بدبي مع تلاتة خوا Author: محمد البشرى الخضر Date: 12-22-2015, 02:13 PM Parent: #35
Quote: إنتهي النص الأدبي وسوف أعود للمتداخلين
مافي داع بعد داالناس دي جابتها سيرة دندون و فكرة شفنا الشافها :)وقت طلعت جاكة ساي ما تعمل لي روحك قومة وقعدة وردود ومتداخلين وبتاع
Post: #37 Title: Re: دينا خالد في جولة سياحية بدبي مع تلاتة خوا Author: اسامه العريفي Date: 12-22-2015, 02:25 PM Parent: #36
وافترقنا وبعيني المنىقالها الدمع فما أبصرت شيئاً
Quote: سمعتها أيضا تردد في بيت شعري المحبوب:وأفترقنا وبعيني المنى غالهاْ الدمعُ فما أبصرتُ شيّا
بالقاف يا مستنير
Post: #38 Title: Re: دينا خالد في جولة سياحية بدبي مع تلاتة خوا Author: MOHAMMED ELSHEIKH Date: 12-22-2015, 04:11 PM Parent: #37
Quote: مع تباشير الصباح نفضنا بناطلينا من الرمل
حسي كان في الخرتوم كان لحقوكم لبنى
Post: #39 Title: Re: دينا خالد في جولة سياحية بدبي مع تلاتة خوا Author: Basamat Alsheikh Date: 12-22-2015, 04:40 PM Parent: #38
لكن ما كسير تلج عينة يا ابوبكر..ووين كلام الشعر الوعدتنا بيه ...في بوست اخر...عشاننقع في الدبابيب(وجه ضاحك)...فتانة مش كده؟؟ودمت بخير ومنتظرين الصور
Post: #41 Title: Re: دينا خالد في جولة سياحية بدبي مع تلاتة خوا Author: أبوبكر عباس Date: 12-22-2015, 05:07 PM Parent: #39
أكيد يا بشرى، الناس جابتها دندنودندن وحات سيدي الحسن، ما بتوصّفلكن بقدر شويّة أديكم منها لمحة يا ست البنات:تدي للحزنان بسيمة بصوت محمد جبارةمحمد جبارةأو بتشبه بت بشرى الفاضل في أغنية مصطفى سيد أحمدلما تطلعي في الشوارع شوفي كيف الناس تصارعواحدين يدفرو اوواحدين يصفرواموش زمان كان في قصة تلتاشر عامل شغالين ليهم في فرن بريدوا ليهم طفلة بتجي تشيل ليها رغيف كل يوم الصباححياتم كلهم تمحورت حول لحظة زيارة البت دي!المهم أوجز ليكم:زول لمان يطل ليهو في مكان ما...يا عريفي، غالها وليس قالها ولو كانت قالها ناس ود البشرى ما كان ادوك فرصة في الشرف دا!غالها بمعنى حجبها
Post: #40 Title: Re: دينا خالد في جولة سياحية بدبي مع تلاتة خوا Author: محمد حيدر المشرف Date: 12-22-2015, 04:43 PM Parent: #38
الليامات دي كترت بوستات سمحة كيف !!الا انو ده اسمحها على الاطلاق .. متعة والله يا مستنير .. متعة قربت تحصل متعة قراية عماد عبدالله ودكين !!
Post: #42 Title: Re: دينا خالد في جولة سياحية بدبي مع تلاتة خوا Author: muntasir Date: 12-22-2015, 05:25 PM Parent: #40
يا مشرف جامل في أي زول الا تلاته دكين وعماد وعثمان محمد صالح قال قربت قال ليك في السعودية في واحد حوطي طلعوا مع الأمير القنص صوب علي الحبارى جلاها قاموا الأخويا يعجبوك شبكوه ليك والله طال عمرك كنك صبتها في جناحها وواحد يقول لي في رجلها سأل الحوطي ها وانت قال ليه والله طال عمرك لنت بحولها ولنت بيمها الأمير قال ليهم منعول الجدف رجعوه الرياض في ضهر ونيت
Post: #43 Title: Re: دينا خالد في جولة سياحية بدبي مع تلاتة خوا Author: أبوبكر عباس Date: 12-22-2015, 05:41 PM Parent: #42
يا بسمات، في شعر اكتر من كدا؟اتي ما سمعتي بشعر ما بعد بعد بعد الحداثة؟!هسع بحضر في الأخبار وبكتب ليك في الرد داقالوا الصومال لأول مرّة منذ ٢٥ سنة تنقل مباراة كرة قدم حيّةهسع دا ما برضو شعر؟!الكويس بعد الخبر دا جابو هدى عربي تغني في الحب اخلاص ووفاء
Post: #44 Title: Re: دينا خالد في جولة سياحية بدبي مع تلاتة خوا Author: أبوبكر عباس Date: 12-22-2015, 05:53 PM Parent: #43
نحن يا دكتور محمد بابكر، الكيزان ديل حضرناهم ونحن طلاب بنهاية التمانينات وكانوا في نهاية التدريبات للانقضاض على الفريسة، وناس أحمد سليمان بن الخطاب يقولون للرسول الترابي:لماذا نرضى بالدنيّة في ديننا ونحن الأعلون؟!ونحن لا نحسبهم كذلك
Post: #45 Title: Re: دينا خالد في جولة سياحية بدبي مع تلاتة خوا Author: معاوية الزبير Date: 12-22-2015, 06:04 PM Parent: #44
Quote: لمن كنا شباب كنا بنسمع الكيزان لمن يكونوا دايرين يشكروا ليهم زول بقولوا بعد ما يعددوا المآثر(نحسبه كذلك ولا نزكى على الله احدا)..الجماعه ديل قصتهم مع الحسبان دى شنو؟!!
استهبال يا محمد بابكرعدة استهبال بس والله. الله لا عادهم، بعد ما يزولوا.معليش يا ابكر قطعنا عليك سيل التهنئاتغايتو دينا شنو كدا والشكر ليك هههه
Post: #46 Title: Re: دينا خالد في جولة سياحية بدبي مع تلاتة خوا Author: أبوبكر عباس Date: 12-22-2015, 06:11 PM Parent: #45
وحات الله، يا معاوية، لو ألفين وستاشر ما مشيت خليتكم فيها، إلا أكتب ليكم بوست عن جمال محمد طه الملك لحدي ما قسم الفضيل دا يفهم ان عشقنا للجمال ما مربوط بالجندر في حد ذاتو!بس أقعد واتوا تشوفوابس كيف اقعد؟!
Post: #47 Title: Re: دينا خالد في جولة سياحية بدبي مع تلاتة خوا Author: معاوية الزبير Date: 12-22-2015, 06:17 PM Parent: #46
كيف تقعد ولّ كيف تقدر تقول فيهو الكلام الما انكتب
Post: #48 Title: Re: دينا خالد في جولة سياحية بدبي مع تلاتة خوا Author: أبوبكر عباس Date: 12-22-2015, 06:19 PM Parent: #46
نسيت في لمحة وصف دندن أقول:كل زول من عند سلافك لا لا قال دايرلو كاس
Post: #49 Title: Re: دينا خالد في جولة سياحية بدبي مع تلاتة خوا Author: عبدالرحمن إبراهيم محمد Date: 12-22-2015, 07:48 PM Parent: #46
الكتّاب أبو بكر عباسكتر خيرك على السياحة العقلية، وما بقول الخيالية، المتكاملة دى بين الشخوص والناس عرب وعجم وسوادنة والتاريخ والطبيعة وسحر البادية والتكنولوجيا وألق المداورة والمحاورة فى شخصية وكنه "ست الإسم".وقفت فى تعليق أختنا دوما وحكمتها المعهودة:
Quote: هههههها غايتوا انا دينا لا دايره اشوفها لا دايره اسمعها اكثر شي يبهجني كتابتها. بس ما فاهمه هي كيف غايبه عن الحوارالوطني دا__؟؟؟؟؟__!!!
وشفت كلام بتنا بسمات الشيخ
Quote: لكن ما كسير تلج عينة يا ابوبكر..ووين كلام الشعر الوعدتنا بيه ...في بوست اخر...عشان نقع في الدبابيب(وجه ضاحك)...فتانة مش كده؟؟ودمت بخير ومنتظرين الصور
فأتذكرت كلام كنت كتبته عن دينا فى بوست كاتبنا المبدع أحمد الأمين أحمد البرانى بى إنقاذ مداخلاتى فى بوست "الفيتورى يا ياقوت الشعر" فجات دينا وكتبت كلام سمح فى حق أحمد وفى حقى. فرديت عليها بمداخلة قدمتها بأبيات زى كل مداخلة أرد فيها على كل متداخل أوصف فيها شخصية وإسهامات المتداخل. فشخصية دينا جديرة بالتمعن فى إسهاماتها. فقلت ليهاجاءت قانُونيتنا دينا تُزجى الشكر جزيلا وتُقّرظ أحمدْوقالت فيما كتبت أنى حقا مُدهش وهى الدهشةُ تتجسدْغموضٌ يغشاهُ بريقٌ وسلاسةُ نصٍ أخاذٍ ومعانٍ تتمددْأسلوبٌ سهلٌ ممتنعٌ فيه رقىٌ وكل من فى المنبرِيشهدْ وتزيدُ بلاغة تعبيرٍ بسـاخِر نقدٍ لذّاعٍ وإن طُلى بشهدْ وأقول بصدق، دون نفاق، ما إنت إلا حقا سر الدهشة يتجسد. فقد ظللت أتابع كتاباتك ومداخلاتك وما دار وما ظل يدور من جدل حول شخصيتك حتى من قبل إلتحاقى بهذا المنبر. فرغما عن ما يشغل كثيرا من الآخرين عن كنه شخصيتك، لم أعره أبدا أى إهتمام؛ لأننى كنت فى ذات المركب مرات وكتبت بأسماء عدة لا يعرفها حتى أقرب الأقربين. ولكننى من خلال المتابعة خلصت إلى قناعات وصورة لشخصيتك الكتابية.أولا الدقة فى تخير التعابير، وإنتقاء الكلمات بحذر، وصياغتها بتسلسل منطقى، مضافا إلى ذلك آراء قانونية تعتمد على الإستنتاج، مع وضوح رؤيا فى أمور الحياة يشير إلى شخصية مواكبة للأحداث، لا شك فى أن لها خلفية قانونية أو إحتكت كثيرا بمهنة القانون. وفوق هذا فلها أسلوب خفيف الظل برصانة، وإن حمل هموم قضايا كبيرة؛ و فيه من روح الدعابة والسخرية ما يدل على ذكاء وخفة ظل، مما لا ينتقص من قوة الطرح ولا أهمية المحتوى. فيا مرحبا بقلم أقل ما يقال عنه أنه "مدهش".فأها يا بسمات بتى دا برضو يقولوا عليهو كسير تلج؟ وللا رأيك شنو يا دومه أختى؟ أما أبو بكر فأنا ناقش رأيو مسبقا، وللا شنو يا أبوبكر؟ هنا الرابطhttp://sudaneseonline.com/board/490/msg/%D8%A5%D8%B9%D8%A7%D8%AF%D8%A9-%D8%AA%D9%86%D8%B2%D9%8A%D9%84-%D9%85%D8%AF%D8%A7%D8%AE%D9%84%D8%A7%D...B1-.-1449930910.htmlولك الشكر يا أبوبكر.
Post: #50 Title: Re: دينا خالد في جولة سياحية بدبي مع تلاتة خوا Author: معاوية الزبير Date: 12-22-2015, 08:23 PM Parent: #49
والله يا أستاذنا عبد الرحمن هذه شهادة عظيمة، وما قلت غير الحق، وربما نقصت قليلاأقول هذا من عُشرة سنين مع دكتور أبوبكروعُشرة سكن في غرفة واحدة ضيقة لا تتيح أي مجال للمراوغةعرفت فيه عالِماً بعِلمه في مجال البيطرة وحكيماً في شؤون الدنيا والدينوقبل ذلك إنساناً يهتم بتفاصيل معاناة الإنسانيةفلك وله المحبة الدائمةخليتنا نفك آخرنا معاهو والله
Post: #51 Title: Re: دينا خالد في جولة سياحية بدبي مع تلاتة خوا Author: عمر دهب Date: 12-22-2015, 08:57 PM Parent: #50
وقبل ذلك إنساناً يهتم بتفاصيل معاناة الإنسانيةفلك وله المحبة الدائمةخليتنا نفك آخرنا معاهو واللهانت ذاتك وصاحبك ابوبكر المايقدر يحبكم شديد فى عشره يوم عندو مشكلهوماعندو الحبهحقيقة هذا حكى القلب
Post: #52 Title: Re: دينا خالد في جولة سياحية بدبي مع تلاتة خوا Author: doma Date: 12-22-2015, 08:59 PM Parent: #50
Quote: أولا الدقة فى تخير التعابير، وإنتقاء الكلمات بحذر، وصياغتها بتسلسل منطقى، مضافا إلى ذلك آراء قانونية تعتمد على الإستنتاج، مع وضوح رؤيا فى أمور الحياة يشير إلى شخصية مواكبة للأحداث، لا شك فى أن لها خلفية قانونية أو إحتكت كثيرا بمهنة القانون. وفوق هذا فلها أسلوب خفيف الظل برصانة، وإن حمل هموم قضايا كبيرة؛ و فيه من روح الدعابة والسخرية ما يدل على ذكاء وخفة ظل، مما لا ينتقص من قوة الطرح ولا أهمية المحتوى. فيا مرحبا بقلم أقل ما يقال عنه أنه "مدهش".
تحليلك في محله يا بروف ولو سمعوا رائي ناس البشير كان مسكوها الرسن . القومه لبتنا ديناخالد.
Post: #53 Title: Re: دينا خالد في جولة سياحية بدبي مع تلاتة خوا Author: د.محمد بابكر Date: 12-23-2015, 02:20 AM Parent: #52
Quote: وأفترقنا وبعيني المنى غالهاْ الدمعُ فما أبصرتُ شيّابالقاف يا مستنير
اظنها صحيحه يا عريفى بالغين (غالها) بمعنى غطاها لكن طبعاً الشافعى قال من قال الله اعلم فقد افتى .. اها رايكم شنو فى الاستناره دى ( وين لابن ابى السرح) يا مستنير؟
Post: #54 Title: Re: دينا خالد في جولة سياحية بدبي مع تلاتة خوا Author: اسامه العريفي Date: 12-23-2015, 05:19 AM Parent: #53
لك الشكر يا مستنيروكذلك الشكر والتقدير لدكتور محمد بابكر
Post: #55 Title: Re: دينا خالد في جولة سياحية بدبي مع تلاتة خوا Author: أبوبكر عباس Date: 12-23-2015, 10:20 AM Parent: #54
اتوا يا أخوانا، مولانا الملك دا قاصد شنو بتعب ابن ابي السرح؟هل لانو "متفّن" ما كانت مشددة ولّ الكلمة لا تليق باللكزس وابن ابي السرح ودندن؟
Post: #56 Title: Re: دينا خالد في جولة سياحية بدبي مع تلاتة خوا Author: Basamat Alsheikh Date: 12-23-2015, 01:49 PM Parent: #55
ابوبكر وعبد الرحمنوالله ما كسير تلج ولا حاجة....لكن بس حبيت ادخل شوية فرفشةوبهجة في البوست الظريف والسمح...وفي الحقيقة انا متابعة لمواضيع الاستاذة دينا خالد من زمان ..وهي بدونشك من الارقام الصعبة التي لا يمكن تجاوزها في هذا المنبر...فهي تمتلكالاسلوب الرائع والسهل والممتنع والاسلوب المنطقي الجزل....ولم نعرف عنهاوعن كتاباتها اي اسلوب مخالف للمنطق والذوق السليموهي مختفية منذ فترة ولم نقرا لها شئ ....والتحية لها من هناودمتم بخير..وعافية
Post: #57 Title: Re: دينا خالد في جولة سياحية بدبي مع تلاتة خوا Author: محمد حيدر المشرف Date: 12-23-2015, 04:00 PM Parent: #1
Quote: ا مشرف جامل في أي زول الا تلاته دكين وعماد وعثمان محمد صالح قال قربت قال
انا لا اكذب ولكني أُجامِل يا نتصر اخوى ..
Post: #58 Title: Re: دينا خالد في جولة سياحية بدبي مع تلاتة خوا Author: معاوية الزبير Date: 12-27-2015, 11:17 PM Parent: #57
Quote: انت ذاتك وصاحبك ابوبكرالمايقدر يحبكم شديد فى عشره يومعندو مشكلهوماعندو الحبهحقيقة هذا حكى القلب
انت عارف عمر دهب دا منو يا ابوبكرابن عمة أولاد خطيب لزمشكرا يا عمر ياخ على حسن الظن
Post: #59 Title: Re: دينا خالد في جولة سياحية بدبي مع تلاتة خوا Author: Muhib Date: 12-28-2015, 00:06 AM Parent: #58
في انتظار الصور ..شكرا ..
Post: #60 Title: Re: دينا خالد في جولة سياحية بدبي مع تلاتة خوا Author: دينا خالد Date: 12-28-2015, 06:59 AM Parent: #59
ههههههههههقلبى قال شحححححح لما دخلت هنا بالصدفة فجر اليوم قلت اببكر الهجان دا .. داير يعمل معاى ظريف وينزل صور ؟؟؟😅😅ياخ انعل ابو شاييك السادة حتى لو كان من كروكس اقصد استاربكس ...المهم ياحبيب استمتعنا برفقتك جدا والحق يقال الخواجيات التلاته واحدة خدرة وواحدة بيضاء وواحده حممراء على وزن رواية ماقبل النوم وقتها ... لوووووووببسلمن عليك فيهن واحدة كلللل يوم تصحى الصباح تسالنىاتتى اببكر ما ضرب !!وانا ارد بلسان حالك ...يضربك الضريب شقاق اللكزس 2016..شكرا يا اببكر على كل شىء شكرا على وقتك السمين ...ههههه وشكرا على اللكزس وشكرا على دعمك لى وحريشك لى بان الج الحوار من سم الخياط !شكرا بكوووووووور كمان شكرا لانك كنت قدر الامانة فقد رفضت الجبال حملها ان الانسان دابما كما ود البشرى جهولا .، ما تعتمد عليهوفى الكورة ولا فى الحاجات التانية داير تغيير ركب ونضارات ،،ذو الطلة البهية معاوية الحبيبة الذكية المسخت علينا بفوتتها البورد ،، دومااعترف بانو قلبى قال شححححح للمرة التانية فى البوست دا لما شفت مداخلتك واسمك ،،برلومتنا الجميلة بسمات ..، ورقم تحت الصفر منتصر وكل الشباب الجميل فى هذا البوست مع حفظ الالقاب. والمقاماتالتحية لقايدنا وحادينا بروفسير عبد الرحمن ،، الراجل الكنز ،التحية والحب لكل من تداخل هنا ومعليش يا ببكر قطعنا حبل غنمك وبقرك ،،، واصل وخليك حريييييصانت الهجان والرءيس وااااااااصل كفاحك ات ، ات بتتقدر !!!!
Post: #61 Title: Re: دينا خالد في جولة سياحية بدبي مع تلاتة خوا Author: doma Date: 12-28-2015, 08:50 AM Parent: #60
عاد الالق لهذا البورد بعودتك يا دندنه استحلفك بالله ورغم مشاغلك وسفرك الكتير طلي علينا يا شبه القمرا.
Post: #62 Title: Re: دينا خالد في جولة سياحية بدبي مع تلاتة خوا Author: يحي قباني Date: 12-28-2015, 09:11 AM Parent: #61
Quote: عاد الالق لهذا البورد
الألق ده تطير عيشتو ... :)
Post: #63 Title: Re: دينا خالد في جولة سياحية بدبي مع تلاتة خوا Author: ismeil abbas Date: 12-28-2015, 11:41 AM Parent: #62
دينا وأبوبكر كتابة رائعة وحروف أنيقة.....دمتم
Post: #64 Title: Re: دينا خالد في جولة سياحية بدبي مع تلاتة خوا Author: doma Date: 12-28-2015, 02:37 PM Parent: #63
يا ود قباني تعرف لما خلقت الكلمه دي كانت لاجل دينا خالد وشبيها ما كحل عيني
Post: #66 Title: Re: دينا خالد في جولة سياحية بدبي مع تلاتة خوا Author: يحي قباني Date: 12-28-2015, 05:20 PM Parent: #64
Quote: يا ود قباني تعرف لما خلقت الكلمه دي كانت لاجل دينا خالد وشبيها ما كحل عيني
كلامك ده لي أنا ...؟أنا ؟؟؟أنا المكتول في حوش العمده !!!يا دوما ... المشكلة ما في دينا ... المشكلة في ألق دي البستخدوموها الناس للغاشي و الماشي ...اذا كان ديلاك ألق... امال دينا تبقى شنو ؟عليك الله خليك من الفنتازيا المركبة تركيب دي ... :)دينا دي انحنا شفناها قبال ما نسمع بيها ...!!!دينا يا دوما وصفها شاعر من العصر العباسي زماااااان ... قبل زي مليون سنة عمك أبوبكر الخالدي قال عن دينا خالد ما يلي :يا شَبِيهَ البَدْرِ حُسْناً وَضِياءً وَمِثَالاَ وشَبيهَ الغُصْنِ لِيناً وَقَواماً واعتِدالا أنْتَ مِثْلُ الوَرْدِ لَوْناً وَنَسيماً ومَلاَلا زَارَنا حتَّى إِذا ما سَرَّنا بالْقُرْبِ زَالا و ركزي معاي على البيت الأخير ...
Post: #65 Title: Re: دينا خالد في جولة سياحية بدبي مع تلاتة خوا Author: سامي عطا المنان Date: 12-28-2015, 02:43 PM Parent: #63
ايش العلاقة بين دينا خالد وسمراويت بتاعة حجي جابر ....الاولي واقع يتابي ان يغشاك ... والتانية خيال ينام معاك ...وفي كلا الحالتين يا لها من متعة شوف ... ريتها ما تحققت
Post: #67 Title: Re: دينا خالد في جولة سياحية بدبي مع تلاتة خوا Author: محمد على طه الملك Date: 12-28-2015, 05:58 PM Parent: #65
يا منتصر بعد ( كتاب ) أستاذنا عبد الرحمن وكلام معاوية الزبير وجات عليهم دينا أحسن نشوف لينا بلد .
Post: #68 Title: Re: دينا خالد في جولة سياحية بدبي مع تلاتة خوا Author: muntasir Date: 12-28-2015, 06:17 PM Parent: #67
ياملك كلام استاذنا عبدالرحمن فوق راسنا تاج ولا بنقدر نقول بغم وكلام دينا خلا اخانا قبة الذي في المنافي يرجحن ما باقي ليه الا الحوار لكن معاوية الزبير قال ليك كان معاه في غرفة وكان الشيطان ثالثهما لكن في دي عتقناه لكن يا بوكو حرام بنتلاقى في الرملة الدقاقة ما تقول مستر بريمةهيمسلف صرح ان الأمريكان الجدد لن يدخلوا أمريكا إلا يأككولك ا
Post: #69 Title: Re: دينا خالد في جولة سياحية بدبي مع تلاتة خوا Author: أبوبكر عباس Date: 12-28-2015, 06:36 PM Parent: #68
بعد اشادّة البروف، وعودة دومادينا؛ "من أول يناير ح أكون إنسان جديد"لا بغالط لي زوللا بشكك لي متدين (أيّ كان دينو أو دينا)لا بتدخل في السياسة ولا الرياضةوسوف أركز على الاستنارة من داخل الأدبشوف النص الأدبي صنع شنو في زمن الهوجة التراجية على المنبرصدق المثل:يصنع في زمن الفسيخ شرباتإتي يا دينا، قايلاني حفظت الأمانة وما نزلت الصور من منطلق ديني؟أبدا، حسادة مني وداير اكون متميز بالشوفة، وداير المساكين ديل أقصى ما يتمنونه يقولوا:"شفنا الشافا"ـــــــــــــــــــــــــــــهامش أول:هسع يا ملك، في رأيك، منتصر بكون نقش قوسك الحول (كتاب) دا؟!رسل ليهو بخرة خليهويراجع مداخلة البروف عليه السلامالتوقيع: الأديب المستنير
Post: #70 Title: Re: دينا خالد في جولة سياحية بدبي مع تلاتة خوا Author: أبوبكر عباس Date: 12-28-2015, 06:47 PM Parent: #69
Quote: صبارة وشوية اندياح لمن الشعوب دي تفرح ذاتو
عليك الله، يا كبر، شفت الناس دي فرحانة كيف؟المكرفون معاك:عليك الله، واحدة زي ونسة ضحى، لكن بدون بوليس
ونهديها لهاشم أحمد هاشم الحسن بتكساس
Post: #71 Title: Re: دينا خالد في جولة سياحية بدبي مع تلاتة خوا Author: أبوبكر عباس Date: 12-28-2015, 06:59 PM Parent: #70
Quote: Abdulla m hajar ياخى انت رائع .....متابع من بعيد أعجبني · رد · 20 ديسمبر، 2015 10:52 ص
Salah Eldin Ahmed · يعمل لدى Korea Business Center قلت ليها ويديني مدلدلات والأصابح مفتوحة وبحسرة مداعبة إحتجاجا على عدم الهق: نسوي شنو؟ السواها فينا إبن أبي السرح ما ظنيتها تاني تمرق بالساهل ههههههه مبالغه يا مستنير
التحية لحجار وصلاح الدين من الفيسبوك
يا صلاح الدين: يا اخي الخواجات ديل أرقّ مننا؟؟ سلام نساءهم للرجال فيهو ود شديد، موش زينا، بت خالتك تغيب عنها سنتين، وتجي تصافحها بود شديد، تتفاجأ برفع يدها لصدرها وتقول: لا أصافح الآن الرجال تسحب ودك ويدك وأنت محرج وتقول ليها بسرك: طوالي كدا، ما في فترة تجريبية؟؟
Post: #72 Title: Re: دينا خالد في جولة سياحية بدبي مع تلاتة خوا Author: أبوبكر عباس Date: 12-28-2015, 07:04 PM Parent: #71
عليكم الله شوفو قباني دا؟ تستمتع بضيوفي وتهدي ليهم وما تذكرني عليك الله أهدي لي: ضيعني ساكن الموردة لولدنا عبد العزيز المبارك ويا حبذا لو لابس قميص "تحرمني منك" لو ما لقيتها برضى بأغنية صديق متولي: أنا لي حب وطوّل في قسمك الأول
Post: #73 Title: Re: دينا خالد في جولة سياحية بدبي مع تلاتة خوا Author: علي دفع الله Date: 12-28-2015, 08:18 PM Parent: #72
شكرا رسول الاستنارة ابو بكر عباس على هذا الجمال وسط زخم تراجيديا المنبر الملفح بي حجوة ام ضببيناوتحية للمايسترو قباني لرفعه اغنية يا شبيه البدر يا اخي جميلة واللهوالتحية لكل المتداخلينوالتحية لست الجلد والراس دينا خالد ركز في ادبك واستنارتك وسيبك من السياسة عشان ما يسبق اسمك كلمة المدعو بدل المستنير --------مودة اكيدة
Post: #74 Title: Re: دينا خالد في جولة سياحية بدبي مع تلاتة خوا Author: يحي قباني Date: 12-29-2015, 05:35 AM Parent: #72
Quote: عليكم الله شوفو قباني دا؟تستمتع بضيوفي وتهدي ليهم وما تذكرنيعليك الله أهدي لي: ضيعني ساكن الموردة لولدنا عبد العزيز المبارك ويا حبذا لو لابس قميص "تحرمني منك"لو ما لقيتها برضى بأغنية صديق متولي:أنا لي حب وطوّل في قسمك الأول
ضيوفك ممتعين ما في شك ...لكن كيف ما ذكرتك يعني ؟طيب جُملة ( الفنتازيا المركبة تركيب ) دي المقصود بيها منو ؟و الله يا بكور يا صاحب ود الزبير تستاهل نهدي ليك انا بيك سعادتي مؤكده ...هي زاتها اظن عبد الرحمن الريح كاتبها في دينا خالد ... سيبك من قصة محمود عبد الكريم فردة عطا كوكو ده ...ما في زول بغنيها بالجمال ده اكتر من صاحبنا الجميل ياسر مبيوع ...
Post: #75 Title: Re: دينا خالد في جولة سياحية بدبي مع تلاتة خوا Author: يحي قباني Date: 12-29-2015, 06:16 AM Parent: #74
غيرت رأيي يا بكور ... داير اهديك دي
Post: #76 Title: Re: دينا خالد في جولة سياحية بدبي مع تلاتة خوا Author: أبوبكر عباس Date: 07-06-2016, 07:22 AM Parent: #75
كل بوست ما تميتو عندو مناسبة بنتموا فوقها. ضرب لي واحد تلفون قال لي بعد حق الله: العيد عندك بشبه شنو؟ قلت ليهو بدون تفكير: دينا خالد
Post: #77 Title: Re: دينا خالد في جولة سياحية بدبي مع تلاتة خوا Author: أبوبكر عباس Date: 07-06-2016, 07:29 AM Parent: #76
صحي يا قبّة، عبد الرحمن الريح قالها فيها، شوف: يومي الأشوفك يبقى عيد والدنيا تبقى مُعيّدة
"أسأل مُجرّب"
Post: #78 Title: Re: دينا خالد في جولة سياحية بدبي مع تلاتة خوا Author: عبداللطيف حسن علي Date: 07-07-2016, 08:11 PM Parent: #77
clonotril2
اختشي ي دينق!
Post: #79 Title: Re: دينا خالد في جولة سياحية بدبي مع تلاتة خوا Author: محمد المسلمي Date: 07-07-2016, 08:55 PM Parent: #78
Quote: فوجدت بريقا في عيون إحداهن عرفت أن جذوته من الصحراء؛ فابتسمت بمحبة ولم نتعانق كما فعل المسلمي مع المفتاح.
يامستنير بدون تعانق كتبت فاوفيت لوعانقت كما عانقت صديقي المفتاح الذي قابلته اول مرة في حياتي لكنت من كتاب المعلقات أو كنت تهيم في البر حتي الان
------- عيد مبارك يامستنير
Post: #80 Title: Re: دينا خالد في جولة سياحية بدبي مع تلاتة خوا Author: ملهم كردفان Date: 07-09-2016, 10:05 AM Parent: #79
Post: #81 Title: Re: دينا خالد في جولة سياحية بدبي مع تلاتة خوا Author: أبوبكر عباس Date: 07-09-2016, 10:26 AM Parent: #80
أقصد بالوردية الطريقة المثالية في الكتابة وأختيار المواضيع. هذا البوست الذي رفعته لتدلل على تناقض كلامي مع تعليقي هناك هو أبعد ما يكون عن الكتابة الوردية؟؟ البوست دا لا توجد به حقيقة واحدة الكتابة الوردية لا أقصد بها الكتابة الرومانسية الكتابة الوردية كتابة لها مقياس دقيق في تتجنب الغلط في الآخرين
Post: #82 Title: Re: دينا خالد في جولة سياحية بدبي مع تلاتة خوا Author: ملهم كردفان Date: 07-09-2016, 10:50 AM Parent: #81
وأنا أغلط مع الآخرين ليييه ؟؟؟ وليه أتنمر أو أتحرش بالآخرين ؟؟؟ يامافى ناس غلطت مع الآخرين وفقدوا مصداقية انهم رواد معرفة ورموز قياديه والواعى لمعنى الحوار ممكن يحاور ويناور ويتجلى فى كتاباتو عشان يصل لى هدفه من غير مايغلط (طبعاً الواعى مثقف مستنير و الوطن ده والوطن الكبير محتاجين لى كم مهول من المستنيرين الحقيقيين عشان نطلع من عثرتنا)
... والغلط من كتر ماهو بشع وسقطاتو موجعه أى إنسان سوى بيحاول يتجنبه وبالذات لمن يكون بيتعامل مع مجتمع متعدد الأمزجه والمشارب ... والورديه هى الورديه ومبروم مع مبروم مايلفش يامان ... بس النصيحه لى الله البوست ده حلو ووردى كمان
Post: #83 Title: Re: دينا خالد في جولة سياحية بدبي مع تلاتة خوا Author: امجد الجميعابى Date: 07-09-2016, 11:22 AM Parent: #82
Quote: Nabeel Ali · الخرطوم التجارية فعلا احييييييييييييييييييييييييييييييييينا ! بنات خيال الراوي قال _ لا بالله احسن بنات ابليس ههههههههههههه الاراجوز المتظارف المدعو ابو بكر _ انتا مشيت الزهرة الجديدة حيلك كان صورة بنابر فاضية وتربيزة فيها فناجين قهوة وفشار هههههههه والصورة التانية انتا قاعد برااااااااك في البنبرين هههههههه انتا طبعا زي باقي الوهم مخموم بي صورة الممثلة الهندية ههههههه عالم طير أعجبني · رد · 20 ديسمبر، 2015 10:54 مساءً
Nabeel Ali · الخرطوم التجارية بسمات البريئة بعد الاراجوز المتظارف المدعو ابو بكر قال إنتهي النص الأدبي وسوف أعود للمتداخلين _ مسكينة منتظرة الصور ههههههه ود البشري الحريف قفل البوست تماما بي مداخلة وااااحدة ثم اتي القشاشين وفي رواية منتصر المجاملين لياخذو بيد الاراجوز هههههه
أعجبني · رد · 23 ديسمبر، 2015 02:15 مساءً
Nabeel Ali · الخرطوم التجارية منتصر قال _ يا مشرف جامل في أي زول الا تلاته دكين وعماد وعثمان محمد صالح قال قربت قال المتظارف الاراجوز قال _ مولانا الملك دا قاصد شنو بتعب ابن ابي السرح؟ ملاحظات _ من حسن حظك يا ايها المدعو ابو بكر هؤلاء الادباء دكين وعماد وعثمان ومولاك الملك وكذلك البروف عبد الرحمن واخرين طلعو من احفاد ترهاقا وبااان خي ههههه ولا عزاء لابن ابي صديق سرحان ههههههه فهمت مولاك الملك قاصد شنو ها ها ها ها ها ها خخخخخ أعجبني · رد · 29 ديسمبر، 2015 11:27 ص