|
Re: بص شوف سمبرهم وسمبرنا ..................... (Re: عبد المنعم موسى)
|
عبدالمنعم اخوي سلام عليك عاين جاي كندا البعيدة ديك ما عارف عنها حاجة لكن في سعودية الله والرسول دي احكي ليك الحكاية دي واحد انصاري سنة جاي مغترب جديد لنج ودخل بيت العزابة لقى ليك البيت ملااااان فل حدو باب الشبك ( باب الشبك دا باب اللوري الورا ) كناية عن المليان اها تجاذب اطراف الحديث مع الجماعة عن الشغل والمستقبل وماهي اهدافهم وعرف انه هناك أناس منذ فترة طويلة قاعدين ساااااهي لا شغل لا مشغلة ما لاقين شغل قام قاليهم غايتو انا جاي مغترب لمدة سنتين بس وجاي لهدف معين اتم بيتي البديتو في السودان وخلاص واحد من اعمامك الكبار منبطح هناك في اخر زاوية في الصالون عدل من جلسته وجر لياقة العراقي وجبد جردل الزبالة ثم بصق سفته وقال له سنتين ؟ سنتين ؟ وتتم بيتك ؟ على الطلاق سنتين جلابتك القصيرة دي ما تمها وغفل راجعا والدقة دي قبل على الحيطة وتمتم بكلمات غير مفهومة ونادى ود اخوهو ياسر طالبا منه ان يطفي اللمبة الفوق راسو دي . . في السودان كان معانا موظف من شمال البلاد وشغال معانا في الجزيرة كان موظف صغير وكنت انا المراقب وبستاذن كتير عشان اسافر اهلو ولاحظت انو قبل ان يطلب الاذن بتنحنح فسالته لماذا دايما عندما تجي تستاذن بتتنحنح قالي انا عادة لمن اجي أتكلم في موضوع خطير بتنحنح والحكاية دي نفسيات قديمة كانت عندنا سنبرية فوق راس بيتنا ففكرت مرة اقبضا وطلعت بالليل براحة ولمن قربت اقبض كراعا قمت اتنحنحت وطارت السنبرية وتركة لي حسرة صارت تلازمني كلما اردت ان أتكلم في موضوع جلل طوالي بتنحنح قال سنبريتنا ما ذكية قال اها طارت
وهذا مع التحية مرفق طيها
|
|
![Edit](https://sudaneseonline.com/db/icon_edit.gif)
|
|
|
|
|
العنوان |
الكاتب |
Date |
بص شوف سمبرهم وسمبرنا ..................... | عبد المنعم موسى | 12-15-15, 04:19 AM |
Re: بص شوف سمبرهم وسمبرنا ..................... | almulaomar | 12-16-15, 08:04 AM |
Re: بص شوف سمبرهم وسمبرنا ..................... | عبد المنعم موسى | 12-28-15, 04:30 AM |
Re: بص شوف سمبرهم وسمبرنا ..................... | عبد المنعم موسى | 01-03-16, 06:10 AM |
Re: بص شوف سمبرهم وسمبرنا ..................... | عبد المنعم موسى | 01-09-16, 04:25 AM |
Re: بص شوف سمبرهم وسمبرنا ..................... | عبد المنعم موسى | 01-11-16, 01:47 AM |
Re: بص شوف سمبرهم وسمبرنا ..................... | عبد المنعم موسى | 01-13-16, 06:03 AM |
Re: بص شوف سمبرهم وسمبرنا ..................... | عبدالله ود البوش | 01-13-16, 08:40 AM |
Re: بص شوف سمبرهم وسمبرنا ..................... | عبد المنعم موسى | 01-18-16, 00:54 AM |
Re: بص شوف سمبرهم وسمبرنا ..................... | عبد المنعم موسى | 01-31-16, 09:42 PM |
Re: بص شوف سمبرهم وسمبرنا ..................... | عبد المنعم موسى | 02-02-16, 05:13 AM |
Re: بص شوف سمبرهم وسمبرنا ..................... | عبد المنعم موسى | 02-06-16, 05:24 AM |
Re: بص شوف سمبرهم وسمبرنا ..................... | عبد المنعم موسى | 02-15-16, 05:32 AM |
Re: بص شوف سمبرهم وسمبرنا ..................... | آدم صيام | 02-15-16, 03:41 PM |
Re: بص شوف سمبرهم وسمبرنا ..................... | عبد المنعم موسى | 02-17-16, 05:12 AM |
Re: بص شوف سمبرهم وسمبرنا ..................... | عبد المنعم موسى | 02-27-16, 05:37 AM |
|
|
|