ول ابا عبد الله شمو..حبابك يا صديقيمرحب بيك..معليش يا دكتور ، نحن هنا في سودانيز اونلاين طوالي بنعمل البساط احمدي..فشنو..اعذرنا يا صديق ، وتظل المقامات محفوظة ، لك ولتجربتك ودراستك ومحاولاتك عبر الميديا المرئية في امسودان في تطوير الأشياء ، والأهم.. تجربتك في التلحين والتوزيع..وهي تجربة ، لو كان في امسودان نقد موسيقي حقيقي لتوقف عندها كثيرا..لكن نسوي شنو .. العين طوالي بصيرة والأيد قصيرة يااااااااخ..مرحب بيك في سودانيز اونلاين.. ومن الطرايف يا عبد الله ، لحظة تسجيلك كعضو في هذا المنبر ، انا كنت في رحلة الى امسودان ، يعني زي شهر تقريبا ، وشاهدت فيها العجايب ، وحاولت توثيقها في خيط في هذا المنبر ، رايح مني ، وذكرت فيهو مشاهدتي لبرنامج (قصور النغم) لدكتور عبد الله شمو ، وكتبت تقاطع صغير و ناوي افتشو و ارفقو في خيطك الآخر (ظواهر غريبة).. بغية ادارة نقاش/حوار..عنو..وادهشني استغرابك من تلك الظواهر التي تسميها غريبة وعجيبة..طبعا ، يا صديقي ، تعجبني كثير مقطوعة (صبابة) واراجعها في اوقاتي الخاصة ، وكنت ارغب في ارفاقها هنا ، احتفاءا بحضورك في هذا المنبر المقروء ، ولكني تجاوزتها ، فاهل امسودان يا صاحب ياهم ذاتهم اهل امسودان ، سواءا كانوا في الداخل او في الخارج ، دايما عندهم مداخلهم/مفاتيحهم الخاصة..هل هذه خيانة للأصيل الجميل؟.. مندري على قول استاذنا وصديقنا دكتور حسن موسى..!بعد اذنك نضيف غنية (محتوى)..ودي مش عشانك يا عبد الله ، لكن عشان ناس المنبر..وهم مرات عندهم روحة/توهان كده يحيرك..و ما تستغرب ممكن عادي يجيك واحد ولا واحدة ويقول ليك يطرشني..!!..وعشان الناس ما تطرش ساكت.. يا ناس سودانيز اونلاين هوي..نهديكم الموسيقار السوداني ، دكتور عبد الله شمو..في واحد من الحانو وتوزيعو..!كبر
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Kabar
فيس بوك
تويتر
انستقرام
يوتيوب
بنتيريست