ويغني ليك...... الموصلي ( أو عندما يرتقي الفنان بجمهوره )

Quote: شوف شرحو المبني على سوء المعرفة و القوقلة غير المؤسسةلكلمة أو مصطلح بوليفوني وشرحو يعني انو طالما الالات متعددة ومتنوعة وتعزف مع بعض ده اسمو بلفوني انا أساعدو يفهم وتاني مايجيب سيرة بلفوني تعدد الالات لايعني بلفوني كانت كل هذه الالات تعزف لحنا واحدا

ود الشريف رايو كمل

يعني يا يوسف لو ما كنا مرينا بالتجربة دي عملي كنت حتشرح لينا شنو زيادة وتغلطنا كمان زندية ساكت من نحن أطفال وبنشوف المارشات العسكرية إيقاعات وساكسفونات وتوبا وكلارنيت ولما البلوك يمر قدامنا مع كل مجموعة آلات تمر قدامنا كنا بنسمعهم يعزفوا لحن مختلف، يعني يمروا بتاعين الكلارنيت نسمعهم يعزفوا أجزاء متقطعة من العمل وبعدهم ناس الساكس نفس الشي وفي النهائية الجماعة الوراء بتاعين الترومبونات والتوبا كنا بنسمعهم بيعملوا أصوات كدة ما ليها علاقة بالنسبة لينا الوكت داك، لكن في النهاية بنسمع العمل الجماعي بتاعهم موسيقى منظمة ولحن جميل اسمو ود الشريف رايو كمل. دلوقتي بتدخل شرط وحدة اللحن وبتقول (كانت كل هذه الالات تعزف لحنا واحدا) عشان تضيف مونوفوني؟ عايز تطلعني ما عارف البوليفوني بإضافة المونوفوني يا يوسف؟ طيب بالمرة ضيف لينا الهوموفوني والبايفوني والهيتيروفوني عشان تطلعني أمي كلو كلو _____ توجد أسئلة حاسمة تحتاج للإجابة، خارجنا