|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
من أجمل الرسائل التي وصلتني أيام كان بوست الشعبية في قمة حيويته ، الرسالة من الخ المستشار القانوني الدفعة حسين عبد الحليم صاحب القلم المتميز:
Quote: الأخوة الكرام اليوم لميت فى الأخ كمال الزبير وضيقت عليه الخناق وأدخلته البوست ليقرأ مساهماتكم الشعباوية وأعجب بها جدا وضحكنا سويا من كتابات منير وعادل الساخرة. وقد انتزعت من كمال وعدا بالمشاركة بقلمه الرشيق وسخريته المحببة . وكمال الزبير بالمناسبة اشتغل فى الصحافة رسميا وله تجربة صحفية مقدرة , يعنى كاتب محترف مش زينا كدة جربندية ساى ! وأقول مبروك الماستر للأخ محمد عبد المطلب , والى مزيد من النجاحات وعقبال الدكتوراه. وأرجو أن اوضح فى مداخلة سريعة شيئا حول عبارة "أولاد اللاجات" , ويبدو أنها جمع لاجة ( بتفخيم اللام ) , وهم أولاد المصارين البيض . وأعتقد أنها واردة فى قاموس لغة الرندوق , وهى لغة أخترعها خيال أولاد بحرى الخصب . وفى هذا الخصوص يلاحظ أن لكل منطقة جغرافية أو مهنة أو طائفة من الناس مصطلحاتهم ولغتهم الخاصة التى يبتدعونها لتعبر عن شئونهم وشجونهم , وهذا مجال لدراسات متخصصة فى علم اللغة الاجتماعى نتركه للمتخصصين. ويا حاج حمد شايف البوست بدأ يتضخم وستكثر المشاركات بدخول فرسان جدد , أنا خايفك بعد شوية تعمل ليك موقع عديل وتسميهو الشعبية دوت كوم. تحياتى للجميع. حسين عبد الحليم
|
| |
![Yahoo](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
الحاج حمد ,,,, ياسلام عليك ياخي ,,,, إنت زول أصيل ,,,
إنت و العيال إنشاءالله طيبين ,,,,,,
يا الله ,,,, الشعبية ,,,, الناس ,,, الحجر ,,,, الشوارع ,,, السوق ,,,
ميدان الفلاح (الكتيبة , الرابطة , الهدف) هسي إسمو شنو؟ , بيهنك ميدان الصداقة ,,,,,, كتير السلام لصاحبي مكي حمد الحاج (وين الزول دا)
حلة الصديق و اسامي كتيرة كدا ,,,,, المؤسسة و السيسي (الباسطة و الحليب و الفول المصلح) ,,,,, أسامي و شخوص عالقة في الزاكرة ,,,,,
أستاذ عطاالله , الجقدلي (عادل علي صالح زميل المنبر أخوهو؟) , المرحوم حسن صالح , يوسف المفك ,,,,, قهوة علي غلطان (مش إسمو كدا)
حلة الشعلة ,,,, يسن و محمد ,,, علي صالح ,,,, نجوم الصداقة جحر و علي سيودة ,,,, بي هناك دفع السيد جيب الله (منقستو) ,,,, العم و الخال حسن المدير
أولاد عبدو الماحي و بشري ,,, كمال و أحمد نورالدايم ,,, أنقي و سمير جورج ,,,,, عبدالعزيز , عوض الغول , عادل و عماد أولاد محمد فضل الله,,,,
بجرب في الهارد ديسك داير أشوفو شغال ولا نعمل ليهو مسح نهائي ,,,, للحديث بقية منو نونسك و منها نرفع البوست
تحياتي و إحترامي
| |
![Edit](https://sudaneseonline.com/db/icon_edit.gif)
|
|
|
|
|
|
Re: الشعبية نجمة تزين سماء مدينة الخرطوم بحري (Re: Salah Zubeir)
|
الأخ العزيز صلاح الزبير
تحياتي لك و عبرك للاسرة الكريمة الصغيرة و الكبيرة..التحيات لأولاد عمنا المرحوم الزبير التوم ميسره و صلاح و كمال و عمر ..التحية لأسرة ساهمت في العمل الاجتماعي و الثقافي و الرياضي بالشعبية و كانت لها مساهمات واضحة و لكن مع ظروف الوطن انتشر افرادها الكرام في عدد من دول العالم و كذلك الكثير جدا من اولاد و بنات الشعبية تشتتوا و بقيت لنا ذكريات جميلة و تبقى لنا اهل و اخوة كرام مرابطون هناك نشاركهم بقلوبنا و هذا اضعف الايمان.
سأعود لأسماء و اماكن ذكرتها و ما شاء الله الهارد دسك شغال كويس و للحديث و الونسة بقية كما ذكرت.
| |
![Yahoo](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
Quote: سلامات ياجماعة .. البوست ده حلقوا ليهو واللّا شنو؟؟ ..:)
وينها باقى المداخلات .. ؟
وتحية معطرة للأخ صلاح الزبير .. وإن شاء الله يقوم بالبوست سدارى زى عماد الفانتوم زمن اللياقة العالية .. |
الأخ العزيز منير سلامات و كيفكم (طبعا زمان بنقول ليكم كيفكم مع الغربة بعد دا ح نقول ليك كيفكم مع الهجرة هههههههه) و طبعا عمك الدنقلاوي قال لي شاب وصل السعودية لنج و كان زهجان من ايام الغربة الاولى..عمك قال ليهو : اصلو العشرة سنة الاولى دي كده..هسع نحن بقينا نقول للناس ال 15 سنة الاولى دي كده ههههههههههههه
الاخ صلاح الزبير مخزن ذكريات للجيل القبلنا طوالي (طبعا دي مريحة ما دام في ناس قبلنا)..دي ذكرتني واحد مستهبل جاء داخل جمعية الرباطاب بي جدة و لقى ليك شلة من الجلاكين قاعدين قال ليهم: السلااام عليكم يا شباب الجماعة ردوا بي صوت عااالي و عليكم السلام..قعد يضحك قال ليهم يا شباب دي ريحتكم و الله شنو رديتوا بي مزاااج كده..صلاح الزبير مخزن ذكريات و اذا جاد سيحرك البوست كثيرا و خاصة له ذكريات ايام الرابطة لفريق الهدف و لي حلة الهدف و الشعلة و المارد قبل ان ينتقل به معاوية عيبي للضفة الخرى من الشارع.
| |
![Yahoo](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
آآآ .. صاح ياالحاج .. الظاهر الكُبُر دخل العضم .. هههه .. أنا جيت داخل توش على صفجة نمرة ٢.. وكمان قال داير يلقى مداخلات الصفحة الأولى فى الصفحة التانية !! غايتو جنس بلادة .. أوع تكلموا زوول .. هههه ..
لكين أعذرونى إنا كان فى راسى إنو البوست ماشى ببطء ولسه فى أول صفحة، وماكنت قايل الزمن غدّار ..
| |
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
Quote: آآآ .. صاح ياالحاج .. الظاهر الكُبُر دخل العضم .. هههه |
يا منير بما اننا دفعة بالله سيرة الكبر دي ما تجيبها خالص هههههههههههههههه لما قابلت أحمد علي خالد و لقيتو كان عامل عميد قلت ليهو شوف يا احمد نحن اصحاب لكن اوع تقول نحن دفعة..ياخي عميد دي حاجة كبيرة خلاصهههههههههههه
| |
![Yahoo](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
منير ,,,,,, كيف أحوالك
إنت يا الحاج منير دا يخيل لي ساكنين في جهة ناس كمال نورالدايم ,,, صاح؟
خلونا نوثق شوية لي تمرين الكتيبة ,,,,, تمرين الكتيبة يقام عصرية كلو جمعة ,,,, يتنادي إليه صفوة لعيبة الشعبية سواء في فرق الرابطةأو لعيبة إسجلت في فرق درجة أولي و تانية كدي أنشوف بذكر قدر شنو (يوسف المفك - سامي إبراهيم (التحرير) منقستو - شكوكو - المرحوم عزالدين الصبابي (الموردة) المرحوم شيخ إدريس كباشي (الهلال) جحر - علي سيودة - هاشم طيارة - (مسجلين لكن ما متذكر فرقهم) زكريا - صلاح (أنا) - ناجي - (جناح ليفت لعب في الصداقة) - المرحوم كباشي (الأملاك) عبدالعزيز و عادل و عوض (فضل الله) (ما متذكر) أحمد سليمان - علي مصطفي و أخوهو أب طرطور ,,,,, اللعيبة المحليين (هههه) ناس عثمان بانقا - جقدلي - عطاالله (ديل الإتذكرناهم) كان إسمو تمرين لكنه كان مبارة حقيقية في فنون كرة القدم ,,, كان التشويق الإثارة و التحدي عناوين رئيسية لتمرين الكتيبة كل جمعة ,,,, كان التمرين عندو جمهور و شعبية تفوق الوصف ,,,,, أيام ,,,,, للحديث بقية
(عدل بواسطة Salah Zubeir on 02-25-2016, 08:42 PM)
| |
![Edit](https://sudaneseonline.com/db/icon_edit.gif)
|
|
|
|
|
|
Re: الشعبية نجمة تزين سماء مدينة الخرطوم بحري (Re: Salah Zubeir)
|
Quote: منير ,,,,,, كيف أحوالك
إنت يا الحاج منير دا يخيل لي ساكنين في جهة ناس كمال نورالدايم ,,, صاح؟ |
الأخ صلاح الزبير مرحبا بك و ان تعود بأجمل الذكريات عن تمرين الكتيبة و تمرين الكتيبة دا كان حدث متجدد كل جمعة..برجع ليهو معاك تاني
بالفعل الأخ الدكتور منير عبد الرحيم عبد الله (دفعة ) ساكن في بيوت الد48 بيت و بينهم و بين ناس كمال نور الدائم شويرع صغير و بيت واحد يعني يكاد يكونوا جيران هيتة بالهيتة و منير من المتابعين لي تمارين العصريات و بي مزاج.
| |
![Yahoo](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
Munir
أحب الأسفار و الترحال ، و التسكع عبر المطارات ، بلاد لم يكن في الخاطر يوماً أن أزورها ، حتي دعاء الأسفار ، لم يكن في الخاطر أن أردده ، شعوب وقبائل و عادات و لغات ، و بهرجة وسرور ، و حبور ، يتجدد الهواء الطلق بالترحال ، و أذكر يوماً ونحن في مرحلة الثانوية العامة ، مدرسة الأميرية 2 بحري ، كان أستاذ الجغرافياالأستاذ عطا ، عندما يدخل الفصل و يجده في قمة الهرجلة والشغب ، لا يعاقبنا بالجلد أوالألفاظ القاسية علي القلب ، بل ، يطلب من الجميع ان يفتح الأطلس ، ويسافر مجاناً عبر الدول و المدن ، ونحن جالسين في الفصل ، نسافر من غير تذاكر و لا تاشيرات ، نزور المدن و المطارات و الصحاري الغفار ، الأستاذ عطا أراد أن يصنع منا أبناء لبطوطة ، لم أعلم أن تلك الأسفار علي الأطلس ، سوف تكون واقعاً ملموساً ذات يوم ، سبحان الله أشواقي ، ،،،،
عزالدين عباس الفحل ابوظبي
| |
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
Quote:
صديقى العزيز عزالدين .. فعلاً أنا كنت أجد متعة شديدة فى قراءة الأطلس ، وتفتيش المدن الصغيرة فى أركان العالم .. وتعجبنى خريطة العالم الطبيعية بألوانها فأتأمل الجبال والوديان وخاصة تلوين المناطق الجبلية باللون البنى الغامق وكانت جبال الهملايا والإنديز هى الأغمق .. أما الخريطة السياسية فكانت متعتها فى التعريف بأسماء المدن عبر القارات والتى تعكس مسحة من لغة البلد فتستطعم نغمة الإسم الألمانى من الأسبانى من العربى من الصينى من الشيلى .. إلخ .. هسه طبعاً قوقل ما قصّر يسوقك محل ما تحب ويفسحك كدارى كمان .. أما اليوتيوب كمان بحر لاسواحل له .. أسه أنا من يوم فتحت البوست بقيت على سفر ..
وتفضل هذا المقتبس من أحد المنتديات ..
نسمع دوماً جملة شهيرة وهي "للسفر سبع فوائد " ولكن لا نعلم ما هم السبع فوائد للسفر، لهذا جمعنا في هذه المقالة فوائد السفر كما قالها الإمام الشافعي لتكون تنويراً للذي لا يعلمهم.
1- تفريج الهموم : فإن للسفر فسحة للنفس فمجرد السفر إلى أماكن جديدة أو مستحبة يريح النفس ويساعدها على تخطي الهموم فتغيير الوجوده من حولنا يساهم في إراحة النفس.
2- طلب الرزق : قال الله عز وجل (هو الذي جعل لكم الأرض ذلولاً فامشوا في مناكبها وكلوا من رزقه وإليه النشور) هذه دعوة من الله لمن لم يجد رزقه في بلده أن يسعى ليجد رزقه.
3- طلب العلم النافع: هذا ما فعله معظم النيين والصالحين طلب العلم فقد قال رسول الله صلى الله عليه وسلم : " من سلم طريقاً يلتمس فسه علماً سهل الله له به طريقاً إلى الجنة".
4-تحصيل الآداب : يجعل الإنسان يتعرف على العادات والتقاليد والأخلاق للبلاد الأخرى ويقتبس منها، كما أنه سمي فإن السفر سمي سفراً لأنه يُسفر أي يظهر أخلاق الناس.
5- صحبة كرام الناس : فإن السفر يُوجد للإنسان الفرصة بصحبة الأخيارومخالطة أهل الضيافة والكرم.
6- إستجابة الدعاء: كما ثبت عن النبي صلى الله عليه وسلم أنه قال: (ثلاث دعوات مستجابات لا شك فيهنَّ: دعوة المظلوم، ودعوة الوالد لولده، ودعوة المسافر) لهذا فعليك أيها المسافر الإكثار من الدعاء .
7- الخبرة في الناس : يهيىء السفر للإنسان الخبرة اللزمة لمعرفة معادن وأصول الناس ومعرفة
02-27-2016, 02:07 PM
Munir
|
http://أسفار القطار وسحر الطبيعة .. مناظر بديعة ! .. http://أسفار القطار وسحر الطبيعة .. مناظر بديعة ! ..
http://sudaneseonline.com/board/490/msg/%d8%a3%d8%b3%d9%81%d8%a7%d8%b1-%d8%a7%d9%84%d9%82%d8%b7%d8%a7%d8%b1-%d9%88%d8%b3%d8%ad%d8%b1-%d8%a7%...1-..-1456075480.html
عزالدين عباس الفحل ابوظبي
| |
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
Quote: المؤسسة و السيسي (الباسطة و الحليب و الفول المصلح |
منير ضحكت لربطك بين السيسي..و السيسيهات الظهروا..زي ما بيقول كضلو واحد يضقل بي مصر و واحد يضقل بي دارفور ههههههههههههههههه
اكثر زول كان يستخدم مصطلح السيسي هو عبد المنعم (جيمس) و كان مهتم جدا باللياقة و السيسي حتى مرة واحد قال ليهو يا عبد المنعم انت مالك ما عرست..قال ليهو يا زول اعرس شنو!! تقوم تعرس الاولاد يجوا ياكلوا السيسي كلوو ..احسن لينا كده هههههههههههههههه
| |
![Yahoo](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
صلاح الزبير هاج به الشوق للشعبية..كتب:
Quote: يا الله ,,,, الشعبية ,,,, الناس ,,, الحجر ,,,, الشوارع ,,, السوق ,,, |
و الرد بالصور..سوق الشعبية
![DSC00252.JPG Hosting at Sudaneseonline.com](http://www.sudaneseonline.com/uploadpic15/sep/DSC00252.JPG)
![DSC00244.JPG Hosting at Sudaneseonline.com](http://www.sudaneseonline.com/uploadpic15/sep/DSC00244.JPG)
![DSC00189.JPG Hosting at Sudaneseonline.com](http://www.sudaneseonline.com/uploadpic15/sep/DSC00189.JPG)
| |
![Yahoo](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
Quote: عزالدين عباس الفحل ابوظبي |
ودالفحل ,,,,, حبابك أولا" أخوك ربنا يديهو تمام الصحة و العافية ,,, ثانيا" حلتكم وين في الشعبية ثالثا" عندنا ناس كتيرة إسمهم بينتهي بالفحل ,,, قبيلة كاملة (السعداب) بالجريف غرب البسابير ,,, عندك علاقة بيهم؟ رابعا" أنا موجود في أبوظبي - الرويس يياريت يتم التواصل بينا ,,,,,,,,, تحياتي.
Quote: زي ما بيقول كضلو واحد يضقل بي مصر و واحد يضقل بي دارفور |
الحاج ,,,,, هههههههههه ,,, ياخي هو جنس ضقيل ,,,,, كضلو بالغ ,,,,,
يا منير علي حسب وصف الحاج إذا إنتو تاني بيت علي اليمين بعد ما تدخل الشارع ,,, بيت كضلو التالت ,,,, يعني الهيته بالهيته إنت عارف كم و تلاتين سنة أنا ما مشيت حلتكم دي ,,,, محمد حافظ حسن صالح ,,,,,, ألف مبروك و بيت مال وعيال و موفق بإذن الله ,,,,,
| |
![Edit](https://sudaneseonline.com/db/icon_edit.gif)
|
|
|
|
|
|
Re: الشعبية نجمة تزين سماء مدينة الخرطوم بحري (Re: Salah Zubeir)
|
ياالحاج ياخى وين رواد البوست من الجزء الأول؟ .. الناس فرتقت عديل .. الله يرحم أخواننا أحمد قرجة والزين حسن .. الدنيا فرّاقة والله .. شمس الدين ساتى عامل نايم .. عبدون إختفى مرة واحدة .. عادل عثمان شطّب من المنبر رسمى .. عماد الفانتوم شتت .. الشيخ سيداحمد توارى من الأنظار .. بدرالدين إسحق غادر المكان .. وعيييك .. كدى خلونى أحاول أغطس فى القديم وأجى ..
| |
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
صديقنا وزميلنا العزيز معاوية محمدالحسن ..![](http://www.sudaneseonline.com/uploadpic/Feb09upload/m38.jpg)
تاريخ التسجيل: 03-22-2008 مجموع المشاركات: 1581 نجيب ليكم المداخلة دى بتاريخ 04-01-2008, 07:50 PM وهو هنا يخاطب الحاج بالعضو الجديد بعدما الحاج غيّر الإسم من القديم hajhamad وبقى بالجديد يساوى الحاج حمد الحاج .. :)
Quote: الاخ العضو الجديدالحاج حمد تحية طيبة زي مارحبت بي انا برضو بقو أقول ليك مرحب بك ياالحاج عضو جديدفى المنبر واللة شرفت المنبر ياالحاج وواصل معانا باللة فى بوست الشعبية دي الفتحو واحد اخونا زمان اسمه حاج حمد اللة يطراهو بالخير . ياسلام عليكم ياحاج انت ومنير ذكرتونا بكارم كزام ومامون ،وكارم ده بالذات كان صديقى وكان يجلس خلفى مباشرة ومعذبني بدفر الكرسي برجله وكان استاذالرياضيات عبد الحميد الكندي معذبنا بالأسئلة وكل مايكتب مسألة فى السبورة واراد أختيار واحد لحلها يقول ايوة يامعاوية ولو ماقدرت طوالي يقول ايوة ياكارم يعني كان فاضحنا فى الفصل وطوالي كارم كان يتذكر ذلك وكل مايقابلني يقول لى بطريقة الكندي ايوة يامعاوية ومن طرائف كارم فى حصة الادب الانجليزي يكون ماسك كتاب غير الذي يقرأ منه الأستاذ وعندما يسمع صوت قلب الصفحات يقول لي يامعاوية الناس قلبوا ،وأخر مرة قابلتوا فى الدوحة فقد جاء لزيارة عمل قبل عدة أعوام وكان يجلس بجواره المصيبة الثاني اخونا عبد اللة سعيد وهو من الزومة يامنير وكان شخص مضحك جداًواتذكر مرة جاءنا أستاذتربية اسلامية من المولانات يرتدي جلابية وقفطان وبمجرد دخوله قال السلام عليكم ورد عبد اللة سعيد وعليكم السلام ياعم مختار وكدنا ان نموت من الضحك وماعارف يامنير وصلتكم النكتة دى قدام أم لا ،وكان يجلس بجواري طيلة سنوات الثانوي العام صديقي الفاتح بشير مدني فقد جئنا معاً من مدرسة المزاد وكان ايضاً نجلس بجوار بعض من الفصل الرابع وهو الأن موظف كبير ببنك البركة فى السودان وتحياتي من على البعد له ولكارم ومامون وعبد اللة سعيد بهولندا |
| |
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
انا لله وانا اليه راجعون فجعني خبر وفاة د الزين ربنا يرحمو ويغفر ليهو ويسكنو فسيح الجنان ولا حول ولا قوة الا بالله العلي العظيم ------------------------ مرحب حجوج وعودا حميدا ومرحب بالمنضمين الجدد ---------------------- في اسماء اختفت من البورد تماما زي عبدون محمد عبدون وعزام ودا غالبا بكون موقوف لسوء السلوك ههههه ------------------------- اما انا ظروف عملي الجديد بكون لشهور بعيد عن الشبكة والكهربا والتكنلوجيا عموما
| |
![Yahoo](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
السلام عليكم جميعاشكرا دكتور منير على السؤال.. تعرف أنا بحب أقرأ فقط زكنت متابع من البداية وعلقت مرة واحدة ومتابع أيضا فيصل خليل فى الفيس بوك... أقول ليكم خبر جديد عشان نعقد ليكم الحاج أكتر أنا بقيت جد يوم 26-01-2015 بس زى الحاج كنت داسيها والحفيد أبوهو من شوايقة البسابير ..وبيقرب كتير لى صاحبى صلاح الزبير وإسمه أحمد عبد الكريم عوض الله أحمد طه وسمى المولود على إسم أبوهو المرحوم.. وحسن المدير خالو فى الحسبة... أها يالحاج أدينا رأيك وسلام كتير لى وهبة
| |
![Edit](https://sudaneseonline.com/db/icon_edit.gif)
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
ياسلام الأحباب ظهروا .. والله ياعبدالوهاب مشتاقين .. ياخى ماشاء الله ربنا يوفقك شايفك قلت بقيت زول خلا .. بقيت من ناس الدهب؟؟ .. شمس الدين ألف مبروك ويتربى فى عزكم .. ياخوى الزمن ده جرّاى خلاس .. تدخل بى جاى تمرق بى جاى تلقى السنين راحت يكلمة عمو وجدو متحمداك .. الله يديكم الصحة وطول العمر فى العمل الصالح .. طبعاً بصفحة عاوزين الشهر يمر سريع عشان الماهية ، لكين بالصفحة التانية تلقى عداد العمر نقص .. ويش نسوى نحن ؟ :) .. والله ياالحاج مشيت للأرشيف لقيته غريق شديد والجو كان مسخّن والمشاركات هبطرش .. لكين زى ماقلنا الدنيا فرّاقة .. بعدين مشاركات الأسافير دى تحكمها الظروف والمزاج .. ناس تجى وناس تمشى .. صلاح الزبير غايتو دماء شبابية حارة :) .. وبالله ياجماعة خلو البوست يكون لرفع المعنويات وحقو نخلى حكاية جدو وخالو وعمو دى ، نقوم نشرد نخلى ليكم المنبر كمان .. :) .. إتفقنا ياشباب ؟؟ .. ياالحاج حاسب ما يقوم الشاب شمس الدين يطش تانى .. :)
| |
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
منير إزيك ,,,,,, ياخي دي بكرة الكهنوت دا حا ينزلا في الراية القطرية ,,,, إنتا عارف شمش الدين إزوج بعد ما عنس ,,,, و هسع بقي جد ,,,, يعني خشمو عدم السن ,,, Quote: والحفيد أبوهو من شوايقة البسابير .. |
ياخي ديل شوايقة مركبين مكنات جعليين بحكم ثقافة المنطقة ,,, عادي جدا" الناس تتباطن (تنجلد لغير الناطقين بها) أبقي راكز ساي يا مهسي يا بتاع التركين ,,, شمش الدين إزيك ياخي ,,,
Quote: اووووووووووو وهبة شخصيا..قربت أقول ليك وييينك يا خال..الناس الكبار يقولوا لي وهبة \ يا خال و يا عم لما عقدونا نحن زاتو..مع انو وهبة دا لسع شباب و رياضة نورت البوست يا وهبة و مشتاقين كتير |
مرحب بالنجم وهبه ,,, ياخي نجم دي متأكد منها بشكل ,,, ياخي أنا مباريك من زمن بيضقل بي التكاسي بتاع أمريكا ,,,, وعلي ما أظن إنت أول واحد صنفو رمادي في المنبر ,,, الحاج أوع تقول لي وهبه الأنا شوفتو (في الصور بس) دفعتك ,,, الجماعة بكتبو في الكروت بتاعت حنة أخوي الكبير (ميسرة) ,,, جيت ماري , نادوني سألوني من ناسي منو ,,,,, الوالدة الله يرحمها و يغفر ليها راقده بالجمبة ,,, قمت قتا ليهم أكتبو :- الجقدلي , كضلو , أنقي , الغول , منقستو, المفك ,,,, أكان تسمع الحاجة :- يا ولدي دي أسامي ناس ولا إسبيرات عربية ,,,,, ربنا يرحمها تحياتي
| |
![Edit](https://sudaneseonline.com/db/icon_edit.gif)
|
|
|
|
|
|
Re: الشعبية نجمة تزين سماء مدينة الخرطوم بحري (Re: Salah Zubeir)
|
Quote: يا الله ,,,, الشعبية ,,,, الناس ,,, الحجر ,,,, الشوارع ,,, السوق ,,,و الرد بالصور..سوق الشعبية |
إنت عارف يا الحاج صورك دي قعدت أعاين فيها و أنا مكوع جنب اللاب توب ,,,,, بديت بي صاحبي بتاع القهوة الماشفتو من ما بديت إغتراب ,,, واللهي صاحبي شديد ,,, حاولت أذكر إسمو غلبني ,,, مخ و إتلحس ,,,, سمير جورج شفتو في عزاء الوالده سبتمبر الماضي ,,,, وأنا في كويعتي و بعاين للزول أب عراقي و سروال الفي نص السوق ,,, لقيتني ليك ماشي معاهو لامن دخلت دكان عمك (المرحوم) بشير ,,,,, وطاف بالخاطر شاعرنا الكبير الدكتور مبارك بشير ,,, شفتا مبارك دا بكل تفوقه الأكاديمي و الإجتماعي ,,,, أحيانا" كثيرة بكون واقف في الدكان يساعد والده وهو في قمة شهرته أيام ود اللمين غني رائعته (عويناتك) ,,, و قمت خشيت ليك في كمية بتاعت شواكيش الواحد أخدم في حنانو تلك الأيام ,,,,,,
| أقول ليها عويناتك ترع لولي وبحار ياقوتْ... مناحات ريد حزاينيه بغازل فيها مأساتي... وفي شرف العبور ليها بموت وأكسر شراعاتي... |
(عدل بواسطة Salah Zubeir on 03-05-2016, 11:46 AM) (عدل بواسطة Salah Zubeir on 03-05-2016, 12:07 PM)
| |
![Edit](https://sudaneseonline.com/db/icon_edit.gif)
|
|
|
|