الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: الشعبية نجمة تزين سماء مدينة الخرطوم بحري (Re: عزالدين عباس الفحل)
|
مرحباً بك أخي الحاج! ومرحباً ببوست الشعبية نجمة مرة أخرى في فضاء سودانيز أونلاين! ورحم الله من افتقدناهم من آبائنا وأمهاتنا وإخواننا، اللهم اغفر لهم وارحمهم واسكب على قبورهم شآبيب الرحمة والرضوان!
الأخ العزيز صلاح عباس تحياتي و كل سنة و انت و الاسرة الكريمة بخير..
مع انقطاع البوست بقينا مرة مرة نشوفك في بوستات تاني و حتى الاخ بكري كنت بقابلوا مرة مرة في البنك و نطمئن علي أخبارك و لكن لم أقابله لفترة طويلة.
أتمنى أن نوفق في لم الشمل هنا و نوثق أكتر لهذا الحي الجميل.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
منقول من صفحة الشعبية بالفيسبوك:
فوزية أحمد - نقلا عن صحيفة الجريدة
Quote: احتج العشرات من مواطني حي الشعبية بالخرطوم بحري، على تحويل أحد الميادين إلى موقع تجاري، في وقت كشفت اللجنة الشعبية عن تدخل معتمد بحري وتعهده بحل المشكلة. وقال مواطن فضل حجب اسمه لـ(الجريدة) أمس إن الأهالي رفضوا تحويل الميدان لموقع تجاري بعد ظهور مالكة للموقع وإبرازها شهادة بحث تثبت ملكيتها. وفي السياق ذكر رئيس اللجنة الشعبية بالحي فائز أحمد إبراهيم أن المعتمد اجتمع مع اللجنة الشعبية وتعهد بحل المشكلة، وأصدر قراراً بتكوين لجنة تمثل فيها اللجنة الشعبية وشباب الحي، وأمن المحلية وسلطة حماية الأراضي، مهمتها جمع المعلومات والدفع بتوصيات للمعتمد تمهيداً لإصدار قرار. وتابع فائز أن المعتمد السابق عرض على المالكة التعويض بموقع آخر، وأشار الى أنه رفضت وعادت واستغلت تغيير المعتمد للمطالبة بموقع الميدان.
صحيفة الجريدة |
أرجو ان ينجح تضامن الجيران بالشعبية جنوب في المحافظة على هذا الميدان الذي يمثل متنفس هام لسكان الشعبية جنوب.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
الميادين (على قلتها) تمثل متنفس لسكان الشعبية خاصة الشباب منهم..و الى الآن هناك محافظة على ميدان الصداقة و ميدان الرابطة و ميدان رابطة الشعبية جنوب و الذي يخطط لتحويله لمول تجاري كما علمنا و ان هناك سيدة لها شهادة بحث بملكية الميدان..و حقيقة استغربت لذلك فكيف يتم بيع ميدان يعتبر متنفس لعدد كبير من سكان الشعبية لشخص ليستفيد منه لمصلحة شخصية.
الرياضة كانت دوما جسرا للترابط و المحبة..شباب الشعبية جنوب في لقطة بميدان الصداقة.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
خلال فترة توقف البوست تم زواج الأخ - ملك التوثيق - عماد الدين عثمان و كان فرح كبير لنا..عماد من الذين وثقوا للشعبية و لبحري و للسودان و قد ظل خلال سنوات طويلة يوثق بكل جهد مقدر للكثير من الشخصيات السياسية و الرياضية و المجتمعية و الفنية.
الف مبروك يا عمدة..بيت مال و عيال و سعادة.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: اسامة سعد)
|
الأخ العزيز أسامة سعد..مرحبا بك و منور البوست..الحمد لله بخير و مع الغربة الطويلة..ناس أمريكا عارفين حكايتهم هجرة لكن نحن لا لامين في هجرة عديل لا لامين في راجعين قريب..ربنا يعين و يرجعنا جميعا سالمين غانمين.
شكرا لمرورك على البوست و ان شاء الله مقدمة طيبة لظهور الباقين.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
أخى الحاج حمد التحية ليك و التحية للشعبية أهل و أرض و سما. تزامن حصولى على موافقة سيد الحوش مع مرض الوالده و من ثم وفاتها. اللهم أرحمها و أغفر لها. اللهم أدخلها فسيح جناتك مع الشهداء و الصديقين و الأبرار و حسن أولئك رفيقا. دى أول مشاركة لى فى المنبر العام لسودانيزأونلاين بعد بوست الشكر لسيد الحوش الذى صادف نفس يوم سفرى للخرطوم. الرحمة والمغفرة لجميع موتانا و موت المسلمين. شكر الله سعيك فى إعادت منبر الشعبية للنشاط مرة أخرى. نسأل الله التوفيق للمساعدة فى جعله حيا" يمشى بين الناس.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Salah Zubeir)
|
الأخ العزيز
صلاح الزبير ، تحياتي ربنا يرحم الوالدة و يتغمدها برحمته الواسعة و حقيقة فشلنا في الحصول على جوال لكم و للاخوان كمال و ميسرة اثناء ايام التعزية بالسودان و الاخ صلاح حمد حاول ايصالي بكم و لكن لانشغالكم ايام العزاء و كثرة المعزيين لم يجد فرصة..اكرر التعازي لك و للاسرة الكريمة.
حصلت على تلفون الاخ عمر عن طريق الاخ جعفر حمودة و لكن تلفونه لا يرد. مبروك العضوية و ارجو ان تواصل سرد ذكرياتكم الجميلة عن الشعبية و عن فريق الهدف و غيرها خاصة انك قد اكتسبت العضوية حديثا و عندك متاخرات لازم تسددها.
رجاء ارسال تلفونك في الماسنجر الخاص و تلفون الاخوان ميسرة و كمال.
مرحبا بك مرة اخرى في بوست الشعبية و في سودانيزاونلاين.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
تحياتي أخ الحاج .. والتحايا موصولة لأهلنا وجيرانا وإخوانا بالشعبية ... والرحمة والمغفرة لموتانا جميهم .. والشفاء والعافية لكل مرضانا ومرضى المسلمين .. ونخص بالدعاء للأخ طارق بشارة أن ينعم الله عليه بالصحة وتمام العافية
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: صلاح أبودية)
|
Quote: تحياتي أخ الحاج .. والتحايا موصولة لأهلنا وجيرانا وإخوانا بالشعبية ... والرحمة والمغفرة لموتانا جميهم .. والشفاء والعافية لكل مرضانا ومرضى المسلمين .. ونخص بالدعاء للأخ طارق بشارة أن ينعم الله عليه بالصحة وتمام العافية تحياتي أخ الحاج .. والتحايا موصولة لأهلنا وجيرانا وإخوانا بالشعبية ... والرحمة والمغفرة لموتانا جميهم .. والشفاء والعافية لكل مرضانا ومرضى المسلمين .. ونخص بالدعاء للأخ طارق بشارة أن ينعم الله عليه بالصحة وتمام العافية |
سعادتو الأخ صلاح أبو دية تحياتي لك..و ربنا يرحم الأموات و يشفي المرضى..الدعوات موصولة للأخ طارق ابراهيم بشارة ( أمبرع) بعاجل الشفاء.
في انتظار مشاركاتك الثرة.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
Quote: سلامات يا الحاج .. يعني صلاح الكاشف تدرج وبقي يمشي يتونس في شارعكم .. غايتو الونسة دي بتكون فيها كترة قفشات .. الجماعة كلهم من ذوي الدم الخفيف .. غايتو قعدة وفاتتنا |
طرزان ليهو فترة تدرج لأنو لقى القعدات في شارعكم نشفت شوية مع انو الشجر كبر و يا دووب بقى مريح للقعدات.طبعا قعدة المفك دي طالة علي ميدان الصداقة الواحد يتخيلو طالي علي الكورنيش!!! خاصة اذا في مطر و الميدان ماسك شوية موية في الركن الشمالي الغربي.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عزالدين عباس الفحل)
|
Quote: سلام للجميع ، ونشكر الأخ الفاضل الحاج حمد الحاج للمجهود الجبار تجاه ، الشعبية بحري ، ولم الشمل ،
|
الاخ الباشمهندس عز الدين السلام عليكم ..و شكرا ليك و انت لم تقصر في المشاركة الثرة في هذا البوست منذ بدايته و في انتظار مزيد من المشاركات و الذكريات الجميلة و التوثيق لهذا الحي الجميل.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
Quote: خلال فترة توقف البوست تم زواج الأخ - ملك التوثيق - عماد الدين عثمان و كان فرح كبير لنا..عماد من الذين وثقوا للشعبية و لبحري و للسودان و قد ظل خلال سنوات طويلة يوثق بكل جهد مقدر للكثير من الشخصيات السياسية و الرياضية و المجتمعية و الفنية.
الف مبروك يا عمدة..بيت مال و عيال و سعادة. |
الله يبارك فيك أسير أفئدتنا وحادي ركبنا الحاج حمد الحاج
ربي يكرمك ويسعدك ويحفظك
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Emad Ahmed)
|
شخصيات من الشعبية : الأستاذة آسيا عبد الماجد (ام ايهاب)
آسيا محمد توم الطاهر الكتيابي من مواليد 1943م بحي العمدة بمدينة أم درمان تلقت دراستها الأولية بمدرسة عبد المنعم الأولية بالخرطوم (3) جوار نادي الأسرة وزاملت بتلك المدرسة حياة أبشر وثريا اباظة وسنية عبد الله وسعاد عبد الله وفاطمة محمد صالح ونورا أبشر وعزيزة عبد السلام ودكتورة فاطمة أبو شوك ودكتورة آمنة محمد صالح وقمن بتدريسها نور محمد الحسن وفاطمة سبيل وفهيمة سبيل واحسان فتحي وفاطمة محجوب (شقيقة عبد الخالق محجوب) ودرست المرحلة المتوسطة بمدرسة كرري المتوسطة ومن زميلاتها في هذه المدرسة صفية صالح سوار الدهب وسيدة علي الامام وام الحسن محمد موسى وزينب محجوب وكوثر يوسف وسعاد محمد الحسين ومدينة بابكر ومن معلماتها في هذه المرحلة أم سلمى سعيد وسعاد ابراهيم عيسى وبثينة مصطفى الهادي (شقيقة مهدي مصطفى الهادي) وبثينة خالد (شقيقة منصور خالد) ومدينة بابكر خالد وفاطمة فراج. (أصرت الأستاذة آسيا عبد الماجد على ذكر أسماء زميلاتها ومدرساتها خلال مراحل الدراسة وفاء وتقديرا لهن خصوصا مدرساتها الذين استقادت منهن الكثير)
في العام 1959م التحقت بكلية المعلمات بأم درمان وعلمت بعد تخرجها بنفس الكلية في مجال التدريس في العام 1962 م, في الفترة من 1968-1972م درست بأكاديمية الفنون المسرحية بالقاهرة بقسم التمثيل في بعثة دراسية بمصر على حسابها الشخصي وكانت الاولى على دفعتها عند تخرجها وضمت دفعتها النجوم أحمد زكي وأحمد عبد الوارث وأحمد ماهر وسميرة محسن شهيرة وعفاف شعيب وللأن لازالت على تواصل مع النجمة عفاف شعيب وأتى النجم محمد صبحي وراءها بدفعة ونالت الماجستير من معهد الخرطوم الدولي لتعليم العربية والدراسات الإضافية وعملت كموظفة في وزارة الثقافة والاعلام وفصلت لأسباب سياسية لمواقف زوجها الشاعر الراحل محمد الفيتوري السياسية من النظام المايوي وعملت لفترة وجيزة بمركز ثقافة الطفل وبعد مجئ نظام الانقاذ رفدت من المركز بحجة انها فائض عمالة.
الأستاذة آسيا عبد الماجد سليلة أسرة شهيرة ذائعة الصيت قدمت الكثير للسودان من المبدعين منهم الشاعر الكبير التجاني يوسف بشير والشاعر عبد القادر الكتيابي والوزير صديق المجتبى وحسن فضل المولى مدير قناة النيل الأزرق حاليا وبعد انفصالها والدها ووالدتها بتول محمد أحمد الشيخ الجعلي وكانت حينها لم تتجاوز العامين وعاشت في كنف قريبها عبد الماجد وكان بمثابة والدها الثاني ولأنه كان يودها ويعزها كثير نسبها له ومنها أخذت اسمه الذي اشتهرت به.
عشقت آسيا عبد الماجد التمثيل منذ طفولتها وكانت تشارك خلال دراستها الأولية بمدرسة عبد المنعم بتمثيل كل ماهو موجود في كتب المطالعة وفي تلك الفترة كان يستعين بها خضر الحاوي أثناء تجواله على المدارس حيث كانت تقدم بجانبه فقرات درامية قصيرة وعند دراستها بالمرحلة المتوسطة بمدرسة كرري كان هنالك مسرح معمول على أسس كانت تمارس فيه كل الأنشطة الثقافية الخاصة بالمدرسة وانضمت إلى جمعية التمثيل التي كانت تحت رعاية الأستاذة بثينة خالد وكانت تقدم روائع المسرح العربي والعالمي مثل شجرة الدر وكليوباترا وسندريلا ولإجادة وتميز آسيا عبد الماجد العالي في التمثيل كانت تؤدي أدوار الرجال في المسرحيات التي تقدم مع زميلاتها وفي تلك الفترة قامت بتأليف أول مسرحية (الدهشورة) وناقشت فيها نبذ العادات والتقاليد الضارة في المجتمع.
نالت آسيا عبد الماجد إعجاب الأستاذة فاطمة أحمد ابراهيم وكتبت عنها مقال في مجلة صوت المرأة ذكرت فيه انها فنانة واعدة ومتعددة المواهب وتوقعت لها مستقبل كبير فني بعد أن شاهدتها تمثل في حفل تخرجها من كلية المعلمات وفي تلك الليلة حضر أيضا الشاعر الكبير الراحل محمد مفتاح الفيتوري لتغطيتها بصفته رئيس تحرير مجلة الإذاعة مع صديقه الفنان الراحل محمد الحويج وأعجب ايما إعجاب بتمثيلها وشجاعتها وكتب عنها مقال في المجلة بعنوان (مواهب متفتحة) ثم تعرف عليها وتوطدت العلاقة بينهما إلى ان توجت بالزواج السعيد.
رفضت الأستاذة آسيا عبد الماجد الحديث عن علاقاتها بالشاعر محمد الفيتوري وذكرت بانها غير قابلة للنشر لخصوصيتها وذكرت عنه فقط مايلي : محمد الفيتوري في نظري هو أفضل شاعر عربي وافريقي في القرن العشرين دون مجاملة لأنه ربط بين الحضارة العربية والافريقية وترجمت معظم دواوينه الشعرية الى كل اللغات. ودون شك هي ملهمته
عند بدء عمل تلفزيون السودان في 1963م كانت تشارك آسيا عبد الماجد في مسرح المجتمع الذي كان يقدمه حلمي ابراهيم مع زميلاتها نفيسة محمد محمود ونعمات حماد إلى جانب سلسلة رمضانيات الفاضل سعيد وكن يشاركن في تلك الأعمال دون مقابل مادي لمدة عاميين متتاليين لعدم وجود ميزانية وكانت تقدم تلك الدراما على الهواء مباشرة ولها في الإذاعة مساهمات ثرة عبر برنامج محكمة المجتمع من خلال فقرة درامية إضافة لبرنامج المرأة الذي كانت تقدمه عزيزة درويش من خلال فقرة درامية أيضا وشاركت في بطولة عدد من المسلسلات مثل فاطمة السمحة والبيت المسكون والمقاطيف.
احتفالا بمرور عام على ثورة اكتوبر المجيدة قدمت في العام 1965م مسرحية بامسيكا وهي أول مسرحية تعرض على خشبة المسرح القومي بأمدر مان الذي كان حتى تلك الفترة تقام به الحفلات الفنية فقط وكانت البطولة النسائية فيها لآسيا عبد الماجد وكان هذه المسرحية فاتحة خير للمسرحيين حيث قام خالد ابو الروس بعمل ندوة بعنوان : أبشروا بالمسرح وكتبت آمال عباس بمدح وإطراء عن آسيا عبد الماجد كممثلة ومعلمة ومثقفة ودعت كل الأسر للحضور للمسرح.
يعتبر يوم 1967/10/22 م يوم خالد في تاريخ المسرح السوداني حيث تم وضع مايسمى بالموسم المسرحي الفني وكانت باكورة ذلك مسرحية (المك نمر) من تأليف إبراهيم العبادي ومن اخراج الفكي عبد الرحمن ومن بطولة أسيا عبد الماجد وميرغني الخليفة ونفيسة محمد محمود وعبد الوهاب الجعفري ومحمد خيري ومكي سنادة والامين جماع ومحمد خلف الله وهاشم صديق وآمنة الحاج والسر قدور وابراهيم حجازي وقد حققت تلك المسرحية نجاحا منقطع النظير للتتوالى بعد ذلك العروض المسرحية فكانت مسرحية (سنار المحروسة) تأليف واخراج الطاهر شبيكة ومن بطولة آسيا عبد الماجد وعوض صديق وابراهيم حجازي ومكي سنادة ومحمد رضا حسين واخرين ومسرحية (إبليس) من تأليف خالد ابو الروس ومن اخراج أحمد عثمان عيسى ومن بطولة آسيا عبد الماجد وابو العباس محمد طاهر وابراهيم حجازي واسماعيل خورشيد والخير صالح واخرين ومسرحية (أكل عيش) تأليف واخراج الفاضل سعيد ومن بطولة الفاضل سعيد وابراهيم حجازي وعثمان المصري ويس عبد القادر وعفاف أحمد ليتم وضع اساس لنهضة مسرحية جديدة وكتابة تاريخ جديد للمسرح السوداني ويسجل لها تاريخ المسرح بأنها أول ممثلة سودانية تصعد على خشبة المسرح وفي تلك الفترة اتجهت آسيا عبد الماجد إلى المسرح بصورة أكبر لجاذبيته وكان يطلق الصحفيين عليها في تلك الفترة لقب ممثلة السودان الاولى.
في موسم 70/69 قامت آسيا عبد الماجد ببطولة مسرحية خراب سوبا من تأليف خالد ابو الروس ومن اخراج أحمد عثمان عيسى وشارك إلى جانبها من الممثلين الخير صالح وخالد ابو الروس وأحمد عثمان عيسى وسيف الدولة عبد الله وأثناء دراستها بأكاديمية الفنون المسرحية بالقاهرة بأكاديمية الفنون المسرحية بالقاهرة شاركت بدرو ثانوي في مسرحية (البكاشين) على مسرح الخيام وهي من تأليف عزت عبد الغفور ومن إخراج السيد راضي وبطولة فريد شوقي الذي طلب ان تعمل معه لأنه يعرف قدرها وقدر السودانيين. تعتبر آسيا عبد الماجد رائدة من رائدات التعليم قبل المدرسي حيث افتتحت أول روضة نموذجية (روضة أم ايهاب) في العام 1967 بحي الاملاك ببحري والتي خرجت أجيال وأجيال ساهمت في تربيتهم وتنشئتهم على احسن مايكون وكانت توجد خلال تلك الفترة فقط ثلاث رياض أطفال نموذجية بالخرطوم كلها, أم إيهاب في بحري وفاطمة سعد الدين دار الحنان بالخرطوم وأسماء بنت الشمالية بأم درمان وكان لتشجيع زوجها محمد الفيتوري داعما كبيرا لها للمضي قدما في هذا الطريق بثقة وثبات وتدين بالكثير للمربي محمد توم التجاني راعي الروضة والذي قدم لها مساعدات جمة عند إنشاءها وافتتاحها وانتقلت الروضة إلى حي الشعبية جنوب مقرها الحالي في العام 1987م بجوار دار المكفوفين بالمؤسسة بحري.
أخر ظهور لها تلفزيوني كان في منتصف السبعينات عبر سهرة أمسيات التي كان يقدمها المذيع الراحل متوكل كمال وشارك معها في تلك السهرة الفنان الراحل سيد خليفة. - لها بحث مسرحي بعنوان : تاريخ المسرح السوداني وتم أخذ معلوماته من المعاصرين الذين كتبوا مسرحيات في عقد الثلاثينات - لها بحث عن المسرح الاستعراضي وكان مشرف البحث رفيق الصبان - لها معجم فني مختصر مسرح, سينما, موسيقى, سيرى النور قريبا - بحوث في مجالات الطفولة - عضو في الكشافة السودانية - سكنت حي العمدة بأم درمان حتى العام 67 وحي الاملاك ببحري من 67 الى 76 وحي الصافية ببحري من 76 الى 86 وحي الشعبية جنوب ببحري من 87 الى الان
تزوجت من الشاعر الكبير محمد الفيتوري طيب الله ثراه وأنجبت تاج الدين (ايهاب) الذي سمي تيمنا على سلطان المساليت تاج الدين وسولارا
المصدر : جزيل الشكر والامتنان للأستاذة آسيا عبد الماجد والتي مدتني مشكورة بمعلومات هذا البوست التوثيقي قبل عام ونيف تقريبا لها منا التجلة والانحناءة والاحترام ويطول عمرها إن شاء لله وصور البوست من شخصي الضعيف.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Emad Ahmed)
|
Quote: الخريف ليهو زيفة ياخ .. حليل أيام الخضرة في الخريف حينما كان الميدان يخضرّ بالضريسا وجنبات المجاري تكتسي بالحشائش وحليل قبيض الجراد .. |
ايام الطفولة في الشعبية كانت رائعة و في الخريف كانت اروع..يا منير الميدان كان فعلا يخضر و جزء من الخضرة كانت الضريسة و رغم طعناتها المؤلمة كان الجري ورا الجراد ليهو متعة خاصة...أيام ليها ايقاع
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
سلامات يا عزالدين الفحل .. بالله أحمدعلي خالد إغترب؟؟ هل إغترب نهائي أم شغل مؤقت في إجازة - إعارة أو إنتداب -؟؟ .. أتمني ألقي نمرته في المسنجر .. في إجازتي سنة ٢٠١٢ قضيت معاهو أوقات جميلة وقابلني بأخوة أعزاء مثل إبراهيم حسن الشايقي ، ورشادالزين ، وأسامة مصطفي حسن - أخو الفنان فرفور - وأسامة صديق من الإبدائي مالاقيته منذالإبتدائي .. وكانت لقيا حلوة .. لكين قدر ما قلت لأحمد رسل لي تلفوناتهم فشلت . يقول لي خلاس حأرسلهم هسه .. ويقوم ينسي .. ونفس الفشل برضو مع جمال المنا .. وفي إجازتي السنة الفاتت إتصلت لمن تلفوني بطاريته خلصت وما لقيت ليهو أثر .. غايتو .. كدي نشوف أم القري دي يمكن نلم فيهو ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
Munir
سلام البروف منير ، الظاهر إنو الأخ أحمد علي خالد ، اللواء طبيب إغترب ، في المملكة العربية السعودية ، مكة المكرمة ، جامعة أم القري ، أستاذاً جامعياً ، لكن لم يوضح لي هل هو إغتراب نهائي ؟ أم أنتداب ، إحتمال كبير يكون إستقر في مكة ، سوف أرسل لك رقم الواتساب ، إن شاء الله ، ،،،،
عزالدين عباس الفحل ابوظبي
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
Munir
سلام البروف منير ، الأخ الفاضل اللواء طبيب أحمد علي خالد ، إغترب ، في المملكة العربية السعودية ، مكة المكرمة ، جامعة أم القري ، أستاذاً جامعياً ، لكن لم يوضح لي هل هو إغتراب نهائي ؟ أم أنتداب ، إحتمال كبير يكون إستقر في مكة الآن ، سوف أرسل لك رقم الواتساب ، إن شاء الله ، ،،،،
عزالدين عباس الفحل ابوظبي
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
Munir
سلام البروف منير ، الأخ الفاضل اللواء طبيب أحمد علي خالد ، إغترب ، في المملكة العربية السعودية ، مكة المكرمة ، جامعة أم القري ، أستاذاً جامعياً ، لكن لم يوضح لي هل هو إغتراب نهائي ؟ أم أنتداب ، إحتمال كبير يكون إستقر في مكة الآن ، سوف أرسل لك رقم الواتساب ، إن شاء الله ، ،،،،
عزالدين عباس الفحل ابوظبي
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عزالدين عباس الفحل)
|
سعادة اللواء الأخ احمد علي خالد استشاري التخدير في جلسة بمنزل الأرباب صلاح عثمان (كراكة) خلال زيارته للمملكة العربية السعودية لأداء العمرة
Quote: سلام البروف منير ، الأخ الفاضل اللواء طبيب أحمد علي خالد ، إغترب ، في المملكة العربية السعودية ، مكة المكرمة ، جامعة أم القري ، أستاذاً جامعياً ، |
الأخوان الأعزء د.منير و الباشمهندس عز الدين عباس الفحل التحية لكما و للدفعة سعادة اللواء طبيب احمد علي خالد الرجل الطيب المتواضع..أحمد علي خالد عرض عليه عقد يسيل له اللعاب للعمل في احدى المستشفيات خلال زيارته لأداء العمرة و قد تردد كثيرا و رفض العرض في النهاية و لكن مع ظروف السودان الحضور للمملكة يعتبر للأخ أحمد فترة راحة من جري السودان و الارهاق و ايضا فرصة لترتيب الأوضاع الاقتصادية مع ظروف السودان المعروفة للجميع. أتمنى الحصول على جوال الاخ احمد علي خالد للتواصل معه.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
مساء الخير ..
ياسلام على الصور الخريفية البترد الروح للواحد مع تنشنة وضغوط الغربة العايشنها
ياريت يامنير تكتر لينا من الحاجات الحلوة دي
بين الفينة والأخرى سيكون هنالك توثيق لشخصية شعباوية بناء على رغبة الزول
البيلملم الناس الحاج حمد الحاج
نفتقد كل الغائبين من ونتعشم في تواجدهم لاستمرارية ونجاح البوست
ودمتم
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Emad Ahmed)
|
سلامات يا عريسنا العزيز عماد .. بالمناسبة إسم عماد ده برضو تقول ماركة مسجلة لبحري .. فقد قرأ معاي كثير من الأعمدة:) أذكر ليك منهم الفانتوم د.عماد عبدالله الطيب وعماد الطيب موسي - وفي حلتنا كذا عماد.. الحكايي شني مع إسم عماد ؟؟ هههه
الحمدلله يا عمدة الصور عجبتك .. وده شارعنا والواقف بالعراقي داك أخوي ماهر .. وكانت إجازة رمضانية عجيبة والمطرة كانت عجيبة .. وأنا دايماً مفتون بالخريف والمطر رغم البشتنة .. والجميل في الشعبية كثافة التشجير حيث أن آباءنا هو جيل الريف والزراعة والخضرة ولذلك ثقافة التشجير كانت سائدة ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
الأرباب الحاج حمد - أرباب دي كيف معاك :) - صورتكم إنت وأحمد جميلة .. جيل البطولات :) .. طبعاً أحمد ده رفيق درب الإبتدائي بحق وحقيق .. لطالما ترافقنا من المدرسة للبيوت في هجير آخر البيوت وبعد درس العصر وبعد فصول المذاكرة الإجبارية في مدرسة الشعبية جنوب وكنا نمسك درب شارع المعونة في تلك الأماسي نتمشي علي مهلنا نحكي في قصص سوبرمان والوطواط وأرسين لوبين - فقد كنا مجانين مجلات - ونصل مزيرة ، سبيل فيهو زيرين بمواسير مثبت في حائط الشارع قريب لبيت ناس أخونا المرحوم أحمد عبدالماجد - فنقطع لينا كوزين موية باردات - مو مزيرة راحات عاد - .. إن شاء الله ربنا يجزي أصحاب ذاك المنزل خيراً كثيراً دنيا وآخرة .. وكانت تلك المزيرة نقطة الإفتراق حيث يقطع أحمد الزلط في إتجاه بيتهم وأقوم أنا أواصل طريقي إلي البيت بعد أن نكون إتفقنا إنو تاني يوم نتبادل المزيد من المجلات والكتب ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
Quote: الأرباب الحاج حمد - أرباب دي كيف معاك :) - صورتكم إنت وأحمد جميلة .. جيل البطولات :) .. |
يا منير أرباب دي( أتاريها) مريحة خلاص لما يقولوها ليك ..لكن الا نستاذن الأرباب صلاح عثمان لأني محتكر هذا اللقب عليه وحده لكرمه الفياض..التحية له. شفت صورة جيل البطولات لما يقعد و يتذكر يكون جيل البطولات و جيل التضحيات...
Quote: طبعاً أحمد ده رفيق درب الإبتدائي بحق وحقيق .. لطالما ترافقنا من المدرسة للبيوت في هجير آخر البيوت وبعد درس العصر وبعد فصول المذاكرة الإجبارية في مدرسة الشعبية جنوب وكنا نمسك درب شارع المعونة في تلك الأماسي نتمشي علي مهلنا نحكي في قصص سوبرمان والوطواط وأرسين لوبين - فقد كنا مجانين مجلات - ونصل مزيرة ، سبيل فيهو زيرين بمواسير مثبت في حائط الشارع قريب لبيت ناس أخونا المرحوم أحمد عبدالماجد - فنقطع لينا كوزين موية باردات - مو مزيرة راحات عاد - .. إن شاء الله ربنا يجزي أصحاب ذاك المنزل خيراً كثيراً دنيا وآخرة .. وكانت تلك المزيرة نقطة الإفتراق حيث يقطع أحمد الزلط في إتجاه بيتهم وأقوم أنا أواصل طريقي إلي البيت بعد أن نكون إتفقنا إنو تاني يوم نتبادل المزيد من المجلات والكتب .. |
أيام لها ايقاع..ذكريات لها طعمها الخاص.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
Quote: سلامات يا عريسنا العزيز عماد .. بالمناسبة إسم عماد ده برضو تقول ماركة مسجلة لبحري .. فقد قرأ معاي كثير من الأعمدة:) أذكر ليك منهم الفانتوم د.عماد عبدالله الطيب وعماد الطيب موسي - وفي حلتنا كذا عماد.. الحكايي شني مع إسم عماد ؟؟ هههه |
هاك يا دكتور و علي السريع كده كم عماد: عماد بين (سيكبة)..عماد محمد فضل الله (مونج)..عماد عثمان (ملك التوثيق)..عماد الجاك (الهجرة)..عماد ميرغني
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
Quote: بين الفينة والأخرى سيكون هنالك توثيق لشخصية شعباوية بناء على رغبة الزول |
الأخ عماد عثمان (ملك التوثيق)..هذه واحدة من اهداف البوست أن نوثق للشخصيات الشعباوية التي ساهمت في مسيرة الحي في مجال من مجالات الحياة المختلفة و في انتظار مساهماتك الثرة التي بدأن مع بداية هذا البوست و ما تزال مستمرة..لك كل الود.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
الاخ الاستاذ الحاج حمد والاخوه الكرام بالشعبية تحية واحتراما لكم جميعا .... اولا انا لست من سكان الشعبية هذا الحي المتفرد ويا ليتني كنت كذلك ,,, فوالله حبي وعشقي لهذا الحي لا يضاهيه حب ولا عشق الا للعيلفون مسقط راسي ,,,,, ففي الشعبية لي ذكريات جميلة مع اناس جميلين جمعتني بهم اخوه وصداقة قوية وجميلة وزمالة دراسة فعدد كبير من الاخوان والاخوات في الشعبية هم خريجي جامعة ام درمان الاهلية خاصة الفترة ما بين 1993 الى 1996 وهي السنة التي تخرجنا فيها ، فكانو نعم الاخوه ونعم الاصدقاء ولا اريد ان اذكر الاسماء اخشى ان انسى احدا منهم فلهم التحية من على البعد ولكم اخي الحاج حمد ........... واصل في هذا البوست الممتع الجميل ....
تحياتي : ياسر العيلفون ......
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: ياسر السر)
|
Quote: الاخ الاستاذ الحاج حمد والاخوه الكرام بالشعبية تحية واحتراما لكم جميعا .... اولا انا لست من سكان الشعبية هذا الحي المتفرد ويا ليتني كنت كذلك ,,, فوالله حبي وعشقي لهذا الحي لا يضاهيه حب ولا عشق الا للعيلفون مسقط راسي ,,,,, ففي الشعبية لي ذكريات جميلة مع اناس جميلين جمعتني بهم اخوه وصداقة قوية وجميلة وزمالة دراسة فعدد كبير من الاخوان والاخوات في الشعبية هم خريجي جامعة ام درمان الاهلية خاصة الفترة ما بين 1993 الى 1996 وهي السنة التي تخرجنا فيها ، فكانو نعم الاخوه ونعم الاصدقاء ولا اريد ان اذكر الاسماء اخشى ان انسى احدا منهم فلهم التحية من على البعد ولكم اخي الحاج حمد ........... واصل في هذا البوست الممتع الجميل ....
تحياتي : ياسر العيلفون ...... |
الأخ العزيز ياسر العيلفون لك أجمل التحايا و شكرا لك على الكلمات الطيبة عن الشعبية و سكانها و عن اصدقائك الجميلين من ابناء الشعبية و عن ذكرياتك الجميلة بالشعبية..و أنت بهذا الحب و العشق استحقيت الجنسية (الشعباوية). لك كل الود و اتمنى ان تشاركنا في هذا البوست و هو مفتوح لكل من عاش أيام حلوة بالشعبية و له صداقات و أهل و معارف بها. أكرر شكري و تقديري لك و أيضا تحياتي عبرك لأهل الحي الجميل العيلفون و لنا أيضا هناك معارف و اصدقاء جعلتنا نحمل مشاعر طيبة مثل ما حملت انت عن شعبيتنا الجميلة.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Emad Ahmed)
|
إخوتي الأعزاء سلام من الله عليكم ورحمة منه وبركات، الحاج، منير، عمدة، عزالدين، صلاح عثمان، عمر عثمان، صلاح زبير، شمس الدين، ما أظن نسيت واحد، وإلا فليعذرني! أردت بذكر هذه الأسماء التبرك وإثارة الذكريات الجميلة! وأيضاً استدعاء الإخوة والأحبة الغائبين!
وأرجو من كل هؤلاء الإخوة، أن يلتزم كل واحد منهم إذا دخل المنبر أن يغشى الشعبية نجمة، ويسجل حضوره!
وشكراً رفيق الدرب المنير منير، على الصور الجميلة! وشكرا يا عمدة على المبادرة برفد البوست بهذا الموضوع التوثيقي!
وأقترح عليك أخي الحاج، لإثارة الحيوية والنشاط، أن تعود إلى الدفاتر القديمة؛ لتستخرج منها بعض الموضوعات الحية، التي يتجدد حولها الحوار!
(...)
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: صلاح عباس فقير)
|
Quote: أردت بذكر هذه الأسماء التبرك وإثارة الذكريات الجميلة! وأيضاً استدعاء الإخوة والأحبة الغائبين!
|
الأخ الشيخ صلاح عباس السلام عليكم و رحمة الله..و شكرا لك على حضورك البهي..بأمثالك يا شيخ صلاح نتبرك و أكيد حضورك و مشاركتك سوف تكسب البوست حيوية.
ان شاء الله سوف أعمل باقتراحك بالرجوع للدفاتر القديمة لمزيد من النشاط و الحيوية للبوست.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
الاخ الاستاذ الحاج حمد اولا لك عظيم شكري وامتناني على كلماتك الطيبة وثانيا اشكرك على منحي الجنسية الشعباوية العظيمة وهذا شرف لي ان اكون واحدا منكم واتمنى ان اكون قدره وان شا الله ساعود لاكتب هنا عن ذكرياتي في الشعبية ... التحية لك ولكل الاهل بالشعبية ...
تحياتي : ياسر العيلفون .......
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: ياسر السر)
|
عماد احمد ملك التوثيق الرجل الشفيف الرهيف لك مني الف سلام والفي تحية تسباك مع النسام بي روح سحية ... اشكرك جزيل الشكر على كلماتك الطيبات وابناء الشعبية هم كذلك كما ذكرت يعطرون كل مكان يمرون به فلهم تحياتي وسلامي جميعاً واشكرك على منحي الجنسية الشعباوية وهذا شرف عظيم لي اسال الله ان اوفق في نيله على ارض الواقع واكون عند حسن ظنكم بي ... وعبرك احي كل اصدقائي وزملائي بالشعبية وعسا ان يكونو بخير ...
تحياتي : ياسر العيلفون .....
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: صلاح عثمان)
|
سلامات أخي العزيز صلاح عثمان .. دي الشعبية الطحنية - ياعملات الحاج - .. ودي البقولو عليها مراتع الصبا ، ومركلسات الشباب ، ومدافن الشياب .. أدونا البيت ونديكم النيم .. - ينفع؟؟ :)بالمناسبة ، الشايفها شمال الصورة، بعد النيمة الواقعة، دي مدرسة الأولاد الإبتدائية .. وياسلام علي أولاد المدارس وحصص الصباح ، وصوت السوط يطرق مسمعنا في البيوت في حصص التسميع (دي زقلة من عندي لتطعيم الكلام :))..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
مرحبا بالأخ الأرباب صلاح عثمان..مرحبا بالأخ الدكتور منير..نورتوا البوست و خدرتوهو..يا صلاح نيمة الشعبية مزروعة في طينة خضراء و شاربة من موية النيل و الشجرة القدام فيلتك دي مزروعة و تحتها حجر و شاربه من المالح و زي ما قلت فرق كبير.بالله ما تنقطعوا من البوست دا و خلوهو لينا دائما مخدر.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
Quote: المناسبة ، الشايفها شمال الصورة، بعد النيمة الواقعة، دي مدرسة الأولاد الإبتدائية .. وياسلام علي أولاد المدارس وحصص الصباح ، وصوت السوط يطرق مسمعنا في البيوت في حصص التسميع (دي زقلة من عندي لتطعيم الكلام :)).. |
الاخ العزيز دكتور منير تحياتى واشواقىايام الشعبية حفا لاتنسى حيث ايام الصبا و مرتع الطفولة البريئة .والذكريات الجميلةيادكتور دى مدرسة الخشب اصلا نحن ووومعلوماتنا قديمةههههههههههههه حلوة ندبكم البيت و تتدونا الشجر بالله قعدة تحن الشجرة مابالدنيا كلهممع التحبة
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: صلاح عثمان)
|
يا الأرباب صلاح إنت كمان بتبالغ ياخ .. تزرع ليك برازيلية فوق حجار جدة القلاّية دي ؟؟ - دحين دي برازيلية واللاّ عيوني مطششات - ؟؟.. البرازيلية مدلعة شديد وما بتقوم بالساهل .. في الشعبية البرازيل بتلعب صاح .. كان عندنا قدام البيت برازيلية ناجحة جداًَ .. بس يوم جات عربية الوساخة أو حاجة كده دقشت فرع كبير فيها كسرته فقامت ماتت .. أسه إنت شجرتك دي أزرع بدلها نيمة وكدي شوف الحيحصل شنو؟؟ .. ياجماعة أنا نسيت الإسم الأفرنجي للبرازيلية - إسم الدلع - .. إن شاء الله في واحد متذكره ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: صلاح عثمان)
|
بمناسبة مدرسة الخشب عندى فيها ذكريات قريت فيها لغاية رابع ابتدائي وكانت الفصول مزدحمة جدا الفصل الواحد فيهاكثر من 100 طالب وكان ترتيبي بعد ال 90 علق على ذلك خالى الدكتور عيسي محمد عيسي يرحمه الله انت قاعد لمننادو ديل كلهم وبعد ده الواحد لمن يندهو ينطالكويس انو الاولاد مابيدخلو البوست دة اصلا مركب ليهم ماكينة اسامة سعدعلى قول الفىانتوم عماد عبدالله الطيب الليلة فاضى حاقوم سداري بالبوست ربنا يعطيه الصحة والعافية مع خالص تحياتي له
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: صلاح عثمان)
|
Quote: على قول الفىانتوم عماد عبدالله الطيب الليلة فاضى حاقوم سداري بالبوست ربنا يعطيه الصحة والعافية مع خالص تحياتي له |
ياخي ذكرتنا الفانتوم - الرجل الباسم - فعلاً كان بيقوم بالبوست سداري .. زمان كان عنده عجلة رالي سوداء وبيكون رابط لستك عجلة جوّاني في السرج الوراء .. فالرشيد حسكنيت كان يقول ليهو عامل كده زي بتاع الصابون .. ههه ..لكين إنت وينها قومة السداري بتاعتك؟؟ .. الظاهر عليك مشيت ركلست .. :)
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
Quote: صاحب الحوش الارباب الحاج حمد تعرف الشجرة دي زرعناها قلنا تبقى ضل للعربية من شمس جدة الحارة اصلا قعاد تحت الشجرة مافي لا الجو ولا الجيران ما بخلوك لكن والله الشجرة دي حيرتني مع التحية |
الأخ الأرباب صلاح عثمانطبعا الشجرة الا لي ضل العربية..ما في طريقة قعدة لأنو حتى لو الجو خلاك القعدة بتكون شاذة في جدة.صلاح النيم شايفو في بعض المناطق في جدة و ناجح و بيقولوا النيم الفي مكة و جدة انتشر بعد نميري احضر بعض اشجار النيم و زرعت بعرفات و بعدها انتشرت في المنطقة الغربية..كدي جرب النيم على الاقل توفر ظل ظليل للفارهة.تحياتي
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: صلاح عثمان)
|
سلامة الخال يا أرباب .. ياك جمل الشيل .. الحكومة لازم أوامرها تتنفذ .. ونحن يعوضنا الله في قومة السداري .. السداري دي نخليها للفانتوم أصلو بيجي كاسح بعد ينوِّم الجمهور .. طبعاً ناس الإتحاد السوفيتي ديل بكونوا متعودين علي السهر من شدة الغربة والبرد القارس...
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
Quote: وبن يادكتور جات المرة وقفت لى فى راسى قالت خالها وقع فى الطريق وهسع في المستشفى وانا جرى جد لمن نفسي قام نعمل شنو دي ما الجكومة اها مالى حق اخلى قومة السداري |
الأخ الأرباب صلاح عثمان سلامة خال المدام و ان شاء الله بلغ الصحة..تمنياتي له و للجميع بالعافية.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
صلاح عثمان سلام الأرباب صلاح ،أخبار صاحبك ،اللواء طبيب أحمد علي خالد ،شنو ؟أكيد ع تواصل معه ،المفروض يكون إستقر الآن ،في مكة المكرمة ،وكمان حي العزيزية ،مع جامعة أم القري ؟أفيدنا ،بارك الله فيك ،،،،،عزالدين عباس الفحلابوظبي
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عزالدين عباس الفحل)
|
Quote: يا حاج دى دايرة كم سنة الا لعربية الاولاد |
Quote: الظاهر الحاج حمد ناوي يطوِّل في البلد دي .. يللا .. نحن ورانا حاقة؟ هههه |
يا ابو صلاح ربنا يديك العافية..ياخي النيمة تديها شوية سماد و 3 سنوات تلقى الفارهة باااردة.يا منير عاوزني اقول ليك زي ما قال الدنقلاوي انا جيت نهائي ههههههههههههه
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: صلاح عثمان)
|
Quote: او هندسة فارس ود جعل والله دكتور احمد تمام اجر فى حي الهجرة واستقر باولاده وقال جاي يرتاح بس ويضرب المراعى كمان لو وديتو محل الزعفران تانى حتي اجازة مابيمشى |
مرحب بالأخ الدكتور أحمد علي خالد..و ان شاء الله اقامة طيبة..اكيد يا دكتور فيها راحة و استجمام و عبادة..ربنا يتقبل صالح الأعمال.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: صلاح عثمان)
|
Quote: يامنير عجلة عماد دى بتذكزها كويس ياخ وين الرشيد حسكنيت كان فردتى بالثانوي لكن مالاقيتو من الزمن داك |
الأرباب صلاح عثمانالأخ (العقيد) الرشيد محمد الهادي يعمل بالجمارك و كان في منطقة الفشقة و الحدود مع اثيوبيا لفترة طويلة و لكن الآن تم نقله لجمارك مطار الخرطوم.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
التحية والتجلة لأهلي ناس الشعبيةهديتي لكم في هذا الصباح المعطر بأنفاس المصطفي صلوات الله وسلامه عليه. ...من القصائد الوترية في مدح خير البريةللشيخ : مجد الدين محمد بن أبي بكر بن رشيد البغدادي المتوفى سنة 662 هجريةويقصد بالوترية : ( أن أول حرف من البيت مماثل لآخر حرف فيه )،انشأها في مدح النبي محمد صلى الله عليه وسلم وقد رتبها على حروف الهجاء.حرف الصاد....................................................................صَــلاَةٌ وَتَسْــلِيمٌ وَأَزْكَـــى تَحِيَّةٍ عَلَى مُشْبِعِ الجَمِّ الغَفِيِرِ مِنَ القُرْصِصَــــبُورٌ شَكُورٌ مُؤْثِرٌ فِى خَصَاصَةٍ يَبِيتُ وَيَضْحَى ثُمَّ يطْوِى عَلَى خَمْصِصَفُــــوحٌ حَلِيمٌ لاَ يُؤَاخِذُ مَنْ أَسَا وَلاَ هُـــــوَ مِنْ جَانً عَلَيْهِ بِمُقْتَصِّصَدُوقٌ فَلَمْ يَنْطِقْ مَدَى الدَّهْرِ عَنْ هَوَى كَـــذِلِكَ قالَ الله فِى مُحْكَمِ النَّصِّصَـــــوَانٌ عَنِ الدُّنْيَا مُنِيبٌ لِرَبِّهِ عَلَى كُلِّ مَا يُرْضِى المُهَيْمنَ ذُو حِرْصِصُنُوفُ صِفَاتِ الرُّسْلِ حِيزتْ لإِحْمَدِ بِتَكْلِيمِهِ فِى حَضْرَةِ القُدْسِ مُخْتَصِّصَحِيحٌ بِأَنَّ الفَـــــضْلَ فِيهِ مُجَمَّعُ وَمِنْ عَجَبٍ أَنْ يُجْمَعَ الفَضْلُ فِى شَخْصِصَــدَقْتُ لَقَدْ حَازَ الحَبيبُ مَنَاقِبَا تَقَاصَرَ عَنْ إِحْصَائِهَا كُلُّ مُسْتَقْصِىصَحَابَتُهُ لَمْ تَحْصِ مَــــا خَصَّهُ بِهِ إِلهُ البَرَايَا لَيْتَ شِعْرِىَ مَنْ يُحْصِىصِفَـــوهُ كَمَـــا شِئْتُمْ كَمَالاً وَرِفْعَةً فَقَدْ جَلَّ عَمَّا حَـلَّ فِينَا مِنَ النَّقْصِصَفِىُّ إِذَا تُحْـــدَى المَطَايَا بِوَصْفِهِ رَأَيْتَ لَهَا الأَكْوَارَ تَهْتَزُّ بِـــالرَّقْصِصَبَاحٌ وَمِصْبَـــاحٌ وَنُـــورٌ لَنَا بَدَا يَقُصُّ جَنَاحَ الكُفْـرِ قَصَّا عَلَى قَصِّصُفُوفًا لَدَيْهِ الخَلْقُ تُوقَفُ فِى غَدِ فَطُوبَى لِمَنْ يُدْنِى وَوَيْلٌ لِمَنْ يُقْصِىصَحَا مَنْ صحا نَحْنُ السَّكَارَى بِحُبِّهِ وَأَرْوَاحُنَا مِنٍْ شَوْقِ أَحْمَـدَ فى رَقْصِصِلِى وَانْقُلِى يَا نَفْحَةَ الحَىِّ وَاحْمِلِى سَلاَمِى إِلَى الهَادِى وَأَشْوَاقَنَا قُصِّىصُدُوراًطَبَعْنَاهَــــا عَلَيْــهِ مَــحَبَّةً فَجَاءَتْ كَنَقْشِ لِلْخَوَاتِـمِ فِى الفَصِّصَبَا لِلـــصَّبَا صَبُّ لأِحْمَدَ قَدْ صَبَا نَسِيمَ الصَّبَا قُصِّـى صَبَابَتَهُ قُصِّىصَبَـــابَتُهُ هَـــاجَتْ لِتَقْبِيلِ قَبْرِهِ وَقَبْرِ أَبِـــى بَكرٍ وَقَبْرِ أَبِى حَفْصِصُرِفْتُ بِزَلاَّتِـــى وَغَيْـــرِىَ زَارَهُ عًصًيْتُ فًيًا عُذْرَى ويَا عذرَ مَنْ يَعْصِىصُدِدْتُ وَمِثْلِى مَـــــنْ يُصَدَّ لأَنَّنىِ بِدُنْيَاىَ بِعْتُ الدِّينَ يَالَكَ مِنْ رُخْصِصَحَائِفُ أَعْمَـــالِى بِوِزْرى مَلأْتُهَـا وَأَحْمَدَ أَرْجُو يَوْمَ عَرْضِى عَلَى المُحْصِى
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عثمان حسن المتعارض)
|
من أجمل ما قيل فى حب النبى صلى الله عليه و سلم قصيدة سيدى الشيخ محمد بن قمر الدين الشهير بالمجذوب (القرن الثالث عشر الهجرى) وهى من أشهر القصائد فى القطر السودانى التى يترنم بها الناس و ينشدها المنشدون منذ تأليفها حتى يومنا هذا. آمل أن أكون قد وفقت فى نقل النص الصحيح .إليكم القصيدة فى حب الحبيب صلى الله عليه و سلم ونحن على أعتاب موسم أفراح أعياد مولده صلى الله عليه و سلم , جعلنا الله جميعا من محبيه:(عليك صلاة الله ثم سلامه ألا يا رسول الله إنى مغرم) صَبَبتُ دُمُوعاً يَشهَدُ الحُزنُ أَنَّها أَتَت مِن فُؤَادٍ بالغَرَامِ مُتَيَّمُ وَلَيسَ لَهُ مِن ذَا التَّتَيُّمِ مُشرِحٌ سِوَى أن يَرَى مَعشُوقَهُ فَيُسَلِّمُ يَقُولُ لِى المَعشُوقُ لاَ تَخشَ بَعدَ ذَا حِجاباً وَلاَ طَرداً فَعَهدِى مُتَمَّمُ مَتَى ما أردَتَ القُربَ مِنّىِ فَنادِنِى أَلاَ يا رَسُولَ اللهِ إِنِّىَ مُغرَمُ أُجُيبُكَ مِن بُعدٍ وَإِنِّى جَلِيسُ مَن بِحُبِّىَ مَشغولٌ بِذِكرى مُتَرجِمُ حَلَفتُ يَمِيناً إِنَّ قَلباً يُحِبُّكُم عَلَيهِ عَذابُ النَّارِ قَطعاً مُحرَّمُ فَكَيفَ بمَن قَد شامَكُم كُلَّ ساعَةٍ فَهذَا يَقِيناً في الجِنانِ يُنَعَّمُ سَلاَمٌ عَلَيكُم وَالسَّلاَمُ يُنِيلُنِى كَمالَ شُهُودِ لِلجَمالِ وَيُلهِمُ لِسانِى تَحِيَّاتٍ تَلِيقُ بِقَدرِكُم أُكُرِّرُها في حَيَّكُم وَأُهمهِم سَلاَمٌ علَى رَأسِ الرَّسُولِ مُحَمَّدٍ لَرَأسٌ جَلِيلٌ بالجَلاَلِ مُعَمَّمُ سَلاَمٌ علَى وَجهِ النَّبِىِّ مُحَمَّدٍ فَيا نِعمَ وَجهٌ بالضِّياءِ مُلَثَّمُ سَلاَمٌ عَلى طَرفِ النَّبِىِّ مُحَمَّدٍ لَطَرفٌ كَحِيلٌ أَدعجٌ وَمُعَلَّمُ سَلاَمٌ عَلى أنفِ النَّبِىِّ مُحَمَّدٍ لأَنفٌ عَدِيلٌ أنوَرٌ وَمُقَوَّمُ سَلامٌ علَى خَدّ الحَبيبِ مُحَمَّدٍ لَخَدٌ مُنِيرٌ أسهَلٌ وَمُشَمَّمُ سَلاَمٌ علَى فَمِّ النَّبِىِّ مُحَمَّدٍ لَفَمٌّ بِهِ دُرٌّ نَفِيسٌ مُنَظَّمُ بِغَيرِ كَلاَمِ اللهِ وَالذِّكرِ وَالنّدَا لِحَضرَةِ مَولاَهُ فَلاَ يَتَكَلمُ سَلامٌ علي عُنق النَّبِىِّ مُحَمَّدٍ لَعُنقٌ سَطِيعٌ نَيِّرٌ وَمُبَرَّمُ سَلاَمٌ على صَدرِ الحَبِيبِ مُحَمَّدٍ لَصَدرٌ وَسِيعٌ بالعُلُومِ مُطَمطَمُ سَلاَمٌ على قَلبِ الحَبيبِ مُحَمَّدٍ لَقلبٌ بِنُورِ اللهِ دَوماً مُقَيَّمُ يُشَاهِدُ رَبَّ العَرشِ في كُلِّ لَحظَةٍ فإن نامَتِ العَينانِ ما نامَ فاعلَمُوا سَلاَمٌ على كَفِّ النبي مُحَمَّدٍ لَكَفٌ رَحيبٌ كَم يَجُودُ وَيُكرِمُ بهِ كَم فَقِيرٍ صَارَ مِن بَعدِ فَقرِهِ غَنِيًّا وَكَم طاغٍ بهِ مُتَضَيِّمُ سَلاَمٌ على قَدَمٍِ الحَبيبِ مُحَمَّدٍ بهِ دَاسَ حُجبَ العِزِّ ذَاكَ المُقَدِّمُ بهِ قامَ في المِحرَابِ لِلهِ قانِتاً يُناجى لِرَبِّ العَرشِ وَالنَّاسُ نُوَّمُ فَما زَالَ هذَا دَأبُهُ كُلَّ لَيلَةٍ إِلى أَن بهِ بانَ الوَنا وَالتَّوَرُّمُ سَلاَمٌ على ذَاتِ النبي مُحَمَّدٍ فَيا حُسنَها فِيها الجَمالُ مُتَمَّمُ سَلاَمٌ عَلى كُلِّ النبي مُحَمَّدٍ نبي عَظِيمٌ بالجَلالِ مُعَظَّمُ نَبِىٌ لِمَولاَهُ العَلِّى عِنايَةٌ بِهِ تَبدُو إِذ ما الخَلقُ في الحَشرِ يُفحَمُ عَلَيهِ لِوَاءُ الحَمدِ يُنصَبُ رِفعَةً وَمِن تَحتِهِ الانباءُ وَالرُّسلُ يُزحَمُ بِهِ كُلُّ عاص في القِيامةِ لاَئِذٌ وَكُلُّ مُحِبٍّ فائِزٌ وَمُكلَّمُ بِهِ يَرتَجِى المَجذُوبُ يَنجُو بِصَحبهِ بِغَيرِ امتِحانٍ يا شَفِيعُ وَيَسلَمُ عَلَيكَ صَلاَةُ اللهِ ثُمَّ سَلاَمُهُ يَعُمَّانِ كُلَّ الآلِ ها نَحنُ نَختِمُ
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
جقدليات:
ظريف الشعبية حيدر الجقدلي قال واحد معانا في المخازن حظو سيئ جدا قال: و الله انا لو قطعت الكرتلة كلها يكسب الأسد..و مرة قال: و الله نحن الواحد لو وقع يجلي من الواطة و الجقدلي علق قالو الله دا ابلغ من ادريس جماع لما قال: الان حظي كدقيق فوق شوك نثروه..الخ لكن بس ما عندو ملكة شعرية فتعبيرو (لو وقعنا نجلي من الواطة) لا يقل من تعبير ادريس جماع
| |
|
|
|
|
|
|
| |