** الى عمر ود الباوقة وائل حمزه الزبير وكل كيزان المنبر والقراء من الكيزان **

Quote: يا صديقي انا حتى الآن لم احاكم عمنا المسن ده ولن افعل..

Quote: سلامات وضاحة وعبرك سلام للاخ باسط مكي ود الباوقة يا مكي لا يملك الشجاعة الكافية عشان يجي داخل هنا وفي نفس الوقت هو يعي ويعلم تماماً ظلم سيده الرئيس وعارف البير وغطاه ولكنها المصالح يا مكي وملذات الحياة ومتعتها لا يستطيعون التخلي عنها ولو على جثث كل الشعب السوداني برغم انها من حر مال هذا الشعب المظلوم ويهتفون هي لله هي لله

Quote: Hafiz Elemam Mohieldin · كالغاري إنت يا دينق وقت ما شفت الفيديو، الشلاقه ليك شنو، غايتو ياها شفقة عشه بت كامل الجو يطهروها لقوها حامل. يعني العجبك في البوست ده شنو وخلاك جيت طاير ومفكفك الزراير لو ماشفت الفيديو، يعني تكون عجبتك قصة عدل سيدنا عمر بن الخطاب، إنت هسي قبل يومين ما قلت في مشكله في الإسلام، إنت قايل سيدنا عمر بن الخطاب العدل ده جابو من وين؟ أعجبني · رد · 11 ساعة

Quote: اين المطاوعية العاملين فيها حراس الفضيلة والأخلاق؟ عبارة الرجل واضحة وصريحة وعضدها باشارة واضحة للغاية.. فلماذا صمت بيت الأشباح دينق اخوان وهم ثاني متداخل في الخيط؟.. لماذا صمت ادعياء الفضيلة الذين يبتزون الناس بانهم يتابعون المنبر ومعهم اسرهم؟ لماذا سكت الشيوعيون والشيوعيات عن عبارة الرجل الواضحة واشارته الأكثر وضوحا؟.. هل هم فعلا حريصون على عرض قضية الرجل حتى ولو انطوت عبارته على مكونات جريمة القذف؟..

Quote: ما تعملوا غمرانين ورايحين يا شيوعيين ويا شيوعيات ويا اصدقاء وصديقات بيت الأشباح دينق اخوان..اخر من يحرص على مصالح الشعب السودان هو ما يسمى بالحزب الشيوعي السودان..! والفيديو وطريقة عرضه هي جزء من موجهات الحزب الشيوعي السوداني ، وما عندنا بيها شغلة ، شغلتنا هي الأزمة والنفاق الأخلاقي الذي يمارسه الأدعياء هنا.

Quote: اذا كان رأيك بترفض عبارات معينة باعتبارها خادشة للذوق العام ، يبقى معيارك شنو بترفضها في حتة معينة ومن زول معين ..وبتتسامح معاها في حتة تانية ومن وزول تاني؟..

Quote: كنت يا صديقي اقرب الناس لي ، وجدانا ووعي وثورية واحلام تغيير خلاق متسامح ، كائنات اليسار السوداني (شيوعيين ، بعثيين ، ناصرين ، مؤتمر وطني/بتاع اخوانا ناس مؤتمر الطلاب المستقلين)..ولازلت اليوم فيني رقشة للثقة مع اليسار الجديد (ناس حق ، المؤتمرجية ، والبعثيين)..لكن الشيوعيين والشيوعيات تيامنوا كثيرا و تدعشوا كثيرا ، لدرجة انهم اصبحوا مجرد مطاوعية وبوليس اخلاق مزيف و مطبلاتية لبيت الأشباح دينق اخوان (بالمناسبة يا حامد ، ودي ليك انت وبس: الفتحوا البوست عننا المرة الفاتت شرذمة مسكونة ببنية الوعي التناسلي وبتؤدي فروض الطاعة لأخونا ياسر عرمان..!!..غايتو ياسر ده كل ما نقول نباصر ليهو فرقة ، يقتلنا بالكائنات المشوهة من حوله..!!..واليوم غلبهم الإتساق لقولة بغم في عبارة عمنا واشارته ، وهم من اتى بها هنا..!!).

Quote: كالعادة يحاول صفقاء الجداد الالكتروني تشتيت الكورة بايراد الفاظ مثل الحسناء لينحرف البوست عن مساره وينشغل المتداخلون بهذه الكلمة عن فحوى البوست الأساسي وان كنت أرى ان توجيه الخطاب للجداد الالكتروني مثل ود الباوقة ووائل هو في حد ذاته تعظيم لذوات هؤلاء الهتيفة الذين لا يملكون أمر أنفسهم فضلا عن أن يفتوا في أمر هؤلاء المظاليم الذين لا يجدون قوت يومهم ممن تسأل عنهم الانقاذ ومن الظلم البين استدعاء نماذج مثل الخلفاء الراشدين العادلين ومقارنتها بنظام كنظام الانقاذ الفاسد من رأسه لأخمص قدميه وهو لا يعرف من الدين الا المتاجرة به لا حل جذري إلا باقتلاع جذري لهذا النظام

Quote: بختنا شمس المشارق صارت من الامرين بالمعروف و الناهين عن المنكر بس مهما كوركتي ناس ود الباوقة ديل ما بسمعوا ليك كواريك المسنوحة إتلهمي الزول دا بخمشة بتاعة فلوس خليها تعدل دربو

المسنووووح شوووووووق كميات
افو افو شمس المشارق جدها منو يا مسنووووح

ود الباوقة ما محتاج فلوس محتاج الهداية ربنا يهدى وينور بصيرتوا






كسرة : الككو الفج الطين بسلم عليك واقع القهوة في شندى تحت ضل الشجر

Quote: حسبنا الله ونعم الوكيل حسبنا الله ونعم الوكيل بجيك اسي يا وضاحة يقوليك انبهلت !!

Quote: اكبر فضيحة عندي يا حامد ، لمن اقوم الصباح والقى كيزان المؤتمر الوطني اكتر يسارية وقيم عدالة اجتماعية وحرص على بلد مجوبكة ، وفي نفس الوكت القى اليسار الأصلي ، مجرد شمارات ووعي فضائحي ومطاوعية اخلاق تفوق ، في تطرفها ، داعش بسنوات ضوئية..!

Quote: علي بالحلال يا حامد ، انا عندي فيديوهات ناس مظلومين من دارفور وجنوب كردفان، لو ختيتها في المنبر ده كل انسان حقيقي يتحسس انسانيتو مليون مرة ..وهي بالمناسبة فيديوهات تلقائية بعيدة عن بروباقندا الحرب وحركات دارفور والمنظمات المشبوهة مثل سيف دارفور..وبعيدة عن فضائحية الشيوعيين والشيوعيات ومخلبهم القذر السايكوبات بيت الأشباح دينق اخوان..! لم اضع ولن اضع الفيديوهات دي ، لأن الناس هنا عنصرية ومتخلفة ولا تعرف الإنسانية..!

Quote: ألم يخدش حياءكم تصور مشاعر شيخ مثله يقف عاجزا عن اكرام ضيفه بسبب الفاقة فلا يجد ما يجود به سوى الماء ! وقد يجيئ عليه يوم فلا يجد حتى ذلكم الماء !! تركتم كل ذلك وتمسكتم بلفظ أطلقه الرجل المسن عن ضيق !!!!!! وكيف لمثله أن لا يخرج عن الطور !! أي قيم تتحدثون عنها ؟ وهل ما يفعله اليوم الكيزان بالبلاد من القيم في شيئ !! ألم يخدش حياءكم الثراء الفاحش الذي هبط على الفاسدين في حكومة الانقاذ التي افقرت الناس من مخافة المولى فلم يجد أمثالكم القدرة على قول كلمة الحق ! فاكتفيتم وتداريتم وتواريتم خلف ذم ذلكم الشيخ المسكين والذي يمكن أن يعذره كل ذي نفس سوية على ذلة لسانه هذه ويتفهم أنها جاءت عن ضيق انساني !! ست البنات.

Quote: وضاحة " لقد اسمعت اذ ناديت حيا ولكن لا حياة لمن تنادي " لو كان عندهم ضمير ما كان بقو كيزان عشان كدا نتوقع اما ظهورهم بكلمات غير ذات جدوى واما تجاهلهم لهذا البوست الذي يستحق ان يكون في اعلى مكان بالمنبر تحياتي وتقديري

Quote: سلامات كبر أنا واحد من الناس الدافعوا عن حقك في استخدام العبارات طالما هي داخل سياقها اللي مهدت ليه بي وضوح في السودان الراجل الكبير في العمر مافي زول بلومه ممكن يكون قاصد الشواذ فعلاً ودي حاجة موجودة في مجتمعنا سواء اعترفنا أم لأ وممكن يكون قاصد الذم للحرامية وبرضو دة لفظ بنستخدمه للذم وموجودة عندنا عبارة إنت لـوطي في راسك ؟ مع إنه الموضوع بكون شذوذ فكري ما شذوذ جسدي الاتساق مطلوب منك إنت الرجل استخدم العبارة داخل سياقها وانا شايفو معذور في أي كلمة يقولها بي حكم السن وبحكم الوضع الهو فيه حالياً .. ما عارف الموديك على حتة القذف دي شنو !!! البوست حالة إنسانية مفروض نتعاطف معاها موش نجرم المظلوم عشان عبر بي طريقة ما عجبتنا لأنه الأصل هو الظلم والنكبة والحالة الاجتماعية للرجل موش طريقة تعبيره عن احساسه بالظلم دة إنت عاوز تقول الناس الأدانوني مفروض يدينو الشيخ الهرم دة .. بس هل الحالة الاجتماعية والإنسانية بتسمح بتجريم الضحية ؟

Quote: وضاحة لك التحية اها شوفي الحياة عند ناس القصور العالية القصر العائم للفريق ... سلام يا ناس القصر العالي ...

Quote: انتو البورض دا .. مافيهو ناس من مدني .. من اربعين ؟؟؟؟ يجو يردوا على كلام عمكم دا ... هو جعان كدا ما رحمكم ..كان شبع حيقول عليكم شنو ؟؟؟؟ وين حامد بدري ؟؟؟ كاااااااك والله المستعان ,,

Quote: اليسمع نضميكم ده يقول كانت لنا حكومات ترسل هيلكوبتراتلاغاثه المنكوبين في اصقاع السودانكثير من الامثله يمكن ان يسوقها اي شخص ومن اي مكان لاناسمسحوقين يعانون الامرين في كثير من الاماكن التي ضربتها السيولاو الامطار وقبلا كان الجفاف وشح المطر والملاريات والامراضتبذل هذه الحكومه قصاري جهدها للوصول لاولئك الناس في اماكنهموايصال الطعام والادويه اليهم وكافة الخدمات الضروريهالمشكله فيكم انتم يعني زي صاحبكم فاعل الخيره ده ظهر اول مره ليعلن انه منظمهخيريه ثم ارتد علي عقبيه ليقول انه فاعل خيرسمح اتا وكت فاعل خير شايل حس الراجل مالك ومطلعو من طورو ليتفوه بما لا ترضاهلا ويمسح في وشيهو ويقول لي عمك بنجيك بنجيكلم ولن يعود اليه والا كان اتحفنا بما اغدق علي عمنا ده من خير وفيرفاشنوالاعيبكم مكشوفه وشوفو غيرهاللهم وفق البشير لما تحب وترضي وان تعينه في قضاءحوائج الناس كافه

Quote: يا وضاحة لو سمحتي كل يوم تجيبي لينا من النوع دا من الفيديوهات عشان الفئران من المؤتمرجية والطباليين والمرتزقة يدخلوا جحورهم ! شوفيهم الفئران كل فأر لزم جحرو هههههههههه . بلاي لو سمحتوا العندو جردل موية يجيبوا يكبوا لينا في البوست دا عشان الفئران تطلع !

Quote: الفاضله الدكتوره ج محمد ( وضاحه) اذا قدمت مستشفي حمد مساعدات طبيه لي ابونا المسكين ده وعائلته , ما كان احسن من شيل الحال ده , وانتي والحمد لله لك القدره في ذلك , والله يجعله في ميزان حسناتك عرفات حسين ونس اما ودالباوقه لا حول له ولا قوه ( شوفي بتلفت كيف ) الله يعينو

Quote: فعلا كلامك صاح يا اخ عمر لكين بتتحل ان شاء الله طالما (الله) في

Quote: كدي خلونا من مجاملاتكم الماليها طعم دي واجدعو لينا الفديو بتاع رجعة زولكم فاعل الخير لي عمنا ده انشاءالله يكون جابلو ربع بصل ولا حتي ملوة ويكه يبرد بيها قلبو اول مره اسمع لي فاعل خير شيال حال وقابض مال عليكم الله دارو خجلتكم ورسلو لي مصدركم ده ان شاءالله 500 الف ساي يشتريلو كم رطل سكر وكم وقية شاي ويرجع يصوره لينا مع عمنا الحارسو في عنقريبو ده ولعلمكم السلطات الامنية المختصه الان تتحري عن هذا الشخص ان كان مؤسسة خيرية او فاعل خير كما ادعي ولا زول طرقعنجي ساي ولا اتو قايلين شيل حال الناس والبلد روكه ساي؟؟

Quote: سلامات يا وضاحة، الكيزان وأرزقية حزب المؤتمر الوطني ليسوا بشراً أسوياء لكي تتم مخاطبتهم بأخلاق ولغة ومنطق البشر الأسوياء. هناك نفايات بشرية وفكرية لا يمكن إعادة تدويرها، وبذلك يكون المكان المناسب لها هو مكب القمامة (الكوشة). تحياتي،

Quote: هؤلاء الكيزان الأبالسة المجرمين وقائد عصابتهم البشير قد اتخذوا من موارد البلاد غنيمة , فأفرغوا ابار البترول في جيوبهم وبنوا القصور وحققوا كل أحلامهم بحر مال الشعب السوداني , غير عابهين بما حل بالناس من فقر وجوع وفاقة . وتركوا هم الناس على فاعلي الخير من عرب الدول الخليجية الذين كانت وجهتهم الدول الاسيوية والأفريقية والتي لا نيل بها ولا أراضي خصبة ! فانكشفت عورات شعبنا وأصبح الفقراء رغم تعففهم مجبورين على مواجة الكاميرات التي تنقل خبايا سوءات الحاكم وعصابته .كما أن بعض فاعلي الخير من ابناء الوطن لم يبخلوا بتقديم المعونة والعون من بناء للمساجد وترميم المدارس كما فعل الاستاذ طارق الأمين ورفاقه . ولاذت الحكومة بالصمت وتنصلت ورفع اليد عن مسؤلياتها تجاه المواطن الجائع ومن يحتاج العلاج وتلاميذ المدارس الحفاة الجالسين في حجرات الدراسة وهم جائعون ! وتخلت الدولة المتشدقة بالوعيد والتهديد للمواطن المطالب بحقوقه تخلت عن القيام بواجباتها وارتأت أن لا ضرورة لذلك اذ ليس هنالك من يراقبها أو يحاسبها ان لم تفعل وقد استعبدت الناس وكممت أفواههم ومنعتهم من الكلام واوصدت مكاتبها في وجوههم فلا تراهم ولا يروها الآ حين يقدل مسؤلوها وفرعونها الى الصين أو موريتانيا وتجود الفضائية بصورهم وهم يقدلون حينها يمكن للعامة رؤية الحاكم الفرعون !! ! أما مثل هذا الشيخ المسن الذي تعيبون عليه لفظا رأيتموه يخدش حياءكم ! أفلم تخدش حياءكم رؤية شيخ في عمره يكاد ينتحب ضيما من الظلم وعدم المأوي اللائق به كمواطن يستحق التقدير وقد جلس بين ( أربع مشمعات) في هذا الحر اللافح ! ألم يخدش حياءكم تصور حاله حين تهب رياح الهبباي في أبريل وهو في مكانه هذا! ألم يخدش حياءكم تصور رجل في مثل عمره يصب عليه خريف مدرار ليلا وهو بين ذات الأربع (مشمعات) التي شراها ابنه بستين ألف من الجنيهات , الله وحده أعلم بأي مشقة تحصل ابنه البار على هذا المبلغ . ألم يخدش حياءكم تصور مشاعر شيخ مثله يقف عاجزا عن اكرام ضيفه بسبب الفاقة فلا يجد ما يجود به سوى الماء !ت وقد يجيئ عليه يوم فلا يجد حتى ذلكم الماء !! تركتم كل ذلك وتمسكتم بلفظ أطلقه الرجل المسن عن ضيق !!!!!! وكيف لمثله أن لا يخرج عن الطور !! أي قيم تتحدثون عنها ؟ وهل ما يفعله اليوم الكيزان بالبلاد من القيم في شيئ !! ألم يخدش حياءكم الثراء الفاحش الذي هبط على الفاسدين في حكومة الانقاذ التي افقرت الناس من مخافة المولى فلم يجد أمثالكم القدرة على قول كلمة الحق ! فاكتفيتم وتداريتم وتواريتم خلف ذم ذلكم الشيخ المسكين والذي يعذره كل ذي نفس سوية على ذلة لسانه هذه ويتفهم أنها جاءت عن ضيق انساني !! ست البنات.

Quote: كبر يا صاحب، سلآمات . انا وآحد من الناس الراجعوك في إستشهادك بشعر إسمو مين ؟، والله نسيتو هذا الذي زحم الأسافير بساقط القول وإنتقل إلي جوار الرؤف الرحيم، فدعو الإستشهاد بساقط قوله عسى الله ان يرحمه . غايتو انا يا مطاوعي يا من ادعياء الفضيلة، لكن يا كبر اخوي اكان شلت عبارة ابونا دا ؤُ مشيت إستشهدتبا في مكان في الحوش دا إياني الناطيلك في حلقك ؤُ ناصحك تختا اللعوج، نعمني ما بتصدى للناس من جم في الحالآت المِتِل دي، دحين إن سويتني مطاوعي وإن سويتني مدعي للفضيلة ما بخليك ...

Quote: وضاحة البنت الوطن مقال قوي ورصينوكلمات من ذهب ورصاصلكل صاحب عقل سليم ليختار ويحدد موقعه ( إِنَّ فِي ذَٰلِكَ لَذِكْرَىٰ لِمَن كَانَ لَهُ قَلْبٌ أَوْ أَلْقَى السَّمْعَ وَهُوَ شَهِيدٌ )واتمنى ان يكونوا من خاطبتيهم في المقال كذلكسيري في طريقك شمساً تهب الضياء ولا تغيب ونسراً يحلق في القمة هازئة باصحاب النفوس الصغيرة والهمم الوضيعة ولا تلتفتي الى الوراء واعلمي ان ما ينفع الناس يمكث في كلمات القصيد واما الطبول فتطفوا على جلدها زبداًاو كما قال درويش

Quote: شكرا للاصيلة دكتورة وضاحة والتحية والتقدير..لهذا الشيخ الجليل والذى كرمه يسبق الامه واحزانه فرج الله كربته واعانه على الظالمين.

Quote: ومن أنت حتى تقيمها....