حاتم إبراهيم، ماهو واجبي تجاه عبقريتك؟

مرحبا Guest
اخر زيارك لك: 05-26-2024, 02:58 AM الصفحة الرئيسية

منتديات سودانيزاونلاين

مكتبة الفساد

ابحث

مدخل أرشيف اراء حرة و مقالات

News and Press Releases

اتصل بنا

Articles and Views

English Forum

ناس الزقازيق

مدخل أرشيف للعام 2016-2017م

نسخة قابلة للطباعة من الموضوع ارسل الموضوع لصديق اقرا المشاركات فى صورة مستقيمة

« | »
اقرا احدث مداخلة فى هذا الموضوع »

09-21-2017, 01:29 AM

عليش الريدة

عليش الريدة
تاريخ التسجيل: 08-17-2015
مجموع المشاركات: 1709

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

حاتم إبراهيم، ماهو واجبي تجاه عبقريتك؟
00:29 AM September, 21 2017 سودانيز اون لاين عليش الريدة- مكتبتى رابط مختصر السلام على من اتبع الهدى امبارح كملت رصيد المداخلات،عشان كدا ماقدرت اواصل... معليش ح أضغط مداخلاتي حفاظا على الذخيرة...اول حاجة مشكور حيدرونا على مداخلتك الجميلة في بوست (مامر زول) ..وسعدت جدا أن علمت أنك خريج آداب (وانا أقول الأدب دا من وين هههه) ...عندي رأي جازم ـــ ولااعتقد أنك بماجبلت عليه من أدب ستوافقني عليه ـــ هو أن البلد دي ضيعوها الموسوعيين ،واعتقد أن هناك خدعة كبيرة في هذا الأمر،الصحيح هو ـــ على الأقل من ناحية عملية إنتاجية ـــ لاينبغي أن يكون الموسوعي محل ترحيب ــــ وإن شئت انبهار ـــــ بل زجر...ولو مد الله في العمر قد نعود انا وانت للتحدث في هذا الأمر... ودالبشرى يابايخ ههه،تصور ماشعرت إني أحرجتك كلو كلو وحتى هذه اللحظة..عارف ليه؟ أنا ذاتي ماعارف،لكن احتمال تكون دي الصداقة...عندنا عادة مسيطرة علينا،بنراعي جدا للغريب ونترازل على القريب ،فاشنو ،تحملونا وكدا ،لكن برضو زعلت منك،ليه ماتقول لقرد السيرك دا بطل جمباز،ورغم زعلي دا بخليهو عشانك،شايفو بقاك مراقة،دي آخر مرة أقوليهو قرد السيرك،لكن تاني لو جا عمل مناوشات ،بقرّدو ليك عادي،يقردو البلا اليقردو...قال قريص قال ،اليحمدالله نحن ماجنبو،كان ارتكبنا فيهو جريمة ..عليك الله ناس كبار كدا يتكلموا كلام خايب زي دا...جاتو النيلة التقردو.. نجي لموضوع البوست... ياحاتم ابراهيم،عالم زمانك النحرير...أول حاجة مبروك جديدك،شايفك قدمت اعتذار في بوست تحياتي، واعتذار تاني بالنيابة عني،اعتذارين بفاصل وجيز ومع نهاية الزمن الرسمي للمباراة،بالضبط زي الأقوان البتخش في الهلال في منافساتو الأفريقية...مش كدا وبس،كمان بقا عندك فائض من المشاعر المسئولة، وبتصدرو لدول الجوار،بقيت تفتش تجاوزات الناس عشان تعتذر بالنيابة عنهم،ياود ياحساس...طيب وين كنت داسي الحاجات الجميلة دي ؟ ..ساتجاوز عن عدم نزاهتك في إشارتك للنزاهة في اعتذارك لود البشرى،مع إني مندهش جدا والله من العوالم المغلقة دي،لكن عدّا فات زمن الاندهاش... تاني شئ، توعدتني بكامل قواك العقلية أن تفتح حساب باسمي،ولو تعرف ماذا يفعل بك التهديد، كان وفرتو...المهم، انا قلتليك في وكتها افتح الحساب، تاني قمت فكرت،ياربي الحساب دا مقصود بيهو شنو؟ الصحيح يقول افتح بوست،مالقيت إجابة لأني ضعيف في التقنيات...ولي هسّ شايفك مافتحت الشي دا،هن احتمالين،ياإما تكون صرفت نظر،أو دار تاخد زمنك المناسب... لو صرفت نظر،أنا ماصرفت...ولو زعلان انا ما ما ما بزعل ولو مبسوط نحن بالأكتر،ههه دي نزلت براها هنا... ولو كمان دار تاخد زمنك المناسب،انا حدي في الشبكة يومين بس،بعدّاك بغيب فترة طويلة... فاشنو على بركة الله...لاتؤجل عمل اليوم للغد.. راجيك،عشان أشوف التهديد دا،شنو الأذى الممكن تسببو لي ياحاتم ابراهيم؟ الأذى البالغ درجة إنو يخوفني من التحدث معك عن عيوبك؟ إنت مفتكر لبوس الأدب دا جلد وللا شنو؟ لا أبدا..دي جلابية بنملصا في أي وكت...لكن برضو مافي داعي للاستعجال،نشيف تهديدك أول وبعداك بنجازف معاك... طبعا لو لغيت موضوع التهديد، برضو عندي ليك سؤال،مكتوب في العنوان،لكن بنعيدو بطريقة تانية...أنا عارفك موسوعي وذكي ومقدراتك عالية جدا جدا ومطّلع للطيش وكاتب رصين وباحث مجتهد وإسلوبك محكم ....إلخ من الحاجات البتحب يشكروك بيها ديك...يللا السؤال: أنا دا ،الزول النكرة زي ماقال الأبلانج ــــ معليش يابشرى دي آخر مرة جد ،إغراؤها هنا لايقاوم أبدا ـــــ شنو واجبي تجاهك؟ هل تريد ان تستعبدني يارجل وللا الفهم شنو بالظبط؟ مبدئيا كدا،حريقة تحرق اليوم الجابك ياأبلانج،اوبسس،دي ماحقتك، ياحقود،أيوااا،دي مقاسك تب...يللا الكورة في ملعبك،محل رهيفة التنقد...بلاش جن معاك... شوف كلامك دا قبيح كيف وانت وهو والدكتور الدرسو ومعاكم مكتبة الكلية بتاعتو والمراجع الوعد يجيبها (وما جاب ولا حتى أسمائها) تعالو البوست واثبتو كلامو دا صعبة دي؟ ـــــــــــــــــــــــــــــــــــ ياخي دا قبيح لمن يضحك،إنت يازول عايش في وهم كبير... رجاء حار من الأخوة الملحدين عدم التداخل في هذا البوست على الإطلاق،أما أولئك الذين يؤمنون باليوم الآخر أقسم عليهم بالله ألاّ يتداخلوا أبدا... الرجاء والعزيمة ،بالطبع لايشملان حاتم إبراهيم....وأيضا عبدالعظيم إن شاء... ولكم الشكر الجزيل... نحكي ليكم القصة دي عشان ماتدخلوا،كان عندنا دافوري إسبوعي بتاع ناس عجايز ــــ صنداي ــــ ،يعني موظفين كبار في مختلف مؤسسات المدينة،صاحبنا وإسمو علي،زول لعاب جدا وفي نفس الوكت مهذب جدا جدا، عشان كدا كان محبوب شديد،أها يوم في واحد من الموظفين ديل استفزاهو بحقارة لاتحتمل،علي المهذب انفعل جدا وشبكليك الزول شتيمة من الصرة وتحت،الناس اتخلعت وختت يدينا في ريسينا، معانا محامي كبير ومحترم، قاليهو : دا شنو ياعلي ،إنت زول مهذب ليه تقول كلام زي دا؟.. علي قاليهو :لا ياأستاذ إنت مابتعرفني ،أنا مامهذب،أنا تربية شوارع ههههه أبو علوة ياصاحب ليك وحشة.. نحن طبعا ما ح نصل الشتيمة العجيبة ديك،لكن كل مادون ذلك مستذخر... برا موسوعيين برا ..... هو عليكم الله،الفاضي ليهو لموسوعيين منو؟ جاتكم النيلة التقردكم ،اوبسسسس،التحقدكم ياحاقدين..خلونا في جهلنا دا ،ناكل الويكة ونمشي في الأسواق،ونشيل الفاتحة في الميت،وختت راسنا في السرير بنوم،مفلسين وموحدين...نحمدو وعليهو متوكلين،ومابرانا تب... استنارتكم دي مابتخارج معانا ولابتشبهنا ذاتو..وكان جاتنا بادبكم مادايرنها،خلي كمان معاكم زعارة.. والسلام على من اتبع الهدى

[رد على الموضوع] صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]