الترتيب في العنوان لا يعني ترتيبهم حسب الأفضل و الأعلى طربا، بيد أن ثلاثتهم يحتلون حيزا مقدرا من ذائقتي الفنية وأحبهم كمطربين بنفس المقدار والمعيار وأعيرهم أذني ومشاعري وقلبي ذات المساحة والزمن .. أولا كان الحوت رحمة الله عليه، ولكنه رحل وبقيت فاجعتنا فيه مسيطرة لدرجة أنني لم أعد أقو على سماعه كما كنت في حياته، بل و(أزوغ ) كل ما جاءت سيرته أو صادفتني أغنية له في جخانين النت. ثم جاءت الأميرة نانسي عجاج فاحتلت نفس مكانة محمود في قلبي وبدا لي أنه تعويض مثالي بعد فقداني الرغبة في سمع أغنيات الحوت بسبب حزني عليه، فكنت وما زلت لا يمضي يوم إلا وأسمع لها ثلاث أو أربع مرات، لكن مع مرور الوقت لاحظت أن الأميرة تفرط في مجاملة الجمهور ولو على حساب الأغنية ففي كل مرة تمد يدها بالمايك للجمهور تفرق الأغنية وتفقد الكثير من حيويتها ورونقها التطريبي، ونانسي مستمرة في تقديم المايك للجمهور بين كل كوبليه وآخر، لدرجة أن العازفين يجدون صعوبة أحيانا في ( القفلة الموسيقية).. أتمنى أن تترك الأميرة المجاملة المبالغ فيها لأنها خصما عليها، وربما تؤثر على عدد جمهورها ومعجبيها، خصوصا بعد قدوم ( الليدي) مكارم بشير التي أحتلت مساحة واسعة في الوجدان بفضل تطريبها العالي ووقارها وثقافتها وقوة شخصيتها كفنانة عالية الابهار . لمحمود الرحمة والمغفرة وللأميرة والليدي التقدير والنجاح دائما.
10-03-2017, 09:56 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18044
يا رب الأميرة نانسي تقرأ الكلام دا وتجىء ترد عليهو هنا بالوكالة أو شخشيا حتي لو حنست الريس يديها باسوورد .. عشان تاني في ناس كدا عارفم أنا يمشوا يشوفوا ليهم منابر بتاعت بقيت ملك وبقيت زعيم وأديناك وردة أقحوانية و سيفين وصولجان وتاج وما عارف شنو خخخخخخخ دا مع تأكيدي انو الكلام دا بصل ليها بطريقة أو بأخري لكن الرد بحلى اللعب . والأهم من دا كلو بما فيهو الرد انو تقلل من ( نسمع ) القاعد تقولا للجمهور دي .. عشان بس نستمتع بغناها ياخ . ...............
تستاهل الاميرة نانسي .. قمة في الطرب والسلطنة .. تسلم يا طلحة يأخ .. وتسلم ذائقتك الفنية .. التي تنتقي الأزاهر .. من وسط هذا الركام .. الذي صم آذاننا .. ولا عزاء لانصاف المواهب .. والمتسلبطين في الغنا الهامل ده ..
10-03-2017, 10:34 AM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
تسلم انت والله يا ود القوز احبك جدا يا حبيب وأشكرك ألف مرة ومرة للفيديو .. ناس شرف الفحل والما عارف منو من المتشعبطين في الفن والغناء أفسدوا ذائقة المتلقي .
10-03-2017, 10:39 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18044
واتا يا جيمي قايل أبواب المعرفة والأدب والفكر موصدة في السودان ليي ؟ ما بسبب الحاقدين الشايلين معاول الهدم ديل نحن عندنا رسالة وأمانة سنظل نؤديها ولا تهمنا طنطنة الحاشية وخربشات العوام وناس زعيط ومعيط على قول البروف والخبير الأفضل في العالم .
10-03-2017, 10:54 AM
حسين عبد المجيد حسين عبد المجيد
تاريخ التسجيل: 03-28-2013
مجموع المشاركات: 1782
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
طلحة عبدالله
محمد البشرى الخضر
جمال ود القوز
حسين عبد المجيد
علي دفع الله
فيس بوك
تويتر
انستقرام
يوتيوب
بنتيريست