|
|
|
 Re: عيب يا ( حرمة ) كدا كيزان السودان بيزعلوا م (Re: جمال ود القوز)
|
تحياتي عمر والمشاركين
| Quote: ولا جابت سيرة السودان ذاتو .. هههه ,, |
ههههه
بالغت مع المواهيم العندنا
| Quote: ووصتهم بعدم ترك كركوك للعرب .. فهي كردية .. |
أها ده برضو عدم فهم منها
كركوك يفترض تكون عراقية أولاً وأخيراً
خصوصاً بالنسبة لي زول ما عراقي
أنا كسوداني من الحاجات المستفزة البتلاقيني في النت كلام العرب عن الجنوب ودارفور بدون فهم للقضية
الزولة دي هسة فرقها شنو من العرب؟
نفس العنصرية وعدم الفهم
| |
 
|
|
|
|
|
|
|
|
Re: عيب يا ( حرمة ) كدا كيزان السودان بيزعلوا م� (Re: جمال ود القوز)
|
واللله يا جمال ضحكتنى اكتر من كلام الما دا.
يعنى لو جا مهدى ابراهيم قال كلامو دا قدامها
يمين كان جاتا جلطة في راسا هههههه
من الواضح يا ود ابوسن بتكون المرا دي
من سخريتها الشديدة على العرب بتكون اغلب الظن امازيقية .
بس مهدى ابراهيم عملها ظاهرا واذكر زمان في ايام مفاوضات نيفاشا
برضو قام على عثمان قال كلام قريب من كلام مهدى وقامت صحيفة كينية
سخرت من كلامه .
لو تذكر في مسرحية المك نمر للعبادى . المك نمر بيقول :
( نحنا من بيت ملك وديانة ) ثم يختمها ( تيجان الملوك تعمل حساب عمتنا )
فالصورة المضخمة عن الذات دي تكشف حجم الازمة التى يعيشها جزء كبير من شعبنا
وللاسف كانت الدولة السودانية ولا زالت تروّج للافكار دي .
تخيّل لو كان ذاك الشاب الفلسطينى الذى شتم مبارك الفاضل ووصفه بالعبد
كان بيعرف ان مبارك الفاضل من سلالة الاشراف وينتهى نسبه الى آل البيت والى آل عبدالمناف
في جزيرة العرب الاقحاح بحسب زعم الامام المهدى ... ههههههه والله كان سمعنا العجب .
| |
|
|
|
|
|
|
|
|
|
Re: عيب يا ( حرمة ) كدا كيزان السودان بيزعلوا م� (Re: عمر دفع الله)
|
أسأل عن على الفارس البقود تسعين
هو اللدر العلى ضهرو الخبوب والطين
أفو يا ابوعلوة هذه أمازيغية لحما وشحما ودما... أمازيغية ضكرانة... من نوع انثى ولا دستة رجال
ومهدى ابراهيم عليه أن ينظر للمرآة مائة مرة قبل أن يقول أنه عربي... يمكن يتردد شوية ويخجل ويبلع لسانو...
اللهم ادينا الصبر...
| |
|
|
|
|
|
|
|
|
Re: عيب يا ( حرمة ) كدا كيزان السودان بيزعلوا م� (Re: Mannan)
|
ايوة عمر .. بتذكرها جدا
نحن الما انجمع فى فارغه كور لمتنا
تعلو على مقاليد السمات همتنا
نحن الفى العرب ما بتنغفر زمتنا
تيجان الملوك تمل حساب عمتنا
و برضو قال
فلاحة العربي داك سفروقو يجنب كلبو
المهم
العيب اننا نخزن في الفخر الكلامي بس
دون ان يكون دافعا لنا ان نشبه ما نقول
| |
|
|
|
|
|
|
|
|
|
Re: عيب يا ( حرمة ) كدا كيزان السودان بيزعلوا م� (Re: عبدالحفيظ ابوسن)
|
غالبآ هي امازيغية
نجي لمشكلتنا نحن بلد متعدد في كل شئ ليه ما يكون فيهو جزء عربي ؟ ايه ال بمنع ؟
بس يكون معلوم لمن يدعي اي هوية أنها لن تعطيه اي ميزة تفضلية في اي شئ ولا
يعشم في اي معاملة خاصة
زيو وزي اي سوداني تاني ، اما ان كان يعتقد في تفرده فهو اعتقاد يخصه هو
ولا يلزم سواه ،و بنفس القدر لا يحط من شأنه انه عربي ولا يرفع من شأن الاخرين
أنهم غير عرب
هذا مع تحياتي و تمنياتي لكم بعيد سعيد يا الما لكم دخل بالعيد 😀😀🌹🌺
| |
|
|
|
|
|
|
|
|
|
Re: عيب يا ( حرمة ) كدا كيزان السودان بيزعلوا م� (Re: اخلاص عبدالرحمن المشرف)
|
الزولة دي يا عبد الحفيظ لا تتحدث عن ادعاء بعض الشعوب للعروبة
هي تقول إنو العرب عايزين يضموا أي بلد وأي حتة لعروبتهم
ورسالتها للأكراد أوعكم تتنازلوا للذين يقولون كركوك عربية
وآخر الشريط جابت التاريخ الهمجي للعرب حسب وصفها
وقالت كانوا يغزو أوروبا ويجلبوا الشقراوات للسلطان
وختمت بالحرف: الله يلعن دينكم وأيديولوجيتكم يا حمير
عمر دفع الله ضلل المشاركين
أقصد misled them
| |
|
|
|
|
|
|
|
|
|
Re: عيب يا ( حرمة ) كدا كيزان السودان بيزعلوا م� (Re: عمر دفع الله)
|
ده اسمو لوي عنق الخقيقة يا عمر دفع الله
انا هنا بتكلم عن ثلاثة هجرات عربية تمت للسودان والقرب الجغرافي يؤيد دلك
الاولي تمت قبل الاسلام بمراحل ولم يجد المهاجرون مشكلة في الاندماج
ف الحضارة السائدة في السودان هي السودانية القديمة وهي حضارة متسامحة ثم تواصلت الهجرات في زمن
علوة والمقرة وخلال الفترة المسيحية حيث كان العرب أنفسهم يدين جزء منهم بالديانة المسيحية
أو غيرها ثم الهجرة الثانية بعد الاسلام ولم يتم بها اندماج بل كانت حرب ومعاهدات ثم الهجرة
الثالثة بعد سقوط الاندلس وهذه تم بها اندماج تحده بعض القيود .
هل من دخل خلال هذه الهجرات عرب عاربة ام عرب مستعربة ،الارجح عندي هم مستعربة
ولا تنسي ان جرهم وغيرها من قبائل العرب لا تتواجد الان في الجزيرة العربية اي ان عرب الجزيرة
الان ليس بمرجعية للعروبة
لا نطلب من احد ان يعترف أو لا يعترف فهذا أمر يخص السودانيين واحترامهم للمكون الوطني
ولبناء وطن يسع الجميع ف ما تقوله هو الوجه الاخر لنفي الاخر
هذا مع الاحترام
| |
|
|
|
|
|
|
|
|
|
Re: عيب يا ( حرمة ) كدا كيزان السودان بيزعلوا م� (Re: اخلاص عبدالرحمن المشرف)
|
يا احلاص الزعل في شنو !
كدي سيبيني من لوي الحقيقة ولو ي اليد
خلاس اتفقنا العايز يبقا عربي اليبقا
كان بهجرات عاربة او مستعربة او تجار شنطة وبدون رخصة عربية كمان
وبدون حتى اي اعتراف من ايتها جهة عربية ، حتى لو كانت جامعة الدول العربية .
لكن الكلام البنقول فيهو دا ما كلام ساهل ودفعنا فيهو اثمان با هظة ، ناهيك على مستوى الوطن
حتى على المستوى الشخصي .
يا اخلاس
البشوف تفاعل الناس بسبب الاوهام العروبية والدينية ، مع اغاني الفنانة جوليا بطرس
ايام العدوان الاسرائيلي على لبنان ، يقول السودان دا وكأنه من ضمن بلاد الهلال الخصيب
وعندما قتلت الانقاذ الملايين من شعبنا في جنوب السودان وجبال النوبة ومئات الالوف في دارفور
بدا الامر للناس وكأن هذا الموت المجاني يحدث في دولة اخرى لا يهمنا امرها .
عشان كدا يا استاذة ما تفتكرى الكلام دا كلام والسلام .
لا يزال هناك جهات تصّر على فرض الهوية العربية الاسلامية على بلادنا
ولا تستطيع ان تعيش وتحمى مصالحها بدون تكريس هذا الاتجاه وبالقوة وعنف اجهزة الدولة
وزي ما شايفا كيف يعاملون اهل الهامش ويقتلونهم كما البائم حتى في العاصمة القومية
كما يحدث لطلاب دارفور في الآونة الاخيرة .
العرب على المستوى الشعبي لن يقبلوا بعروبة السودانيين من ادعياء العروبة
حتى لو تطابقت الوانهم واشكالهم معهم .هذه حقيقة لا يعرفها إلا من عاش بينهم .
اذكر ان لبنانيا في بيروت الغربية من الطائفة المارونية . وهو من الظرفاء كان يسهر احيانا مع مجموعة
من السودانيين يعملون في احد المطاعم . في ذات مرة دخلوا معه في نقاش حول الاديان
المهم قام سألهم :
يا جماعة ياخي انتوا خوتنا بالنقاش هايدا
بس عندى سؤال بسيط ، ليش ما فيش نبي اسود
كل الانبياء والرسل بيض البشرة ؟
وليش ما طلع بيد افريقيا نبى واحد ؟
وكان في سوداني من ضمن المجموعة واقف لط
ردّ على اللبناني بحدة شديدة :
يا زول نحنا العرب الاصليين
هسي انت بتقول عربي كيف يعنى !
انت عيونك خُدر وشعرك اشقر ولا تنطبق عليك ملامح العرب
قوم لف ياخي , انتوا بقايا غزاة وبس .
يا اخت اخلاس لن اذهب ابعد من كدا
وسأترك لك تحليل عناصر هذا الحوار البسيط
من اشخاص عاديين ، هم في الغالب يمثلون القطاع الاوسع من المجتمع
هنا وهناك وهذا الاختلاف الذى يبدو بسيطا في ظاهره كان سببا في اندلاع الحروب ونشر التطرف والعنصرية .
| |
|
|
|
|
|
|
|
|
|
Re: عيب يا ( حرمة ) كدا كيزان السودان بيزعلوا م� (Re: عمر دفع الله)
|
اخوي عمر انا قاعدة وسط الناس ديل وبتعامل معاهم يوميآ
في تاريخ الامم والدول مد وجزر والدولة العربية بتركيبتها الحاليه
دولة مأزومة وبالتالي تجد محتمع مأزوم ليس فقط تجاهنا بالتحديد
بل تجاه الجميع و تجاه مكوناته الداخلية ، ردود فعلنا قد تكون حادة خلاف
الاخرين ، بالنسبة لجوليا بطرس كتر مثلي كده ما شغالين ب الدعاية والميديا
ويستطيعون ان يرتبوا أولوياتهم ، لا أشعر تجاه اي دولة اخري بالغضب وعندك
مثال لاعب كرة القدم الذي قال ان النبي ( ص) سعودي المعني ال عاوزه اوصلوا
انهم نجحوا لحد ما في بناء دولة وايجاد شعور بوطن وان كان القبيلة لا زالت موجودة
المشكلة فينا نحن ، ان نخرج من التناحر ونرضي بتنوعنا و نبدأ في بناء وطن
سألت سعودية معي لماذا لا تتفاعلون مع دارفور ردهاالجمني قالت بالحرف الواحد
دارفور دي حرب اهلية ،ببساطة سؤالهم يقيفوا مع منو
| |
|
|
|
|
|
|
|
|
|
Re: عيب يا ( حرمة ) كدا كيزان السودان بيزعلوا م� (Re: اخلاص عبدالرحمن المشرف)
|
والله يا إخلاص انا شايف التنازل عن الهوية العربية أفضل...
دا كان إرث ميلادي مقدس فرضتو وقائع تاريخية محددة...كان فيهو شئ من التحدي وثبات الأقلية أمام الأكثرية..
الان مش استنفد أغراضو وبس،ولكن أغراضو بقت مدمرة كمان...
مفروض بعدّا الأعرق ذات الجذور العربية تربي مواليدا على هوية متصالحة مع الواقع الوطني المعاصر...
الشغلانة حسابات اكتر من أي شي تاني...
ولو الناس غلبا تب اليعتبرو تبرع هههه (امزح طبعا)
سلام للجميع وخاصة المنبثق
| |
|
|
|
|
|
|
|
|
|
Re: عيب يا ( حرمة ) كدا كيزان السودان بيزعلوا م� (Re: عليش الريدة)
|
سلام يا استاذ عليش
انا بقول المجموعة العربية في السودان جزء من السودان الكبير
علاقتنا مع الدول العربية تبقي ضمن علاقات الدول تحكمها المصلحة
وانا أري دول كثيره تحاول نيل حصة من سوق العمل الخليجية .
كل ما اقوله ان نؤهل ناسنا اما معارك الدول العربية ف امريكا هي
من تديرها ف لا نخدع أنفسنا
ليت لنا مجموعات ضعط تهتم بنيلنا حصة من المعونات الامريكية
لمناطق بعينها وان تكون مشروعات
الحكومة ما بثق فيها جنها لولوه
| |
|
|
|
|
|
|
| |
عمر دفع الله
جمال ود القوز
عبدالحفيظ ابوسن
أيمن الفاضل
حيدر حسن ميرغني
Mannan
معاوية الزبير
عليش الريدة
فيس بوك
تويتر
انستقرام
يوتيوب
بنتيريست