|
Re: رساله الي صلاح جادات و الحادبين و من يهمهم (Re: عرفات حسين)
|
الأخ عرفات طابت اوقاتك بكل خير ياحبوب ما أظن في زميل هنا بيسعي لايقاف زميل والبورد بيسع الجميع الشغلانية هنا زي السوق كل زول بيفرش بضاعتو والقاريء هو المشتري يقراء الحاجة البتتوافق مع حاجاتو كان رياضة او سياسة او تقافة والخ و الزول القال ليك ممكن أي شخص يلجأ لبكري عشان يقلص مشاركة زميل وبكري يوافقو الراي غشاك . ناس كتار هنا قبلك بكري قلص مشاركاتهم لاسباب منطقية يراها هو ورجع ليهم الكوتة بعد فترة . نصيحة أخوية أنت والزملاء الاوفياء العاوزين تتوقفو حتي يبت أب صلعة في الأمر حتطولو والله صحي أتمني أن تواصل المشاركة بالكوتة المخصصة لك وتتواصل مع الاخ بكري بالرسائل حتي يرجع ليك الكوتة .
| |
![Edit](https://sudaneseonline.com/db/icon_edit.gif)
|
|
|
|
|
|
Re: رساله الي صلاح جادات و الحادبين و من يهمهم (Re: علاء سيداحمد)
|
مش ضروري الا شكوى يا علاء .. بكري متابع المنبر .. وشايف الشتائم التي لا يقبلها احد .. التي تم توجيهها لبعض الأخوان هنا .. وانا نبهت عرفات لي حاجة زي دي وقتها أعتقد .. اللجوء للشتم والانزعاج لمجرد رأي مخالف ومعارض .. أو حتى يبحث عن تفسير عقلاني ومقبول .. شي فيه كثير من التصرف الطفولي والصبياني .. فكأنك يا عرفات تريد أن يوافقك الناس على ما تقول وتفعل ... وهذا شي مستحيل تحصل عليه لا هنا ولا في أي مكان .. يأخ الزول جوه بيتهم ما بيلقى كلام زي ده .. فضروري ومهم جدا يا عرفات إنك تقبل الرأي الآخر .. مهما كان بعده عنك وترد عليه بصورة عقلانية مرتبة وبتأني .. مهما كان مستفزا او مزعجا لك .. يا كمان الحل التاني إنك تعمل نفسك ماشايفه وتتجاهل تماما الرد .. أي تصرف تاني بيوقعك تحت طائلة عقوبات المنبر .. وتقليص مداخلاتك .. فطالما انت مهتم بيها كده .. مفروض تعمل حسابك في ردودك على المخالفين .. كثقافة لقبول الرأي الآخر .. أو حتى للحفاظ على مداخلاتك .. ربنا يصلح الحال ....
| |
![Edit](https://sudaneseonline.com/db/icon_edit.gif)
|
|
|
|
|
|
Re: رساله الي صلاح جادات و الحادبين و من يهمهم (Re: عادل الباهي عبدالرازق)
|
تقليص المشاركات لمدة معينة يأتي كعقوبة على مخالفة اللوائح و ربما يسبقه تنبيه او لا - لست متأكد لكن المتاكد منه تماما مخالفتك أكثر من مرة وآخرها مع الزميل عبد اللطيف بكري الذي لم يعجبك رأيه في حكومة "المقهى" الهلامية فطلعته كوز وامنجي وعواصة بل وذهبت أكثر من ذلك لما لم تجد له تعزية في البوست الذي كتبه بكري لتمس اسلامه عديل كدا! مع أني ارى ان الكوتة المقيدة زاتها كتيرة على نوع مشاركاتك التي توزع فيها الجهل لكن في النهاية هذا حقك ومبادئ الديمقراطية و الحقوق المتساوية تفرض ان يكون حتى للجاهل كامل الحق في المشاركات و التبرع بجهله اطالب بكري ان يعيد لك مشاركاتك كاملة .حتى وإن كانت هذه المطالية قد لا تغني أو تعني عند بكري شيئا لكن على الأقل لابد من قولها واسماعنا اصواتنا له.
| |
![ICQ](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
|