|
Re: على ذمة معاوية عبيد ( صور ) الفريق عبدالغف� (Re: Nasser Amin)
|
من صفحة الصديق نعتصم سيد احمد من الفيس بوك بكتب علي صاحب الصورة اعلاه تار شخصي لعشرين عام ولم تفارق صورة ضابط جهاز الامن عبد الغفار الشريف ذهني مدير الأمن الطلابي في تسعينات القرن الماضي وطيلة هذه السنوات وددت لو تختبر ذاكرتي صورة عابرة لهذا الرجل العدواني وها قد حدث ذلك ، في الثاني من يناير العام 98 داهمت قوة من جهاز الأمن منزلي الكائن بالفتيحاب مربع 16 تم اعتقالي ومجموعة من زملائي من المنزل ، ثم إقتيادنا الى عمارة الأمن الطلابي الكائنة بالمنطقة المجاورة لمحطة السكة حديد بحري وموقف شندي وكان ذلك في نهار رمضاني شتوي ، إستقبلونا بالهياج واعقاب البنادق وخراطيش المياه السوداء ونحن نزحف على بطوننا في ذلك الحوش ، كان إحتفالهم بنا دموي كانوا كثيران هائجة او ككلاب مسعورة جائعة هجمت على فرائسها ، كانت خراطيش المياه السوداء تمزق ملابسنا واجسادنا ، بعد احتفالات التعذيب في اليوم الاول بدأت مرحلة التحقيق في اليوم الثاني ، فكان نصيبي ان يحقق معي كبير ذلك المكان هذا العبد الغفار اللعين ، كان يجلس خلف مكتب فخم ، كان نادراً ما يستخدم يده في التعذيب لديه شخصان يقومنا بذلك بشكل جيد إستخدموا معي كل اساليب التعذيب من الفلقة الى رفعي من جنبي يمسك كل واحد منهم كليتي ويضربوني بحائط المكتب وهو جالس بهذا الوجه القبيح ينتظر مني ان افك الاكواد المكتوبة في بعض الوثائق ، المدهش كان له زوار يزورونه في ذلك المكتب ذو الكراسي البنية الوثيرة فيتركني مرمي على ارضية المكتب ويتقاسم معهم الحديث كانهم في صالون بيته ، يا عبد الغفار الشريف حاقول ليك ما قالو حميد يومين عديناهن جوة يبقى غصب زادننا قوة وبرضو قال .. ليكم يوم يا ولاد الهرمة وحتما سيأتي القصاص
| |
![Edit](https://sudaneseonline.com/db/icon_edit.gif)
|
|
|
|
|
|
Re: على ذمة معاوية عبيد ( صور ) الفريق عبدالغف� (Re: اسامة الخاتم)
|
أنباء غير مؤكدة عن اعتقال اللواء عبد الغفار الشريف 06-14-2017 05:12 AM الخرطوم - الراكوبة بات في حكم المؤكد أن يطير الفريق عماد عدوي القائد البارز في الجيش الحكومي، إلى السعودية في مهمة محددة هي طمأنة قيادتها على استمرار القوات السودانية المشاركة في عاصفة الحزم باليمن، وأنها وجودها لن تتأثر بالتطورات التي حدثت في ملف الفريق طه عثمان، الذي تم حرمانه من السفر إلى السعودية واحتجازه في مكان غير معلوم من قبل المخابرات السودانية.
وقالت مصادر مطلعة لـ(الراكوبة) إن القوات الأمنية والعسكرية في الخرطوم رفعت من درجة استعدادها تحوطاً لأي تحرك من قائد مليشيا الدعم السريع محمد حمدان حميدتي، لا سيما بعد ظهوره اليوم في مطار الخرطوم لحظة عودة الفريق طه من الخارج.
إلى ذلك راجت أنباء لم يتسنَ بعد للراكوبة التأكد منها من أنه تم اعتقال ضابط جهاز الأمن النافذ اللواء عبد الغفار الشريف المحسوب على الفريق طه.
وكان الشريف قد ظهر مع الفريق طه وحميدتي في مطار الخرطوم، ظهر الثلاثاء، لحظة عودة طه من الخارج. ويُصنَّف اللواء عبد الغفار الشريف ضمن الدائرة الموكول لها تعذيب المعتقلين، وتنفيذ العمليات القذرة داخل جهاز أمن البشير.
| |
![Edit](https://sudaneseonline.com/db/icon_edit.gif)
|
|
|
|
|
|
Re: على ذمة معاوية عبيد ( صور ) الفريق عبدالغف� (Re: فرح الطاهر ابو روضة)
|
كتبت مي محجوب شريف: لاحول.... تم اعتقالنا ونحن اطفال، انا عمري ٦سنين ومريم اختي عمرها ١٠ سنين، ومعانا امي، للضغط علي الوالد رحمه الله. الاعتقال تم في بيت فاتح في السكة حديد بالقرب من القيادة العامة. دخلونا غرفة فيها أكياس مراتب محشية بالٱسلحه، مقابلاها غرفة تعذيب، وكان بعذبوا فيها شاب تعذيب شديد جدا... تم التحقيق معاي بوجود ٢٠ امنجي كلب، وكانوا بيسالوا جميعا في نفس الوقت، وطبعا طبيعي ارد علي سؤال واحد... وبعد الجواب بسمع ١٩ نبذة وإساءة. الاسئله عباره عن: من هم زوار البيت، ابوك بيمشي وين، معاه منو؟ نحن حنقطع ليه لسانه، وامك حنوديها سجن النسوان، واختك حنوديها الاصلاحية، وانت حنوديك مكان الاطفال الماعندهم اهل، لكن لو وريتينا ابوك بيعمل في شنو ماحا نعمل كده.... التحقيق استمر ٢٤ساعه بالتناوب بيني انا وامي ومريم . حوالي الساعة ٥ صباحا ركبونا في عربية ونزلونا في مكان بعيد جدا... المهم بعد مشينا مسافة لقينا حافلة فيها ناس. امي وقفتهم وكلمتهم واصروا يوصلونا البيت بكل التضامن.... بعد التجربه دي انا دخلته في حاله صدمة نفسية ومرضت مرض شديد جدا. طبعا لاني كنت طفلث فكانت الصوره بالنسبه لي كبيرة، وكنت بتخيل إن كل ما يطلع زول من البيت ما حيرجع تاني، وكل مايدق باب الشارع بتخيل ديل هم.. وكنت لمن يفتحوا التلفزيون وتجي "في ساحات الفداء" والدفاع الشعبي والترابي، بقول انا بكره الدين الاسلامي، لاول مره كان ابوي يتناقش في السياسة معاي، قال لي دا ما الدين الاسلامي دي حكومة الجبهة الاسلامية، وشرح لي يعني شنو... بعد شهرين غياب من مدرسه كمبوني نزلت، ولكن كنت رافضه احضر حصه التربية الاسلامية كنت بمشي بدخل الكنيسه، الى أن القسيس والوسيسترس سالوا المعلمات وعرفوا البيت، وجوا قابلوا امي وابوي، وهم بي دورهم شرحوا ليهم الظرف المرينا بيه، وبقت في علاقة بيني وبين ناس الكنيسه، وهم كانوا بيحكوا لي عن الدين الاسلامي حتي بقيت ادخل حصه الدين الاسلامي ... ابوي كان بقول لي ماتختاري بي رد فعل وفي غضب من حقك تختاري بس مابي زعل.. المهم طولت عليكم بالرغم من تفاصيل الاعتقال كتيرة ولكن هذا العبد الغفار ومن معه هم من اعتقلونا... اراده الشعب السوداني اقوي من كل اشكال القمع. لكم جميعا التحية، ولك ....... 17/6/2017
| |
![Edit](https://sudaneseonline.com/db/icon_edit.gif)
|
|
|
|
|
|
Re: على ذمة معاوية عبيد ( صور ) الفريق عبدالغف� (Re: فرح الطاهر ابو روضة)
|
كتبت مي محجوب شريف: لاحول.... تم اعتقالنا ونحن اطفال، انا عمري ٦سنين ومريم اختي عمرها ١٠ سنين، ومعانا امي، للضغط علي الوالد رحمه الله. الاعتقال تم في بيت فاتح في السكة حديد بالقرب من القيادة العامة. دخلونا غرفة فيها أكياس مراتب محشية بالٱسلحه، مقابلاها غرفة تعذيب، وكان بعذبوا فيها شاب تعذيب شديد جدا... تم التحقيق معاي بوجود ٢٠ امنجي كلب، وكانوا بيسالوا جميعا في نفس الوقت، وطبعا طبيعي ارد علي سؤال واحد... وبعد الجواب بسمع ١٩ نبذة وإساءة. الاسئله عباره عن: من هم زوار البيت، ابوك بيمشي وين، معاه منو؟ نحن حنقطع ليه لسانه، وامك حنوديها سجن النسوان، واختك حنوديها الاصلاحية، وانت حنوديك مكان الاطفال الماعندهم اهل، لكن لو وريتينا ابوك بيعمل في شنو ماحا نعمل كده.... التحقيق استمر ٢٤ساعه بالتناوب بيني انا وامي ومريم . حوالي الساعة ٥ صباحا ركبونا في عربية ونزلونا في مكان بعيد جدا... المهم بعد مشينا مسافة لقينا حافلة فيها ناس. امي وقفتهم وكلمتهم واصروا يوصلونا البيت بكل التضامن.... بعد التجربه دي انا دخلته في حاله صدمة نفسية ومرضت مرض شديد جدا. طبعا لاني كنت طفلث فكانت الصوره بالنسبه لي كبيرة، وكنت بتخيل إن كل ما يطلع زول من البيت ما حيرجع تاني، وكل مايدق باب الشارع بتخيل ديل هم.. وكنت لمن يفتحوا التلفزيون وتجي "في ساحات الفداء" والدفاع الشعبي والترابي، بقول انا بكره الدين الاسلامي، لاول مره كان ابوي يتناقش في السياسة معاي، قال لي دا ما الدين الاسلامي دي حكومة الجبهة الاسلامية، وشرح لي يعني شنو... بعد شهرين غياب من مدرسه كمبوني نزلت، ولكن كنت رافضه احضر حصه التربية الاسلامية كنت بمشي بدخل الكنيسه، الى أن القسيس والوسيسترس سالوا المعلمات وعرفوا البيت، وجوا قابلوا امي وابوي، وهم بي دورهم شرحوا ليهم الظرف المرينا بيه، وبقت في علاقة بيني وبين ناس الكنيسه، وهم كانوا بيحكوا لي عن الدين الاسلامي حتي بقيت ادخل حصه الدين الاسلامي ... ابوي كان بقول لي ماتختاري بي رد فعل وفي غضب من حقك تختاري بس مابي زعل.. المهم طولت عليكم بالرغم من تفاصيل الاعتقال كتيرة ولكن هذا العبد الغفار ومن معه هم من اعتقلونا... اراده الشعب السوداني اقوي من كل اشكال القمع. لكم جميعا التحية، ولك ....... 17/6/2017
| |
![Edit](https://sudaneseonline.com/db/icon_edit.gif)
|
|
|
|
|
|
|