تؤكد دراسة قام بها ثلاثة من الأساتذة في كلية الصحة العامة بجامعة جون هوبكتر .. أن الزوج يشعر بالكآبة عندما تغيب عنه زوجته فترة طويلة, ولاسيما الأزواج الذين تتراوح أعمارهم ما بين 55ـ 65 سنة , حيث يهملون طعامهم وأعمالهم ومظهرهم الخارجي, وقد يلزمون البيت في حالة غياب الزوجة .
أها... تاني شنو؟
09-20-2016, 08:59 AM
عمر التاج عمر التاج
تاريخ التسجيل: 02-08-2008
مجموع المشاركات: 3679
وتشير الإحصائيات إلى أن نسبة الوفيات بين الرجال الذين فقدوا زوجاتهم يصل إلى 63% مقارنة بالأزواج الذين ينعمون بحياة زوجية سعيدة .
وتؤكد دراسات أخرى أجراها مجموعة من علماء النفس البريطانيين أن المرأة لاتتمتع بمثل عواطف الزوج الذي يعد أكثر حنواً, حتى لو أظهر عكس ذلك. حيث إن المرأة أحياناً لاتهتم بغياب زوجها , بل قد تنتهز فرصة هذا الغياب لكي تندمج مع الأهل والصديقات , أو للانتهاء من أعمالها المنزلية , ولكنها في الوقت ذاته تراجع سلوك زوجها طوال فترة غيابه .
.. .. ماقالوا عليك حنين بس وينها الحنية
09-20-2016, 09:04 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
الأزواج الذين تتراوح أعمارهم ما بين 55ـ 65 سنة ------------------------------------------ عاين لي جاي يا عمر الرجل في العمر دا بتكون زوجتو شبعانة حنان واهتمام من اولادها وبناتا وما محتاجة للرجل مرة واحدة اها دا العمر البكون فيهو الزوج باقي للزوجة في رقبتا ويجضا نجاض قبورة يا مرة مشيتي وين ... يا مرة تعالي لي .. الدواء وين ... الحبوب وين ... جيبي لي موية باردة في الوقت التي كانت تتباعه ودايرهو جنبها طول الوقت عندما كانت شبابا وهذه بتلك . . هكذا هي مراحل العمر وقد عرفت كل تفاصليها الله يدينا الشهادة والعمل الطيب
09-20-2016, 11:11 AM
عمر التاج عمر التاج
تاريخ التسجيل: 02-08-2008
مجموع المشاركات: 3679
Quote: عاين لي جاي يا عمرالرجل في العمر دا بتكون زوجتو شبعانة حنان واهتمام من اولادها وبناتاوما محتاجة للرجل مرة واحدةاها دا العمر البكون فيهو الزوج باقي للزوجة في رقبتا ويجضا نجاض قبورةيا مرة مشيتي وين ... يا مرة تعالي لي .. الدواء وين ... الحبوب وين ... جيبي لي موية باردةفي الوقت التي كانت تتباعه ودايرهو جنبها طول الوقت عندما كانت شباباوهذه بتلك
لكن يا ود البوش معقول حنان الاولاد يغني المرأة عن حنان الزوج .. غايتو ربك عليم لكن ظني انو في فرق بين حنان وحنان، زي الفرق بين حب الزوجة من طرف زوجها واخوها وبعدين الفيديوم الفوق شايف فيهو عجائز (راقين) قاعدين في امانة الله مع نسوانهمأما عندما كان شابا دي بالذات مافيها خلاف في كلامك ، وحانجيهو بعد التكملة التحت الظريفة دي.
تكمل الدراسة تحليلها بتعليق من العالم الامريكي قائلة: يفسر ذلك السلوك عالم النفس الأمريكي جون ديلا وانى قائلاً: 'إن الرجل لايستطيع الحياة بغير امرأة في حين تستطيع المرأة أن تعيش بدون رجل, كما أن الرجل يعتمد على المرأة بدرجة أكبر في الحفاظ على توازنه النفسي والعقلي, ويرتبط بأمه منذ الطفولة, وعندما يصل إلى مرحلة الشباب تصبح المرأة محور حياته'.
أما السّر* وراء عدم استغناء الرجل عن المرأة فتؤكده عدة إحصائيات, خلاصتها أن الرجال غير المتزوجين أكثر إصابة بالأمراض العضوية والنفسية , كما أنهم أقصر عمراً.
وتؤكد نفس الدراسات أن النساء اللاتي يعشن حياتهم بدون زواج تكون صحتهن أفضل...
* السر ده مابتاع قصة الطهور ديك.
09-20-2016, 05:18 PM
عمر التاج عمر التاج
تاريخ التسجيل: 02-08-2008
مجموع المشاركات: 3679
يبد أن اهلنا الغبش جربوا الحياة أكثر من بني علم و تنظير فخرجوا لنا بمقولة يواسون فيها من أنجب بنتا: ( البت أحن من الولد) والحن هنا حن البنت لأبيها وهو كبير، والحنان هناك مشاعر الجذب القطبي بين الشمال الذكري والجنوب الأنثوي.
09-20-2016, 05:39 PM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
تاني الرجل في سن زي دي بيكون ادمن اكل زوجته ودلعها ليهو , يعني باختصار دي اخطر سن للحب والتعلق بذات من قبل الرجل زي ما اقول ليك لانه بيعتبر عمر جديد ما ملاحظ زمان امهاتنا وابااءنا مقنطرين العمم وامهاتنا عايمين زي الوزين وراهم هههه . غايتو انا بعتبرها احلي مرحلة انت عارف يا ابو عمير هنا في اوربا الظاهرة دي متفشية جدآ لدرجة لما يموت واحد فيهم بسلامتك في فترة وجيزة التاني بحصلو كان بنتحروا ما عارفة لكن متابعة التلفزيون حقهم في برامج كتيرة زي دي وقصص اشكال والوان من وفاء الازواج في الكبر .. غايتو نقول اوعدنا يا رب بعد الكبر دا نلقي البموتوا ورانا هههههههه .
الموضوع دا شكلو بنتهي بي شكلة عشان كدا .. لي عودة .
ولك الشكر يا حبيبنا ,,,
09-20-2016, 05:58 PM
عمر التاج عمر التاج
تاريخ التسجيل: 02-08-2008
مجموع المشاركات: 3679
هلا بمنانا ورجانا بت عمسيب شوقا يشفق لامن شفقنا من غيابك ، في العنقريب ما شايفك ، ان شا الله بسط.
Quote: الرجل في سن زي دي بيكون ادمن اكل زوجته ودلعها ليهو , يعني باختصار دي اخطر سن للحب والتعلق بذات من قبل الرجل زي ما اقول ليك لانه بيعتبر عمر جديد ما ملاحظ زمان امهاتنا وابااءنا مقنطرين العمم وامهاتنا عايمين زي الوزين وراهم هههه . غايتو انا بعتبرها احلي مرحلة انت عارف يا ابو عمير هنا في اوربا الظاهرة دي متفشية جدآ لدرجة لما يموت واحد فيهم بسلامتك في فترة وجيزة التاني بحصلو كان بنتحروا ما عارفة لكن متابعة التلفزيون حقهم في برامج كتيرة زي دي وقصص اشكال والوان من وفاء الازواج في الكبر .. غايتو نقول اوعدنا يا رب بعد الكبر دا نلقي البموتوا ورانا هههههههه .
يعني يا منى نحن ننتظر لحدي سن معاش الحب عشان نستمتع بحبنا يا اخي انا خايف الحب يكون عندنا ليه عمر ، وبعد الاربعة والاربعين تلم فينا أم 44 تكرهنا قعاد البيت. غايتو رجال الشعب السوداني قاعدين يستمتعوا بالسن الأولى بس (ياكلوا ويشربوا حب) السنةالتانية المرة بتجن، ووالسنة من التالتة للرابعة بتشرد الأولاد من البيت، وبقية السنوات بتطفش راجل البيت وتقعد على تلته هههه عشان كدة الدراس منطقية انو الراجل رغم كدة بحن لحبيبته المرأة، ويجي يموت لها في عنقريبو الأول هههه. ننتظر شهودك ووثائق دفاعك
09-20-2016, 06:10 PM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
خلاس النتابع بوستيك دا واسيب الوراي والقدامي من ردود وجري ومزازة بين البوستات .. المهم ريحتني وياهي التامة باقي يومي هنا معاك هههه.
انت عارف يا ود التاج زمان كنت بسأل امي الله يرحمها بقول ليها انتي يا امي اسه عندكن صبر تقعدون مع الرجال ديل عشرات السنين كيف ؟ ههههههههه امي عندها كلمة مفضلة كلمة ( يا بت ) دي اقصي كلمات القهر وبداية لي هرجة ودرس خاص هههه المهم دارت الايام وانا بقيت في محل امي وحسيت بالوضع دا التزام مزعج جدآ ههههههه وما قدرت اواصل المشوار هههههه طبعآ اهو بداية طربقة معاك واكيد فاهمني بقول في شنو .
09-20-2016, 06:44 PM
عمر التاج عمر التاج
تاريخ التسجيل: 02-08-2008
مجموع المشاركات: 3679
Quote: بقول ليها انتي يا امي اسه عندكن صبر تقعدون مع الرجال
أنا غايتو ناوي أعمل دراسة موازية للدراسة الفوق واثبت فيها أنو ..( الرجل أكثر أمانا من المرأة) .. وبعدين سؤالك دا بتاع كيف تتحمل المرأة الرجل أنا كنت بسألوا نفسي وأقول : الراجل ده مالو شليق كده؟ يسيب الفضاء الواسع ده ويقفل نفسه في قفص ضيق عشان غشوه قالولوا (على طرية عادل امام) ذهبي؟. المهم اسع لي خمسة سنوات مقفول فيه .. بس اكتشفت أنو الرجل فعلا أحن من المرأة. هههه بكره بجيك بالدليل عشان أسع في جماعة مانعني السهر .
(عدل بواسطة عمر التاج on 09-20-2016, 06:50 PM) (عدل بواسطة عمر التاج on 09-21-2016, 07:15 AM)
09-20-2016, 06:55 PM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
وقعت في الشرك ماقلتلك الراجل حنين وبسمع كلام المرأة دا أنا حتى مسميه في العنوان الرحل بدون نقطة جيم عشان ااكد انه راحل فعلا بدون ميعاد ههههه وبجلي حنان المراة زاتو.
09-20-2016, 07:11 PM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
Quote: بوست ملغوم و فيه دردقه مني قنطرت روحها ... التاج ما صدق جاب الدراسة البوست ده شكلو ح يخرب بيوت التحية ل حواء السودان
انت عارف يا الصاوي ذكرتني بمناسبة البوست بخرب بيوت ههههههههه . مرة نادوني شباب هنا معانا قالوا لي تعالي اتكلمي لينا عن دور المرأة في التغيير . يوم ما انساهو علي الاطلاق كان شرفنا عمر دفع الله وزجتو . اها الناس جوا كتاااار كان في صالة مسرح كبيرة الصالة اتملت فل اها اول ما بجيت الندوة بديت الكام عن حقوق المرأة والمرأة لو ما طورت نفسها ما اظن حاتساعد في التغيير والله يا صاوي بمنتهي حسن النية كنت بتكلم فجأة !! لقيت كمية من الرجال يطنطنوا ! وطلعوا استغربت جدآ بعد الندوة انتهت وكانت ندوة حامية جدآ وبقي في شوية صراح بين الجنسين ولوم وعتاب بين النساء الموجودات وبعض الرجال الموجودين . تاني يوم ضرب لي رئيس تحالف الشباب شكرني وقال لي : في رجال طلعوا عشان انتي بتتكلمي بصورة فيها نوع من التحريض للنساء وتاني ما حا يسمعن كلامهم هههههههه عليك الله ياحامد يا خوي دا سمعت بيهو دايرة اساعدهم في تطور نسوانهم عشان يقرن ويتخرجن ويساعدوهم في حمل المسؤلية بهتوني وقالوا انا محرضاتيه هههههههه , قلت ليهم خلاس تاني اصلو ما بجيكم .
ومشكور يا صاوي علي المداخلة الذكرتني الايام الجميلة .
09-20-2016, 08:37 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 11291
الأخ عمر العنوان يكفي .. (الرجل أكثر حناناً من المرأة) و دي دايرة كلام؟ يا ريت لو كانوا زي بعض في الحنان كان الدنيا بقت جنة..لكن الله قادر جعل الرجل اكثر حنانا و صبرا لكي يتحمل المرأة..في مختلف المواقف و المراحل: يتحملها و هي شابة: يتحمل غرورها و تعاليها و كبرياءها. ثم يتحملها و هي ناضجة : معجبة بنفسها ،ناكرة ساخرة متعجرفة. ثم و هي عجوز: ساخرة ماكرة، ناكرة للجميل. لذا قدر الرجل أن يتحمل و ان يصبر. هذا مجرد رأي محايد ليس إلا...لذا يجب أن لا يغضب أحد.
09-20-2016, 09:08 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
شكرا مني علي ذكري الايام الجميلة حكت لي صديقة عزيزه عن محاضرة قدمتها وكانت بدايتها ان وزعت ورق للحضور من الجنسين و طلبت منهم كل واحد يكتب عمل شنو امس بعد جمعت الورق لقت اغلب الرجال كتبوا قمت من النوم مشيت الحمام صليت قريت قرآن شربت الشاي مشيت الشغل رجعت البيت اتغديت صليت شربت الشاي الي اخر اليوم النساء كتبوا قمت من النوم عملت الشاي عملت الفطور. جهزت الاولاد او البنات للمدرسة مشيت الشغل جيت من الشغل عملت الغدا غسلت العدة راجعت مع البنات او الاولاد دروسهم لحدي ما نومت الاطفال ... قامت قرت الكلام المكتوب و تسألت هل النساء ديل ما خشوا الحمام ما صلوا... ما فطروا و اتغدوا... اكيد عملوا ده والسؤال لييه ما كتبوه؟؟؟؟ ثم بدت تجاوب .... و اختتمت كلامها معاي بانها تعرضت لمحاولة اعتداء بالضرب من احد الحضور غير الشتيمة .... شكرا صاحب البوست علي اتاحة الفرصة لينا نتونس مع مني يعيد عن السياسة و الشكر لضيوف و زوار البوست
مرحب بيك يا اميرة بت السيد .. نعم هذا كلام الخواجات العلمي الرجل اكثر حنانا من المرأة .. أما كلام السودانيين .. فالمرأة لاشئ من الحنية والحنان.. ومن ناحية الحب فهي كان بقت الشنو داك ما بتقطع الراس وعشان تجيبي معاك مفراكتك وانت جاية البوست اعرفك بالمرأة.. نكتة علمية 😂😂😂😂
العنصر الخطير
تقرير علماء الكيمياء لعام 2016 تم إضافة عنصر جديد للجدول الدوري ...
إسم العنصر: الـــمرأة
الخواص الفيزيائيـــــــة:
يصل لدرجة الغليان لأتفه الأسباب ،،،
يمكن أن يتجمد في أي وقت ،،،
يذوب بسهولة عند معاملتة بالشكل اللائق ،،،
شديد المرارة إذا لم يستعمل بالطريقة الصحيحة ،،،
الخواص الكيميائيــــــة :
عضو نشط جدآ وقابل للحركة في كل مكان وبالذات في الأسواق ،،،
يتفاعل بسرعة قوية مع الذهب والفضة والبلاتين والأحجار الكريمة ،،،
عنيف إذا ترك وحيدآ ،،،
قابل لإمتصاص كمية هائلة من الشوكولاتة والمثلجات والمقرمشات ،،،
يتحول إلى اللون الأحمر عند وضعه بجانب عنصر مشابة أكثر جمالاً ،،،
الإستخـــــدامات :
يتميز بصفات جمالية تؤهله لأن يكون عنصراً مثالياً للزينة والجذب في أي مكان ،،،
من أجمل ماخلقه الله ،،،
من الممكن إستخدامه كمحطة للبث المباشر للأخبار وضمان وصول الخبر قبل حدوثه ،،،
تحذيــــــر : قـابل للإنفـجـار إذا تعرض للإهمال
من عجائب هذا العنصر : إذا غضب يستطيع التحدث بسرعة الضوء لمدة 6 ساعات متواصلة وبنهاية الكلام يضع قدماً على قدم ويقول : خليني ساكتة أحسن ،،،
تحية لهذا العنصر العجيب !!..!! 😂😂😂😂😂
09-21-2016, 07:11 AM
عمر التاج عمر التاج
تاريخ التسجيل: 02-08-2008
مجموع المشاركات: 3679
تحياتي اخونا حامد الصاوي وشكرا على تنويرنا المرأة .. قلت لي قالتهم اكتبوا حاجات الصباح .. وعارفة الصباح كله الراجل بتجهز لمشوار الشغل .. وفي بعض الاحيان يلولي في الشافع الصغير وبعدين يجهز نفسه هههه
Quote: حكت لي صديقة عزيزه عن محاضرة قدمتها وكانت بدايتها ان وزعت ورق للحضور من الجنسين و طلبت منهم كل واحد يكتب عمل شنو امس بعد جمعت الورق لقت اغلب الرجال كتبوا قمت من النوم مشيت الحمام صليت قريت قرآن شربت الشاي مشيت الشغل رجعت البيت اتغديت صليت شربت الشاي الي اخر اليوم النساء كتبوا قمت من النوم عملت الشاي عملت الفطور. جهزت الاولاد او البنات للمدرسة مشيت الشغل جيت من الشغل عملت الغدا غسلت العدة راجعت مع البنات او الاولاد دروسهم لحدي ما نومت الاطفال ... قامت قرت الكلام المكتوب و تسألت هل النساء ديل ما خشوا الحمام ما صلوا... ما فطروا و اتغدوا... اكيد عملوا ده والسؤال لييه ما كتبوه؟؟؟؟ ثم بدت تجاوب .... و اختتمت كلامها معاي بانها تعرضت لمحاولة اعتداء بالضرب من احد الحضور غير الشتيمة .... شكرا صاحب البوست علي اتاحة الفرصة لينا نتونس مع مني يعيد عن السياسة و الشكر لضيوف و زوار البوست
العزيزة منى هنا أثبتت في الشرك أعلاه بما لا يدع مجالا للشك أن الرجل يسمع كلام المرأة طيبة وحنية وان المرأة التي تسمع كلام الرجل غير جديرة بالانضمام لركب الثائرات ...
Quote: بوست ملغوم و فيه دردقه مني قنطرت روحها ... التاج ما صدق جاب الدراسة البوست ده شكلو ح يخرب بيوت التحية ل حواء السودان
09-20-2016, 10:14 PM
Hani Arabi Mohamed Hani Arabi Mohamed
تاريخ التسجيل: 06-25-2005
مجموع المشاركات: 3527
صباحك خير ياهاني نعم الرجل افضل.. وكويس خليتها مفتوحه لكن احسن تغلقها قبل ما تجيك بنات حواء ويقفلنها في وشك هه تقفلها يعني تقول اكثر شنو؟ حب .. حنان .. امان .. الخ
09-21-2016, 04:14 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
بدون زعل و كده: الرجل يتدفق حنانا و رحمة إذا أحب أو لم يحب. أما المرأة تتدفق حنانا و رحمة كذلك ...و لكن تجاه من أنجبها و تجاه من تنجبه هي. المرأة إذا أحبت : صارت أكثر غيرة و أنانية. الرجل إذا كره ابتعد و المرأة إذا كرهت انتقمت.
09-21-2016, 07:19 AM
عمر التاج عمر التاج
تاريخ التسجيل: 02-08-2008
مجموع المشاركات: 3679
سلامات اخونا محمد عبد الله الحسين .. أنت هنا جبت الرايحة .. وتميت الناقصة.
Quote: بدون زعل و كده: الرجل يتدفق حنانا و رحمة إذا أحب أو لم يحب. أما المرأة تتدفق حنانا و رحمة كذلك ...و لكن تجاه من أنجبها و تجاه من تنجبه هي. المرأة إذا أحبت : صارت أكثر غيرة و أنانية. الرجل إذا كره ابتعد و المرأة إذا كرهت انتقمت.
وأنتظر الراجياك .. وهنا كلامك عجبني ... لا لا .. كيفني لامن قلت أطور العنوان وأنادي بحقوق الرجل من المرأة ..
Quote: يا ريت لو كانوا زي بعض في الحنان كان الدنيا بقت جنة..لكن الله قادر جعل الرجل اكثر حنانا و صبرا لكي يتحمل المرأة..في مختلف المواقف و المراحل: يتحملها و هي شابة: يتحمل غرورها و تعاليها و كبرياءها. ثم يتحملها و هي ناضجة : معجبة بنفسها ،ناكرة ساخرة متعجرفة. ثم و هي عجوز: ساخرة ماكرة، ناكرة للجميل. لذا قدر الرجل أن يتحمل و ان يصبر. هذا مجرد رأي محايد ليس إلا...لذا يجب أن لا يغضب أحد.
وفعلا الرجل بحر من الود والحنان .. المرأة تغطس فيه ولاتغرق ، بل تطفوا عليه كما السفن المواخر تقول انها امتلكت البحر، ولكن هيهات ثم الخ ...
09-21-2016, 07:30 AM
عمر التاج عمر التاج
تاريخ التسجيل: 02-08-2008
مجموع المشاركات: 3679
Quote: ناس هوبكنز ديل ياعمر وين من كلام ربنا: {وجعل بينكم مودة ورحمة} و {ليسكن اليها}
أنا بتخيل لي والله اعلم -ياقولة علماء السلطان- أن المود ووالرحمة مقسومة بين الناس من زمن ابونا آدم وأمنا حوا ... أها حبوباتنا قالن : لمن أبونا آدم نزلتوا حوا بالجوكر هههه .. انتابه الحنين فظل يبحث عنها كل النهار ، وينوم الليل .. بعد كم سنة كده ماعارف ، عثر على ضالته وهي منبطحه جهارا نهارا في ظل شجرة .. شفت كيف البيع ده ، أها قعد ليها وسكن معاها في ظلها داك، ومن هنا جات قصة بعيش معاك ان شاء الله في ضل شجرة ههههه لكن نسوان الزمن ده - مع تحفظي على كلمة نسوان وابدالها بالنسوة- هن الدايرات يسكنن مع الرجل خاصة الباني جاهز ههههه المهم هي علاقات تجاذب لاقطاب متضاده .. ماتصالح منها اختلف وما تنافر اتطلقوا .. أما بخصوص الآية (وجعل بينكم مودة ورحمة) فحقوا تقول انت بقى وعن تجربة .. مين أكثر رحمة للأطفال : المرأة أم الرجل؟ ولماذا؟
09-21-2016, 09:02 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18149
تحياتنا ورحمة الله وبركاته يا الحبيب عمر التاج 55 شنو يا التاج ياخ ؟؟ 55 سنة في العصر دا يا داب الواحد كون نفسو وفكر يشوف بت الحلال تقول لي بتاع .. قريبا لينا عمرو دلوقتي ما شاء الله كم وخمسين ما بعيدة من الخمس وخمسين دي وهن داك ياهو يلعب في الكورة بالشورت والفنلة ولا كانو صبي ود تسعتاشر سنة .. الزمن اتغير يا عمروف ... ثم ياخ لما الأزواج يصلوا العمر البتحبسوا فيهو في البيت كل واحد فيهم ببقي كايس حنان أولادو وأهلو بعيدا عن نصف الآخر ودا طبعا لا ينفي أنو إحيانا بتاورو الحنين للعشرة ... تقول لي حب وحنان ورومانسية وما عارف شنو ؟؟ دا كلام عند الخواجات الأولادم بعد ستاشر سنة بستقلوا منهم وكل واحد بشوف مصلحتو على وين عشان كدا الواحد فيهم ما بكون قدامو إلا الزوج بس . نحن وضعنا غير يا عمروف .. قول معاي كذب الخواجات وإن صدقوا .. خخخخخخخخ
ما عارف الحنان يا عمر، لكن الشيء الواضح انو الرجل أجمل بمراحل من المرأة. أقصد الجمال الشكلي والروحي لو نظر مخلوق لا تتحكم في حكمه الهورمونات للرجل والمرأة من نفس الاثنية لرأى المرأة الجميلة في تلك الاثنية كائنا قبيحا مترها تبرز منه زوايد غير متناسقة، ولرأى كائنا يشبه دغمسة الرقم تمانية الانجليزية، ، ولرأى الرجل كائنا جميل البنية الجسدية يحاكي جمال ذكور الحيوانات، التي نتفق نحن بعد أن نجرد هورموناتنا من الحكم، بأن ذكور جميع الحيوانات تتفوق على الأنثى المبهدلة تفوقا جماليا لا يقبل المقارنة
09-21-2016, 11:51 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
عزيزي عمر قبل ما نتكلم عن حنان المرأة كدي اول حاجة نسمع جميل بثينة قال شنو في بثينة قال:" لا أيها النوام اسائلكم ...هل يقتل الرجل الحب فقالوا : نعم حتي يسل عظامه ...ويتركه حيران ليس له لب
أعاتب من يحلو لدي عتابه... وأترك من لا اشتهي وأجانبه
أرحميني فلقد بليت فحسبي ...بعض ذا الداء يا بثينة حسبي لامني فيك يا بثينة صحبي ...لا تلوموا لقد أقرح الحب قلبي زعم الناس أن دائي طبي... أنت والله يا بثينة طبي وقالوا يا جميل أتى أخوها... فقلت أتى الحبيب أخو الحبيب
فلنتفكر في قول جميل بثينة : زعم الناس أن دائي طبي أنت والله يا بثينة طبي..
يعني هذا ان بثينة بالنسبة لجميل وكأانها الطبيبة التي تشفي جراحه ليس بالمبضع والأدوية ولكن بالحنان والعطف والحب....
وأقرأ معي قول قائل ، لا اتذكر اسمه الآن: " تدهشني المرأة نعم تدهشني المرأة بحضور عاطفتها دوما فهي الأسرع إلى البسمة وهي الاسرع إلى الدمعة وفي كثير من الأحيان تمتزج بسمتها بدمعتها وهي الاسرع إلى الحنان دوما وإذا أردت أن تختبر حنان المرأة فما عليك إلا أن تمرض أو أن تتمارض فعندها ستراها تخاف عليك
وتمسح بيدها الدافئة على جبينك ويدها دوماً دافئة عجباً تكون مريضاً وحرارتك مرتفعة ولكن إذا وضعت المرأة يدها علبى جبينك فستشعر انها أكثر دفئاً من جبينك كيف يحدث ذلك وحرارتك مرتفعة إنه سر عجيب لا بد أن دفئها هذا لا ينبعث من حرارة دمها ، كما هو الحال مع الرجال بل تندفع من دفء من دفء عاطفتها الحاضرة دوما..
والله يديك الصحة والعافية واللقمة الدافية واليد الحانية
09-21-2016, 04:35 PM
عمر التاج عمر التاج
تاريخ التسجيل: 02-08-2008
مجموع المشاركات: 3679
انه الحنان ياعزيزتي اميرة الحنان المخلص لللرجل الذي اوحى لجميل ان يربط اسمه ببثينة وكثير بعزة .. وجعل الرجل يمدح المرأة بما يتمنى ان يجدها عليه ويتوهم فيها الشفاء والعسل ولكن في المقابل ماذا قالت شاعرات النساء في الرجل .. ولو من باب الوفاء.. عندما وصف نزار قباني المراة بالفاتنة ورفعها فوق الملائكة وصفت كاتبتنا الصحفية كرش الرجل وسفته ههههه عليك الله ما اخير كان سكتت .. اها نجي لكلامك .. ومرحبا باراء الجميع سنعود لها ريثما تعطينا المدام اللابتوب
09-21-2016, 04:45 PM
عمر التاج عمر التاج
تاريخ التسجيل: 02-08-2008
مجموع المشاركات: 3679
محمد البشرى والله الحنان الفي عيون العسكري ده مش يوقف المرور ده لو اتوزع على كل نساء العالمين لوسعهم.. وده حالتو شرطي .. لو كان شاعر مرهف كان الحنان غطى عينيه ..وطلع زيت الدلال الفيهو .. تنفع غنية مش كده. بالمقابل اعد البصر عشرة كرات في الصورة وطلع حنان المرأة المعيونة
09-21-2016, 08:23 PM
عمر التاج عمر التاج
تاريخ التسجيل: 02-08-2008
مجموع المشاركات: 3679
سلامات يا الصادق الصديق .. وصدقا لكلامك يا الصادق الراجل الحمش لازمن يمشي قدام الست .. ولكن الحماشة خشم بيوت .. في بيت بتلقى المرأة أحمش من الراجل .. يمشي وراها في كل شئ إلا في الشارع ، تلقاهو فارقها بشارعين
Quote: حياتي لصاحب البوست تحياتي بت عمسيب
(لماذا يتقدم الرجل السوداني زوجته بخطآ مسرعة اثناء المشي في الشارع العام ؟)
لأنو راجل حمش ولا انتي عازوانا نمشي وراكم كمان ههههههههه
09-21-2016, 04:53 PM
عمر التاج عمر التاج
تاريخ التسجيل: 02-08-2008
مجموع المشاركات: 3679
مرحبتين حباب ابوسن محل ما ميل.. وجيدا بالراي العادل ونعم الحكم.. المراة اذا احبت .. يعني مع من تحب فقط... ومشكلتها قلبها صغير .. لايحتمل حب اكثر من رجل هههه الرجل ماشاء الله قلبه واسع .. سلبة بس ممكن يحب اربعة ويغمر بالحنان مية .. نرجع للمرأة .. واحد من العالمين حنان .. طيب والباقين يموتوا كمد؟
09-21-2016, 05:16 PM
عمر التاج عمر التاج
تاريخ التسجيل: 02-08-2008
مجموع المشاركات: 3679
بت عمسيب جزاها الله خيرا عادت بسؤال في غاية الاهمية..
Quote: (لماذا يتقدم الرجل السوداني زوجته بخطآ مسرعة اثناء المشي في الشارع العام ؟)
انا اعترف باني لا املك الرد حاليا .. لانه في سؤال مرادف قافل جواب السؤال الاول السؤال هو : لماذا تمشي المرأة خلف الرجل وهم خارج البيت. الخيارات: لان الاخطار تقع على المقدمة .. يعني لو في لغم في الشارع يقوم في من؟ لان الرجل سريع.. لان كعب الشبشب عالي لان المراة بتتلفت عايزة تتمنظر في الشارع لان المراة عايزة تراقب تصرفات الرجل .. اي خيارات اخرى.. اها .. بعد شوية نجي للسؤال الاصل للناس الاصل ..
09-21-2016, 05:50 PM
Hatim Alhwary Hatim Alhwary
تاريخ التسجيل: 01-23-2013
مجموع المشاركات: 2418
.عمر التاج وضيوفه مساء الخير غايتو الرجل دا حنانو ذاتو وراهو مصلحة لووول
الحنان المجاني دا بتتفرد بيهو المراة الام وما براها بل جميع اناث الممالز حتة الجمال دي يا ابوبكر اتفق معاك فيها وبرضو بي سببها التشويه الجسدي للانثى دا ضريبة تطور لازم يسمح بولادة الشافع اب راسا غليد هسي لو كان التطور وقف على الهيرمافوردايت كان الذكور اكلو نيم
الجمال الجسدي والخارجي اكثر ملاحظة في ذكور الطيور
سمعت او شوفتا رقصة للفلاتة الامبراروا
ديل تقليد عديل كدة لمواسم تزاوج الطيور
تحياتي واسف على الفتلة
09-21-2016, 07:02 PM
عمر التاج عمر التاج
تاريخ التسجيل: 02-08-2008
مجموع المشاركات: 3679
Quote: تحياتنا ورحمة الله وبركاته يا الحبيب عمر التاج 55 شنو يا التاج ياخ ؟؟ 55 سنة في العصر دا يا داب الواحد كون نفسو وفكر يشوف بت الحلال تقول لي بتاع .. قريبا لينا عمرو دلوقتي ما شاء الله كم وخمسين ما بعيدة من الخمس وخمسين دي وهن داك ياهو يلعب في الكورة بالشورت والفنلة ولا كانو صبي ود تسعتاشر سنة .. الزمن اتغير يا عمروف ... ثم ياخ لما الأزواج يصلوا العمر البتحبسوا فيهو في البيت كل واحد فيهم ببقي كايس حنان أولادو وأهلو بعيدا عن نصف الآخر ودا طبعا لا ينفي أنو إحيانا بتاورو الحنين للعشرة ... تقول لي حب وحنان ورومانسية وما عارف شنو ؟؟ دا كلام عند الخواجات الأولادم بعد ستاشر سنة بستقلوا منهم وكل واحد بشوف مصلحتو على وين عشان كدا الواحد فيهم ما بكون قدامو إلا الزوج بس . نحن وضعنا غير يا عمروف .. قول معاي كذب الخواجات وإن صدقوا .. خخخخخخخخ
يا طلحة ياخ تفاءل خير تجد حب العشرين في السبعين .. كدي شوف فيديو المحبين التحت ده عشان تآمن بالحنان الحقيقي لجماعة ال55.. ثم ان ال55 هي مجرد مثال، يعني حوجة الرجل للمرأة وحنانه لها أقوى حتى عند العرسان الجداد ياخ تلقى في واحدات الراجل مغترب عنها 5 سنوات وهي تكشكش في دهيباتها وللا يهمها غياب ولا اغتراب .. لكن الرجل كان فقد الزوجة خمسة أيام تلقاهو لابس الجلابية بالمقلوب
يا زهرة في جوفي قد نبتت ، أعرف كم تعبت ِ من أجلي ، وكم صرخةَ ألم ٍ سببتها لكِ ، أعرف أننـي عشت في أحشائك ِ .. أكبرُ .. وأكبرُ ..وأعرف أنك لازلتي ترويني بحناكِ .. يا درة البصرِ ، يا لذة النظر.. يا نبضي .. لكم ضمتني عيناكِ ،و احتوتني يمناكِ .. وكم أهديتي القٌبلَ من شهد شفتاكِ .. لأرقد ملء أجفاني ... وأرسم حلو أحلامي .. وكم أتعبتِ من جسد ٍ، وكم أرّقتِ من جفنٍ .. وكم ذرفتِ من دمعٍ لأهنأ وأعيش في أمن ِ ، ويوم فرحتُ لا أنسى صدق بسماتك و تغاضيك عن آلامك .. ويوم أروح لا أدري طريق العَوْدِ يا أمي... فلن أنسى خوف نبضاتك.. و يوم أكون في نظرك .. تضميني إلى صدرك .. واسمع صوت أنفاسك .. وألتف على أغصانك .. أعيش نشوة العمرِ ..
والله يديك الصحة والعافية
09-21-2016, 08:42 PM
عمر التاج عمر التاج
تاريخ التسجيل: 02-08-2008
مجموع المشاركات: 3679
Quote: ما عارف الحنان يا عمر، لكن الشيء الواضح انو الرجل أجمل بمراحل من المرأة. أقصد الجمال الشكلي والروحي لو نظر مخلوق لا تتحكم في حكمه الهورمونات للرجل والمرأة من نفس الاثنية لرأى المرأة الجميلة في تلك الاثنية كائنا قبيحا مترها تبرز منه زوايد غير متناسقة، ولرأى كائنا يشبه دغمسة الرقم تمانية الانجليزية، ، ولرأى الرجل كائنا جميل البنية الجسدية يحاكي جمال ذكور الحيوانات، التي نتفق نحن بعد أن نجرد هورموناتنا من الحكم، بأن ذكور جميع الحيوانات تتفوق على الأنثى المبهدلة تفوقا جماليا لا يقبل المقارنة
كون الرجل أجمل شكليا من المرأة دي بتفق معاك فيها 100% والدليل انه المكياج اتعمل للمرأة عشان يحسن مستواها الجمالي بينما الرجل ظل مقتنعا بالهو فيهو .. الا من أبى . أما زوائد المرأة فشخصي يعتبره نوع من الزينة التي منحتها لها الطبيعة، مثلها مثل نتوءات الطبيعة الخلابة، مثل ركاميات السحب مثل الهضاب والجبال والاودية .. إذا استوت لما أعطت غير شكل ماسخ وممل .. حتى تضاريس الرجل ان لم تزينها الزوائد والعضلات -من غير افاضة- لبقي كالخط المستقيم، مجموعة من النقاط اولها كآخرها اقول قولي هذا كنظرة محايد مجرد من الهرمونات .. وعندما أضيف بعضها أجدك بمية مرأة من حيث الحقوق الواجبات، وبالمناسبة جملة الحقوق هذه ناقشتها في قصة (حقوق الحيوانة) بمفهوم قريب من استنارتك اعلاه.. ولكن للأسف لم يفطن لها أحد
سلامات اخونا حاتم .. كلامك فعلا حكم .. ويستحق أن نختم به اعترافاتنا بحقوق المرأة..
Quote: عمر التاج وضيوفه مساء الخير غايتو الرجل دا حنانو ذاتو وراهو مصلحة لووول
الحنان المجاني دا بتتفرد بيهو المراة الام وما براها بل جميع اناث الممالز حتة الجمال دي يا ابوبكر اتفق معاك فيها وبرضو بي سببها التشويه الجسدي للانثى دا ضريبة تطور لازم يسمح بولادة الشافع اب راسا غليد هسي لو كان التطور وقف على الهيرمافوردايت كان الذكور اكلو نيم
الجمال الجسدي والخارجي اكثر ملاحظة في ذكور الطيور
سمعت او شوفتا رقصة للفلاتة الامبراروا
ديل تقليد عديل كدة لمواسم تزاوج الطيور
تحياتي واسف على الفتلة
حنان الرجل غالبا من اجل مصلحة ، ولكن لا يعني خلو العالم من الرجال المترعين بالحنان الطبيعي الذي يشفي جروح الطبيعة .. الحنان والحب هو تفرد الهي وهبة روحية لا يتدرب عليها الرجل ولا يكتسبها بالتواتر .. بل هي طبيعة طبيعة حمامة البروفايل عندي .. وهذا لا ينفي تفرد حنان الرجل أحيانا باناث معينة ..
09-21-2016, 09:07 PM
عمر التاج عمر التاج
تاريخ التسجيل: 02-08-2008
مجموع المشاركات: 3679
شكرا للاميرة على التحف الفنية الجميلة في حق الام .. فالام أنثى لاتتكرر والاخت والزوجة والابنة، كما في القصاصة اعلاه مفاتيح حياة الرجل
Quote: يا أمي:
يا زهرة في جوفي قد نبتت ، أعرف كم تعبت ِ من أجلي ، وكم صرخةَ ألم ٍ سببتها لكِ ، أعرف أننـي عشت في أحشائك ِ .. أكبرُ .. وأكبرُ ..وأعرف أنك لازلتي ترويني بحناكِ .. يا درة البصرِ ، يا لذة النظر.. يا نبضي .. لكم ضمتني عيناكِ ،و احتوتني يمناكِ .. وكم أهديتي القٌبلَ من شهد شفتاكِ .. لأرقد ملء أجفاني ... وأرسم حلو أحلامي .. وكم أتعبتِ من جسد ٍ، وكم أرّقتِ من جفنٍ .. وكم ذرفتِ من دمعٍ لأهنأ وأعيش في أمن ِ ، ويوم فرحتُ لا أنسى صدق بسماتك و تغاضيك عن آلامك .. ويوم أروح لا أدري طريق العَوْدِ يا أمي... فلن أنسى خوف نبضاتك.. و يوم أكون في نظرك .. تضميني إلى صدرك .. واسمع صوت أنفاسك .. وألتف على أغصانك .. أعيش نشوة العمرِ ..
والله يديك الصحة والعافية
ونزيد عليها ما قال نزار للمرأة خاصته ..
ولك عزيزتي المراة كل الود التقدير وبراميل من الحنان.
09-22-2016, 07:21 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
Quote: قامت قرت الكلام المكتوب و تسألت هل النساء ديل ما خشوا الحمام ما صلوا... ما فطروا و اتغدوا... اكيد عملوا ده والسؤال لييه ما كتبوه؟؟؟؟ ثم بدت تجاوب ....
تصدق يا حامد في نساء كالجاريات فقط ؟!!! يعني الواحدة من تقوم لاتنوم ما عندها شئ بتعملوا لي نفسها كل جهدها ووقتها في البيت وسكان البيت من رجل واطفال ؟ هههههه حقيقة حاجة محيرة يعني اقول ليك بسمع شكاوي بعض مرات من بعض الاخوات من ازواجهن حتي في الويك اند هم قاعدين متفنيين في الكوتشينة ولا الهروب من البيت بساعات طويلة عشان الاطفال ما يزعجوهو !! حقيقة الشركة الزوجية بقت عبارة عن اتكالية مفرطة من طرف الرجل للمرأة يعني بدل تكون شراكة وتعاون بين الاتنين في المهمة والمسؤلية بقت من طرف واحد اللهو المرأة دا هنا البقلل حب وحنان المرأة من قبل الرجل فعشان كدا سيبوا الشكية وانتبهوا للاسباب الاساسية لقلة حب المرأة ليكم .
وشوشة : الحنان داير ليهو زمن الزوجة تلقي ليها زمن من وين ليكم طالقين فيها دقشة العيال غايتو ياود التاج بقي عليك المثل ( دقاني بقي وسبقي اشتكي ) ولا اقول ليكم كل الرجال الجوا مرور بهنا !
عمومآ لازمن تعرفوا : (( اذا احبت المرأة الرجل اعطته الدنيا واذا كرهته حرقت به الدنيا )) مثل اوربي والاوربين عمرهم ما بكذبوا عشان كدا بخافوا موت من زوجاتهم ههههههههههههههههههههههههه
ولي عودة ,,,
09-22-2016, 08:40 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 11291
العزيزة منى(مثل اوربي والاوربين عمرهم ما بكذبوا عشان كدا بخافوا موت من زوجاتهم ) هم الاوروبيين براهم البيخافوا من زوجاتهم؟؟؟؟ ههههه و الله ضحكتيني إنت ما عارفة حاجة بالحاصل عندنا .... نحن فايتين الاوربيين غادي ب بي حمرة العين في الفاضي و تعلية الصوت للعيال؟
09-22-2016, 04:24 PM
عمر التاج عمر التاج
تاريخ التسجيل: 02-08-2008
مجموع المشاركات: 3679
مساءكم صحة وعافية بدون فرز .. ماقلناه كله كوم، ووالسطر الأخير من الدراسة كوم لوحده: (وتؤكد نفس الدراسات أن النساء اللاتي يعشن حياتهم بدون زواج تكون صحتهن أفضل)
.. .. أجي يا أمي الورطيني؟
09-22-2016, 04:57 PM
عمر التاج عمر التاج
تاريخ التسجيل: 02-08-2008
مجموع المشاركات: 3679
يا عمر التاج الحمامة في بروفايلك يتمثل المرأة وحنانها.. فهذه الحمامة تحتضن صغارها بين جناجيها لتحميهما من البرد والمطر وكذلك من أي خطر..فهذه الحمامة تمثل لنا ذروة الحنان والعطف.. والمرأة كذلك مليئة كلها بالحنان والعطف... والله يديك الصحة والعافية https://s-media-cache-ak0.pinimg.com/236x/9a/e4/fb/9ae4fb9c4ad3b83afee6b8627b8de26d.jpghttps://s-media-cache-ak0.pinimg.com/236x/9a/e4/fb/9ae4fb9c4ad3b83afee6b8627b8de26d.jpghttps://s-media-cache-ak0.pinimg.com/236x/9a/e4/fb/9ae4fb9c4ad3b83afee6b8627b8de26d.jpghttps://s-media-cache-ak0.pinimg.com/236x/9a/e4/fb/9a...fee6b8627b8de26d.jpg
تخريمة وهي سبب التعديل.. حاولت اجيب صورة الحمامة دي وفشلت لقصور في المعرفة التكنلوجية...
تتباركي يا بت عمسيب وتتعلي ان شاء الله . قولي امين..
Quote: حقيقة الشركة الزوجية بقت عبارة عن اتكالية مفرطة من طرف الرجل للمرأة يعني بدل تكون شراكة وتعاون بين الاتنين في المهمة والمسؤلية بقت من طرف واحد اللهو المرأة دا هنا البقلل حب وحنان المرأة من قبل الرجل فعشان كدا سيبوا الشكية وانتبهوا للاسباب الاساسية لقلة حب المرأة ليكم .
تصدقي انا اتخيلت الاسباب الاساسية لقلة حب الرجل ليكم هههه حقوق اللفظ ليكم نحفظه ليك.. فوجدتها نفس الاسباب الخاصة بالعكس.. فتيقنت أن هذه الشركة تتطلب مزيد من الاخلاص في العطاء المعلن والمستتر ومزيد من الاخلاص في الحنان الحقيقي ، وكل جنس بما يسر له من حنان واذا أردنا أن نلخص انواع الحنان والحب لكل جنس نقتبس ما يلي: .. .. المراه رقيقة المشاعر ومرهفة الاحساس جامعة الحب والحنان تمر بلحظات ضعف واحتياج للغير كائن خلقه الله حنون تتقلبه العواطف وتؤثر في كيـانه تعـاريج الزمان يبحث عن الملاذ والمأوى فلا يجد اكثر حناناً وعطفاً اكثر من صـدر رجل يشعر بالتزود من قوته لمواصلة الحياة دون عقد او تعقيد او هماً وغما واحزان × X × الفتاة من نعومة اضفارها وهي كائن ضعيف جسد بلا عظام يحتآآج لسند يقف عليه حتى يكتمل ذلكـ الجسد ~ فيكتمل ولكن ....! له قلب رقيييق لا يحتمل صدمات الحياة ! الفتــاة ورده تحتاج لشوكـ يحميها من عوآمل الحيــاة ~ آنهــا **1** نآآعم مهما عآآشة لاتستغني عنه ؟! نعم لآآستغني عن حضنه ! لآغنى عن حنــانه ! من قال انه جآآف من قال انه بلآ مشاعر! الرجل كتلة مشآآعر لكــن ... ! مشاااعره تجاه حبيبته .. {امــه ’’ اختــه ’’ ابنته ’’ زوجته } حنآآنه لآيعوض .. الرجل هو المادة الخام التي تعمل فيها المرأة اللمسات الأخيرة. الرجال يقولون في النساء ما يروقهم, والنساء يفعلن بالرجال ما يروق لهن الرجال يحبون بسرعة ويكرهون ببطء. الرجل المصاب بداء الحب يتحول من صياد إلى فريسة.
09-22-2016, 07:06 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
غايتو أنا ما بقدر أأكد كلام اي من فاضلابي أو أميرة بخصوص نوع الحمامة .. فإذا كانت حمامة ام فهو تجسيد حقيقي لحنانها المعهود، ويبقى السؤال اين ذهب الأب؟ أكيد مشى يلقط الحب (بفتح الحاء وليس ضمها هههههه) وإذا كان أب يبقى الام مشت وووووين؟ ده السؤال.
09-22-2016, 07:25 PM
عمر التاج عمر التاج
تاريخ التسجيل: 02-08-2008
مجموع المشاركات: 3679
ورغم السؤال يبقى كلام الأميرة الجميل فوق مستوى الحنان، بل قمة الحنان للحمامة، وكذا كل أم وأب لأبنائهم
Quote: يا عمر التاج الحمامة في بروفايلك يتمثل المرأة وحنانها.. فهذه الحمامة تحتضن صغارها بين جناجيها لتحميهما من البرد والمطر وكذلك من أي خطر..فهذه الحمامة تمثل لنا ذروة الحنان والعطف.. والمرأة كذلك مليئة كلها بالحنان والعطف... والله يديك الصحة والعافية
ونذكر هنا بما قاله العرب عن حنان المرأة والرجل: *الرجل الساذج يطلب من المرأة أن تحبه.. والمتمرس من يجعلها تحبه * الرجل هو المادة الخام التي تعمل فيها المرأة اللمسات الأخيرة. * الرجال يقولون في النساء ما يروقهم, والنساء يفعلن بالرجال ما يروق لهن *الرجال يحبون بسرعة ويكرهون ببطء. * الرجل المصاب بداء الحب يتحول من صياد إلى فريسة. * لكل رجل امرأة أحلام بعيدة المنال, تكون أحيانا موجودة على الأرض, وتكون غالبا في ضمير المجهول . * خاطب في الرجل عقله, وفي المرأة قلبها, و في الأحمق أذنيه. * الرجال يحلمون قبل الزواج, ويستيقظون بعده. * قوة الرجل في عقله، وقوة المرأة في دموعها. * اذا ابتسمت المرأة للرجل في الطريق جرى خلفها.... واذا ابتسم الرجل للمراة تمنت ... ان يجري خلفها .. : اذا اخفق الرجل في الحب تمنى ان يعيش اعزبا طوال حياته واذا اخفقت المراة في الحب اسرعت بالزواج من اول رجل تلقاه : اذا قوي شك الرجل بالمرأة ضعفت ثقتها في رجولته : اذا اخطأ الرجل فانه يندم واذا اخطات المراة فانها تقول آسفة... : اذا رأيت رجلا يفتح باب السيارة لزوجته فاعلم ان احدهما جديدة......... السيارة ..... او الزوجه : اذا خسر الرجل صديقه لأجل امرأة فانه يخسر المراة والصديق معا .. : اذا كــذب الرجل فإن الف امرأة سوف تصدقه واذا كذبت المراة فلن تجد من يصدقها : اذا اردت ان تكون محظوظا عند النساء فداعب المراة كالطفلة.... والطفلة كالمرأة : اذا احب الرجل اظهر حبه دون ابطاء اما المرأة فبعكسه تماما .. : اذا احب الرجل اصبح له عشر عيون واذا احبت المراة اصبح لها الف لسان !! : اذا تكلم الرجل حاول ان يكون منطقيا اما المراة فتحاول ان تكون جذابة : اذا توقف الرجل عن مغازله المرأة انكسر قلبها .. : اذا فهمت الرجال.... فادرس النساء : اسعد رجل في العالم هو ذاك الذي يكون الاول بقلب المرأة : اعتقد ان الرجال اقل كذبا من النساء باستثناء ساعة يغازلونهن فيها !!! : اغبى انواع الرجال ... الذي يقوم على حب امرأة لا تحبه : اغلب الرجال ينقصهم الخيال ... لذا يقومون مصمموا الازياء بسد ذالكــ الفراغ : اكثر ما تخشاه المراة من الرجل هو صمته واكثر ما يخشاه الرجل من المرأة كــلامها : التملك بالنسبة للرجل نهاية لكنه للمراة بداية .. : الحب خريف الرجل وربيع المرأة : الحب يستأذن المرأة لدخول قلبها اما الرجل فانه يدخله مسرعا : الرجال يحبون قليلا ....وغالبا والنساء يحببن كثيرا ...ونادرا : الرجال يقولون العلم قوة والنساء يقلن الجمال سلطان : الرجال تفهمهم النساء ولكن النساء لا يفهمهن.... الا النساء : الرجال هم السبب في عدم حب النساء لهم : الرجال منذ القدم يسألون.... والنساء يدلين باجابات كاذبه.. ومع ذلك لم يتعلم الرجال بعد : الرجال يطاردون والنساء يصطدن : الرجال يفعلون اي شيئ لاثارة المراة الجميلة والنساء يفعلن اي شيئ لاثارة الرجل غير المتزوج : الرجل في حبه يحب ان يعلم ما تفعله المرأة في حين تحب ان تنسى المراة كل ما تفعله : الرجل الذي لا يغفر للمرأة هفواتها .. لا يتمتع بفضائلها : الرجل المثقف جدا هو الذي وجد شيئا اكثر اثارة للاهتمام من النساء : الرجل رجل في بعض الاوقات والانثى انثى في كل الاوقات : الرجل الذي لا يعرف نواحي القوة فيه هدف سهل للمراة التي لا تعرف نواحي الضعف فيه : الرجل له مصباح هو الضمير والمرأة لها نجم هو الامل فالمصباح يهدي والامل ينجي : الرجل الذي تهابه الرجال....... تحبه النساء .. : الرجل جذع الشجرة وساقها واوراقها ... اما المرأة فهي ثمارها : الرجل باخلاقه .....لا بماله والمراة باخلاقها.... لا بجمالها : الرجل هو الذي يتصدى للفهد ويخاف من المرأة ... : الرجل لا يولع الا بالمرأة التي تحترم نفسها وتميز بين الطبع والتصنع : الرجل يفكر ثم يقرر والمرأة تقرر ثم تفكر ...!! : الرجل يخفي خيانته وراء ابتسامته والمراة تخفيها وراء دموعها !! : الرجل ارجوحة بين ابتسامة المراة ودموعها .. : الرجل القوي هو الذي يخضع المراة لارادته... دون ان يأمرها بذلك : الرجل يظل جاهلا بالصفات التي يكرهها في المرأة.... حتى يتزوج : الرجل الذي لا يغتفر عيوب المرأة هيهات ان ينعم بحبها : الرجل الساذج هو الذي... يطلب من المرأة ان تحبه .. اما الرجل المجرب فهو الذي ... يجعل المرأة تحبه : الرجال يصنعون عظائم الامور هذه حقيقة لكن النساء يصنعن الرجال هذه حقيقة ننساها دائما .. : اسوء انواع الرجال من لا يثق بامراته انه يحقر نفسه من حيث لا يدري.... : الرجل الذي لا يؤمن بحقوق المرأة انسان ينسى ان امه واخته وزوجته وابنته من النساء × X × اذا احب الرجل امرأة سقاها من كــأس حنانه واذا احبت امراة رجلا اظماته دائما ... : اذا فقد الرجل المرأة التي يهواها فانه يصعب عليه ان يجد غيرها بسهوله
09-22-2016, 07:30 PM
عمر التاج عمر التاج
تاريخ التسجيل: 02-08-2008
مجموع المشاركات: 3679
وقالــوا في الرجــل ........... - الرجال ثلاثة: إما صبي وإما غبي وإما نبي - كم ينمو غرور الرجل على شفتي إمرأة تقول له: أحتاجك - كم يظلم الرجل إمرأة وهبته حق السير فوق كرامتها - هناك كلمتان صغيرتان ممكن أن تضايقا الرجل: لاتفعل... توقف - أن رؤوس الرجال تتحرك من اليمين إلى اليسار إذا شاهدوا مباراة للتنس... وتتحرك من فوق إلى تحت إذا شاهدوا أمرأة. - يريد الرجل أن يكون أول حب للمرأة... وتريد المرأة أن تكون آخر حب للرجل - خمسة أشياء تحمد في الرجل وتذم في المرأة: الكرم... الاختلاط... الجرأة... الزهد... والخشونة - الرجال ثلاثة: رجل كالغذاء لاتستطيع الاستغنا عنه... ورجل كالدواء ربما تحتاجه يومآ... ورجل كالداء نعوذ بالله منه - كن لطيفآ مع النساء حتى تجمع المليون الاول... وبعد ذلك ستكون كل النساء لطيفات معك قالـــــــــــوا في الــمــرأة........ - المرأة جوهرة نادرة... تحتاج إلى غواص ماهر أننا نعيش في دنيا المرأة... إذا ولد الطفل سأل الناس عن صحة أمه... وإذا تزوج تحدثوا عن جمال العروس... وإذا مات سأل الناس كم ترك لأرملته - أجمل مافي المرأة أنها تستطيع أقناعك دون أن تفتح فمها بكلمة واحدة - إذا غضبت المرأة كسرت الجرة التي تحوي جميع أسرارها - أن تناقش أمرأة أشبه بأن تحاول قراءة صحيفة في يوم عاصف - لسان المرأة سيفها... ولكنها لا تدعه يصدأ - دموع المرأة وسيلة الهجوم على الرجل - قلب المرأة كلمة... وقلب الرجل جملة - آراء المرأة... أنظف... قطعآ من آراء الرجل... فهي تغيرها دائمآ - السبيل الاكيد لتصيب قلب المرأة ... أن تصوب وأنت راكع - مهما يكن غباء المرأة فهي تفهم الحب... ومهما يكن ذكاء الرجل فهو لا يفهم الا نصف الحب - تقسم المرأة عمرها على 2 وتضاعف ثمن فساتينها... وتضيف 5 سنوات إلى عمر أعز صديقاتها - أمرأة واحدة تعطيك الحياة... وبقية النساء يحاولن أخذها منك - المرأة الشيطانة إذا أحبت تقتل غيرها... والمرأة الريحانة إذا أحبت تقتل نفسها - المرأة لاترى عادة ما يصنعه الرجل من أجلها... وأنما ترى مالا يصنعه... والرجل لايصنع ماتريده المرأة من أجلها... وأنما من أجله - خير مرهم تمنع به المرأة تجاعيد وجهها هي القناعة - خير تاج تضعه المرأة فوق رأسها هو الوعي - خير ما تصبغ به المرأة شفاهها هو الصدق - لو أن الجميلات لا يتكلمن لأزددن جمالآ - نظرات المرأة أقوى من القانون... ودموعها أقوى من البراهين - قال أحد الرجال: خلق الله المرأة للتعامل مع ضعفنا وجنوننا... لا مع عقولنا - أقوى سلاح ضد المرأة... أمرأة أخرى - لكل شيئ في الوجود ثمن... الا قلب المرأة - حنان المرأة... أقوى من قوة الرجل - أن المرأة العظيمة تلهم الرجل... أما المرأة الذكية فتثير أهتمامه... بينما المرأة الجميلة لا تحرك في الرجل الا الشعور بالاعجاب.. ولكن... المرأة العطوفة الحنونة وحدها هي التي تفوز به في النهاية - المرأة كالشمعة .. أما أن تحرقك .. أو تنير لك طريقك
وانتى يا اللميرة القال ليك منو الحمامة الـ فى الصورة دى امهم ؟ مايمكن يكون ده ابوهم ,, ؟(QUOTE) ><<<<<<<<<<<><<<<<<<<<<<<<<<<<<><<<<<<<<<
طبعا مستحيل يكون ابوهم.. لأنو لو كان أبوهم كان حيكون شايل ليه سوط وبيدق فيهم..ومعقولة الأب بيكون عنده الحنان ده كله.. لكن حنان الأم ظاهر في عيون الحمامة.. والله يديك الصحة والعافية
09-23-2016, 06:43 PM
عمر التاج عمر التاج
تاريخ التسجيل: 02-08-2008
مجموع المشاركات: 3679
Quote: طبعا مستحيل يكون ابوهم.. لأنو لو كان أبوهم كان حيكون شايل ليه سوط وبيدق فيهم..ومعقولة الأب بيكون عنده الحنان ده كله.. لكن حنان الأم ظاهر في عيون الحمامة..
نيابة عن الفاضلابي اقول لربما لو كانت الام لكانت مشغلاهم مسح في بلاط العش .. عموما محور حنان الابوين على اطفالهم جزء بارز من موضوع البوست وقد تطرقت له عرضا في سؤالي عن من هو المفضل بين الولدين لدى الأطفال؟ ولنضرب مثلا بخروج كل منهما مشوار خارج البيت، من يتبع كلا منهما أكثر
09-23-2016, 06:51 PM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
Quote: وقد تطرقت له عرضا في سؤالي عن من هو المفضل بين الولدين لدى الأطفال؟ ولنضرب مثلا بخروج كل منهما مشوار خارج البيت، من يتبع كلا منهما أكثر
سلام يا بن عمى والناس السمحين بالملاحظة والتجربة ياعمر تجد البنات اكثر ارتباط بالأب بينما الاولاد اكثر ارتباط بالام ,, واظن ده شيئ طبيعى او ممكن تقول عليه لايناقِض مشوار الإنسان فى كل مراحل عمره الا فى اختلاف الجاذب والمُنجَذب اليه حيث يكون الإنجذاب عادة الى النوع الآخر وكأن مانمر به فى الصِغر ماهو الاتمرين على حبنا وسكوننا الى الطرف الآخر. ده اقتراحى فى الأضية يعنى. منى خلاس وكت حنك عضة الكلب دى ماك مقتنعابا ,, يكون الراجل السودانى بسرع قدام مرتو عشان يحجز ليها فى المواصلات.
09-24-2016, 07:10 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
Quote: بالملاحظة والتجربة ياعمر تجد البنات اكثر ارتباط بالأب بينما الاولاد اكثر ارتباط بالام ,, واظن ده شيئ طبيعى او ممكن تقول عليه لايناقِض مشوار الإنسان فى كل مراحل عمره الا فى اختلاف الجاذب والمُنجَذب اليه حيث يكون الإنجذاب عادة الى النوع الآخر
الانجذاب المتضاد ده بالمناسبة ماقاعدة ثابتة .. بل مجرد مكنة نسائية تبرر هروب الاطفال من البيت مع ابيهم عند اول فرصة خروج.. اخوي الكبير لو طالع البقالة ساكت الاولاد والبنات بسبقوه على الشارع بينما لو طالعة الام لاي مشوار بقولوا عايزين يقعدوا مع ابوهم .. شفت الفرق بين الحنان والحنين ههههه
09-24-2016, 08:52 AM
عمر التاج عمر التاج
تاريخ التسجيل: 02-08-2008
مجموع المشاركات: 3679
بعودة سريع للدارسة يتضح ان الرجل عموما يحن للمرأة اكثر عند غيابها.. بينما المرأة عموما تجد لا تفتقد لنفس الحنان عندما يغيب زوجها .. والمرأة السودانية خصوصا اذا غاب زوجها تعوض حنانه بسهولة من محيطها القريب: الدهيبات .. التياب .. الواتساب .. الشمارات .. الجارات والصديقات .. الحنة والمستحضرات .. الدخان والجبنات .. اخيرا الكوافير والوليدات .. متظومة متكاملة مثل هذه مؤكد انها كفيلة بان تنسي المرأة مش الحنان ..بل تنسى حالتها الاجتماعية نفسها . هذا على مستوى الشباب .. اما الحالة العمرية التي ذكرت كمثال لما فوق 55 فهي توضح بجلاء قنعان المرأة من زوجها تماما .. واحدة جارتنا خمسينية ما زالت تدسدس ثيابها الجديدة في انتظار خليفة العجوز الستيني.
09-24-2016, 04:05 PM
وضاحة وضاحة
تاريخ التسجيل: 01-16-2005
مجموع المشاركات: 9116
ود التاج بعد التحية قصدك بعض الرجال فعلا في رجال حنانون بدفق لما يخلى الواحدة تغمر لكن فى نوع تانى الله لا شبكوا في مراة النوع المر والئئئئيم داك البقول لى الواحدة تطيعينى وهو يكون لسة ما مسك يدها زاتوا زى دا يقولوا على شنو؟؟
09-24-2016, 06:16 PM
عمر التاج عمر التاج
تاريخ التسجيل: 02-08-2008
مجموع المشاركات: 3679
Quote: ود التاج بعد التحية قصدك بعض الرجال فعلا في رجال حنانون بدفق لما يخلى الواحدة تغمر لكن فى نوع تانى الله لا شبكوا في مراة النوع المر والئئئئيم داك البقول لى الواحدة تطيعينى وهو يكون لسة ما مسك يدها زاتوا زى دا يقولوا على شنو؟؟
وفقا لقانون النسبية يا صديقة فكل انواع المشاعر يتصف بها البعض وتسقط عن آخرين ولكن عند وضع حنانات الرجال في كفة وحنان النساء في أخرى فكفة الرجال اكيد سترجح .. رغم تفوق النساء العددي أما عن موضوع الطاعة فهو أيضا نسبي .. وعموما لا طاعة فيما فيه ضرر (قاعدة عمرية) الحب بالتاكيد مكمل للحنان والي هو متمم لمسك اليد وبعدها تعتبر الطاعة نوع من الحب المتبادل (ان المحب لمن يحب مطيع) فالمهم ان تبذلي الحنان باخلاص تجدي منه ما ان تغرقي فيه حتى تغمري فتموتي* والمطلوب من النساء عموما زيادة جرعات الحب في العالم حتى يحدث التوازن البيئي للعواطف .. .. * المقصود تموتي في الحنان بتاعك طبعا.
09-24-2016, 07:39 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
Quote: البقول لى الواحدة تطيعينى وهو يكون لسة ما مسك يدها زاتوا زى دا يقولوا على شنو؟
اها ياملكة الجماعة ديل عاوزين يتعرَّفوا على بعض برضو يا اميرة تقولى لى الرجل ما حنين؟ عليك الله يامنى شوفى الفلم كامل عشان تشوفى الزول التخين ده حنين قدر ايه.
09-24-2016, 10:14 PM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
يا فاضلابي : عليك الله يامنى شوفى الفلم كامل عشان تشوفى الزول التخين ده حنين قدر ايه. انت عارف يا فضلابي اكتر فئة حنينة ودموها قراب وظلها خفيف هم الناس الوزنهم تقيل والله زي ما اقول ليك . والكلام دا علي تجربة واحصائية عملتها بي نفسي لقيتهم هم اكتر فئة بتتميز بهذه الخصال .. العواطف الزائدة .. الظل الخفيف .
وتصبحوا علي خير ,,
09-25-2016, 08:56 AM
عمر التاج عمر التاج
تاريخ التسجيل: 02-08-2008
مجموع المشاركات: 3679
Quote: انت عارف يا فضلابي اكتر فئة حنينة ودموها قراب وظلها خفيف هم الناس الوزنهم تقيل والله زي ما اقول ليك . والكلام دا علي تجربة واحصائية عملتها بي نفسي لقيتهم هم اكتر فئة بتتميز بهذه الخصال .. العواطف الزائدة .. الظل الخفيف .
وتصبحوا علي خير ,,
هههههه ... مبالغو لكن يا منى.. الرجال السمان قالو ليهم عندكم كروش ما نافعين زي السوريين هههه وكان ضعفوا بتضعف معدلات الحنان عندهم .. يعني نطير ولا شنو؟ . . . لكن برضو بيني وبينك كدة، المرأة السمينة دايما بتكون طيبة لكن حنانها ما قستو
الفاضلابي الحبيب ، الفيديو ما شفته، لما أرجع البيت بدديك النجيضة، بس ان شاء الله يكون مليان حنان.
09-25-2016, 12:28 PM
عمر التاج عمر التاج
تاريخ التسجيل: 02-08-2008
مجموع المشاركات: 3679
كيف قيلت يا قريبي .. زمااان يا فاضلابي لمن تصب المطرة كنا بنطلع الشارع وندعو بقولنا (كيل يا مكائيل بالربع التقيل .. اسه زولتك في الفيديو داك شغاله بتكيل في الحنان بالنص التقيل هههه .. والرجل السمين (الحنين ياعملات بت عمسيب) شكله ممثل ظريف بذكرني بالفنان الساخر الراحل علاء ولي الدين على كل حال نوافقك على اهداء المشهد للاميرة وضاحة والامبراطوره منى والملكة أميرة عشان يعرفن الحنان على أصوله
سلامات يا وضاحة الخير .. --------------- هلا فيك وحباب السلام
---------------------------------- وفقا لقانون النسبية يا صديقة فكل انواع المشاعر يتصف بها البعض وتسقط عن آخرين
اكيد كا حال البشر ما كلهم واحد فيهم الزين وفيهم الشين اليئئئئئم
ولكن عند وضع حنانات الرجال في كفة وحنان النساء في أخرى فكفة الرجال اكيد سترجح .. رغم تفوق النساء العددي
حنان ابوى بس الحا يرجح هذه الكفة حبه لى الدتى المحظوظة انوا ربنا اعطها ملاك في شكل بشر ربنا يخلى لينا كمية من الحنان والحب لا تعد ولا تحسب وقلب زى الدهب
أما عن موضوع الطاعة فهو أيضا نسبي .. وعموما لا طاعة فيما فيه ضرر (قاعدة عمرية)
------------------------------- اخ منهم ياخى العمراب ديل دمرون بالقلب الحنين لكن فى نفس الوقت علمونا الانفة وعزة النفس والكرامة بالعربي كده مافى عمرابية بتتكسر لي راجل
الحب بالتاكيد مكمل للحنان والي هو متمم لمسك اليد وبعدها تعتبر الطاعة نوع من الحب المتبادل (ان المحب لمن يحب مطيع)
اكيد للبستحق وبتكون واثقة انوا بحبها لى زاتها وروحها مش للبلعب بالمشاعر ويكذب وببيع في اى لحظة زى ما بتقول جدتى بتكون لى زى القمة من اليد للفم
فالمهم ان تبذلي الحنان باخلاص تجدي منه ما ان تغرقي فيه حتى تغمري فتموتي
بزلت يعلم ربي كل طاقتى وقدراتى قلبي كنت بحسو عاوز يطلع من صدى من الحب بس طلع ماسورة 6 بوصة
والمطلوب من النساء عموما زيادة جرعات الحب في العالم حتى يحدث التوازن البيئي للعواطف
وانتوا المطلوب منكم شنو نحن بى طبعنا حنين ؟
09-25-2016, 04:45 PM
عمر التاج عمر التاج
تاريخ التسجيل: 02-08-2008
مجموع المشاركات: 3679
Quote: والله يا مك بتبالغ هو من ناحية حنين حنينوشكلو طيبان لكن محتاج ينزل الكرش والسمنة علشان الامور تمشي كويس هسي لو قالت لى شيلنى واجري بي بقدر يشيلها
المشكلة الأكبر لو هو القاليها شيليني وأجري بي
09-25-2016, 04:54 PM
عمر التاج عمر التاج
تاريخ التسجيل: 02-08-2008
مجموع المشاركات: 3679
Quote: حنان ابوى بس الحا يرجح هذه الكفة حبه لى الدتى المحظوظة انوا ربنا اعطها ملاك في شكل بشر ربنا يخلى لينا كمية من الحنان والحب لا تعد ولا تحسب وقلب زى الدهب
أبواتنا هم علمونا الحب والحنان، وأماتنا هن من اخترعن هذا الحنان ورضعنا منهن هذا الحب. الله يسعدك يا (أميرة) ويديك نسخة مصغرة من ابيك.
09-26-2016, 04:25 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
يشيلها ابـ نيف الـ تِحت القيف هى وكت شالوها كمان دايراهو يجرى بيها ياملكة ,, يجرى بيها ليه اصلهن فى الصفا والمروة ,, بمناسبة الصفا والمروة ,, واحد رسل لى صورة حاج افريقى يرمى الجمرات بى نِبلَة ,, هو ده شيطان ده ولا ام قيردون؟
09-30-2016, 08:12 PM
عمر التاج عمر التاج
تاريخ التسجيل: 02-08-2008
مجموع المشاركات: 3679
أبنيف ده الليلة نكتو من وين يا فاضلابي .. أكيد اختنا وضاحة ما خلت قاموس ما فتشتو فيه هههه . . وبمناسبة الشيل قال ليك رباطابية معاها راجلها ماشين في نص الهجير وهم صايمين ، المرة تعبت قالت للراجل شيلني .. قال ليها : انا صايم مابقدر أشيلك قالت ليه انا أسه قلتلك أكلني؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر التاج
عبدالله ود البوش
مني عمسيب
Hamid Elsawi
محمد عبد الله الحسين
عبدالعزيز الفاضلابى
Hani Arabi Mohamed
عبدالحفيظ ابوسن
طلحة عبدالله
الصادق صديق سلمان
أبوبكر عباس
محمد البشرى الخضر
Hatim Alhwary
وضاحة
فيس بوك
تويتر
انستقرام
يوتيوب
بنتيريست