الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: كُرنك أم خير (Re: انور الطيب)
|
في اليوم الآخير من رحلتنا أصر عمدة أم خير على وداعنا ، وداعا يليق بضيوف محترمين كما قال ، رغم أنه غير راض عن الخدمات التي تقدم لهم من أي جهة ولا يثق في أي جهة كانت إلا أنه قال أن الواجب يحتم عليهم احترام الضيف وإكرامه ولا يجب أن يخلط الناس بين عدم رضانا وبين إكرام ضيفنا ، إنها معادلة صعبة لا يمكن أن يفهمها أي شخص إلا شخص خبير ببواطن النفس البشرية.
*************************************************************************************************************************************** جميل هذا البلد بطبيعته وأهله.
ليتنا نحيا الإستقرار والسلام
شكراً الصديق :أنور
| |
|
|
|
|
|
|
Re: كُرنك أم خير (Re: محمد صديق)
|
الحبيب الاديب محمد صديق .. شكرا لمرورك البهي ، فعلا هذا البلد جميل بإنسانه وطبيعته .. وما ننشده السلام والإستقرار والحرية ..
| |
|
|
|
|
|
|
Re: كُرنك أم خير (Re: انور الطيب)
|
مافيش كل سنة وانت طيب ، والذي منو..!
عليك اللعنة ، ثم عليك اللعنة يا انور.. اظنها معايدة لم تسمع بها من قبل ، في حالك وابائك الأولين ، اصح يا صاحب..هي امامك ناضحة كما الملح الذي يدلق على الجرح النازف ، وانت تعرف ماذا يعني ان تدلق ملح على جرح نازف..!
كنت داير اقول ليك ، ولغاية اللحظة ح اقول ليك ، بعد ما تكمل النزيف عن الوطن العجيب ، ياخي توقف لحظة واكتب لينا عن عوضية عز الدين والعظيم ايوب فارس ، وكما حدثنا بعض من عيال بحرى الأنقياء (جمهورية بحري يا انور) ، ان سيدنا الجميل خضر بشير ، كان يقضي الليل ساهرا يمتع الجماهير بابدع الأغاني والمزيكا لغاية ما الشمس تشرق ، ولمن يقولوا ليهو : يا استاذ انت قضيت الليل غنا وتعبان ، كفاية امشي ارتاح شوية ..! يقوم عمنا خضر بشير ويقول ليهم: منتظر الصبحية البغني فيها ايوب فارس..!!! غايتو نحن ناس يا مؤمن يا مصدق ، الزول البيحرص انو يسمعوا خضر بشير ، فده زول مو هين..مو هين تب..!!
صاحبنا وصديقنا الجميل ، عبد الغني حسين (عبد الغني بريش فيوف) يكتب في هذا المنبر ، من اهالينا ناس مدينة الدلنج (ناس عمك ميرغني) ، ذات يوم هفت ليهو ومرق من علبو ، وكتب انسان امسودان في ذاتو (عبد الغني عامل فيها حركة شعبية ، وتلك جكة اخرى اعفينا منها الآن) ، كتب عبد الغني في الفيس بووك ، وجاب صورة عباس ، وسماهو (القانقستير).. أي والله العصابة واصل العصابة (بفهم اجرامي جنائي).. عارف عباس البتحدث عنو عبد الغني هو منو يا انور؟..هو عباس عقرب ، صاحب الميدان الشهير (ميدان عقرب)..شفتا عبد الغني ضيعنا قدر شنو يا انور؟.. لبقية الصديقات والأصدقاء..
الكرنك ، شكل هندسي ، عجيب ، لم تعرفه فلسفة الهندسة الحايمة اليوم في المشهد العالمي ، وكنت يا انور دايما اتساءل: لماذا نسى انسان امسودان بناء الهرم؟.. الكرنك حاجة بين القطية (مخروط اشبه بالهرم ) وبين الجاحوبة (بيت بيضاوي دائري) ، والمربع بتاع الثقافة القوطية..الكرنك حاجة هندسية براها ما انزل الله بها من سلطان..!!
ومثلما تذكر صاحبنا انور فكرة الكرنك وكتب عنها ، فنحن ، بعض ناس امسودان المفعوصين ساكت ، نذكر ان المنطقة التي ولد فيها انور الطيب ، هي اول منطقة في كوكب الأرض قدمت للعالم فكرة صناعة النسيج..!!!!!!!!!!! حاولت التضامن مع حاجة حواء (الفراشة) ، نادية ، عم ميرغني ، ولكن..!!
Quote: دِفرة منطقة جميلة ، كانت بخير قبل حفر آبار النفط فيها
|
ثم منظر الأبقار النافقة ، التي يحكي منظرها صديقنا انور الطيب..! ليس هو الموضوع مجرد وصف في حكي ادبي جميل يا من يقرؤون حروف انور هنا..!
دعونا نجرب مدخل اخر للقراءة ، مدخل نهرب عنه بقصد ، او بغير قصد..هل تأملنا اثار صناعة البترول في السودان؟..هل تأملنا الأثار البيئية الناجمة عن صناعة البترول(المنطقة الجميلة قبل البترول ، ثم المنطقة التي تمتلئ بالأبقار النافقة؟..نعم يا انور ، تصدق او لاتصدق ، قد يحزنون ويشرطوا قمصانهم من اجل طيور نافقة في الأسكا ، ولكنهم لا يدركون معنى ابقار نافقة حول دفرة..المنطقة الجميلة قبل صناعة البترول ، كما يحدثنا بطل الحكي هنا ، شفت نحن امة ضايعة قدر شنو يا صاحب؟!!)..
نعم يا انور ، بعض من الأوفياء من بنات وابناء المنطقة ، جمعوا الداتا ووثقوا للآثار الناجمة عن صناعة البترول في المنطقة (دفرة)..وهم يتابعون بحق وحقيقة..شفتا كيف يا صاحب ورطتهم؟..الموضوع مش حرب وسياسة فقط ، الموضوع بقى معركة وجود وقليل من يعرف المعنى الحقيقي..!!!!!
كادقلي ، يا انور ، هو جد صديقنا الأستاذة نور تاور ، وهي اعرف من يحدثك عن الأسم..
سعيد بهذا الحكي ، يا انور ، وحكمة قالها اصدقاءنا وصديقاتنا في المؤتمر السوداني : ان محنة اهالي امسودان ، هي انهم لا يعرفون بعضهم البعض..!
في حكي موازي ، لا ادري هل سيرى النور ام لأ ، احد بطلاتي كانت مكلفة بتفجير حقل دفرة.. ولكنها ، لتقدير خاص ، قامت زاغت..!!
ليه ناس الحركات المسلحة الحايمة هناك ، ابت تفجر صناعة البترول ، سواءا في دفرة أو غيرها؟..
الكرنك هين يا انور ، لو كان اتيح لبهنس الرقص في النقاقير في كيلك ام زقاف (رقصة الهياج كما يحدثنا استاذنا وشيخنا عبد القادر الكتيابي) ، لكان المشهد مختلف تماما..لكان المشهد مختلف تماما..!!
عليك اللعنة يا انور..
وما نحن الإ ولاد حرام ساكت يا صاحب.. لا احد يسمع ما يقولون ، لا احد يقرأ ما يكتبون ، الإ بعد صلاة العصر..!!
دعوة خاصة للأصدقاء ديرديري ودهب تلبو..للمرور من هنا..
دمت طيبا يا صاحب
دمت طيبا..
ولنا الله..!!
كبر
| |
|
|
|
|
|
|
Re: كُرنك أم خير (Re: Kabar)
|
الأخ محمد النور كبر ، أيضا دون معايدة والذي منو :) صدقا لم أتأثر بمداخلة على بوست من بوستاتي كمداخلتك هذه، التي شعرت بصدقها من بدايتها كما شعرت أنها أضافت لهذا البوست ورفدته بصدق كإرشادي إلى معنى كادوقلي وسوف أتواصل مع نور تاور حول التفاصيل، وتوضيحك لمعنى الكرنك بشكل أفضل مما تقدمت به، ولم أعرف حتى كيف أرد عليك ! هل اللعنة بلعنة أم بلعنات أخر ، لكن دمت دائما بألف خير ، وليتني أستطيع أن أكتب عن شخصيات من جمهورية بحري خضر بشير ، عوضية عز الدين ، أيوب فارس ، أبو داؤود وعمك سعد وأستاذ عزام والشوش و غيرهم الكثير وشاكر جدا لدعوتك لأحبابك المرور من هنا " ديرديري ودهب تلبو" ، فهذا شرف كبير ... لك مني عاطر التحايا وخالص الشكر وسنتواصل يا جميل دون شك طالما في العمر بقية
| |
|
|
|
|
|
|
|