|
Re: لو خايف على ردودك تتأستك ... تعال رد هنا ... (Re: يحي قباني)
|
Quote: 1بصراحة الاستيكة بقت بايخة لحد مزعج ...
أي زول بقى داير يقــيِّــــف البوست حقه على مزاجه ...
كمان ما كل الناس زي ابوجودة عندها نفس تفتح بوست كامل احتجاجاً على ردودها الانمحت ...
فهنا بوست ( موحد ) ... تمشي لي فرانكلي مثلا تقراً ... ولو داير ترد علي شي هناك ما على هوى سيد البوست ... |
شكرا لك يايحي وكل سنمة وانت طيب الاستيكة مابستعملها الا الجبناء المزنوقين ومقبقبين وعاجزين من الردود وعلي راسهم فرانكيلي
| |
|
|
|
|
|
|
Re: لو خايف على ردودك تتأستك ... تعال رد هنا ... (Re: باسط المكي)
|
رمضان كريم يا باشمهندس لك ولكل المشاركين معك الاستيكه فكره غير صائبه افقدت المنبر مساحه من الحريه كانت تميزه بكل ما فيها من مخاشنات بين المشاركين وحتى الذين يساهمون بنقد رصين سليم من الابتذال لاتسامحهم استيكه ضيقه الصدر استغلالا ل خاصية المسح التى وفرها صاحب الحوش ليريح نفسه من كثره الشكاوى والبلاغات طالما هناك رأى يكتب فى العام لابد من حفظ حق الرد العام ايضا وهو ما لايحدث هنا تحولت فكره الاستيكه لاداه دكتاتورية تكشف عن ضيق صاحبها ب وجهات نظر مختلفه ويحجب بها حجج ناصعه تهدم وتهزم فكرته لاحظت فى الفتره الاخيره كثره استخدام الاستيكه ل مساهمات جيده دون تحرج أو تفسير من صاحب البوست سوى انه (سيد الكوره يشيليها ويمشى ) حده الطبع المميزه كان لها ان تهذب لتلبس ثوب المدنيه الماهل و الحافظ لارواح وبلاد كما اثبتت التجربه وشيدت بها حضارات ورفاهية قسمت العالم إلى متناقضات جارحه وهو امر لن يتأتى إلا بمشقه الخوض فى حوار مفتوح بين الفرقاء بكل تفلتاته المصاحبة وهى جزء من سلوك التعليم للممارسه مغيبه فى عالمنا بفعل السلطه والتسلط ولا عذر لمن وجد المقدره التقنيه والمكانيه ليرتفع بافقه إلى مدى واسع يحفل ب الاختلاف اضاءه للفكرة نفسها وعوضا عن هذه يختبى خلف استيكه غاضبة فى سلوك طفولى فج الاستيكه تفسد التوثيق للمنبر وتقطع تسلسل الافكار المطروحه وكأن سيد الحوش يتنازل من أجزاء فى منزله وهو لايدرى من رأى أن يجمع الاستيكات فى درج مكتبه ولايستخدمها إلا فى ضرورى قصوى مثل فكره الخور كحل نهائي ل تجاوزات من بعض الأعضاء وهو امر لايحدث كل يوم ولن يكون مبرر لقمع الرأى المختلف بمظنه الحريه ترسيخا لسلوك ديكتاتورى عبدالرحيم
| |
|
|
|
|
|
|
Re: لو خايف على ردودك تتأستك ... تعال رد هنا ... (Re: يحي قباني)
|
دا شنو يا خال ..؟؟؟ كمان جابت ليها سرقة نتائج (على قول قريبتي) .. ؟؟ اول ما ظهرت الاستيكة و بعضهم فرح بيها .. بقيت حريف و فتحت بوست بعنوان ***** مداخلاتي ***** اكتب فيه المداخلات عن بوستات متوقع فيها استكت مداخلتي ...
بالله ود اختك مش حريف .. 😂😂😂😂
| |
|
|
|
|
|
|
Re: لو خايف على ردودك تتأستك ... تعال رد هنا ... (Re: أحمد الشايقي)
|
قباني ياغالي سلام وتقبل الله منكم الصيام وجعلنا الله واياكم من عتقاء الشهر الكريم وحضرت هنا لأقدم لك اعتذار عن مااصابك من سوء قول في بوست دكتور سيف المحذوف ومثلك لو في شوية فهم ولوكان السودان مثل زمان لايسمع مثل ذلك القول ولَك العتبي حتي ترضي ياراقي .
-------- يعلم الله غير الاحترام مافي شي جابني لييك
| |
|
|
|
|
|
|
Re: لو خايف على ردودك تتأستك ... تعال رد هنا ... (Re: منتصر عبد الباسط)
|
Quote: الحاجة المحيرة إنو فرانكلي لسع حافظ للأعضاء القدامة العشرة |
يا منتصر كيف حالك وتحية لأستاذنا قباني والزوار الكرام الزول دا دفعتي أنا من الخلوة والكتاب والأولية والوسطى والثانوي والجامعة وما بعد الجامعة لكن دا كلوا ما شفع لي * إلا أن وجهة نظري ثابتة: المعدة بيت الداء، والحمية رأس الدواء تهنئة بالشهر الفضيل * سودان نت 1998 ___ الحليلة
| |
|
|
|
|
|
|
Re: لو خايف على ردودك تتأستك ... تعال رد هنا ... (Re: محمد المسلمي)
|
Quote: قباني ياغالي سلام وتقبل الله منكم الصيام وجعلنا الله واياكم من عتقاء الشهر الكريم وحضرت هنا لأقدم لك اعتذار عن مااصابك من سوء قول في بوست دكتور سيف المحذوف ومثلك لو في شوية فهم ولوكان السودان مثل زمان لايسمع مثل ذلك القول ولَك العتبي حتي ترضي ياراقي .
-------- يعلم الله غير الاحترام مافي شي جابني لييك |
تسلم يا غالي يا اخو الغالي ...
الاحترام متبادل يا مسلمي ... و يجب ان يكون كذلك حتى لو اختلفت الناس ...
و شاكر شعورك و يا اخي لا اعتذار بيناتنا ان شاء الله ...
قبعنا فوق هذه ( الدنيا ) اكثر من خمس عقود و نصف ... فماذا بقى لنا و لم نراه :)
تلك اعتبرها لحظة اعمي فيها البصر و تحركت دواخل غير منضبطة فأفرزت سموم لن تضر الا بصاحبها ...
| |
|
|
|
|
|
|
Re: لو خايف على ردودك تتأستك ... تعال رد هنا ... (Re: ABUHUSSEIN)
|
Quote: دا شنو يا خال ..؟؟؟ كمان جابت ليها سرقة نتائج (على قول قريبتي) .. ؟؟ اول ما ظهرت الاستيكة و بعضهم فرح بيها .. بقيت حريف و فتحت بوست بعنوان ***** مداخلاتي ***** اكتب فيه المداخلات عن بوستات متوقع فيها استكت مداخلتي ...
بالله ود اختك مش حريف |
من يومك واعي ...
بس انت رجل محلي ... فكرت في ردودك و رقبتك بس ...
و الاستيكة ما كانت مستفحلة زي الان ...
انا زي ما تقول مرقت بالفكرة للعالمية ...
بعدين فكرتي مختلفة عن انك تجمع ردودك ...
فكرتي تشمل انو من هنا ممكن تعرف الحاصل في المنبر شنو ...
فخليك مع الزمن يا ود اختي ...
| |
|
|
|
|
|
|
Re: لو خايف على ردودك تتأستك ... تعال رد هنا ... (Re: يحي قباني)
|
Quote: الاستيكه فكره غير صائبه افقدت المنبر مساحه من الحريه كانت تميزه بكل ما فيها من مخاشنات بين المشاركين وحتى الذين يساهمون بنقد رصين سليم من الابتذال لاتسامحهم استيكه ضيقه الصدر استغلالا ل خاصية المسح التى وفرها صاحب الحوش ليريح نفسه من كثره الشكاوى والبلاغات طالما هناك رأى يكتب فى العام لابد من حفظ حق الرد العام ايضا وهو ما لايحدث هنا تحولت فكره الاستيكه لاداه دكتاتورية تكشف عن ضيق صاحبها ب وجهات نظر مختلفه ويحجب بها حجج ناصعه تهدم وتهزم فكرته |
المشكلة يا عبد الرحيم ...
ما في أي حل بيرضي جميع الأطراف ...
الناس جننت بكري انو الناس بتبوظ البوستات بمداخلات غير لائقة ...
و يرسلوا ليهو انو يمسح و يشيل ...
بكري ما بقدر يلحق هنا و لا هناك ...
قالوا جيب ناس تساعدك ...
عملها زمان و ما نفعت ...
قام ريح راسو و قال كل زول يتحكم في بوستاته ...
اها نفوس الناس دي بكري يتصرف فيها كيفن ؟
| |
|
|
|
|
|
|
Re: لو خايف على ردودك تتأستك ... تعال رد هنا ... (Re: يحي قباني)
|
قباني يا هندسة
ما عارف ليه لكن بوستك دا ذكرني بمقهى الحزن والبكاء في الصين
Quote: ويوفر المقهى للزبائن، المناديل، وزيت النعناع لتخفيف آلامهم، كما يقدم البصل والفلفل الأحمر لمساعدة الذين يرغبون فى ذرف الدموع.
|
يجمع بين جنباته كل الحزانى كما هو حال بوستك مع الاعتبار للفرق في (مضمون اللّمة)
مودتي
| |
|
|
|
|
|
|
Re: لو خايف على ردودك تتأستك ... تعال رد هنا ... (Re: يحي قباني)
|
Quote: أي زول بقى داير يقــيِّــــف البوست حقه على مزاجه ...
كمان ما كل الناس زي ابوجودة عندها نفس تفتح بوست كامل احتجاجاً على ردودها الانمحت ... |
سلام قباني، والله المسح حار | يبدو لي الناس زعلها في الأساس بيكون في أعلى درجاته إذا حصل المسح في وقت مبكر لأنو معظم الناس ما بتكون شافت المداخلة الممسوحة خاصة في مناطق فرق الزمن فيها كبير.
احتمال لو أخونا بكري لقى طريقة فعل بيها اسكربت يؤخر المسح لفترة 48 ساعة مثلاً يكون ريح ناس كتيرين ففي مداخلات القصد منها المكايدة واعتقد 48 ساعة كافية عشان تعمل الأثر المطلوب ههههه، أما إذا كانت المداخلة الممسوحة متعوب فيها فغالباً الناس حتساند الضحية وتلوم المساح.
مداخلة أبوجودة أنا ما شفتها، لكن عشان يتفضح المساح (أو المتعدي) بقترح مع مسح أي مداخلة تظهر أيقونة أو مثلاً عنوان البوست يظهر بلون مميز أو ينطط على الشاشة عشان خلال الفترة 48 ساعة أعلاه كدة من السهل نعرف المسح مدور وين الأسبوع دا ههههه
--------- الطريقة التانية الفكرت فيها إنو زي ما الواحد عندو كوتة بتاعة مداخلات يقوم بكري يديهو كوتة مقاشيش مثلاً 10 في الشهر تسقط تلقائياً بنهاية الشهر، لأنو في ناس اقتصاديين بيقوموا يصروها، لكن برضو كويس إنهم ما حيستغلوها.
لكن إذا اي واحد وضع نفسه مكان سيد الموقع فمن الصعب جداً يحكم على الخلافات ويقرر بناء على رؤيته بدون حساسية. |
| |
|
|
|
|
|
|
Re: لو خايف على ردودك تتأستك ... تعال رد هنا ... (Re: حاتم إبراهيم)
|
تحياتي اخي قباني ورمضان كريم كان في بوست تاني ما متذكر صاحبه برضه بنفس الفكرة فعلا الاستكة افقدت البورد روحه ومعناه ولما قلنا كدا زمان قالو كفرتو تخيل فرانكلي كان فاتح بوست عن حوجتنا لثورة على انفسنا لتقبل الحوار قلت ليه كيف تدعو لثورة لتقبل الحوار وانت بتاستك اي مداخلة حتى لو كانت في حدود اللياقة تخيل مسحها والبوست عن ثورة الحوار فتأمل على راي ملاسي
| |
|
|
|
|
|
|
Re: لو خايف على ردودك تتأستك ... تعال رد هنا ... (Re: محمد أبوالعزائم أبوالريش)
|
قبل ما اواصل الردود عليكم يا احبة ...
حقو ما نركز في حتة فرانكلي دي كتير ...
السؤال هو ... هل نحكم انو البوست سيتعرض من صاحبه للأستكة بمجرد قراءة اسم صاحب البوست ؟
و لو افترضنا انو صاحب البوست Repeated Offender و كاتب كلام يستحق الرد ... نقوم ما نرد؟
ولا الاحسن نجي هنا و نرد بي راحتنا ونوصل فكرتنا ؟
كمان في مقياس تاني للتعرف على البوست المأستك ...
لو مثلا يعني لقيت البوست كاتبة واحد في كتيبة المشاه ... و كل الردود من نفس الوحدة ...
تعرف القصة فيها انّ ...
لأنه ما ممكن ما يجي واحد من المظلات او المدرعات يرد؟ ان شاء الله حتى من فرع التوجيه المعنوي ... ما ممكن كلها مشاه ... !!!
| |
|
|
|
|
|
|
Re: لو خايف على ردودك تتأستك ... تعال رد هنا ... (Re: يحي قباني)
|
يا قبة دي مداخلة أستكها فرانكشتين في بوست بتاع الامام الشافعي والرأي الآخر بارك الله فيك الشيخ المجاهد كمال فرانكلي وانا أشهد انه ما ذكر امامي الحوار وإدارته واحترام الرأي الأخر إلا ذكرتك والرماح نواهل وانت تضرب مثلا للديمقراطية الحقة فسر ولا تلفت للمغرضين مثل ودالمدير وغيرهم من أعداء الحوار الغلب شيخه وجزاك الله خيرا
| |
|
|
|
|
|
|
Re: لو خايف على ردودك تتأستك ... تعال رد هنا ... (Re: muntasir)
|
الاخ قباني تحياتي وسلامي المنبر فقد بريقه بسبب هذه الاستيكة اللعينة التي افقدت المنبر الحوار ،وغياب الحقيقة لان الحقيقة هي دائما وليدة اختلاف الراى لايجليها الا قرع الحجة بالحجة والبرهان بالبرهان . وهذه الاستيكةجعلت من من يتحكم بها هو الذي يدير دفة الحوار حتي لو كان علي باطل ،فاي اساءة مردود عليها وتظهر الجانب السيئ والنفسئ للشخص المسئ ،مسح المداخلات التي لاتنسجم مع افكارنا عيب كبير وعدم فهم لمعني تلاقح الافكار واختلافها .فاسلوب اسلوب ضيقي الافق وعاطلي الموهبة .
لك مودتي
| |
|
|
|
|
|
|
Re: لو خايف على ردودك تتأستك ... تعال رد هنا ... (Re: يحي قباني)
|
هلا بك أيها العزيز يحــيى قبــاني، ويا أهلاً بي المتداخلين ..
شكراً على الفكرة العادلة، وذلك لتطييبها خواطر الحاردين من بوستات المؤستكين أولاد الشموليين!
سآتي بأي مداخلة لي تتأستك، إلى هذا البوست ..
ومع ذلك، لي ملاحظة:
بالأكيد، فإن عدد المؤستكين قليل! ولكن المؤستك البرنجي، لابد من طرده من هذا المنبر العام شــرّ طَردة، عند وصول عدد ممسوحات المداخلات في بوستاته إلى عشرة مثلاً ..! إيه رأيكم؟
عزيزي حاتم، مداخلتي، وضعتَ فكرتها، بعد أن مسحها فرانكشتاين، بصدر بوستي..
الغريبة، هو بعد داك خلّ عنْ بوسته!!!
عالَم لخابيص بششششكل!
| |
|
|
|
|
|
|
|